رواية وعشقتك يا جبل الصعيد الفصل الثالث 3 بقلم جنى جميل
رواية وعشقتك يا جبل الصعيد الجزء الثالث
رواية وعشقتك يا جبل الصعيد البارت الثالث
رواية وعشقتك يا جبل الصعيد الحلقة الثالثة
اتبعتت رساله ل رنيم و وقع التلفون من ايدها و بدأت تبكي بشده و تصرخ و صادف صراخ رنيم رجوع حسام من الشغل و سمع صوت صراخ رنيم من غرفة مليكه جريوا بسرعه و كانت مليكه بتحاول تهدي رنيم و بتسألها مالها بس رنيم مش بترد بتبكي و بس فتح حسام الباب على مليكه و رنيم و خد رنيم ف حضنو و قال بصوت مهزوز : مالك يا رنيم قوليلي مالك حصلك أي مين اللي زعلك
بعدها التفت ل مليكه و قال :
مالها يا مليكه قوليلي
مليكه مكنتش عارفه تقول أي و قالت : معرفش واللهي فجأه بدأت تبكي
خديجه : مالك يا بنتي قوليلي
حسام التفت ل رنيم اللي مبين احضانو و قال : مالك يا رنيم قوليلنا
رنيم بعدت من حضنو و مسحت دموعها و قالت : مفيش يا حسام ممكن الكل يخرج
الكل خرج و حسام كانت نظراتو على رنيم خرج الكل الا مليكه
مليكه : مالك يا رنيم أيه اللي جالك على التلفون
رنيم سكتت شويه و قالت : لو قولتلك مش حتقولي لأبيه قاسم ولا حتقولي لأي حد
مليكه باستغراب : واللهي مش حقول لحد اتكلمي
رنيم بحزن قالت : كنت بحب حد من الجامعه و كنا بنتراسل لحد م طلب مني اني ارسلو صوري اترددت و رفضت اكتر من مره بس وعدني بالجواز رسلتلو صوري و دلوقتي هو بيهددني بيها و بيطلب مني اني اجي على شقه و الا حينشر الصور
و انهارت رنيم من العياط اتصدمت مليكه اوي و قالت : رنيم ايه اللي انتي بتقوليه دا
رنيم قالت و هي بتعيط : عارفه واللهي عارفه ان دي مش أخلاقي و ان انا عملت حاجه غلط بس واللهي كنت موهومه بالحب انا اتخدعت
مليكه : رنيم بصي نحنا لازم نقول لأبيه قاسم او هشام او جبل حتى و ممكن نقول ل حسام
رنيم : طبعاا لا مش ممكن اقولهم دنا ممكن اموت انتي عارفه ان نحنا بالصعيد يا مليكه
مليكه : اومال نعمل أي يا رنيم مقدمناش حل تاني
رنيم : مش عارفه
و بدأت تعيط
مليكه : العياط مش حل يا رنيم
رنيم : اعمل اى انا وديت نفسي بداهيه
مليكه ضربت رنيم بالألم و قالت : دي غلطتك انتي و قاعده تعيطي و الك*لب دا بيهدد فيكي و انتي بتعيطي قوليلي العياط هيعملك أي قومي فكري هنعمل أي مش تعيطي يا رنيم
رنيم سكتت و قالت : انا عرضت عليه فلوس بس برضو مش راضي
مليكه : دي مهمه صعبه اوي بصي هو ممكن نقول ل هشام هو يعني مش عصبي
رنيم : انتي بتقولي أي هشام لا اكيد دا عصبي اوي صح بيهزر كتير بس لما بيتعصب بيبقى زي الرعد ف غضبو
مليكه : طيب منقول ل حسام
رنيم : حسام لا لا حسام لا
مليكه : ليه
رنيم سكتت بعدها قالت : بصي انا و حسام بنحب بعض بس انا ضنيت ان حبو اتشال من قلبي و بدأت اعملو ببرود الايام دي و حبيت يزن بس طلعت مخدوعه
مليكه : يزن دا اللي بيهددك
رنيم : ايوا هو
مليكه : طيب نقول ل مين و انتي مش راضيه نقول لحد كدا
فجأه سكتت مليكه و جتها فكره ف دماغها و قالت : رنيم انا عايزه اروح التواليت و راجعه
رنيم : طيب متتاخريش
نزلت مليكه من الدرج و شافت حسام اللي قاعد و قلقان على رنيم شدتو على الجنينه و قالت : حسام في حاجه لازم تعرفها
حسام : أي في أي يا مليكه قلقتيني هي رنيم حصلها حاجه
مليكه : رنيم واقعه ف مشكله كبيره اوي
حسام اتخض و قال : ليه في أي يا مليكه اتكلمي
مليكه : بص يا حسام………..
مليكه حكتلو الموضوع كلو
حسام وشو حمر من الغضب و ودنو بطلع دخان من الغضب
مليكه بخوف : بص يا حسام دي صغيره لازم نعلمها مش نتعصب عليها و نضربها
حسام : مليكه هي ازاي تعمل حاجه زي كدا ازاي دي تربيتي دنا ربتها على أيدي ازاي تعمل كدا
مليكه : بص يا حسام انت حتخلص موضوع يزن دا و نحنا هنعلمها انها متعملش كدا تاني
حسام قال : ازاي
مليكه : كل حاجه فوقتها حلوه بس ممكن اسال سؤال
حسام : قولي
مليكه : بتحبها
حسام : اوي بس هي مش بتحبني
و قعد على الأرض و دمعت عيونه. مليكه قعدت على الأرض جنبو و طبطبت عليه و قالت : مين قال كدا بس
حسام : تصرفاتها معايا الفتره الاخيره بتقول كدا
مليكه قالت : بص يا حسام رنيم بتحبك بس هي صغيره و مش عارفه تتحكم بمشاعرها و بتحب مين
بعدها بدأت مليكه تهزر و تضحك و ضحك حسام و بعدها سكت و رجع حسام للغرفه بتاعت و هو بيفكر ف كلام مليكه و ان رنيم بتحبو و مليكه كلمت رنيم و رجعت للغرفه بتاعتها و مكنوش يعرفوا ان في حد شافهم و همه ف الجنينه بيتكلموا
صباح يوم جديد مشرق بالاحداث
نزلت مليكه ك العاده فطرت مع الكل بس لاحظت ان جبل متغير و كان بيتجنب انو يتكلم معاها و بعدها غادر جبل للشركه مع قاسم و هشام و حسام مشي عشان يشوف مين يزن دا و نزلت مليكه مع رنيم و خديجه و فريده و حسناء عشان تجيب باقي الحجات اللي نقصاها و رجعت للبيت
عند جبل ف الشركه………
كان بيفكر بالي شافو مبارح و عيونو تقلبت احمر من الغضب و عروقو برزت
فلاش باك
كان راجع من الشغل و فجأه بص لقى مليكه و حسام ف الجنينه من ورى لوحدهم و حسام قاعد على الأرض و معاه مليكه و بيضحكوا
باك
في مكان تاني ف الشركه عند هشام و كان قاعد جنبه قاسم
هشام : ازاي تحصل حاجه زي دي و نحنا منعرفش ازاي مين اللي راجع الأوراق
قاسم : سوزي هي اللي بصت على الأوراق
قام هشام من مكان بعصبيه و قال : و انتو ازاي تسلموا ورق مهم زي دا لشخص بيشتغل عندنا و مش واثقين فيه
قاسم : انا حتحقق من الوضوع دا لاني شاكك ف سوزي ان هي اللي لعبت بأوراق الصفقه
هشام : انا رايح اقول ل جبل على المصيبه دي
دخل هشام على جبل و هو بيقول : جبل لقينا
بس سكت بعد م بص على جبل لقاه غضبان اوي
قال هشام : مالك يا جبل
جبل حاول يهدي نفسو و قال : ماليش يا هشان في أي
هشام : جبل لقينا أوراق الصفقه بتاعت مبارح ملعوب فيها
جبل بعصبيه و عينو بطق شرار : ازاي مين اللي عمل كداا اتكلم
هشام بخوف من جبل قال : منعرفش يا جبل مين اللي عمل كدا بس نحنا شاكين ب سوزي لانها اخر مره كانت الأوراق عندها و قاسم بيدور بالموضوع دا و بيعرف مين اللي عمل كدا
جبل بغضب قام ناحية مكتب سوزي ولكن هشام أوقفه و قال : نحنا مش متأكدين يا جبل متتهورش
جبل رجع مكان و قال : براا يا هشام براا
طلع هشام بخوف من جبل لانو كان عصبي اوي جبل كان بيحاول يهدأ نفسو
ف مكان تاني
مجهول 1 : هي فين دلوقتي
مجهول 2 : ف الصعيد ف منطقت…..
مجهول 1 ضحك ضحكه شريره و قال بمكر : راجعلك يا مليكه مش حتبقي الغيري
في مكان تاني خالص في المدرسه الابتدائيه…..
دخلت بنت جميله جداً اسمها ايلاف على الفصل بتاع طلبة الصف السادس و حطيت شنطتها على مكتبها و بصت للطلاب و قالت : بهدوء كدا عايزه اعرف مين كريم اشرف
رفع واحد من الطلاب ايدو بحماس شديد و هو بيصرخ : انا يا ميس انا
ايلاف : فخور اوي يا كريم تعال يا حبيبي
راح عندها بالهفه و كانو كان رايح عشان يتكرم
ايلاف و هي بتحاول عشان متفقدش اعصابها : عايزه اعرف يا كركر يا حبيبي مين اقنعك ان الفرانكو (Franco) هو الانجلش يا حبيبي
كريم : يعني أي فلمنكو
ايلاف : كمان فلمنكو اتفضل يا استاذ كريم اسفه على ازعاجك
راح كريم لمكانو و فجأه لمحت طفل بيبص لصحابتو قالت : الاستاذ النحنوح خف تزبيل الله يكرمك يا حبيبي و البنوته الصغيره على الحب لمي نفسك يا ختي
خبط باب الفصل و دخل المدير و قال : بقاطعكم ولا حاجه
بصتلو ايلاف بانتباه شديد و قالت : اتفضل يا فندم ولا يهمك
دخل المدير و قرب اكتر من مكان وقوف ايلاف و بصلها و قال : انا بس كنت عايز اشوف مستويات الأطفال في تحسن ولا لا
ايلاف بصوت واطي : هو انا لحقت اعمل حاجه انا مبقاليش الا يومين
بصلها المدير بتعجب و قال : بتقولي حاجه يا استاذه ايلاف
بصتلو ايلاف بابتسامه و قالت : احم لا يا فندم ولا حاجه اتفضل يا فندم
هز المدير راسو و بص للطلاب ببسمه و قالهم : Good morning
بصولو الطلاب ببلاها و فتحوا بقهم و كانو قالهم عمليه حسابيه معقده و بصت ايلاف الناحيه التانيه و هي بتقول بخجل : احيي يا كسفتك يا حازم
فجأه و بدون مقدمات قام احد الطلاب و هو بيرفع ايدو و قال: انا عارف يا ميس أجابت السؤال دا اجاوب
ايلاف : سؤال جاوب يا حبيبي
قال الطالب : morning Good
بصلو المدير ببلاها و قال ببسمه : نعم يا حبيبي قولت ايه معلش مختش بالي
الطفل بفخر و هو بيكرر عليه كلامه : morning Good
ايلاف : قصدو Good morning حضرتك بس الولد دا عندو حول
الطفل باصرار و هو بيبصلها بتذمر : لا morning Good على فكره مش نحنا لما حد يقول السلام عليكم بنقول عليكم السلام هي زيها بقى Good morning بنقول morning Good
بصلها المدير و كانو بيقولها أيه اللي بيحصل هنا
ايلاف و هي بتهمس ل نفسها : هو بيبصلي كدا ليه هو مقتنعش ولا ايه دنا ذات نفسي اقتنعت
و بصت للمدير و حاولت تبرر موقفها : يا حضرت المدير دا لسه تاني class و لسه مبدئناش حاجه خالص
المدير بحده و عدم تصديق للي شافو من شويه : بس مش لدرجة التحيه دي أساسيات يا استاذه و دول سنه سادسه ابتدائي
ايلاف : يا فندم مش انا اللي كنت مسؤوله عن الفصل انا لسه مسكاه قريب يعني ملحقتش اثبت نفسي
اتنفس المدير و قال : تمام يا انسه ايلاف قريب جدا هعمل مرور تاني و اشوف وصلتي معاهم ل فين
ابتسمتلو ايلاف عشان تخفي غيضها : بإذن الله يا فندم تشرف حضرتك
خرج المدير عشان يكمل باقي مرورو و بصت ايلاف للطلاب بشر و قالت : روحوا الله يكسفكم طلعوا الكتاب الأبيض و اسود يا اخويه انت و هو
ف مكان تاني عند جبل ف الشركه……
خبط قاسم على جبل
جبل : مين
قاسم : انا قاسم يا جبل
جبل : ادخل يا قاسم
قاسم دخل على جبل و قال : في اخبار مهمه يا جبل
جبل ب استغراب : في أي يا قاسم
قاسم : بص يا جبل اول حاجه انا قولت ل عمر انو يبحث و يعرف مين اللي لعب ف الأوراق ولكن نحنا شاكين ف سوزي و الخبر التاني اني حسافر انا و بنتي القاهره عشان في شغل ضروري جدا هناك
جبل : تروح و ترجع بالسلامه يا قاسم بس امتى حتروح
قاسم : بعد يومين
جبل : كويس عشان تحضر فرحي بكرا
قاسم : و انا ازاي محضرش فرح اقرب صديق ليه
جبل : حبيبي واللهي يا ابو الصحاب
( عمر دا شخص بيشتغل عندهم ف الشركه و صاحب قاسم)
و بعد مرور اليوم طلع قاسم و جبل من الشركه متجهين للبيت و بعد م وصلوا لقوا ان القصر بيتجهز ل بكرا و الجنينه الكبيره بتتجهز و التحضيرات شوي و حتخلص و دور جبل ب عينو ملقاش مليكه سأل خديجه عليها و قالتلو انها ف الغرفه بتاعت رنيم قاعده هي و رنيم و معاهم سيدره مشي جبل هو و قاسم و قعدوا ف غرفة جبل و كانوا بيتكلموا و جبل حكي ل قاسم علي اللي شافو ف الجنينه و قاسم قال : ممكن يا جبل فهمت غلط
جبل : دول كانوا بيضحكوا و لوحدهم
قاسم : جبل انت بتشك ف حسام
جبل سكت حسام دا رفيق عمرو
قاسم : جبل انا رايح للغرفه بتاعتي و اكيد انت شفت غلط و يلا نام عشان ورانا يوم طويل بكرا
طلع قاسم من الغرفه و جبل قعد يفكر و بعدها نام و قاسم خبط على غرفة رنيم فتحت رنيم و قالت : تعال يا ابيه قاسم في أي
قاسم دخل و قال : حاخذ سيدره عشان ننام انا و هي
سيدره شافت باباها نطت عليه و قالت : بابا وحشتني اووي
قاسم : واللهي انتي اللي وحشاني يا سيدرتي
التفت قاسم ل مليكه و قال : ازيك يا مليكه
مليكه : كويسه و انت ازيك يا استاذ قاسم
قاسم : استاذ أي يا بنتي انا زي اخوكي ناديني ابيه او قاسم بس
مليكه ابتسمت قالت : ماشي يا ابيه
خرج قاسم و هو ماسك سيدره و مشي على الغرفه بتاعتو و نوم سيدره و نام جنبها
عند مليكه و رنيم……
مليكه : طيب سلام يا رنيم حمشي للغرفه بتاعتي عشان انام دا لوقت اتأخر
رنيم : طيب يا مليكه
مشيت مليكه للغرفه بتاعتها و قعدت تفكر شوي ف بكرا و جبل اللي تغيرت معاملتو معاها 180 درجه و بيتجنبها بعدها نامت
عند خديجه و احمد في غرفتهم…….
خديجه : شكل جبل وقع يا احمد
احمد : ايوا
خديجه : بس برودو الايام دي معاها واضحين اوي
احمد : نامي يا خديجه و بكرا نشوف هنعمل ايه
خديجه : طيب
نامت خديجه و معاها احمد
صباح يوم جديد
رنيم بتصحي مليكه و جنب رنيم فريده و خديجه و حسناء
رنيم : اصحي يا بت
مليكه بنوم : مش صاحيه ولا حتجوز
فريده : قومي يا بت يا مليكه
مليكه : اهو قمت حاجه تاني
شدتها حسناء : ساعه و نحنى بنصحي فيكي
مليكه : ايه يا طنط منمش يعني
قامت مليكه دخلت الحمام و خرجت لقت ال ميك اب ارتست ( Mickup Artist) وصلت حطت ل مليكه ميكب خفيف عشان مليكه جميله اوي مش محتاجه مكيب و عملت شعرها و مليكه لبست ال فستان و كانت زي القمر و رنيم لبست الفستان اللي جابته عشان الفرح و عملت ميكب خفيف برضو و فردت شعرها و كانت جميله جداً
عند الشباب ف غرفه جبل…..
كانوا الشباب جاهزين و قاعدين في غرفة جبل و كانوا وسيمين اوي اوي و جبل اللي كان متألق ف الليله دي اوي نزل جبل و كان في معازيم بس قوليلين يعني القرايب و بس لأن الفرح كان صغير نزل جبل من الدرج و معاه هشام و قاسم و حسام اللي وقفوا بعيد شويه عن جبل اللي كان واقف عند الدرج مستني نزول مليكه عند مليكه لقت الباب بيخبط و فتحوا البنات لقو محمد حضن مليكه بنته و قال : مليكه متزعليش مني يا بنتي انا واللهي بعمل كل دا لمصلحتك
مليكه : مش زعلانه يا بابا
نزلت رنيم و الباقي و اللي همه خديجه و حسناء و فريده اللي كانت ماسكه سيدره اللي كانت لابسه فستان صغير على قدها و بعد م شافها باباها قاسم حضن سيدره و شالها بين ايديه و قال : ايه القمر الصغير دا
ضحكت سيدره و قالت : بحبك يا بابا انت اللي قمر
قاسم : و انا بموت فيكي يا قلب بابا
و اخيرا نزلت مليكه و هي بين ايد باباها كانت زي القمر جبل سحر فيها و ف جمالها اللي يخطف اي حد محمد سلم مليكه بين ايد جبل و قال : حافظ عليها يا ابني دي امانه بين ايديك
خدها جبل و قال : متخفش يا عمي عمري م هزعلها
كتب الكتاب وتعالت الزغاريط
قال الماذون : بارك الله لكما و بارك عليكما و جمع بينكما في خير
و قعد جبل و جنبه مليكه على الكوشه و كانت مليكه متوتره و بعد ساعتين من الاحتفال مشيوا المعازيم و قال الجد : يلا يا ابني شيل مراتك و امشوا على الغرفه بتاعتكم
مليكه مش مستوعبه كلامه ايه شيل مراتك و قبل م تتكلم جبل شالها و ابتسمالها و مشي و دخل الغرفه و قفلها…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وعشقتك يا جبل الصعيد)
