رواية وريث الشيطان الفصل الثالث عشر 13 بقلم شيماء محمد
رواية وريث الشيطان الجزء الثالث عشر
رواية وريث الشيطان البارت الثالث عشر
رواية وريث الشيطان الحلقة الثالثة عشر
في ذلك المكان الذي اجتمعت فيه الشياطين ليحدد ايهما من سيكتب نهاية من
يقف صفوت في حالة صدمة تامة يتساءل كيف لها ان تكون حية وهو من دبر لقتلها كيف نجت من ذلك الحادث الشنيع ليقول بذهول وصدمة لم يستطع إزالتهما :_
انت إزاي عايشة والحادثة انتي موتي واندفنتي
ردت عليه رغد ببسمة وسخرية قائلة :_
عارف ليه عشان انا كنت عارفة أنك هتعمل كدا فأخدنا الاحتياطات العربية اللي انضربت كنا فيها بس للاسف كانوا عرايس لعبة من غير اي روح والعربية اتقلبت وظهرت ليكم انها حادثة فاقتنعت أننا موتنا
ليتساءل بفضول اكبر قائلا:_
طيب إزاي ريتاج دخلت المستشفي وجثتك وووو ولم يستطع ان يكمل
لتقول بصوت مزلزل كزلزال يعصف بما تبقي منه قائلة :^
ماهو انا هكمل أهو اما بقا ايه السبب في دخولنا المستشفي فهو سبب تاني أن العربية اللي كنا فيها الفرامل انقطعت فجأة وخبطنا في حيط وريتاج كانت ساندة علي الشباك فالازاز دخل في وشها اما قلبي اللي وقف كان وقف من الخضة بعد ما دخلت علي طول والدكاترة انقذوني وسيادة اللواء مكنش صعب عليه يعمل حاجة بسيطة زي دي تمام وريتاج عملت العملية وبقت كويسة وأنا غيرت وشي وطلعت من البلد بهوية غير هويتي تماما
صفوت بذهول وهو ينظر لها ولا ينطق لتكمل بصوت ملئ بالحقد قائلة وكمان انت غبي اووي يا صفوت لما تسيب عدوك في بيتك ومفكر انه صديقك وضحكت بسخرية
صفوت بتساءل :_
يعني انتي هي صوفيا
ابتسمت وهي تقول له :_
شاطر يا صفوت انا هي صوفيا يعني بذمتك كان حد ممكن يتوقع ان المتفجرات في الاطارات غيرررري وضحكت
ومع ضحكاتها بانتصارها عليه يزداد لهيب قلبه اشتعالا منها فهو الشيطان ولكن للحق ان الشيطان يرفع لها القبعة بسبب ذكائها
ليقول صفوت بكره :_
طلعت ذكية يا رغد بس اوعي تنسي اني الشيطان
رغد بسخرية قالت :_
وانت فاكر ان ممكن تطلع منها يا باشا تؤتؤ لا ياباشا ده انت ممسوك متلبس وغير كدا عندنا تسجيلات عن كل مصايبك وآه شحنة السلاح اللي جاية من فرنسا دلوقتي اترزت وراحت لصالح الدولة خدمة بلدك برضو
لتشير للعساكر بكل غضب قائلة بصوت عالي :_
خدوووووووه
كاد أن يقترب منه ولكن صوت قادم من الخلف منعه ليقول بحدة 😕
استنوووا
نظر صفوت للخلف ولكن رغد تسمرت مكانها من الصوت نعم أنها تعرفه نعم انه اول رجل في حياتها أنه أبوها كيف له ان يعود من الموووووت كيف ؟؟؟؟
تطلع صفوت للخلف والصدمة جلية علي وجهه قائلا:_
حسام
حسام بسخرية وحدة :_
ايوا يا صفوت حسام ابنك اللي قتلته بس للأسف هو كان اذكي منك وكان عارف انك هتغدر بيه كنت عايز يتنهيني يا ولدي بس انا اللي نهيت شرك لينتبه لكلامه ويعدل جزء فيه قائلا :_
بابا ايه تؤتؤ عيب يا عمي صح هو انت مش عمي اللي قتلت أبويا عشان كان بيعمل نفس اللي بعمله ها و استغليت انك تؤامه يا عمي حتي عيب ده احنا لحمك ودمك
صفوت وقد نسي موقفه الصعب ليقول بصوت قد ملأه الحقد والكراهية قائلا :_
ايوا يا حسام انا عملت كدا ولو رجع الزمن بيا لورا شوية هعمل نفس اللي عملته مش هندم أبدا عارف ليه البنادم بتخلق وبيعيشله ستين سنه وانا عايز اعشيهم بفلوسي بسعادة واتمتع بيهم
حسام بغضب قائلا :_
فلوس ايه دي اللي تعيش بيها من الحرام فلوس ايه اللي بتيجي من دم الناس الغلابة ملعووون أبو الفلوس اللي تموت الناس وتموت شباب لسه في زهرة عمرهم وتبكي أهالي علي ولدها آه صح ربنا خلقنا عشان نتمتع بالدنيا بس مش عشان نقتل في بعض لا خلقنا عشان نعمر الأرض ونحب بعض نساعد بعض خلقنا عشان نحيا السلام اللي فرضه علينا في تحيته مش عشان نكون سبب في عدائنا مع الناس ونقتل بعض انت بتاخد الأمور بسطحية وللاسف أنت أتفه بكتير من انك تقول احنا مخلوقين ليه لأنك للاسف مش فاهم
صدمة من كلامه صدمة من وجوده بعد موت ست سنوات واكثر وصدمة اكبر حينما وجدتهما يخرجان من مكان مظلم ليقول له حسام بكره أكبر :_
دول العقيد أدهم والعقيد سفيان الصياد اللي كنت عايز تحولهم لشياطين زيك بس يا خسارة معرفتش يا صفوت عارف ليه معرفتش يا صفوت لأن الأتنين دول أنا ربتهم علي الخير اللي انت متعرفوش ربتهم علي عقيدتي وديني اللي عمرهم ما قالوا أننا نيجي علي مظلوم ابدا كنت مفكر نفسك ذكي وكسبان بس احب اقولك للأسف انك أكبر خاسر وغبي عارف ليه لأنك خسرت دنيتك عارف السبب انك عيشت حياتك بالحرام والحرام ده هيوصلك لحبل المشنقه اما خسرت اخرتك في انك استحللت دم مش واحد ولاتنين ولا عشرة ولا مية لا انت كنت السبب في قتل الاف النفوس
أدهم مؤكد علي كلامه قائلا:_
احنا عمرنا ما كنا تابعين ليك يا صفوت وعمرنا ما كنا تابعين لشغلك وطول فترة العشر سنين اللي فاتت دي ما دخلت شحنة سلاح واحدة من طرفك عارف ليه عشان احنا كنا بنعمل صفقات وهمية و كنا بنوهمك بالسعر بس نص الفلوس كانت بتكون في حسابك والنص التاني كان بيروح للمشروعات اللي بتتعمل وبتجمع ليها تبرعات
سفيان بهدوء قائلا:_
احنا قولنا ليك يا صفوت أننا زي الاشباح متعرفش بتظهر امتي وهتختفي أمتي ونهايتك هتكون علي إيدنا واهو نهايتك علي ايدنا وفعلا نهايتك بقت ع ايد اللي ربتهم علي ايدك وكنت مفكرهم شياطين بس للاسف مقدرتش تحولنا لشياطين
كل هذا ورغد واقفة صامتة لا تتحدث وكان قدامها تجمدت عن كل ما حولها عقلها تحول لعالم مختلف تماما بعيدا كل البعد عن ذلك العالم لم تسمع اي كلمة خرجت منهم ولكنها تتذكر كلمة واحدة أنها تتردد داخل ذهنها انها خدعت
اشار حسام للعساكر قائلا :_
خدوه من هنا
وبالفعل نقل صفوت للسجن لحين عرضه علي النيابة
*****…..*****….*******…….**********
رحل الجميع من ذلك المكان الموحش لقلوبهم رحلوا لمكان ظنوا انهم سيجدوا فيه الراحة ولكنهم لم يعرفوا انه ربما يكون ذلك بداية الألم الذي ينهي بحياتهم
وصل للجميع لقصر الصياد ذلك المكان الذي سيضعوا به النقط علي حروفها ليبدأوا حياة جديدة بعيدة عن كل ضغينة تسكنها القلوب
بعد مدة قصيرة وصل الجميع لقصر الصياد دلفوا سويا كعصبة واحدة ونسوا أن العصبة تلك ربما تنحل عقدها
كان بالداخل يجلس حمزه وجوري
وايضا معهما أحمد وملك يجلسون في استغراب تام من سبب جمعتهم
لم يرد الله علي قلوبهم ان يرهقها السؤال أكثر من ذلك
واخيرا ظهر الغائبون جميعا إلي الداخل ليصعقوا مما رآهو
هل للميت ان يعود مرة آخري للحياة كيف ؟
فقال أحمد بصدمة :_
عمي إزاي عايش انت المفروض مش ميت من ست سبع سنين هو فيه ايه يا جماعة ما حد يفهمنا
أما بالنسبة لحمزة وجوري وملك لم يعرف أحدهم ماذا ينطق
فرد حسام علي تساءله :_
لا يا احمد باشا انا عايش اظن ان قميص واقي من الرصاص مش هيموتني وبالمناسبة عملت شغلك بشكل كويس جدا وقدرت تفهم مهمتك زي ما كنت عايز
احمد باستغراب قال :_
شغل ايه يا عمي
حسام ببسمة قال :_
الحقايق اللي حطتها قدامك يا حضرة عشان تكون شاهد ملك مش مجرم ومنهم ان صفوت مش جدك وغمز له
انهي كلامه لأحمد وجدها صامتة تماما وكانها فقدت قدرتها علي النطق نهائي فقدت قدرتها علي ان تشعر بكل سئ حولها فيكفي تردد ذكري أنه مازال علي قيد الحياة تؤلم قلبها لتتمني تلك المرة فعلا ان يكون موته حقيقة حتي لا يموت قلبها هو الاخر ولكن ليس ما نتمناه يكوون حقيقة
اقترب منها وقال :_
مش عايزة تتكلمي وتقولي حاجة يا رغد
نظرت له بأعين حائرة متألمة منكسرة هل هي تلك الجبل الذي أقسم الا ينحني أبدا ولكن بعض الجبال يكون داخلها براكين ثائرة تتمرد كل فترة حتي يأتي وقت تمردها الذي سيعلن للجميع تشقق جوانبها لتنفجر تلك الحمم البركانية لتقضي علي كل ماهو قريب منها نظرت لعينيه المتساءلة لم يعرف ان يحدد نظراتها هل هي كارهة ام نهارة نظرات مجهولة لم يعد يري نظرات الفخر داخلها وكأنه أصبح كالظل لا يظهر الأ في الظلام وهو بالفعل ظهر في وقت ظلام قلبها ليس لينيره ولكن ربما ليزيد قلبها عتمة أكثر واكثر
قال بصوت متساءل :_
ها يا رغد مش مبسوطة اني عايش
قالت بطريقة أشعلت نيران الخوف داخل قلوبهم :_
ياريتك كنت ميت ولا اني انكسر الكسرة اللي انا حاسة بيها دلوقتي يا سيادة اللواء
حسام بذهول قال :_
سيادة اللواء ايه يا رغدي انا ابوكي
رغد وهي تهز راسها بعنف قالت :_
لا لا انت مش ابويا عارف ليه لأن ابويا مش اناني ابويا عمره ما هيسبني وانا ضهري مكسور ويحملني أجيب حقه ابويا عمره ما هيسبني والنار ولعة في قلبي وهو ميطفيهاش أبويا عمره ما هيسمح اني أعيش وسط الشياطين واكون زيهم أبويا عمره ما كان هيسمح لمخلوق انه يقضي علي حلمي ابويا عمره ما كان هيسمحلي اني أعيش من غير هويتي الحقيقية ابويا عمره ما كان هيسبني أكون زي الحرابي بتلون بميت بلون عشان اعرف اعيش ابويا مكنش هيسبني اعيش الموت ابويا عمره ما كان وظلت تكرر كلمة اباها دون توقف وكأنها تؤكد لنفسها ان الواقف ليس اباها لتكمل بانكسار جبل ينهار علي الارض لتستقر صخره المتألم تحت الاقدام :_
ابويا كان بيحبني أووووي هو آه نفسه ابقي قوية بس هو كمان عارف اني قوته في وجوده جنبي أبويا كان مستحيل يسبني اوصل للضعف ده بس انا دلوقت اضعف من القشه لتنظر له بانكسار كفيل لان يحول قلب الحجر إلي فتات مكملة :_
انت عارف انا عيشت الست سنين دول في نار و حرقة قلب لو حسيت بيها بس صدقني هتلعن اليوم اللي عملت كدا رغد اتحولت للنمرة اللي محدش يقدر يقف في وشها بس انت مخلتش فيها أي حاجة خالص انا كنت مستعده أقف في وش مليوون واحد زي صفوت عشان خاطرك ولو هواجه عواصف عشان تكون فخور بيا في موتك مكنتش بعمل حاجة عشان خاطر نفسي لا كل حاجة كانت عشانك عشان تكون مبسوط عشان كنت دايما تقول انا بنتي مفيش زيها وفعلا بجد برافو بنتك مبقاش فيه زيها
كل هذا وهو صامت تماما لم يدرك أن فعله هذا سيكون هو القشة التي قسمت ظهر البعير هو ارادها قوية من اجل حمايته ونسي أنه قوته
اما هي لم تكفيها نيران العتاب والحزن الذي اشعلتها داخل قلوبهم لتنظر إلي أخيها في صمت تام ولكنها قررت البوح فيكفي نظرت إليه معاتبة :_
وأنت يا سفيان انت كنت فين آه ما حضرتك بقيت العقيد سفيان الصياد عايز ايه اكتر من كده مش محتاج اختك ما أنت بقا عندك كل حاجة بس انا مقدرتش اعيش من غير اخويا علي قد ما كنت مفكرة انك تابع لصفوت علي قد قلبي ما اكد انك مش زيه كنت باجي عشان آذيك منكتش بقدر لأنك روحي يا سفيان بس انت المفروض تكون ليا الحماية بس طلعت انت الأفعي اللي اتلفت حوالين جسمي وبتطلع في رووووووحي يا خسارة يا خسارة محبتي ليكم يا خسارة حياتي اللي سلمتهم ليكم وملقتش غير الخذلان والمكر يا خسارة سنين ضيعتها من عمري عشان ارضيكم يا خسارة كل دمعة نزلت دلوقتي عليكم
انتقلت بنظرها بأدهم لتكمل عتابها ولكن تلك المرة لم تتكلم أبدا تلك النظرة كانت كفيلة لان تنهي كا بقي من قوته وتمسكه هو كالفارس الماهر الذي يروض فرسته ولكنه أصابه بجرح لا يدواي ليكون مقتلها علي يده فكفاها تلك النظرة التي خرجت كسهام مسممة أخترقت جدران قلبه
لتفف في المنتصف بين الجميع قائلة :^
من النهاردة انا هخرج من هنا باسمي اللي مينفعش اغيره بس انا تغيرت اووي في الكام ساعة دول ومن الوقت اللي هخرج فيه من هنا هكون كتبت شهادة وفاة ليا من حياتكم المعروف الميت بيبقي ليه لحظة وداع مع احبابه بس للاسف انا مليش احباب اودعهم ولكن تذكروا الا تبكوا علي إطلالي فما انكسر ودفن تحت التراب لا يمكن إخراجه
ولكن قبل خروجها للابد قالت :_
يمكن يكون صفوت شيطان بس للاسف هو ارحم منكم هو حارب بشرف صحيح كان علي باطل بس كان بشرف ام انتم الشياطين سيطرت علي قلوبكم وعقولكم فطمست عليها انتم خضتعتم للشيطان اللي فيغويكم للشر ومفكرين أنه خير بس من أمتي الشيطان بيغوي بني آدم للخير هو قالكم ان كسرت القلوب للمصلحة خير بس ربنا مقلش كدا ولا رسولنا الكريم قال كدا رسولنا قال
… رفقا بالقوارير…. بس للأسف الشيطان عمره ما هيقلكم كدا وللاسف كل واحد فيكم بقا وريث لشيطان نفسه
************************************
ترك الجميع في صدمتهم في الأسفل وصعد إلي غرفته صعد لينعي ذلك الذي توفاه الله منذ خروجها
تركهم تركهم بعد ان تركت روحه تتألم تركتهم وتركت خلفها نيران تتأجأجأ داخل صدره نار لن تُخمد الا بوجودها فهو لم يكن يود خداعها فهي خلقت منه ليقول :_
كيف اهينك يا حواء واعلم انك خلقتي مني …. كيف اخذلك وقلبي ولم يخلق الا لك … فكيف بإن اكون سر ألمك…وانا اقسمت ان اكون بسمه تزين ثغرك … هل وعودي لك مجرد حطام ام ان تركك لي هو من سينهي ع بقاياي
امسك صورتها ليتحدث بعد ان طال صمته وطال المه “_
والله يا عمر ادهم انا ما كان قصدي اخدعك ولا اهنينك ولا اوجعك لان وجعك من وجعي يا حته من قلبي احنا عملنا كدا عشان نحميكي كان لازم تكون قويه عشان لو مش عملنا كدا كان قدر يحولك لشيطان حقيقي احنا غلطنا لما خبينا عليكي بس كنا عايزين نحميكي يا حته من قلبي
انت قولتي اني كسرتك بس اللي اتكسر بجد هو انا انا ع طول بقول اني امانك فيعني ايه اكون من يكسرك صدقيني خذلك نيران بتنهش ف قلبي ونار مستحيل تنطفي الا ببرد قلبك انتي رغدي وهنايا وقوتي حتي ضعفي بحبه لانه هيكون ليكي انا ادهم الشيطان اللي الكل بيخاف منه بس قدامك بتحول لطفل نفسه يحضن امه ليطلق صرخه مكتومه متألمه لتشبع الم يسكن جوفه ظل جالس ع الفراش وهو ممسك الصورة بيده حتي استمع الي طلق ناري اهتزت للجدارن
فمن هو المصاب ام ان القلب قرر ان يكون صريع الحب للابد
خلص الفصل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وريث الشيطان)
