رواية وقعت في حب مراهقه الفصل الأول 1 بقلم رودي عبدالحميد

رواية وقعت في حب مراهقه الجزء الأول

رواية وقعت في حب مراهقه البارت الأول

رواية وقعت في حب مراهقه الحلقة الأولى

– بجد مش عايزة أدخل يا ستي سيبيني أزوغ من المدرسه..
شدتها صاحبتها من دراعها وقالت : يلا بلا تزوغي إحنا ورانا إمتحان فيزيا النهاردة
دخلت المدرسه غصب عنها وهي لاوية بوزها ومتضايقه
حضرت الطابور بِبرود وبعدها طلعو الفصل..
أول ما قعدت رمت الشنطه قدامها وقالت : هنبدأها بقا قر.ف وأصلاً الجو حر وحاجة خ.را
ضحكت صاحبتها وقالت : إتهدي يا بت وخلي اليوم يعدي علي خير
دخل راجل في أوائل الأربعينات لابس نضاره نظر وماسك في إيديه شنطه
أول ما دخل البنات كلها قامت وقفت إحترام ليه..
شاورلهم بإنهم يقعدو وخلع نظارتو وفتح الشنطه وطلع ورقه بيضه وقال بِهدوء : سندس يحيي عبدالمقصود
قامت البنت وقفت وقالت : أيوا ..
بصلها وقال بِضيق : أقل درجه في الإمتحان ليه يا سندس ؟
وطت راسها وهي بتفرك في إيديها ، إتنهد المُدرس وقال وهو مادد إيديه ليها بِالورقة : ياريت المره الجايه كل دا يتحسن ، وألقي درجتك كويسة ، تمام ؟
هزت راسها وطلعت من الديسك بتاعها وراحت أخدت الورقه
دخلت مكانها وراحت طبقتها وحطتها في سوستة الشنطه وقالت بِضيق : حاطت إمتحان صعب ويقولك درجتك قليلة
ضحكت صاحبتها وقالت : يا بنتي الأغلب مقفل معاداكي
شوحت وقالت : مدرسه ز.فت ، ياريتني ما دخلت ثانوية يا عم ، بابا صمم يدخلني وكمان مدرسه خاصه ، وأدينا دخلنا وهي حلوة والله وحاجة فوق الإحترام كدا بس أوف بجد
أخدت نفس عميق وقالت : ييجي البريك وهمشي .. ودا أخر قرار عندي
ردت صاحبتها بِعوجة بوق وقالت : ولو حد شافك ورن علي باباكي بقا ؟
غمزت سندس وقالت : متقلقيش هنط من السور اللي ورا أكيد أو هتلكك مع الحارس دا وهمشي
سندت صاحبتها علي الديسك وقالت : مش خايفه يقفشك ؟ ، زي ما قفشك قبل كدا وراح بلغ المديرة!
نفخت بِضيق وقالت : ماهما جابو حارس تاني مكانو والحمدلله إنهم مشو دا ، دا كان تقيل أوي كدا
ضحكت صاحبتها وقالت : طب خلاص دا إنتي كنتي بتوريه النجوم في عز الضهر
زعق المُدرس وقال : سندس ، ندى
بصولو وسكتو ، كمل كلام وقال : إحنا وقت حصه ياريت تلمو نفسكم ولما يبقا ييجي وقت البريك إبقو إعملو اللي تعوزوه ، وكل واحدة تفتح كتابها صفحة 50 وعلمو علي كام جمله هقولها كدا ذاكروهم كويس لإن ممكن ييجو في الإمتحان
كل واحدة طلعت كتابها من شنطتها وفتحو الصفحة ومسكو الإقلام
برطمت سندس وقالت : الكتاب كلو متخطط ويقولك ييجي في الإمتحان وفي الأخر نلبس في حيط
خبطتها ندى في رجليها وقالت بِهمس : المره الجايه هيطردنا بجد إسكتي ..
خلصت الحصه وشوية ودخلت مُدرسه وهي بتقول : صباح الخير يا بنات ، جاهزين للإمتحان
خبطت سندس علي وشها وقالت : إصطبحنا
بدأت توزع ورق الإمتحان وبعدها بصِت في الساعه وقالت : ساعه بِالظبط وبعدها هلم الورق
مسكت القلم وكتبت إسمها وبدأت تقرأ الأسأله وتجاوب علي سؤال وتهبد في سؤال وتغش سؤال من ندى
| وقت البريك |
حطت شنطتها علي كتفها وقالت : يلا همشي أنا بقا..
مسكت ندى إيديها وقالت : إعقلي وإترز.عي
سحبت إيديها وقالت بِضيق : مش طايقه أكمل اليوم بجد ، هروح أو هقعد في كافيه لِحد ما معاد خروجنا ييجي وساعتها هروح لإن والله إتخنقت
سابتها ومشيت ونزلت تحت للحارس اللي كان قاعد قدام باب المدرسه من جوا..
قربت منو وقالت بِتمثيل : ممكن تفتحلي الباب أروح
بصلها بتضييق عين وقال : ليه ؟ ، وإستأذنتي من مديرتك!
هزت راسها وقالت : بصراحه لأ بس أنا معدتي تعبانه أوي وهي مديرة شديدة شوية ومش هترضا تديني إذن إن أخرج وحقيقي تعبانه أوي
قام وقف وحط إيدو في جيبو وقال : ولو فتحتلك وعرفت! ، ساعتها بقا هتأذي أنا في شغلي علشان سيادتك بطنك تعباكي وعايزة تروحي
بصتلو بِغيظ وقالت : ما الحارس اللي قبلك مكانش بيجرالو حاجة لما بيطلعني
رفع حاجبو وإبتسم بِهدوء وقال : أه يعني هي مش أول مره .. عموماً مش هينفع أفتحلك ، هاتيلي إذن من مديرتك وهفتحلك
بصتلو بِغضب وقالت : تمام أنا مش عايزة حاجة
مشيت من قدامو بِخطوات سريعه وهو متابعها لِحد ما لقاها بتبص حواليها ودخلت ورا مبني المدرسة
فتح الباب وخرج ورايح ناحيه ما دخلت بس من برا لقي شنطتها بتتحدف ، إستخبي ورا الشجره لِحد ما لقاها طلعت فوق السور وبتستعد علشان تنزل قام هو قرب وشدها من علي السور ونزلها علي الأرض..
رفعت راسها وبصتلو بِخضه لاقتو قريب منها أوي وحاطت إيد علي وسطها وإيد ماسك بيها إيديها وحاطتها ورا ضهرها وباصصلها لِتحت لإنو أطول منها
حاولت تفلت إيديها وهي بتقول : إبعد وسيبني أمشي
إبتسم وقال : ولو قولت لِمديرتك بقا إنك هربتي وأخدتك كدا من قفاكي ليها .. تفتكري ممكن تعمل إيه؟
غمضت عينيها بِعصبيه وقالت : أعملك إيه وتسيبني أمشي ، بس وعد يكون سر ما بينا
شدها ناحيتو أكتر وقال : تؤ مفيش حاجة للأسف
سمعو صوت خطوات جايه
ف شدها ورا الشجره ووقف قصادها وهو محاوطها بين إيديه وقال بِهدوء : بتهربي ليه ؟
قلبها فضل يدق جامد من قربو وكانت متوترة ومعرفتش ترد
نزلت راسها لِتحت ومردتش ، رفع راسها بإيديه وقال : بتهربي ليه ؟
رفعت ريقها بِصعوبة وقالت : زهقت
ضحك وقال : زهقتي بتيجي ليه ؟
إبتسمت علي ضحكتو وقالت : علشان كان ورايا إمتحان وهستلم درجة إمتحان
بص في عيونها بِتركيز وقال : وإمتحنتي ؟
هزت راسها بِ أه..
ضيق عينيه وقال : فيه بنت تنط من علي السور بِالشكل دا ؟
كشرت وقالت : ما إنت لو كنت سيبتني أخرج مكونتش نطيت ، ولا إنت شايف إيه !
بعد لِورا شوية وهو لسه محاوطها وقال وهو بيبص عليها من فوق لِتحت : أنا شايف بنت جميله وأنسه ، ليه تهرب من اليوم الدراسي بتاعها وليه تنط من علي السور ؟ ، عارفه لولا بنطلونك دا ، كانت مصر كلها إتفرجت عليكي وإنتي بتنطي
نزلت التيشيرت شوية وقالت : إيه قلة الأدب دي ، ومن فضلك وسع علشان أمشي
ضيق عينيه وهو مُبتسم وقال : والمقابل ؟ ، إيه مقابل إن أسيبك تمشي ومتكلمش!
نفخت بِضيق وقالت : هعملك اللي إنت عايزو
رد بعد تفكير وقال : توعديني متهربيش تاني ولا تنزلي من بيتكم علي أساس إنك رايحه المدرسه ومتجيش ، دا المقابل
فضلت تهز في جسمها بِضيق وقالت : حاضر
إتنهد وقال : المفروض رايحه علي فين ؟
شاورت علي كافيه بعيد شوية وقالت : هروح أقعد هنا شوية لوحدي وبعدها هروح
حط إيدو قدامها وقال : إوعديني إنها متتكررش تاني
فضلت باصه علي إيدو وبعدها بصتلو وحطت إيديها في إيدو وقالت بِهدوء : وعد
إبتسم وقال : عظيم ، روحي وأنا لو المديرة سألت هقولها إنك مجيتيش النهاردة خالص أو مشيتي بدري..
إبتسمت بِسعادة وفاجأه نطت وبا|ستو من خدو بو|سة سريعه وقالت : شكراً أوي بجد
غمض عينيه من حركتها التلقائيه وفضل ثابت مكانو ، هي إستوعبت عملت إيه وإتصدمت ، إستغلت إنو مغمض عينيه وطلعت بِهدوء من بين دراعاتو وسحبت شنطتها وجريت
فتح هو عينيه لقاها بتجري وهي بتبص كل شوية وراها عليه..
حط إيدو مكان البو|سة وضحك وبعدها رجع المدرسة تاني..
أول ما دخل من البوابة زعقت المديرة وقالت : إزاي سايب الباب مفتوح ومش موجود ، إنت كدا بتهمل في شغلك
وطي راسو وقال بإحترام : أسف حضرتك بس كنت بجيب مسكن من الصيدليه علشان معدتي تعبتني شوية ، بعتذر ومش هتحصل تاني
سابتو ومشيت ومردتش عليه
قعد هو علي الكرسي مكانو تاني وهو كل شوية يحط إيدو علي خدو ويبتسم
| في الكافيه |
كانت سندس قاعده حاطه إيديها علي خدها وإتضايقت من رد الفعل اللي عملتها معاه..
بس لما إفتكرت ملامحو وشكلو إبتسمت تلقائي وبعدها كشرت وقالت كإنها بتعاتب قلبها : يعني أنا أفضل قافله عليك كل دا ويوم ما تدق ، تدق علي حارس! وكمان أكبر مني بكتير أوي أكيد .. ، قلب مُعاق والله بيحب الناس الغلط دايماً
فضلت قاعده بتقلب في فونها بِملل وهي بتشرب الآيس كوفي بتاعها لِحد ما وقت المدرسه خلص فَ سحبت شنطتها ودفعت الحساب وخرجت..
روحت بيتهم وأول ما دخلت قالت : عامله أكل إيه يا ماما
طلعت أمها من المطبخ وقالت : مكرونه بشاميل وفراخ ، يلا غيري هدومك وشوفي البيت فيه إيه وإعمليه
دخلت أوضتها وهي بتنفخ بِضيق ، غيرت هدومها وبدأت تروق في البيت
| بالليل |
كانت سندس قاعده في أوضتها ماسكه فونها بتقلب فيه..
لقِت فونها بيرن بِرقم صاحبتها
ردت وقالت : إيه يا ندوش
ردت ندى وقالت : عملتي إيه وروحتي فين وخرجتي إزاي أصلاً!
ردتت وهي بتلعب في خصله شعرها وقالت : روحت للحارس ومرضاش يخرجني فَنطيت بقا من فوق السور
شهقت ندى وقالت : ومحدش شافك ؟
ضحكت وقالت : الحارس شافني بس بيس متكلمش
ضحكت ندى وقالت : بس باين عليه عسول أوي يا بت ، شوفتو وإحنا خارجين من المدرسه والبنات كانو عمالين يتوشوشو وبيجيبو في سيرتو وكانو بيحاولو يجيبو معاه كلام بس هو كان مكشر ومبيردش علي حد إلا بِحدود
إفتكرت سندس إنو كشر بسبب اللي عملتو فَ إتضايقت وقالت : حارس غريب ، ما إنت جاي لِمدرسة بنات عايز يعملولك إيه يعني ؟
ردت ندى وقالت : وتصدقي يا بت يا سندس إسمو حلو أوي
كشرت سندس وقالت : إسمو إيه يعني ؟
إتاوبت ندى وقالت : حمزة ، سمعت المديرة النهاردة بتقولو تعالالي علي المكتب بعد ما تخلص شغلك يا حمزة
همست سندس بإسمو وقالت: حمزة ، إممم باين عليه إسمو حلو
إتاوبت ندى تاني وقالت : أنا فصلت خلاص هنام وأشوفك بكرة بقا في المدرسة ، يلا باي باي
قفلت سندس مع ندى وفضلت سندس تهمس بإسمو وهي بتفكر فيه لِحد ما نامت
| صباح تاني يوم |
نزلت سندس من بيتها وركبت تاكسي وراحت علي المدرسه..