رواية وصية الفصل الثاني 2 بقلم إيمان السيد
رواية وصية الجزء الثاني
رواية وصية البارت الثاني
رواية وصية الحلقة الثانية
-مصطفي: والله عااال اووي يا بت نادر ادي البندر وبنات البندر واللي بناخده منهم قلة حيااا وقلة ادب لم حريمك يا نادر
-نادر: حبيبه صوتك ميعلاش على عمك ولا يعلي اصلا طول ما انا موجود
-حبيبه: أنا آسفة يا بابا بس حضرتك موافق بالكلام ده هتجوزني غصب لواحد معرفوش ولا عمري شفته؟؟!!
-نادر: دي وصية جدك ووصية ابويا لازم تتنفذ يا حبيبه وخلاص انتهي الكلام ومفيش نقاش في الموضوع ده تاني واتفضلي اطلعي على اوضتك يلاا وبتطلع حبيبه علي اوضتها وبيطلع أوضته هو وياسمين كمان وياسمين بتقوله:
-ياسمين: ناادر انا سكت تحت ومفتحتش بوقي عشان مصغركش قدامهم لكن ده مش معناه أبدا اني موافقة على الكلام ده يعني ايه تجوز بنتي لابن اخوك وهما اصلا ميعرفوش بعض؟؟!!!
-نادر: ياسمين حبيبه بنتي انا كمان مش بنتك لوحدك يا هانم وبعدين أنا سبق وقولت أن دي وصية أبويا ولازم تتنفذ ولاخر مرة بقولك اهو الموضوع ده ميتفتحش تاني عشان انا واخد القرار فيه حبيبه هتتجوز محمد بعد الاربعين
عند حبيبه في الاوضه بتاعتها وهي بتعيط موبايلها بيرن بتاخد نفسها عشان تعرف ترد:
حبيبه بدموع: ألو.. خاالد
-خالد: حبيبه مالك فيكي ايه انتي كويسة
-حبيبه: لا مش كويسه خالص أنا اتدمرت خلاص
-خالد: ليه بس في إيه فهميني طيب
-حبيبه وهي بتحكيله: وبس كده ومن ساعتها وبابا مصمم وماشي ورا عمي وعايزين يجوزني ابن عمي غصب بعد الاربعين وأنا مش عارفه أعمل ايه
-خالد: لا ده كدة اتجننوا خالص جواز ايه وبعدين مينفعش انتي هتبقي مراتي هما بيستهبلوا ولا ايه
-حبيبه: بابا مش راضي يسمع مني ولا كلمة وقالي وصية جدي هتتنفذ يعني هتتنفذ حتى لو غصب عني
-خالد: لا طبعا أنا هتصرف
-حبيبه: هتعمل ايه
-خالد: هكلم عمي نادر اشوف إيه الحكاية
-حبيبه: بس أنت عارف إن بابا من الاول مش موافق عليك ازاي اصلا هيسمع منك
-خالد: انا هتصرف.. وبيقفل خالد معاها وبيرن على ياسمين:
-خالد: ألو ازيك يا خالتي عاملة ايه
-ياسمين: الحمد لله يا خالد ازيك أنت يا حبيبي ومروة عاملة ايه
-خالد: الحمد لله أنا وأمي تماام بس إيه الكلام اللي أنا سمعته ده
-ياسمين: هي حبيبه قالتلك
-خالد: أيوة قالتلي وأنا مش فاهم ازاي عمي نادر المتعلم اللي دماغه كبيرة يوافق على كدة ده كدة حرام عليه والله اللي هيعمله في حبيبه وفيا ده
-ياسمين: أعمل ايه يابني والله حاولت معاه ورفض رفض تام عرق الصعايده طلع وعايز ينفذ وصية أبوه مهما كانت ايه وماشي وراا كلام مصطفى اخوه ومش راضي يسمع لحد فينا ابدا
-خالد: لا انا مش هسمح بالكلام ده هي معروفة ان حبيبه ليا من واحنا عيال أنا هتكلم معاه سلام يا خالتي وبيقفل معاها وبيرن على نادر:
-خالد: ألو ازيك يا عمي
-نادر: عايز ايه يا خالد
-خالد: ايه الكلام اللي أنا سمعته من خالتي ده؟؟!!
-نادر: من خالتك ولا من بنت خالتك
-خالد: مش مهم من مين المهم ايه الكلام ده؛ ده مكنش اتفاقنا ابدا
-نادر: اتفاق إيه يا حبيبي أنا متفقتش معاك على حاجه
-خالد: لا اتفقت وانا قد وعدي لحد دلوقتي وبتغير عشان توافق عليا ليه بتخلف معايا
-نادر: أنا ولا اتفقت معاك على حاجه ولا وعدتك بحاجة انت اللي واهم نفسك بكدة دي مش قصتي
-خالد: يعني إيه يا عم نادر الكلام ده
-نادر: يعني وصية أبويا هتتنفذ غصب عن اي حد وأنا موعدتكش بحاجة ولو أنت آخر واحد برضو مش هجوزك بنتي
-خالد: ده اخر كلام عندك؟!
-نادر: آه وأنا معنديش بنات للجواز يلا يا حبيبي بالسلامة وبيقفل نادر مع خالد وبينزل يقعد مع مصطفى:
-نادر: عامل إيه يا خوي
-مصطفي: زين يا نادر.. ها جولى ايه الاخبار
-نادر: اخبار ايه يا مصطفى
-مصطفي: عايز اعرف مرتك وبتك غيروا حاجه في قرارك ولا لا
-نادر: عيب يا خوي انا اديتك كلمة ومش هرجع فيها ووصية ابوي هنفذها ولو كان ايه..
-مصطفي: عفارم عليك يا نادر إجدة الحاج محمد خلف رجاالة بصحيح..
وعلي الجانب الآخر في بيت اخت نادر ومصطفى وعمت محمد وحبيبه:
سعاد: نوارة ناوليني عبايتي يا بتي لما اروح اطل على اخوالك وارجع
نوارة: حاضر ياماا اجي معاكي؟
-سعاد: تعالي يا بتي واهو تسنديني لحسن مش جادرة اصلب طولى
-نوارة: حاضر ياما هلبس عبايتي واجيلك
-سعاد: ماشي يا بتي
-وبتروح نوارة وسعاد عند مصطفى وبيقولولها وصية ابوهم الحاج محمد..
-سعاد: وماله يا خوي وصية ابوي ولازم ننفذها إن شاء الله بعد الاربعين نكتب الكتاب علي طول
-نوارة واقفة مصدومة والدموع اتجمعت في عنيها فإنسحبت بسرعة عشان محدش ياخد باله وخرجت علي برة بسرعه ووقفت في الجنينة الخلفية وقعدت تعيط وهي بتجري شافها محمد وراح وراها..
-محمد بلهفة: نوارة مالك بتبكي ليه عااد
-نوارة: بعد عني أنا معيزاش اكلمك واصل أنت طلعت بتلعب بيا وبمشاعري وطلعت ملكش أمان يا خاين
-محمد: نوارة وطي صوتك وفهميني في ايه وايه الكلام الماسخ اللي بتقوليه ديه
-نوارة: عايز تفهمني انك متعرفش بس ماشي أنا هقولك انت هتتجوز بت البندر صوح ولا أنا غلطانة رد عليا
-محمد: نوارة اسمعيني بس
-نوارة: رد عليا صوح ولا لااه
-محمد: صوح يا نوارة بس استني هفهمك
-نوارة: تفهمني ايه انك كنت بتلعب بيا وبتنيمني أنا غلطانة إني مشيت ورا قلبي ومشاعري لحد ما غرقتني
-محمد: والله أنا بحبك انتي ومعحبش غيرك وااصل بس دي وصية جدي ولازم ولابد تتنفذ وكمان عشان الورث ميروحش لحد غريب فكان لازم اتجوزها بس انا مرايدش غيرك
-نوارة: أنا مش مصدقه بقاا انت محمد اللي حبيته لا مش أنت أبدا محمد مش كل تفكيره في الورث وخلاص انت من أمتي بقاا كل همك الفلوس اجده من أمتي جوولي
-محمد: أنا مجدرش اعارض ابوي وااصل وانتي خابرة وكمان حبيبه نفسها مهتوافجش بس كمان عمي نادر جبرها
-نوارة: والله عااال كمان عرفت اسم السنيورة ماشي يا ابن خالي أنا من انهارده مفيش علاجة بتربطنا سواا غير القرابة وبس ومش عايزة اعرف عنك حاجة واصل
-وبتمشي نوارة وبتحاول ترسم القوة وهي داخلة علي امها واخوالها وبتاخد امها وبيمشوا وبتحاول تبان كويسة عشان محدش يعرف حاجه..
-بتروح نوارة البيت وبتدخل اوضتها وبتقعد تعيط وهي مفكرة إن محمد كان بيلعب بيها..
عند محمد: كان قاعد في اوضته وهو سرحان في نوارة وازاى بقت شايفاه دلوقتي وأنها أكيد مفكراه خاين وملوش أمان بيلاقي الباب بيخبط..
محمد: ادخل
-الدادة فاطمة: الحاج مصطفى عايزك تحت يا بني
-محمد: حاضر يا دادة قوليله نازل اهو..
-بينزل محمد وأبوه بيقوله:
-محمد جهز كل حاجه عشان كتب الكتاب
-محمد وهو بيتنهد: حاضر يا بوي تحت امرك
-مصطفي: يحضرلك الخير يا ولدي يلا جوم شوف هتعمل ايه..وبيقوم محمد بيخرج..
وبتمر الايام وبييجي يوم كتب الكتاب:
-في اوضة حبيبة قاعدة بتعيط وامها جمبها بتحاول تهديها..
-ياسمين: خلاص بقاا يا حبيبه عياطك ده ممنوش فايدة يا بنتي اهدي كدة عشان ابوكي لو شافك كدة مش هتعدي على خير..
-حبيبه: مش قادره يا ماما مش متقبلة الموضوع أصلا وإن ازاي بابا هيجوزني غصب عني
-ياسمين : ياريت كان في ايدي حاجه اعملها يا حبيبتي والله وبتتنهد ياسمين وبتقولها أنا هنزل اشوف إيه اللي ناقص..بتنزل ياسمين وتليفون حبيبه بيرن بتلاقي رقم خالد فبترد..
-خالد: خلاص هتتجوزي يا حبيبه
-حبيبه وهي بتعيط: والله غصب عني مفيش في ايدي حاجه اعملها..
-خالد بصوت مخنوق : حكايتنا خلصت من قبل ما تبتدي اصلا ربنا يسعدك يا حبيبه بس كل اللي عايزك تعرفيه انك مش هتلاقي حد بيحبك قدي وعايزك تعرفي اني حاولت علشانك كتير بس في اسباب أقوي مني ومنك سلام يا حبيبه.. بتقفل حبيبه مع خالد وهي قلبها بيوجعها وبتحاول تقوي نفسها وبتقوم تلبس عشان ابوها بعتلها..
- عند خالد بيقفل مع حبيبه وبيرمي التليفون على السرير وبيقعد يعيط وبتدخل عليه مامته:
-راوية: خالد مالك يا حبيبي في ايه
-خالد: راحت مني يا ماما حبيبه خلاص راحت مني
-راوية: طيب اهدي بس عشان خاطري يمكن يابني ده الأصلح ليك وليها يمكن انتوا مش خير لبعض يمكن كنتوا تتجوزوا وتتفرقوا ومتكملوش طالما ربنا سبحانه وتعالى عايز كده يبقي اكيد ده الأصلح
-خالد: بس أنا اتغيرت علشانها
-راوية: لا يا خالد مينفعش تقول كدة انت ربنا سبحانه وتعالى كان رايد يهديك عشان كده جعلها سبب لكن لو مكانش عايزك تتغير مكنتش هتبقي كدة ابدا ومينفعش نقول أنا اتغيرت علشان فلان لا احنا نقول اتغيرنا علشان ربنا وربنا جعل فلان سبب في هدايتي وبينام خالد علي رجليها وبتقعد تطبطب عليه وتقرأ عليه قرآن لحد ما ينام وبتخرج وبتدعيله من قلبها إن ربنا يهون عليه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وصية)
