رواية ولكنها أمي الفصل العاشر 10 بقلم مريم محمد
رواية ولكنها أمي الجزء العاشر
رواية ولكنها أمي البارت العاشر
رواية ولكنها أمي الحلقة العاشرة
عقدت ياقوت حاجبيها و قالت : روديسيا عرفت الإسم ده منين
هز مراد كتفيه و قال : مش عارف بس شوفته فى فيديو فاكرة لما قولتلك عايز اشوف فيديو عن أسماء بنات وقتها شوفت الاسم ده و عجبنى
أبتسمت ياقوت بإرهاق و قالت ببسمة : روديسيا ماجد
قال مراد برجاء شديد : ماما ينفع أشيلها علشان خاطرى
رد ماجد بلطف : مينفعش تشيلها دلوقتى يا حبيبى هى لسه صغيرة خالص
قال مراد بعند : لا أنا عايز اشيلها
تنهد ماجد و حمل الصغيرة بين يديه و وضعها بين أحضان مراد و مازال هو الآخر مُمسك بها .
_تلّمس مراد وجه روديسيا بإبتسامة و قال بإنبهار : الله دِ حلوة أوى
قبّلها مراد بحب قبلة طويلة و ماجد ينظر إلى ياقوت بنظرة ذات مغزى
قالت ياقوت : لا ده شكل روديسيا هانم هتخليك تحبها أكتر منى
تركَ مراد الصغيرة لأبيه و أحتضن ياقوت و قال بنفى : لأ أنا بحبك أنتِ أكتر حد فى الدنياأبتسمت ياقوت بحب لذلك الصغير الذى دومًا ما يجعل هناك شعور لطيف يداعب قلبها و خاصةً بعد أن أحبها أما ماجد فهتف بغضب مصطنع : أبعد عن مراتى يا مراد
أخرج مراد لسانه و قال بغيظ : دِ مامتى أنا و حبيبتى كمان
ضحكت ياقوت و قالت بتعب : أنا بحبكم أنتوا الاتنين زى بعض ارتاحوا بقى
رد ماجد و مراد فى صوت واحد : لا
____________________________
** بعد مرور يومان
هتف جياد بلهفة : مراد مراد
أنتبه له مراد الذى كان يبحث عنه و قال بإبتسامة : كنت بدور عليك
= مجيتش ليه امبارح و أول أمبارح كنت قاعد وحدى
رد مراد بحماس طفولى مع إبتسامة : ماما ولدت البيبي أول امبارح
صرخ جياد بحماس و قال : سميتوها ايه ؟
أبتسم مراد و قال : روديسيا عارف أنا اللى اختارت الأسم
ردد جياد بخفوت : روديسيا
ثم أكمل : أنا عايز أشوفها
قال مراد بسرعة : قول لعمو علشان يجيبك تشوفها
هز جياد رأسه موافقًا و قال : فيه مسابقة المدرسة هتعملها
هتف مراد بعدم إهتمام : مسابقة ايه دِ
= مسابقة سباحة و النهاردة آخر يوم علشان اللى هيشارك يسجل أسمه
أمسك مراد يده بسرعة و قال : تعالى معايا
و ركض به فى ممر المدرسة بينما جياد يجهل ما يفعله مراد فأمسك بيد مراد و قال : ثوانى أنتَ بتجرى كده ليه ؟
= علشان هسجل أسمى أنا بحب السباحة أوى
أتسعت عينا جياد و ظلا يركضان فى الممر معًا
= مس سندس ينفع أسجل فى مسابقة السباحة
أبتسمت المعملة بلطف بالغ و قالت بحنو : طبعًا
قولى أسمك أيه
قال مراد : مراد ماجد السيد
أبتسمت المعلمة و قالت : كده أسمك أتسجل يا كتكوت المسابقة بإذن الله يوم السبت بالتوفيق
هز مراد رأسه و خرج بصحبة جياد من الغرفة : مسجلتش ليه يا جياد ؟
= مش بعرف أعوم اصلا
ضحك مراد و قال : أبقى فكرنى أعلمك
____________________________طرق جياد باب غرفة والده و قال= بابا … بابا
هتف مصطفى من الداخل و هو يضع اللابتوب على قدميه قائلاً : أدخل يا جياد
دخل جياد إلى الداخل و قال : ممكن نروح عند عمو ماجد بكرة
أستغرب مصطفى و قال : ليه ؟
_ ماما ياقوت جابت بيبى و أنا عايز أشوفها
أبتسم مصطفى و قال : حاضر هتصل بيه و نروح
قفز جياد عدة قفزات متتالية و أحتضن والده قائلاً : شكرًا يا بابا أنا بحبك أوى
أحتضنه مصطفى و هو يتذكر آيات و كيف لو كان جياد سيقول ماما لها و عند هذه النقطة أتسعت أبتسامته
قال جياد بإستغراب : بابا هو حضرتك بتضحك ليه ؟
أفاق مصطفى من شروده و قال : مفيش حاجة يا حبيبى أنا بس كنت بفكر فى حاجة
جلس جياد على قدمي والده و قد ازاح اللابتوب قائلاً بعبوس : هى ماما لو كانت عايشة كانت هتحبنى
أغمض مصطفى عينيه بقوة و قال : أكيد ياحبيبى أدعيلها ربنا يرحمها
ثم أستأذن من صغيره بلطف أن يذهب لغرفته و أراح رأسه الى الخلف فإذا ب دينا تدخل إلى الغرفة كالعاصفة فتح عينيه بإستغراب و قال : فيه حاجة حصلت
قالت دينا بغضب و صوتٍ عالٍ و لم تعى ما تقوله : هو أنتَ اليومين دول مدلع جياد زيادة عن اللزوم ليه ؟
أجاب مصطفى ببرود : ده أبنى
هتفت دينا بصراخ قائلة : وهو كان فين أبنك ده من أربع سنين
وقف مصطفى قائلاً بغضب : دينا أحترمى نفسك و هحذرك لآخر مرة
و خرج من الغرفة صافعًا الباب خلفه
بينما وقفت دينا فى منتصف الغرفة قائلة : ماشى يا مصطفى باشا
= جياد ألبس هنروح لعمو ماجد
صفق جياد بحماس و أرتدى ملابسه سريعًا
نزل مصطفى و جياد من السيارة و هاتف ماجد و أخبره بأن يأخذ جياد
= ما تطلع يا مصطفى رايح فين
أعتذر مصطفى بلطف مع بعض العتاب الصغير من ماجد
= جياد حبيب ماما
أحتضنها جياد و قال : حضرتك كويسة ؟
هزت ياقوت رأسها بإبتسامة بينما هتف جياد بحماس قائلاً : فين النونو عايز أشوفها
أمسكتها ياقوت ووضعتها على ذراعيه و هى متمسكة بها لمس جياد خديه فتحركت روديسيا فهتف بفرحة : الله هى حست بيا
هزت ياقوت رأسها بإبتسامة جميلة و قالت : أعملك أكل ياحبيبى
نفى جياد برأسه رغم شعوره بالجوع و لكنّ ياقوت أحست به من حركاته
بعد مرور ساعة :
= حضرتك تعرف الأستاذ مصطفى هادى
أجاب ماجد للمتصل المجهول : ايوة
= الأستاذ مصطفى فيه عربية خبطته وهو دلوقتى فى المستشفى
دخل ماجد غرفته و أرتدى ملابسه على عجلة من أمره و ذهب إلى ياقوت ليخبرها ببعض الكلمات المختصرة و لكنه أستمع لصوت جياد خلفه يقول : بابا
=………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ولكنها أمي)
