رواية وكان هو قضيتي الفصل الثاني 2 بقلم مريم سمير
رواية وكان هو قضيتي الجزء الثاني
رواية وكان هو قضيتي البارت الثاني
رواية وكان هو قضيتي الحلقة الثانية
_انتي هتوقعي الواد دا عشان يعترف
=أحيه نعم !
_مهي هي دي الطريقه الوحيده وكويس انك مجتيش معايا اصلا عشان ميعرفكيش
=انت عاوز اي يبني بردو ؟
_هجمع معلومات عنه، علي بكره هكون جمعت المطلوب ونشوف الخطه الي هنرسمها عليه في القسم
=دا فيلم نازل امتي بقي ؟
_الترقيه يمريم
=اوكاي يمنتج أنا موافقه
ضحك _هتعرفي تكوني بنت !
=طبعا يبني و .. نعم يروح خالتك ؟
_انا كده اطمنت سلام أنا بقي دلوقت
قفل وانا رميت الفون علي السرير ، هو عشان مش بتصرف زي البنات وبلبس لبس ظباط ومليش في المياعه يبقي مش بنت ! يشيخ حسبي الله ونعم الوكيل فيك يشيخ ، نمت وصحيت الصبح ايوه يجماعه أنا غيبوبه وعندي طاقه انام اسبوع علي بعضه عشان دي مش حياه فيها نوم دي نوم فيه حياه والله، وحاجه في قمه الاهانه الله وكيل
صحيت فطرت وصليت ولبست وودعت ماما ونزلت ركبت العربيه وروحت القسم
_احيه ! تاني ! يوهههههه دي معتتش عيشه
=تاني؟ حادثه في ام عربيتي تاني ؟ انتي اي يبنتي عاميه !
_طب ولي الغلط !
=عربيتي مش بلحق أركبها كل يوم عند الميكانيكي
_قضاء وقدر ارضي بقي بلاش قرف علي الصبح، وبعدين تعالي نناقش القضيه انت لي بتركز في حاجات مش مهمه خالص كده !
نفخ وبصلي بغضب ف ابتسمت ابتسامه ساذجه ودخلت قبله القسم عشان مقتلوش ب المسدس الي في جيبي دا اه
_ها كنت قولت أي بقي في الفون يخفه!
=كنت قولت هتوقعيه بس اشك ، استني أنا متأكد أنك مش هتعرفي مش شاكك بس
_افندم !!
=عندك مرايا في البيت ؟
ضغطت علي اسناني _ممكن تهذب ملافظك !
=عشان صريح! مهي دي الصراحه
_دي وقاحه وقله زوق ، انت بتكلم بنت علي فكره !!
=بنت !! هي فين دي ؟
قومت من مكاني بحركه تلقائيه وطلعت المسدس من جيبي ولزقته في الحيطه وحطيت المسدس علي راسه
_انت تقصر في الكلام بعد كده تمم؟ الي بينا شغل وقضيه مش تقول رأيك فيا عشان في الزباله عندي واي تجاوز بعد كده شوفت المسدس دا؟ هخلي طلقاته تلعب استغمايه في راسك أمين؟
=تعرفي أن اول مره اعرف ان عينك حلوه !
بعد عنه _انت هتستعبط ؟ بقولك أي اقعد وشوف هنعمل أي تمم؟ والا ..
=من غير والا قعدت اهو
_كويس كده ، ها هعمل أي بقي واي المطلوب ؟
=بصي هو مش هيبات في الفله لغايه منخلص تجميع أدله وكده فهو نازل في اوتيل وعارفينه
_المطلوب ؟
=فيه خيارين ، هتكوني واحده من الاستقبال لا هتكوني نزيله وفي كلا الحالتين هتتشقطي و..
_مقولنا هذب زفت ألفاظك
=وهيطمنك ويحكي وانتي هتسجليله وبس كده اعترف
_فيه احتمالات تانيه؟
=يا اما هيكشفك ويقتلك وياريت يبقي الاحتمال التاني عشان نخلص
_يكشفني وإي؟
=سمعتيها صح اه هيقتلك
_عسل اوي احمد لا ولذوذ كده ، يقتل مين !!
=ثقتك دي جيباها منين ؟
_ما علينا ، هنبدأ من أمتي ؟
=حالا
_اي؟
=يلا بينا
مشي قدامي وانا متنحه ! دلوقت أي ؟ أنا عاوزة استقيل حسيت فجأه أن الكار دا مش كاري
_احنا رايحين فين !
=نشتري هدوم ليكي عشان تروحي الأوتيل
_اروح ! احمم هو انت مش جاي معايا !
=انتي خايفه ؟
_انا ! لا طبعا هنهزر
=انتي جبروت لي ؟ جاي معاكي وهكون علي اتصال بيكي ب السماعه دي إلبسيها يلا
_شغل افلام اوي بجد
=وصلنا يلا انزلي
نزلت من العربيه وانا فاتحه بوقي أي قله الادب دي ! هي فين الهدوم اصلا !
_هي فين الهدوم دي !
=قدامك أهي يلا اختاري
_دول مقطعين !
=اختاري حاجه مقفوله وطويله
_هنا ؟
=منا مش عارف محل غيره
..
_لو سمحتي البلوزة دي بكام ؟
*ب٢٨٠٠ يفندم
_نعم يروح النونه؟ انتي فكراني اجنبيه ولا ايي! ولا البدله الي لبساها دي مش ماليه عينك!
*دي الاسعار هنا يفندم والله
_لا أنا هشمع ام المحل دا لا
*ولي بس يفندم حصل أي دلوقتي!
_٢٨٠٠ ج أي أنا قبضي اصلا ٣٢٠٠ يعسل احنا هنصيع !
حسيت بشد في قفايا هو في أي !!
=انتي هتتشاكلي مع المحل كله !
_الجاكيييت سيب الجاكيت ، بلوزة أي الي ب ٢٨٠٠ ج انت جايبني فين يبني!!
=اسكتي خلاص انا غلطان اني دخلتك أماكن نضيفه
_يعم انشالله مدخلتها أنا ضغطي وطي بسببكم ، دا انا بجيب البلوزة ب ٤٠٠ ج وبكون عاوزه اعيط عشان غاليه و..
حط أيده علي بوقي وبص فوق بنفاذ صبر
=اسكتي بقي مبتعرفيش تسكي!!
_..
=شوفتي وانتي هاديه بتكوني كويسه ، هشيل أيدي وهنمشي بعد الفضيحه بتاعتك دي طبعا ، هنروح محل تاني بس اسكتي بقي
شال أيده من علي بوقه فبصتله بغضب
_لو الحركه ديي اتكررت هزعلك
=مريم اتفقنا انك هتبقي بنت !
_اوووف طيب ممكن بقي توديني محل تاني بدل مقتل البت دي واقتلك؟
=حاضر حاضر
روحنا محل تاني واخترت دريس ودخلت اقيسه
_ها حلو !
=..
_يبنيي!
=..
_احمد !!
=تحفه
_يعني نشتريه ؟
=حالا
ارتبكت من نظراته ف دخلت البروفه وابتسمت وبعدين اتعصب هو بيبصلي كده لي ويتنح ! أي الواد الي مش محترم دا بجد !!
حطيت البدله في شنطه وحطيتها في العربيه وركبنا ووصلنا الأوتيل
_هو الي في الصوره دا
=ايدا في أي
_اي!
=دا هيتحبس؟ طب والله مستخسراه في الحبس
_افندم !!
=لي دا يبقي قاتل لي بجد
_متتلمي يمريم !
=الاه وانت مالك ؟
_..
=المهم انت خلي دماغك معايا ، والسماعه متفارقش ودانك عشان نجمع اكتر مجموعه من المعلومات ، اوكاي؟
_طيب طيب
=يلا افوتك ب العافيه
_أيي؟
=افوتك اه
خرجت من العربيه ودخلت الأوتيل وقعدت في الريسبشن وجه ويتر قدملي عصير
_بس أنا مطلبتش حاج..
=تبع الظابط احمد ، خدي العصير والورقه بسرعه
خدت العصير والورقه وفتحتها قرأتها ، لقيت رقم غرفته واسمه وسنه و.. أي المعلومات دي كلها هو انا جايه اخطبه !!
_احمد سامعني ! الو الو حول
=يبنتي انتي عبيطه وبتتعالجي !
_اسكت هتلفت الإنتباه
=وحركاتك دي مش هتلفت!
_هنعمل أي دلوقت ، حول
ضحك =يبنتي ارحميني بقي ، أنا وراكي بس متبصيش
بصيت بتلقائية ورجعت بصيت قدامي تاني
=منك لله ربنا ينتقم منك
-خلاص يعم مكنتش بصه يعني !!
=اهو جه قدامك اهو
_اه شوفته
=وماسك عصير
_احمد حد قالك اني عاميه وبحسس !
=قومي اخبطي فيه ويكأنك مكنش قصدك
_ويكأنني !!
=قومي يلا
بلعت ريقي وقومت وقربت منه وبصيت الناحيه التانيه وخبطت فيه ف العصير وقع علي لبسه
_مش تفتحي يعاميه !
#وكان هو قضيتي 💙
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وكان هو قضيتي)
