رواية وعد الليل الفصل الحادي عشر 11 بقلم ديدا الشهاوي
رواية وعد الليل الجزء الحادي عشر
رواية وعد الليل البارت الحادي عشر
رواية وعد الليل الحلقة الحادية عشر
في جنازه مهيبه كان ليل ماشي غايب بعقله وقلبه عن الدنيا وكانه تايهه كان ليل بيتقدم جنازه اخته ومعاه جاسر اخوه وابوه اللي كان بعيد عنهم وفي الخلف امه منهاره وصراخ بكاء علي بنتها ووعد معها ونساء الاهل والاقارب
ام ليل.. نهاد روحتي بعيد عني ليه.. ليه حببتي سبتيني ليه يااقلبي ياروحي خدتي روحي وقلبي معاكي ياااابنت قلبي اااه
تم مراسم الدفن وليل مغيب كان واقف ومش حاسس بالدنيا وكل بيشوفه شريط ذكريات نهاد من ساعه مكانت طفله ولغايه ماكبرت وبقت عروسه
فلاااااش بااااك
_ليل الحقني الواد دا بيضربني وانا طالعه من المدرسه
_خلاص يانهاد بكره هوصلك المدرسه وهضربهولك
_طب ومدرستك الناظر هيزعقلك
_انتي اهم ياانهود
_بحبك ياليل اوي
فلاش باااك
_ماما الحقيني جاثر بيشد شعري عاوز الحلويات اللي معايا
_اديله منها يانهاد
_لا ليل قالي متديش واحد خيبان وجاسر بليلد
فلاش باااك
_ابيه.. ابيه تعرف انا بحبك وانت بتوصلني الكليه البنات كلها بتتهبل عليك لما بيشوفك ببقي فخوره ان عندي اخ مز كده
فلااااش باااك
_عارف ياليل انا نفسي اتجوز واحد شبهك انا معرفش ابويا بس اعرفك انت انت مثلي وسندي انت كل حاجه حلوه في حياتي
انا هغير من عروستك لما تتجوز هتخدك مني.. هتخدك مني… هتخدك مني
وهنا انهار ليل امام قبر اخته ونزل علي ركبه وبانهيار
_سامحيني حببتي… سامحيني عشان خاطري انا السبب انشغلت عنك خليتك تبعدي عني خليتك تروحي ومترجعيش وهنا بدا بالبكاء والانهيار والكل بيحاول يواسيه وانه يتماسك عشان امه واخوه
_ليل اقوم معايا ياليل قوم عشان امنا مينفعش كده لازم تاخد العزا
قام ليل وهو مش سامع جاسر قام ومشي وفضل مشي حولين قبر اخته واختفي شويه ورجع بنبات الصبار وورود كل اللي بتحبه نهاد جابه وبدا يزرعه في قصريه علي قبر اخته ويسقيه وبدا يكلمها وكانها شخص ادامه
_خلي بالك من نهاد كويس وادعيلها طول الوقت وانا كل يوم هجي اطمن عليها وعليكي
الكل كان مستغرب ليل والناس بدات تكلم بعضها
_ياحرام الراجل عقله خف كان روحه في اخته
_هي ماتت ازي
_بيقولوا مخدارت وسمعت كمان لاقوها عر*يانه
وهنا وعد انتفضت من كلام الستات في المدفن وراحت علي ليل _كفايه ياليل يلا نرجع الفيلا.. يلا جاسر هات الست هانم كفايه كده
في جو مليان بالحزن والمغيم علي فيلا ليل كانت هناك والده ليل كانت في انهيار كامل مش مصدقه ولا مستوعبه اللي حصل وان حياه اولادها اتشقلب في يوم وليله والكل حوليها من الاهل يواسوها ويصبروها ولكن كانت في دنيا تانيه
والده ليل.. سبتيني ورحتي ليه ياحبيبه قلبي يابنت قلبي سبتيني لمين هفرح لمين بعدك يانور عيني اااه ياقلبي اللي خدوه مني منهم لله .. انا عاوزه نهاد عاوزه بنت قلبي
كانت كلمتها بتوجع كل اللي موجوده ومكنوش يقدروا يفضلوا جنبها من كلامها اللي بيوجع
اما عند ليل كان قاعد في اوضه نهاد وحوليه هدومها وحاجتها وصورها كان غايب في دنيا تانيه
ليل.. نهاد ليه سبتيني ومشيتي ليه يانهاد انا قصرت معاكي في اي حرام عليكي توجعي قلبي عليكي انا ضيعت شبابي عليكي عشان كنتي اختي وحببتي وبنتي اااه يااانهاد عملوا فيكي كده ليه يااانهاد
اما جاسر تحس انه لسه مستوعبش الصدمه كان واقف يستقبل المعزين ومن غير دمعه وحده
اما وعد حاولت تكون جنب ليل واهله لكن كانت بتلاقي رفض من امه واخوه
وعد… اهدي ياهانم ادعيلها بالرحمه نهاد عروسه بالجنه
ام ليل.. بحده وانهيار ست نهاد ستك نهاد انت السبب دخلتي البيت فرقتيهم واخوهم اللي كان بيرعيهم انشغل بيكي عنهم مش مسامحكي اطلعي بره .. بره مش عاوزه اشوفك هنا اااه يابنتي يانني عيني يافرحتي اللي ضاعت ياقلبي اللي مات بغيابك
جاسر.. وعد من فضلك اطلعي بره الاوضه كفايه اللي هي فيه
وعد محتاره تسيب حبيبها في الظروف اللي هو فيه وتروح شقتهم اللي قعده فيها ولا تفضل جنبه تواسيه علي اللي صابه
وعد فضلت تقعد في المطبخ مكانها اللي رجعت ليه عشان مضيقش ام ليل وكمان تكون قريبه من جوزها.. جاسر دخل عليها ولاقها بتعيط
جاسر.. اعذري امي يااوعد اللي هي فيه مش سهل
وعد.. بحزن ووجع انا مش زعلانه منها انا زعلانه عليها وعلي ليل وعلي الست نهاد الله يرحمها
جاسر.. طب في ناس عاوزكي او عاوز ليل
وعد.. عاوزني انا.. ليل مش بيقابل حد وانا معرفش حد
جاسر.. مش عارف اعمل ايه .. شكله غريب ومش مصري
وعد.. خلاص انا طالعه اشوف مين وخليك معايا
وعد وجاسر استقبلوا الضيوف واللي انصدمت وعد
وعد.. بصدمه جابر ايه اللي جابك هنا وتعرف ليل منين
جابر.. اي ياست الكل هو ليل مقلكيش ولا اي وهنا تتدخل ابو عدي
ابوعدي.. مش ترحبي بيا اختي جابر بس اللي بيترحب بيه هون
وعد.. معلش اعذرني اتفاجات بس اهلا بيك
ابوعدي.. البقاء الله اختي كنا عاوزين نعزي ليل بيك بس اخوه قال تعبان ومش بيقابل حدا
وعد.. زي ماانت شايف الظروف صعبه وصدمتهم كبيره في حاجه مهمه اقدر اعملها ولا ابلغه بيها
جابر… لا ياست الكل هنجيله تاني لازم نعزيه بنفسنا
وعد.. جابر ليل مقليش اي وكنت هتقوله ياجابر
ابو عدي.. اختي وقت تاني تكون الامور هدت شوي
وعد.. معلش استاذ جابر انت تعرف ليل منين
جابر.. مبدهاش بقي بصي ياست الكل ليل بيه هو صاحب البار اللي كنتي بتشتغلي فيه
جاسر.. خلاص بقي جابر اتفضل دلوقتي
وهنا اتصدمت وعد اللي مقدرتش تستوعب الصدمه وقعدت مكانها وفجاءه ابو عدي وقف والتفت لوعد والسيجار في بوءه
_اختي لينا لقاء تاني ويكون احسن من دا.. يلا جابر
جاسر وصلهم لغايه الباب ولسه هيرجع مكان استقبال العزا
وعد… جاسر بيه انت تعرف ان ليل صاحب بار
جاسر.. عرفت متاخر وجابر هو اللي قالي
فلاش باااك
_ الو استاذ جاسر
_ايوه مين معايا
_انا جابر اللي شغال عند ليل بيه في الديسكو والبار
_انت بتقول ايه اكيد الرقم غلط
_لا صح كنت بدور علي ليل بيه بقاله كتير مجاش البار لعل المانع خير
_معرفش واتصل بيه متكلمنيش انا
باااك
وعشان اتاكد مشيت ورا ليل ولاقيته راح البار والناس كله عرفاه هناك
وهنا اتصدمت وعد وفجاءه شريط ذكريات البار مرت من ادمها ومسكت راسها وبصدمه وافتكرت انها سمعت صوت ليل قبل كده
_مش معقول ان دماغي هتنفجر ياربي انا مش مصدقه وبدات تتكلم نفسها ازاي ياعني اللي اتهجم عليها هو ليل واللي كان بيعمله واللي سمعته عن صاحب البار هو ليل
وهنا جاسر دخل فجاءه
_الحقي ماما ياوعد ماما هتروح زي نهاد وهنا وعد تجري علي ام ليل واللي كانت غايبه عن الوعد وبصريخ
اسعااااااف… اسعااف
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وعد الليل)
