رواية وعد ووفى الفصل الرابع 4 بقلم آلاء الواقع

رواية وعد ووفى الجزء الرابع

رواية وعد ووفى البارت الرابع

رواية وعد ووفى الحلقة الرابعة

-صباح الخير يا مراتي
معرفتش ارد علية انا قرفانة منة ومن نفسي
-مريم سامعني
-ها ،اة سامعك
-انتي كويسة ؟؟
-مش عارفة
-في أي يحبيبتي
-لية عملت كدا دا مكنش ينفع انت وعدتني
عيوني دمعت
-لية أي انا جوزك واظن ان دا حقي ثم أن معملتش حاجة غصب عنك ولا مش فاكرة افكرك
فضلت اعيط وحقيقي معرفش لية حسيت احاسيس المقرفة دي مش المفروض اكون مبسوطة
-قومي لمي الهدوم علشان هنمشي علي الفجر
مسحت دموعي
-بس نا مش عايز امشي
-واللة ما انتي مكنتيش عايزة تيجي
-اة بس انا حبيت هنا خليني
-وشغلي
-روح انت انا كدا كدا بفضل في بيت خليني هنا وسطهم
-مكان ما أكون انا موجود تبقي انتي موجودة يلا اتفضلي قومي جهزي الشنط
رديت بانفعال
-هو كل حاجة بمزاجك انت ومش مهم حد تاني، انا مش همشي
-صوتك ،وكلمتي تتسمع مش هكرر تاني
سبتة ودخلت الحمام اخدت دش كمحاولة اني أهدي شوية طلعت لاقيتة ماسك الموبايل بتاعة ونايم علي السرير لبست وطلعت من الاوضة كلها
-كيفك ؟
-الحمد الله يا عمو
-اومال فين جوزك؟
-فوق ،بعد اذنك ــــــــــــــــــــــ
-دا البلد كلتها ملهاش حديد الا عن مريم وجمالها ورجصها ليلة امبارح
-ربنا يحميها من العين يا هنية
-يارب ياختي لاحسن عيون الناس اهني تتدب فيها رصاصة
-ماما صافية فين ؟؟
-جولي سلام عليكم الاول
اتكلمت هنية
-مال عينك ورامة انتي معيطة ياك؟؟
-ياك اي ؟؟
-يعني كيف ولا اي عندكوا في مصر،جولي لية عينك ورامة اكدة
-مش عارفة ،فين ماما صافية
-في جنينة برا بتشرب الشاي
سبيتهم ومشيت علي برا فضلت ادور عليها بعيني لحد ما لاقتها
-ممكن اقعد ما حضرتك شوية
-اجعدي يبنتي
-عايزة تجولي شئ
بصتلها باستغراب
-عرفتي إزاي ؟؟
-من دخلتك عليا،جوليلي في أي
-ممكن تقولي لمحمد إني افضل هنا معاكوا وانا والله مش هضايق حد خالص صدقيني وهعمل كل الي تقولية علية
-وجوزك يفضل في مصر لوحدة
-ماهو بيفضل طول النهار في المستشفي وانا بكون في بيت وبصراحة انا حبيت البيت هنا مش عايزة امشي
-يعلم ربنا كيف بجت غلاوتك عندينا كلتنا ،بس خليكي جار جوزك هتسبية في مصر لوحدة وتجي عجربة تلوف علية ويجبلك ضرة
-مستحيل يعمل كدا
-اباي عليكي ما تفهمي يا بت جولتك مينفعش تهملي جوزك واصل مترح ما يكون تكوني فهمتي
-ايوة فهمت
-زعلك ؟
-لا بس مردش اني اقعد هنا كل حاجة عايزها زي ماهو عايز
-بيعمل اكدة بالغصب
-بصراحة لا
ابتسمت
-ولدي تربيتي ،مريم يبتي اسمعي كلام جوزك تكسبي رضاة
-حاول اعمل كدا ،تعرفي حضرتك هتوحشيني اكتر حد هنا
-واني كمان هتوحشك جوي جوي
-طب وانا
بصيت لاقيتة
-انت الغالي
باس ايدها
-تعيشي روح جلب محمد
-متغبش كتير عليا كيف كل مرة
-انتي توجمري يست الكل
-خلي بالك من مريم حطها في عينك
بص في عيني
ـ حاضر ياما ،ونبي توصيها هي عليا لاحسن مغلباني معاها
ـ خدت نصيبها جبلك ،ربنا يهدي سركوا
ـ أمين يارب
-انا طالعة ياماما عايزة حاجة
-شكرا
مشيت طلعت علي الاوضة اول ما دخلت بصيت في المرايا
ـ همشي معاة عادي وللي حصل عادي وطبيعي هحاول ابطل خوف انا بحبة انتي سامعة هو عمرة ما هياذيني هوبيحبني وبيطمني بلاش إنتي تضيعية مني حاولي تمنعي تفكيرك عني علشان اعرف اعيش سامعة ،سامعة انا قولت اي
-انت بتكلمي مين ؟؟
رديت بتوتر واضح في نبرة صوتي
-مش بكلمةحد هو فية حد غيري هنا ،انت واقف من امتي ؟
-لما قولتك بتكلمي مين؟؟
اتنهد براحة وجبت الشنطة علشان ألم الهدوم
ـ اي دا غيرتي رأيك يعني
رديت وانا بطبق الهدوم
-بسمع الكلام بس بطل تزعق وانت بتكلمني
بصلي باسف
-ماشي يا عسولة بس بطلي تعصبيني
ـ متقوليش يا عسولة
ـ ماشي يا قمورة
-متقوليش يا قمورة
ضحك
-خلاص ياحبيبتي بقا
ابتسمت
-خلاص ــــــــــــــــــــــــــــــــــ
ـ انا أسفة ،أسفة واللة ماخدتش بالي
-ولا يهمك محصلش حاجة ،بس بعد كدا متجريش في شارع
-انت مالك بقا ،باي ــــــــــــــــــ
بصلتة باستغراب
-بتضحك علي اي
-افتكرت اول مرة شوفتك فيها لما كنتي بتجري زي العيال الصغيرة
-يومها بوظت عليا يومي علشان قولتي متجريش في شارع
-هو طبيعي يعني واحدة كبيرة تنزل الفجر تجري في الشارع ازاي اهلك وافقوا
-كنت بنزل من وراهم
-كمان
-ايوة بس اوعي تقولهم
-سرك في بير ؛بس قوليلي لية كنتي بتجري
-بحس أن برجع صغيرة وبكون فرحانة فاهمني
-بحاول افهم ،عايزة تجري دلوقتي
-حتي لو عايزة هجري فين ؟
-تحت الارض واسعة ،البسي يلا
قمت جري لبست بنطلون اسود وتشيرت ابيض وسرحت شعري
-يلا
-الطرحة فين ؟؟
-مش لازم يعني
-الطرحة علي راسك يامريم
-يوة
نزلنا كان بيت هادي مضلم طلعنا برا ورا البيت اي المساحة دي بجد سابتة وطلعت اجري فجري ورايا واتسباقنا
-ازاي تفوز عليا انت غشاش
اخدت نفسي وهو اتنهد وضحك
-انا للي غشاش وجريت قبل ما نعد
قعدت جنبة هو نايم علي الأرض
-غشاش بردوا
ـللي تشوفية يقلبي
نمت جنبة علي الارض فشال راسي وحطةايدة انام عليها فضلنا نبص لسما واحنا ساكتين لحد ما اتكلمت أنا
ـ هقوم اجري تاني
-هتتعبي كدا خليكي جنبي هنا
-خايف عليا يعني
-طبعا اذا كنت مخافش عليكي اخاف علي مين يعني
كلامة واسلوبة معايا اغلب الوقت بيصلح حاجات هو مبوظهاش والله
-خدتي وضع الصامت المعتاد
ضحكت
-ما انا مش بعرف اقولك اي يا محمد بجد
-متكسفيش مني المفروض أننا بقينا واحد
-بحاول
-وانا معاكي ،قومي نطلع ننام علشان شوية وهنمشي ـــــــــــــــــــــــــــــــ
-هتنامي زي المرة للي فاتت
-لا نمت بليل كفاية
-طيب
سكت فنكشت في الكلام مش معقول هنقعد طول الطريق ساكتين
-محمد هو عمو عمران هو عمدة بتاع البلد
-لا
-اومال اي ،اصل بيت مش بيفضي من الناس
-علشان هو قاضي عرفي
-يعني أي ؟؟
-بصي لما الناس يكون فية ما بينها مشاكل بيقعدوا في قاعدة وكل طرف يحكي وهو في الاخر يحكم ما بينهم
-اة اة فهمت
-تعرفي إنها بتورث
-انت هتخدها ولا اخوك الكبير
-حسين اكيد انا أصلا مش عايزها
-اممم
فضلنا نحكي كتير في مواضيع لحد ما وصلنا يدوب هو دخل ينام وانا غيرت هدومي لاقيت الباب بيخبط
-محمد ،محمد قوم
رد هو بصوت مرهق وهو مغمض عيونة
-في أي
-الباب بيخبط
-سيبك منة كأننا مش هنا
-ما هو بيخبط بقالة شوية ،معلش قوم افتح
-مش قادر بجد
-لا خلاص هفتح أنا
قام اتعدل وهو بيفرك في عيونة علشان يفتح
-قمت خلاص خليكي هنا
عبدالله:شكلنا قلقنا نومكم
-ولا اي حاجة اتفضل يعمي ،اتفضلي يا طنط
-مين للي بر؟
-أهلك
استغربت دول مجوش من ساعة ما اتجوزت بقالي حوالي اكتر من شهرين مشوفهمش ولا حتي رنوا عليا إلا هي مرة واحدة
-اي مش هتطلعي
-لا طالعة اهو
-روحي اقعدي معاهم وانا هعمل حاجة يشربوها
-بص انا هعمل متتعبش نفسك
-مفيش تعب يلا يحبيبتي
علا:عاملة أي
ابتسمت
-الحمد الله ،حضرتك وبابا عاملين أي ؟؟
عبدالله: كويسين الحمدلله
علا:مفيش اي اخبار تفرح
-اخبار أي مش فاهمة
-من إمتي وانتي بتفهمي حاملتي ولا لسة
مسكت دموعي بالعافية
-لا
-اتجدعني ياختي بدل ما يطفش منك اربطية معاكي بالعيال
معرفتش ارد عليها من صدمتي بكلامها
-اتفضلي يا طنط ،اتفضل يا عمي
عبدالله: مكنش لة لازوم التعب دا
-مفيش تعب ولا حاجة دا انتوا تقعدوا تقضوا معانا اليوم النهارده
علا:مش هينفع إحنا ورانا مشوار قريب منكوا فقولنا نعدي نسلم عليكم بالمرة ،يلا يا عبدالله ولا اي
-يلا يا أم أحمد
محمد وصلهم لحد الباب وانا واقفة مصدومة يعني أصلا مكنوش جيالي مخصوص. لية؟؟لية بجد كدا ياريتهم ما قالوا كدا ـــــــــــــــــــــــــــــــــــــــ
عدت الأيام ما بينا إلي حد ما كويسة بس انا لسة خايفة ومهزوزة أصل هو كويس وكل حاجة بس عقلي دائما بيفكرني دائما شوفي اهلك عاملوا اي هو هيكون اقرب من اهلك ليكي مجرد الفكرة بترعبني وبتخليني اعيط واكرة قربة مش عايزة حاجة تقربني منة مش عايزة اعيش إلي عشتة تاني ولا اجيب طفل يعيشة كفاية أنا ــــــــــــــ
أنا تعبت وقرفت بجد إنتي مش طبيعية
رديت علية وأنا جسمي كلة بيرتعش
-واطي صوتك
زعق اكتر بعصبية
-مش متزفت فاهميني في أي مالك ؟؟يوم بتعامليني علي إني حبيبك ويوم كارهني مش طايقة تشوفي وشي يوم الاقيكي حابة قربي وعشرة لا لية بتعملي فيا كدا لية كل دا علشان عارفة إني بحبك صح ما تردي عليا بدل ما إنتي بتعيطي
مقدرتش ارد علية من كتر ما انا بعيط وجسمي بيرتعش
-كنت عارف انك مش هتردي وهتعملي زي كل مرة ،بس المرة دي انا مش هصالح وأحيال زي كل مرة علشان أنا مش هفضل أحاول لوحدي علشان العلاقة دي تكمل حتي لو كنت بحبك وعايزك
فضل واقف علي أمل اني أتكلم بس أنا مردتش مش قادرة حاسة أن قلبي وجعني أوي ،عرفت انة مشي من صوت الباب ساعتها عيطت بصوت مسموع وصرخت يمكن قلبي يهدي.
قمت جسمي واجعني وأيدي فيها علامات زرقة من الزعل بصيت عليها وانا بعيط تاني فضلت ادور علية في بيت مش موجود مسكت الموبايل لاقيت الساعة ستة الصبح قولت ارن علية بس اترددت شوية علشان أفكر هقولة أي رنيت مرة ؛التانية ؛التالتة موبايلة غير متاح فضلت محتارة أعمل أي انا عايزة أطمن علية بس كان فين طول ليل إمبارح وخايفة أمشي اروح عند أهلي مش هستحمل كلامهم وممكن يجرالي حاجة ــــــــــــــــــ
مالك:انت مراتك مغضبك ولا اي
-نفسي تتلم
-هتلم بس في اي قولي بقالك يومين منورني لية؟؟
-انا تقلت عليك انا عارف و
مالك:هشششش اقفل بوقك دا انت عبيط يبني دا بيتك ،أنا بس بطمن عليك يصحبي حالك مش مظبط ومش مركز حتي في الشغل
-متخانق أنا ومريم
-عملت أي طيب
-معملتش مشكلتها إنها مش بتعمل حاجه ،مالك لو سمحت مش عايز اتكلم ممكن
-زي ما تحب بس انا موجود في أي وقت عايز تتكلم ـــــــــــــــــــــــــــــــ
بقالوا اسبوع مجاش البيت وسالت علية في المستشفي والعيادة قالوا مجاش ؛كل يوم في ميعاد رجوعة بستني الباب يتفتح علشان احضنة واعتابة علي سايبني لوحدي واقولة انة وحشني أوي وبيت وحش من غيرة ــــــــــــ
-خديجة ازيك
-الحمد الله ،انتي كيفك ؟؟
-كويسة
-والحجه كيف صحتها اخوي جالي أنها مريضة وانتي جارها
-محمد عندك؟؟
-ايوة ،مش أنتي عارفة
-اة عارفة عارفة ،خديجة ممكن متقوليش لمحمد إني كلمتك
-عيني ياختي
-تسلمي ــــــــــــــــ
ارتحت شوية إني عرفت مكانة وقررت اني لازم أنام علشان اروحلة لازم نتكلم هو ميتساهلش مني انة يتساب لدماغة بشكل دا ابداــــــــــــــ
-السلام عليكم
صافية:وعليكم السلام ورحمه الله وبركاته ،تعالي في حضني اتوحشتك جوي
حضنتها
-وحشتيني أوي يا ماما والله
خديجة:ماما بس
ابتسمت وانا بدور بعيني علية
-كلكم وحشتوني
صافية :مش اهني
-مين؟؟
ضحكت
-الي هتدوري علية بعينك
-احمم ،هو فين؟؟
خديجة:برا في جنينة للي ورا ،تعالي اوديكي
-خليكي انا هروح
مشيت وانا بقدم رجل وباخر التانية لحد ما بقيت قدامة
-مريم
-وحشتيني
-جيتي ازاي هنا؟؟
بيسال ونبرة صوتة كلها قلق قدرت اميزها
-ركبت تاكسي لمحطة القطار وركبت القطار وبعدين نزلت منة ركبت عربية وقولت للراجل علي اسم عائلتك هو جابني قدام البيت
-مخفوتيش
-لا كنت مرعوبة بس ربنا يسامح الي مشحططني وراه ؛ينفع حد يسيب مراتة كل دا لوحدها
-في وضعنا اة ينفع
قام وقف علشان يمشي بس انا مسكت فية
-ممكن تمشيش محمد ممكن تفضل موجود “عيوني دمعت “ممكن أنا أفضل جنبك دا لو لو انت عايز يعني
سمعت صوت تهندية
-فاهميني لية كنتي بتعملي كدا يامريم
اتكلمت وانا بعيط
-مكنتش عايزة اتعلق بيك بس أنت بحنيتك كنت بتخليني اتعلق بيك انا طول الوقت خايفة ،خايفة اتكلم ،خايفة اتصرف ،خايفة افتحلك قلبي واحكليك فتجي فيوم تفكرني بللي فات ؛خايفة احبك واتعود عليك ف فكن فكنت بتصرف كدا علشان متعلقش بيك انا عارفة إني متعبة وكل ساعة بحال وتعبتك معايا كتير اوي بس متسبنيش
قرب مني وخدني في حضنة
-ممكن تهدي شوية
مسكت فية جامد
-مش هتسبني ؟؟
-مش هسيبك يا تاعبة قلبي