رواية ولا في الخيال الفصل الأول 1 بقلم منى أبو نوفل
رواية ولا في الخيال الجزء الأول
رواية ولا في الخيال البارت الأول
رواية ولا في الخيال الحلقة الأولى
نور:ماما انا نازله تحت اجيب اندومي معلش اخر مره يدخل البيت يا ماما
سميحه:اندومي اي يا قلب امك اللي يدخل البيت!
نور:معلش يا ماما والله اخر مره
نزلت اشتري اندومي وشوفت واحد قاعد على كرسي وبيعيط رغم انه شاب كبير لكن بيعيط صعب عليا اوى وملقتش حل غير اني اروح اشوفه ماله!
نور:هو انت بتعيط ليه!محتاج مساعدة اقدر اعملك ايه!
غوري من وشي انتي مين انتي كمان!روحي شوفي وراكي ايه!
انا اتفزعت من رد فعله وعينه كانت حمرا من كتر العياط انا روحت السوبر ماركت سمعت كلامه واحترمت اسلوبه لان محدش عارف اللي في قلوب الناس
سميحه:البتاع ده ريحته وحشه
نور:اه
سميحه:اه اي!سرحانه في ايه يا نور!
نور:مفيش يا ماما انا نازله تحت شويه وراجعه
انا قولت اروح اشوفه راح فين او اشوف ماله حسيت موضوعه كبير..
انتي تانى!مش قولتلك امشي من هنا!
نور:محدش قدر يزعقلي قبل كده عشان تعلي صوتك عليا كده انت بس مهونتش عليا اشوفك كده وامشي عادي احنا بشر وبنحس والناس رايحة وجايه مينفعش كده
ياه انتي يا غريبه اول مره تشوفيني وصعبت عليكي!
نور:اه اساعدك ازاي!طب فيك اي!
انا اخترت المكان ده وجيت اعيط فيه من كتر الوجع اللي فيا جيت هنا عشان محدش يزعل عليا كفايه وجع لأقرب الناس ليا واسف علي اسلوبي معاكي سامحيني
نور:بسبب اي!وليه المكان ده!
انا باجي هنا عشان انا وحبيبتي كنا بنيجي هنا نقعد بالساعات نضحك ونهزر ولما تعيط اطبطب عليها واقولها كل حاجه هتعدي ومن يوم ما ماتت والوقت عندي مش بيعدي قلبي بينزف والله ومحدش شايف اللي جوايا
نور:مش خايف او مش محروج حد يشوفك فى الوضع ده ويقولوا في راجل بيعيط!
ميهمنيش حد اه بعيط عشان حبيبتي راحت وسابتني اه بعيط عشانها وقلبي مكسور في غيابها اه بعيط وعشان راجل بعيط عشانها
نور بدموع:ربنا يرحمها
حسن:ادعيلي انا ربنا يرحمني
انا مشيت من عنده وقلبي يكاد من الزعل إنهار هو في حد ممكن يتحب بالطريقة دي!مش عارفه اقول ربنا يرحمها ولا اقول يا بختها ان في حد حبها كده!
سميحه:كنتي فين!
نور:في الشارع يا ماما
سميحه:انا غسلت الأطباق وروحي المطبخ جهزي أكلك
نور:مليش نفس يا ماما انا داخله الأوضه أنام..
دخلت البلكونة اشرب فيها فنجان القهوة بتاعي ولقيت تحت البلكونة بنت واقفه هدومها متبهدله جامد وباين عليها المشقه وبترجف من البرد خدت الشال بتاعي ونزلت ليها لقيتها ماشيه وماسكه في ايد شاب لابس سلسله وشكله غريب وشعره طويل ولبسه ضيق جداً فضلت ماشيه وراهم لحد ما سمعته وقف
وقالها
متخافيش احنا هنقعد ربع ساعه وهنمشي جايبلك هدوم واكل كتير متقلقيش
ومسك ايديها وكمل مشي والبنت باين عليها في حاله توتر فضلت ماشيه وراهم لحد ما دخل بيت مهجور مفيش حد جوه ولا بره ووقفت عند الباب ولقيت البنت بتصرخ وبتقول الحقوني..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ولا في الخيال)
