رواية وعد ووفى الفصل الخامس 5 بقلم آلاء الواقع
رواية وعد ووفى الجزء الخامس
رواية وعد ووفى البارت الخامس
رواية وعد ووفى الحلقة الخامسة
-أنا كل حاجة في حياتي اتفرضت
عليا مكنش ليا الحق إني أتكلم مريم هتعمل كذا ييقي تعمل مريم لو معملتش بسمع كلام وحش أوي او اتحبس في الاوضة وانا مش بحب يتقفل عل يا باب بتخنق كنت بقولهم يقولولي بلاش كذب أنا مش كذابة بس بقيت طلما بيتقالي وبتعاقب من غير ما اعملها يبقي اعملها يوم ما جيت اخدتني من قدام بيت صحبتي ساعة العيد الميلاد للي روحتة من وراك فاكر
-اة
-أنا مروحتش أصلا انا نزلت اتمشي كنت عايزة أشم هوا وافصل لو ساعة
-مقولتيش لية ؟؟
-قولولي إني كدا هكون بزهقك وهعطلك عن شغلك ،انا بصراحة يعني كنت عايزة أبقي لوحدي أنا مش صغيرة وبعرف أتصرف علي فكرة لحد علمي ممكن اتصرف صح ويمكن غلط بس بتعلم
-كملي سمعاك
-مش هتزهق
-أبدا
ابتسمت
-أبدا
فضلت أتكلم كتير أوي هو قاعد بيسمعني مش يوم واحد بس لا كل يوم حكيت كل حاجة انا بحكي وانا مطمئنة وحاسة إني برتاح لما اتكلم كأنة كان حمل علي قلبي واتشال ،فضل جنبي صححلي مفاهيم غلط في دماغي طالع واعي وناضج بشكل قدر يحتويني ويفهمني .وبرغم كل للي قولتة هو مقالش كلمة وحشة علي أهلي بل بالعكس هو قالي حتي لو هما غلط في طريقتهم معايا فانا لازم بردوا اصلهم وابرهم علي قد ما اقدر ـــــــــــــ
-في حاجة كدا عايزة اقولك عليها
-قولي
-أنا حامل
شوفت فرحة في عيونة هو بيتكلم
-الحمد الله ،مبروك ياحبيبتي بصي عايزك تستريحي وبلاش اي إجهاد خالص لحد ما ربنا يقومك بسلامة
-أنا مش هقدر
بصالي بعدم فهم
-مش هتقدري أية
-مش هقدر أكون أم دلوقتي ،لية أجيب طفل يعاني
ـ هتكوني أحسن أم انا متاكد ومقدر خوفك بس مينفعش أبدا نستقبل نعم ربنا بالرفض غيرك كتير تتمني تكون أم وبتجري هنا وهناك ومش عارفة ،بعدين إحنا هنحاول سوا طول فترة الحمل إننا نتعلم إزاي نتعامل معاة لما يجي علشان نربية صح ويطلع سوي نفسياً
-تفتكر هنعرف
-متاكد باذن الله متلقيش ،قوليلي عرفتي إمتي؟؟
-إمبارح لما روحت الشغل تعبت وكنت شاكة فكلمت الصيدله وجبت التيست
-وساكتة من إمبارح يقلبك والله
-مكنتش مستوعبة
-واستوعبتي ؟؟
-إلي حد ما اه
-طب بكرة الصبح بإذن الله تكوني جاهزة هخدك ونروح نتاكد ونطمن بردوا
-ماشي ،أنت نفسك في بنت ولا ولد ؟
ـ والله أي حاجة منك حلوة حتي لو قرد انا هحبة
ضحكت
-قرد ،انا بتكلم جد علي فكرة
-بنت ولد مش فارقة المهم نربية ويطلع عارف دينة وعقيدتة صح علشان محدش يلعب في عقلة في زمن الفتن الي بنعيشة دا
-إنت دبلوماسي وماكر
ضحك ـــــــــــــــــــــــــــــــ
-اومال لو مش قايلك متقولتش لحد دا ناقص عم محمد بتاع الشاي يقولي الف مبروك
مالك:وحياتك قولتة لما يدخلك هيقولك
-منك الله
-خلي جوزك يا مدام مريم يبطل دعاء عليا هموت وأنا لسة مدخلتش دنيا
-بطل يا محمد حرام عليك
-اسكتي انتي متعرفهوش هو مش فالح في حاجة غير الرغي
-اخص اومال مين الي كشف علي مراتك من شوية واكدلك إنها حامل
-شكرا يا أخويا ،هروحها وأجليك تاني
-علاقتك بدكتور مالك لذيذة
-مالك أول واحد عرفتة لما جيت من سوهاج علي هنا ،واد جدع وصاحب صحبة
-ربنا يدمكوا لبعض ــــــــــــــــــــــــــــ
طبعا أهلي واهلة عرفوا إني حامل والايام الحمل كنت صعبة عليا في الاول بسبب خوفي لكن لما حسيت بالجنين وهو بيتحرك في بطني فرحت أوي
-محمد ،اصحي ،محمد
رد وصوتة كلة نوم
-اية
-إصحي تعبانة ،شكلي هولد
-نامي ياحبيبتي مفيش حد بيولد دلوقتي
صرخت من الوجع
-انت بتهزر وانا بموت ،قوم
-يا مريم اتخمدي انتي لسة في أول التاسع نامي بتاع ١٥ يوم ونصحي نولدك
صوت من الوجع
-اااة والله بولد انا حاسة
قام اتعدل وفضل يبصلي
-انت هتفضل مبحلق فيا كدا اتصرف
-اعمل أي طيب
صوت
-وديني المستشفي بسرعة
لبسني اسدال وشلني ونزل جري علي عربية
-كفاية غض في أيدي حرام عليكي يشيخة
رديت وانا بعيط
-مش قادرة ،منك الله انت السبب
-فعلا معاكي حق انا للي جبتة لنفسي
-طلقني
-تولدي بس وهنطلق كلنا
شديتة من شعرة
-لا دلوقتي حالا
-حاضر
مالك:سبية يا مدام علشان نولدك
عيطي زاد ومسكت فية
-لا ،ادخل معايا انا خايفة
-طب نامي هنا لازم اتعقم الاول وهجليك وعد
-يمدام اهدي شوية مش عارفين نولدك البيبي كدا ممكن يحصلة حاجة
-مش قادرة
سمعت صوتة وحسيت بايدة تمسك ايدي
-حاولي تهدي علشان مضريش نفسك ولا عائشة
-مش قادرة وجع رهيب
-استحملي شوية بس بطلي عياط
معرفش عدي وقت قد أي لاني تقربيا والله اعلم اني نمت ومصحتش الا وانا في اوضة عادية
-حمد الله علي سلامتك
-الله يسلمك ،هي فين؟؟
-اهي ،بصي جميلة إزاي
ابتسمت
-دي صغيرة أوي بس شكلها حلوــــــــــ
طبعا أهلي جم علي المستشفي وعزموا إني اروح معاهم علي بيت بس هو مرضش وبعدها بيومين اهلة جم وخديجة فضلت معانا تساعدني وبصراحة من غيرها مكنتش هعرف أعمل حاجة لأني كنت بخاف من عائشة لما تعيط مش بحب أقرب منها
خديجة:هي لما تبكي بتكون عايزاكي جريبة منها مش تبعدي
-بحس إني معذبها وانا مش عايزة اكون سبب في وجع ليها ابدا
خديجة:فكرك غلط جوي بتك دي عمرك ما هتجدري تاذيها واصل لانها حتة منيكي ،خدي واكليها ــــــــــــــــــ
شهر وخديجة مشيت كنت عرفت اتعامل معاها ازاي شوية ومحمد بيساعدني علي قد ما بيقدر كل تطور كان بيحصل لعائشة قدامي قلبي بيفرح زي أول مرة قالت ماما كلمة جميلة ودافئة بشكل ولما كبرت شوية بقيت تسحف في كل حتة وتوقع كل حاجة ولما بدأت تمشي وتستني أبوها علي باب كل دا عشتة معاها وانا فرحانة
-اة ياني ما اتركنت علي الرف خلاص كل حاجة عائشة عملت عائشة قالت
-الاة دي بنتك مش بنت الجيران
-عارف إنها بنتي بس مش كل وقتك ليها انا فين؟؟
-انت كبير هي صغيرة ومحتاجة رعاية اكتر
لوي وشة الناحية التانية بزعل
-والله الكبير محتاج اكتر يست مريم
ـ عيون الست مريم ،متزعلش بقا أنا بس مش عايزها تحس إنها لوحدها
-مش زعلان خلاص ،ربنا يديمك لينا يحبيبتي
-امد ،امد
ابتسمت
-اسمة بابا يا أش
هزات راسها ب لا
-امد
-امد امد تعالي اي للي صحاكي ؟
-هنا يا امد
-هنا أي ؟؟
طلعت علي سرير ونمت في النص
-وة
ضحكت
-تصبح علي خير
بصلي بضيق
-وانتي من اهلة
في النهاية اقدر اقولكم إني دلوقتي عايشة وانا كويسة مش كاتمة في قلبي أي شيء لأني عندي جوزي للي بيسمعني وبيحاول دائما يخليني مبسوطة هو عوض ربنا ليا بعد سنين كتيرة اما عن عائشة فانا بربيها من صغرها علي حب نفسها بكل حالاتها وبحاول اكون انا مصدر الأمان بالنسبالها والحضن الدافئ في الحياة
“يُجيد مُواساتي بطريقة مُبهرة، كإنه بعضٌ مني، كإنه أنا ♥️”
تمت .
لقراءة الرواية كاملة اضغط على : (رواية وعد ووفى)
