رواية وقعني ظبوطه الفصل السادس عشر 16 بقلم منار مجدي
رواية وقعني ظبوطه الجزء السادس عشر
رواية وقعني ظبوطه البارت السادس عشر
رواية وقعني ظبوطه الحلقة السادسة عشر
فريده: مبسوطه
أسيل: مبسوطه اوى اوى
ساره:ياختى هو الحب حلو كده
أسيل: المفروض أنا إلى أسألك😉
ساره اتكسفت:قليله ادب
أسيل ضحكت:خدى يابت هنا انتى فهمتى ايه يا سا’فله
فريده ضحكت: قوليلى بقا عملتى ايه
أسيل:انبسطت اوى يا ماما اخواته لطاف اوى وحبونى وباباه طيب اوى اتكلمنا كتير اوى وعارفه ايه كمان معندهنش مشكله مع شغلى ومضايقونيش بكلمه واحده وهارون خلى باله منى كويس كنت مبسوطه اوى حاسه انى لما هنتجوز انا وهارون هنعيش فى سعاده للأبد.
فريده ابتسمت:ربنا يسعدك يا بنتى
دخلت أسيل اوضتها وغيرت هدومها وقعدت قدام المرايا تسرح شعرها وهى مبسوطه ومبتسمه
ساره دخلت وقعدت على السرير وراها:ها بقا احكيلى الفضول هيموتنى
أسيل ضحكت:ياااه ليه كل ده محصلش حاجه مهمه يعنى.
ساره:اممم عليا انا يا بت ده انتى عينيكى بتضحك من كتر الفرح
أسيل:قرى عليا بقا يا ساره
ساره:مش قصدى يالا بقا قوليلى
أسيل قعدت جنبها:اقولك لعبت مع يوسف كوره واكلت مع اخواته وهزرنا واتعرفت على باباه وأخواته
ساره:اممم بس
أسيل:الصراحه.
ساره:ايوه بقا
أسيل:هقولك عشان انتى حبيبى إلى حصل يا ستى هو أن…
تليفونها رن برقم هارون
أسيل ردت:ألو
هارون:نمتى
أسيل:لا لسه استنى لحظه احم ساره اظن ماما بتنادى عليكى
ساره😠:ماشى يا أسيل ماشى
أسيل بضحك:خدى الباب فى ايديكى
ساره رزعت الباب وراها
أسيل ضحكت
هارون بضحك:ايه الموضوع
أسيل:كانت بتجرجرنى فى الكلام
هارون:وانا انقذتك
أسيل:انت منقذى اصلا ديه وظيفتك
هارون:يعنى مش ظابط شرطه
أسيل:تؤتؤ منقذى
ضحكو سوا
بعد يومين
أسيل صحيت من النوم على صوت التليفون مسكته وردت.
أسيل:مين
هارون:لسه نايمه يا كسلانه
أسيل بطفوليه:حرام يا هارون سيبنى انام نمت متأخر امبارح
هارون:مانا كمان منمتش يالا قومى إجهزى عشان هنخرج
أسيل قامت بحماس:هنروح فين
هارون:انا اخدت اجازه وقررت هنخرج سوا الملاهى ايه رأيك
أسيل:قررت وايه رأيك طب ده سؤال وله بتعرفنى
هارون ضحك:ايه اخدت وظفتى وله ايه انا إلى بسأل هنا
أسيل ضحكت:أدى اخرت إلى بتخطب لظابط بقيت المحقق كونان إلى كنت بتريق عليه
هارون ضحك:طيب يالا قومى إجهزى وطبعا مش محتاجه افكرك هدوم واسعه وطويله وتلمى شعرك مفهوم
أسيل بزهق: عارفه عارفه ممكن اجهز بقا
هارون ضحك:اتفضلى
أسيل قامت وغيرت وجهزت ونزلت
هارون كان مستنيها اول ما نزلت فتح الباب ليها وهى ركبت
هارون:مش قولتلك تلمى شعرك
أسيل:مانا لابسه كاب يا هارون خلاص بقا.
هارون:مش هتحرك قبل ما تلمى شعرك
أسيل:يووووه اهو
قلعت الكاب ورفعت شعرها ديل حصان ولمته بخصله من شعرها
أسيل:خلاص كده كويس
هارون ابتسم:كده قمر
أسيل: نينينينى
هارون ضحك:يالا
أسيل:لو مفيش مانع يعنى
هارون اتحرك ووصلو الملاهى
أسيل مسكت أيديه بحماس:ها هنركب ايه بص انا بفكر نركب العربيات أو اقولك نركب الحصان إلى بيلف ده
هارون:تؤتؤ الاول بيت الرعب
أسيل 😮:بيت الرعب لا مع نفسك
هارون ضحك وشدها ودخلو وقعدو
أسيل:يا هارون بلاش والنبى
هارون:أسيل اجمدى شويه اهو اهو هنتحرك
أسيل مسكت فى هارون جامد وبقيت تغطى وشها فى دراعه لحد ما خلصو خرجو
أسيل مكنتش قادره تقف على رجلها
قعدها هارون وجابلها مايه شربت
هارون حط أيده على خدها:ها بقيتى احسن
أسيل هزيت راسها: احسن
عدى اليوم وكان جميل اوى
لحد معاد الخطوبه كانو فى قاعه
فى القاعه
أسيل قاعده فى الكوشه بزهق وهارون بيرقص مع صحابه
ساره:هتفضلى قاعده كده يا فقر
أسيل:بقولك ايه متقهرنيش اكتر
اسراء ضحكت:اكيد هارون قالها متتحركش من مكانها
أسيل:متفكرنيش يخساره الفستان مش هلف بيه حتى
منه:لا لا وديتى أسيل صحبتى فين انتى مش هى
ساره:ايوه مش أسيل اختى
أسراء:قومى وهيصى ديه مره واحده وبعدين ابقى صلحيه وخلاص
أسيل قامت:معاكى حق انا هقوم
هارون:رايحه فين
أسيل:أبدآ بعدل الفستان
قعدت تانى
هارون قعد جمبها وكان وقت تلبيس الخواتم كانت أسيل فرحانه اوى بالخاتم بتاعها خصوصا أن مكتوب عليها من جوه هارون
هارون ضحك:يالا دوري لبسينى الخاتم
أسيل لبسته وهى بتضحك وقربت لودانه وقالت:بقيت بتاعى
اشتغلت اغنيه
(انت الفرحه إلى فى بالى والدنيا إلى اتمنيتها بطلت اسرح بخيالى ما خلاص احلامى لقيتها ويعيش إلى معشتوش
يالى مروقها علينا أنا لسه بكلم قلبى وبقوله ده جيه ينسينا ايام ضاعت من عمرى من عمرى مايتحسبوش انا لو تبقا معايا بيترج القلب ويتهز انا لو تاخد عينى يا نور عيني عينى ما تتعز ده انا خايف من عين يا حبيبى إلى يغير والى يجز يجز عارف انت الحظ اااااه اهو انت الحظ يا حظ يا حظ)
قامو رقصو سوا سلو على اغنيه هاديه اغنيه بحبك لتامر حسني
(تعالى هنا بقولك ايه قلبى ازاى كده ريحتيه عارفه بحس معاكى بإيه حياة طمنتينى على عمرى يا هديتى على طول صبرى كفايه أسمى صوتك حلاه وفيكى سبينى شويه احب انا فيكى عمر واحد مش هيكفيكى احبك فيه بحبك)
أسيل كانت بتدمع وهى شايفه هارون بيغنى مع صوت تامر حسني زى ما تكون فى حلم بس بتتمنى متصحاش منه
هارون:مبسوطه
أسيل هزيت راسها بدموع:مبسوطه اوى
هارون:امال بتعيطى ليه
أسيل:ديه دموع الفرحه
هارون:مش عايز اشوف فى عينيكى اى دموع ماشى
أسيل:ماسى
هارون ضحك جيه واحد من صحابه وشده
أسيل كانت بتبص عليه ومبتسمه
خلصت الخطوبه وكل واحد رجع بيته
تانى يوم صحيت أسيل على صوت امها
فريده:اصحى بقا يا أسيل قومى مش فاضين.
أسيل بنعاس:فى ايه بس يا ماما
فريده بدون مقدمات:فرحك يوم الخميس
أسيل:حقيقى والله طيب هريح خمسايه وبعدين اصحى
فريده:يا أسيل مش بهزر قومى فرحك بعد يومين بس
أسيل:قولى والله
فريده:والله
أسيل:بس ليه كل ده
فريده:هارون مستعجل اوى
أسيل:بس انا متوتره اوى
فريده ابتسمت:متتوتريش مش انتى بتحبى هارون
أسيل:بحبه اوى يا ماما
فريده:خلاص يبقا مفيش توتر بقا
أسيل:طيب هنام شويه وصحينى نشوف هنعمل ايه
فريده:قومى بقا بلاش دلع
بعد يومين
فى فيلا عيله هارون
هارون بيجهز فى اوضه
وأسيل بتجهز مع البنات فى اوضه تانيه
أسراء:بسم الله ماشاء الله
أسيل:تفتكروا هعجبه
منه:ده يبقا أعمى لو معجبتوش
اسراء:احم اخويا
منه:لامؤاخده يا أسراء يعنى
ساره:بتفكرينى بنفسى
أسيل:بس انا اكيد مش هوديه القسم
ساره بسخرية:هه لما نشوف
أسيل:حقيقى هارون ضابط نزيه
ساره:اكيد طبعا بس هنشوف برضو
أسيل بصيت ليها بإستغراب بس تليفونها رن ردت بسرعه وحماس
أسيل:ها جبته ، جدع ، طيب انا نازله حالا.
بصيت للبنات إلى بيبصولها بإستغراب
أسيل :محتاجه خدمه
عند هارون
هارون:كده انا جاهز صح
مروان:جاهز يا حضره الظابط
هارون:استعنا على الشقا بالله انا هروح اجيبها
مروان:خد بالك من نفسك يا حضره الظابط
هارون:يابنى بطل هب’ل بقا انا هتجوز مش رايح حرب
مروان:مين عارف مش يمكن تكون حرب ومتنكره بجواز
هارون:لا لا انا ماشى مش ناقص جنانك انا كفايه عليا مجنونه واحده في حياتى
خرج هارون وقرب من الباب خرجت منه أسراء:هارون هارون
هارون:لا حرام ده يوم فرحى يا أسراء متقوليش مش لاقيه يوسف
أسراء:ده إلى حصل اعمل ايه انا خايف اوى
ساره خرجت:قلبى معاكى يا اسراء أن شاء الله سليمه وتلاقيه
اسراء بتمثيل العياط:انا اصلا ام مهمله جدا كل شويه يضيع منى
هارون بضيق طبطب عليها:خلاص أهدى هندور عليه
منه:ها لقيتوه.
اسراء:اعاااااا لسه
هارون:أهدى يا اسراء
فجأة صوت أسيل فى المكريفون تحت
أسيل:هارون هارون انا بحبك وكنت عايزه اقولك انك كنت حلمى كنت حلمى إلى فضلت سنين احلم بيه هارون اطلع بقا
يوسف:بابا هارون تعال بسرعه.
هارون بص للبنات بإستغراب ضحكو وجريو من قدامه
أسيل:عارف لو مخرجتش هعمل ايه
الناس:هتعملى ايه
أسيل:هتجوز اى ظابط معدى من هنا ايه ده مين هناك اه مروان
هارون خرج بسرعه
أسيل ابتسمت:سورى يا مروان حظا اوفر المره القادمه
أسيل:بتحب تامر حسني صح
هارون هز رأسه بإستغراب كانت نغمه اغنيه حلم سنين شغاله
أسيل:يبقا نغنى بقا
تامر حسني خرج وبقا واقف معاها على المسرح وهى بتغنى معاه
(حلم سنيييييين حلم سنين
عيشنا وشوفنا اليوم إلى اشتاقناله اخضنى قصاد الناس يا حبيبى وماله مابقينا لبعض خلاص زادو العشاق اتنين اكتب اسمينا كان حلم سنين وسنين نبقا لبعضينا الله على ده الاحساس ليله وانت جمبى ليله تسوى عمرى ليله بألف ليله معاك ليله وانت جمبى ليله تسوى عمرى ليله بألف ليله معااااااااااااك)
أسيل شاورت لهارون ومديت ليه ايديها طلع معاها على المسرح وبقو يرقصو سوا وهو بيلفها بفرحه وهى بترجع بضهرها وأسند على صدره بفرحه كبيره(حلم سنين)
(انا قلبى خلاص هتنام على صوت دقاته هيعيش وياك على طول اجمل أوقاته حبك وله يوم هنساه انا قد القول ومعاك وفيت بوعودى وانت استنيت وبقيت محتاج لوجودى واهو ربنا جمعنااا ليله وانت جمبى ليله تسوى عمرى ليله بألف ليله معاك ليله وانت جمبى ليله تسوى عمرى ليله بألف ليله معااااااااااااك
ياليالى يا ياليالى ياليالى احكيلو على حالى كنت فين ااااه كنت فين يا حبيبى ده انت حلم سنيييييين)
اتجوزوا واخيرا بس ديه مش النهايه 😂😂 احبطتكم انى اسف ده الجزء الاول لسه فى الجزء التانى من مغامرات أسيل وهاورن لسه هتظهر شخصيات كتير وسيف هيرجع تانى بس المره ديه اقوى وسما خارجه معاهم وقصه حبها مغامرات كتير فى فيلا عيله هارون استنونى فى الجزء التانى هيتكتب على طول متقلقوش وهينزل بعد رمضان
الفكره من الجزء الاول.
إن لما تحب بجد اوعى فى يوم تستغنى عنه أو تتخلى عنه حتى لو هو اتخلى عنك متستسلمش الحب الحقيقى بيجى مره في العمر مش بيتكرر بس الفكره يا حلوين تعرفون امتى توقفو عشان ساعات بيبان أن ده حبنا الحقيقى بس بيطلع فى الاخر وهم عشان كده لما تحبو اختارو صح
هارون:بحبك يا أسيل
أسيل بضحك:بحبك يا ظبوطتى
أسيل بصوت عالى:يا جدعان انا إلى وقعنى_ظبوطه فى حبه وقعت على وشى بس كانت واقعه حلوه الصراحه.
الى اللقاء في الجزء التانى كان معكم الكاتبه منار مجدى
لقراءة الرواية كاملة اضغط على : (رواية وقعني ظبوطه)
