رواية وقعت أسيرة الشيطان الفصل الخامس 5 بقلم لؤلؤة محمد
رواية وقعت أسيرة الشيطان البارت الخامس
رواية وقعت أسيرة الشيطان الجزء الخامس
رواية وقعت أسيرة الشيطان الحلقة الخامسة
سماح بصدمه/ انت عايز مني ايه يا حمزه
حمزه / أنا بحبك يا سماح ولما طلبت اتجوزك رفضتيني وحمزه جبران ميترفضش يابنت راضي
سماح / راضي ده جزمته برقابتك انت وأبوك يا شيطان
حمزه بغضب / لمي لسانك بدل ما وربنا أقطعهولك
وقرب منها بغضب وشد الشريطه من على وشها وفك ايدها وشاورلها على صينية الأكل
حمزه بغضب / الط’فح أهو اتسم’مي
وخرج من غير مايديها فرصه تتكلم
____________________________
عند جليله كانت بتبكي / المغرب وجب يا قلب أختك وانتي لسه معرفلكيش طريق …… لا لينا حد ولا لينا قريب ولا غريب يقف جنبنا ملناش غيرك يارب
فجأه الباب خبط بقوه قامت جري تفتح على أمل تكون أختها وأول ما فتحت الباب اتفاجئت برجاله طول بعرض ببدل بصتلهم بصدمه / انتوا مين
واحد منهم / جليله هانم اتفضلي معانا
جليله / هانم مين واتفضل معاكم فين انتوا مين يا واكلين ناسكم انتوا
الراجل / لو سمحتي حضرتك الزعيم عارف مكان سماح هانم وراح يجيبها وقالنا ناخد حضرتك نوصلك قصر الأنصاري على أما الزعيم يجيب الهانم ويحصلنا
جليله بصتلهم بتوهان معقوله قصر الأنصاري جه معاد المواجهه بينهم وبين جدهم الظالم اللي طرد باباها ومامتها وبسببه عاشوا مقهورين ومذلولين أيوه أبوها حكالها على اللي حصل في الماضي وازاي جدهم طردهم بعد ما اتجوز بنت المنافس ليه وازاي حرمهم من الميراث وافتكرت والدها وهو بيقولها ( جدك ده مفيش أطيب منه هو عمل كده في وقت غضبه لو جرالي حاجه يا جليله تروحي انتي وأمك وأختك لجدكم واعمامكم يابنتي عيشوا وسطيهم هيحموكوا وهيكونوا ليكم ضهر وسند )
وهي لم تتقبل هذا الملقب بجدها ذو القلب القاسي ولكن لا داعي للعناد فهذا الملقب بالزعيم يعلم مكان أختها فهيا يا جليله ونتكلم بشأن الماضي فيما بعد
فاقت على صوت الحارس / ايه يا هانم واقفين بقالنا نص ساعه
جليله / يلا توكلنا على الله
دخلت تممت على البيت وقفلت الباب بالقفل كويس ومشيت معاهم لطريق هي مش عارفه أخرته ايه ولكن كله على الله / اللهم اختر لي ولا تخيرني يا أرحم الراحمين
_________________________________
خديجه كانت قاعده في حديقة البيت على النجيله بتبص للسما بشرود محستش باللي قعد جنبها غير لما اتكلم
شعيب / حاسس بحزنك حتى أنا كمان قلبي حزين عليه
خديجه بصتله وعيونها فيها دموع / طول طفولتي كان بيقعد يلعب معايا وكان مش مخليني محتاجه لحاجه كان أخ وأب وكل حاجه ازاي الدنيا قادره تغير القلب الحنين لقلب قاسي كده
شعيب بحزن / مالك مكنش أخوكي لواحدك يا خديجه مالك كان صاحبي وأخويا بس متنسيش اللي حصل زمان محدش يقدر يتحمله لكن مالك قوي عن الأول لو حد غيره كان انتحر أو اتجنن
خديجه بعياط / مالك بقى قاسي أوي حتى على ماما كريمه وماما أحلام وماما منال ده قالها يا مرات عمي بعد ما كان بيقولها يا ماما
شعيب بحزن / ماما أحلام حابسه نفسها في الأوضه من وقتها
خديجه فضلت تعيط وشعيب بصلها بحزن هو مش قادر يشوف دموعها بتنزل على قلبه كأنها ماية نار
شعيب بمرح / ايتا ايتا ايتا ديجه الجبله بقت بتحس وبتعيط كمان
خديجه بغضب / أنا جبله يا حيوان
شعيب بصدمه / أنا حيوان ؟ طب والله يا بجره ما أنا سايبك
قام بسرعه قرب من الركنه اللي موجوده في الحديقه أخد مخده صغيره وقرب عليها وهو بيضيق عيونه ولسه هيضربها جريت من قدامه وفضلوا يجروا ورا بعض ويلعبوا بضحك وهزار
___________________________
كان مروان واقف في التراس بحزن وفاتح الفون على صورته هو ومالك بتدخل ياسمين بتقف جنبه وتبص للفراغ بهدوء
مروان بيبصلها وبعدين يقفل الفون ويلف عشان يخرج
ياسمين / ليه
مروان وضهره ليها / علشان انتي أختي
ياسمين بدموع / بس أنا حبيتك
مروان بغضب وهو بيمسكها من ايدها جامد / انتي ايه مبتفهميش معندكيش كرامه بقولك انتي أختي للأسف عمي طلع معرفش يربي
ياسمين بخوف ورعب منه بدأ جسمها يترعش وهو لاحظ ده سابها ومشي بسرعه وأثناء خروجه من باب القصر نده عليه مصعب
مروان / معلش يا مصعب مش فايق دلوقتي لأي كلام
مصعب / تعالى بس نقعد في الحديقه
راحوا قعدوا على ترابيزه وكراسي موجوده في الحديقه
مصعب / انت ليه اتكلمت مع ياسمين كده
مروان بغضب / دي معدومة الكرامه مبتفهمش قولتلها مليون مره انتي أختي أختي وبس
مصعب بضيق / ماتحترم نفسك يا مروان وبطل تشتم فيها دي مهما كانت بنت عمك وبعدين ايه السبب اللي يخليك متحبهاش يعني
مروان / يا مصعب افهمني ياسمين شخصيتها ضعيفه وجبانه أنا عاوزه واحده تكون شخصيتها قويه انسانه مسؤوله بتعرف تتكلم وتتعامل مش واحده لو شخطت فيها تعيط وتترعش من الخوف والرعب
مصعب كان لسه هيتكلم بس فجأه دخلت عربيات من بوابة القصر وقفت عن الباب ونزل منها بنت لابسه عبايه سودا وطرحه سوده رموشها تقيله كأنها متكحله بشرتها بيضاء عيونها خضرا باين على ملامحها الحده وقفت مكانها تنظر للمكان نظره شامله يغلب عليها نظرة الإحتقار لحظه نظرة احتقار ممن تحتقر هذه الفتاه قام مروان ومصعب يشوفوا مين دي
مروان / انتي مين يا شاطره
جليله برفعة حاجب / وانت مال أهلك
مروان بغضب / انتي مجنونه انتي بتغلطي فيا في بيتي
جليله بغضب هي كمان / أنا أعقل منك ومن أهلك كلهم نفر نفر يابتاع بابي ومامي انت
مروان اتقدم من مكانه وهو ناوي يكسر دماغها مسكه مصعب بصعوبه / انتي بنت قليلة الأدب والا بنت ايه والله ده انتي غلطه في حق البنات
جليله بغضب / أنا متربيه أحسن منك ومن اللي خلفتك يا حيوان انت وفعلاً أنا مش بنت أنا أرجل منك ومن صنفك
لسه مروان كان هيتكلم بس قاطعه صوت الجد اللي أعجب بجليله وقوتها في الكلام وعدم خوفها من مروان اللي كان ممكن يضربها / ايه اللي بيحصل هنا ده
مروان / ياجدي البنت دي قليلة الأدب والتربيه مين دي وازاي تدخل هنا كده
جليله بغضب / قولتلك أنا متربيه أحسن منك ومن اللي خلفوك ومن اللي يتشددلك كمان أما بقى أنا مين أنا جليله راضي الأنصاري
الكل يبص بصدمه لبنت راضي وقد ايه هي قويه
الجد بدموع / بنت ابني الغالي تعالي في حضن جدك يا حبيبة جدك تعالي في حضني يابنت الغالي
جليله وقد فهمت أن هذا هو المدعو جدها ماذا ما هذا أيطلب منها أن يضمها وماذا عن والدها الذي مات مقهوراً وماذا يبكي ؟ ياللعجب لك أيها الرجل تقتل القتيل وتمشي بجنازته
بصتله برفعة حاجب وسخريه / بنت الغالي ؟ دلوقتي بقى غالي ومكنش غالي لما طردته هو ومراته من غير ولا مليم مش عارف يروح فين ويجي ومنين مكنش غالي لما ذليته وهنته والا لما مات مقهور بس بقى غالي اسمع يا حاج أنا جيت هنا بس عشان سماح أختي ولما تيجي هاخدها وأرجع مكان ما كنا هنا لا مكانا ولا ينفعنا للأسف وهقعد هنا على النجيله هنا مش متحركه غير لما أختي تيجي وادي قاعده
الكل بصلها بصدمه
________________________________
عند سماح كانت قاعده في الأوضه وهي مش عارفه تخرج والغضب بياكل فيها هي هنا ليه والمجنون اللي جابها هنا راح فين وسابها هنا لواحدها
الباب اتفتح ودخل حمزه وهو باين عليه السكر وبيتطوح / أنا بعشق البحر زيك يا حبيبي يا حنون هئ ( زغطه يعني 🙂) وساعات زيك مجنون هئ
سماح بغضب / اياك تنهبل يابن المهابيل روح يابعيد وتعالى مكسور ومحروق وابن محروق
حمزه بغضب / يووووه بت انتي متطيريش الكاسين من دماغي
سماح / ده أنا هطيرهم على دماغك ودماغ أبوك يا مركوب يا ابن المركوب ومسكت كوبايه كسترها على دماغه
حمزه وقع في الأرض / ااااه دماغي يابنت الك’لب دماغي
راسه كانت بتجيب دم وسماح اتحركت من مكانها عشان تخرج لكن حمزه مسكها من رجلها وشدها وقعت على الأرض قام حمزه بغضب ومسكها من شعرها ورفع ايده عشان يضربها بالقلم لكن فجأه الباب وقع على الأرض ودخل واحده طول بعرض ( يهد الأرض 👀) شد حمزه كأنه حشره وضر’به بالراس في مناخيره وقع حمزه مغمى عليه
شد سماح من ايدها اللي بتبصله بصدمه وزهول ركبها في العربيه بتاعته ومشي
سماح بعد ما فاقت من صدمتها / انت مين وموديني فين
مالك بصلها ببرود ومردش عليها
سماح بغضب / انت أطرش والا ايه ياجدع انت بقولك انت مين وموديني على فين
مالك وهو حاسس أنه هيبدأ يفقد أعصابه وقف العربيه على جنب وشد سماح من ايدها ولف ايده على رقابتها وضغط على مكان معين في رقابتها أغمى عليها فوراً نيمها تاني على الكرسي وربطلها حزام الأمان وكمل طريقه
وصل مالك بالعربيه عند القصر ونزل وراح عند باب سماح اللي لسه مفاقتش طول الطريق شالها ونزل
أما جليله أول ما شافت سماح أختها واحد شايلها اتنفضت من مكانها بغضب على خوف وقربت منهم بسرعه
جليله بغضب / ………….؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وقعت أسيرة الشيطان)
