رواية ورقتي الرابحة الفصل السادس 6 بقلم نشوة عادل
رواية ورقتي الرابحة الجزء السادس
رواية ورقتي الرابحة البارت السادس
رواية ورقتي الرابحة الحلقة السادسة
-بصوا وراهم واتصدموا لما شافوا صفا واقفة ببدلة الشرطة وقالت:اعرفكم بنفسي انا الملازم أول صفا السعدنى
خالد بصدمة: نعععععععم ازاى ده مستحيل انتى بنت تربية ملاجئ سجلك كله انا جايبه من اول يوم دخلتى فيه القصر
صفا: كل اللى انت جيبته عنى كان مجرد طعم اترمى ليك وانت بلعته متفتكرش ان انت لوحدك بس اللى ذكى وبتعرف تخطط وتدبر يا سيد خالد اى مجرم مهما كان محترف لازم يسيب وراه خيط يوقعه
F.B
حسام: تمام يا سيادة اللواء انا كده فهمت المهمة
اللواء: وخطتك ايه يا حسام انت وفريقك
حسام: الملازم اول صفا السعدنى قررت انها تكون العميل المرة دى مش واحد عادى وانا واثق فيها ثقة عمياء وكمان هى الوحيدة اللى تقدر تدخل بيت الصقر بصفتها بنت
اللواء: ايوة بس الصقر مبيدخلش اى حد بيته الا لما بيعرف اصله وفصله
حسام: عامل حسابى يا فندم وصفا هتدخل البيت ع انها خدامة وهيكون ليها ملف فى ملجأ وباقى الحاجات انا مظبطها مع موظفين وناس تبعنا
اللواء: ع خيرة الله طب وناويين تبدأو امتى ؟!
حسام: بعد اسبوع بالظبط على ما كل حاجة تظبط واتأكد بنفسى ان مفيش اى اخطاء
اللواء: المديرية كلها مستبشرة بيك انت وفريقك يا حسام ربنا معاكم
Back
عمر: يا بنت الجنية لعبتوها صح وفعلا الطعم اصطاد مش فريسة لا تلاتة بس انا عندى سؤال ؟!
صفا باستهزاء: طبعا من حقك لانك واحد اصبحت فى تعداد الموتى
عمر: برافو بتقلدى كويس وبتحفظى كمان المفروض انك موتى ازاى طلعتى من البحر وانا اللى مكتفك بايدى ؟!
صفا: قبل ما انزل ع النفق انا شوفت ضياء وهو بيراقبنى وكنت عارفة انه ورايا فالحقيقة انى كنت حاطة كاميرا صغننة اوى فى زورار القميص اللى كنت لابساه وكان فيه GPS مضاد للمياه اعترافتكم كلها كانت صوت وصورة واحلى حاجة الطريقة اللى اختارت تموتنى بيها فى الوقت اللى رمتنى فيه فى البحر كان فيه رجالة مننا غواصين مستنينى واول ما نزلت حطولى انبوبة اكسجين ولما مشيتوا خرجنا من المياه
خالد بضحك هستيرى: عااااااش ده افلام هوليود ناقصاكى بجد ثم نظر لضياء : ايه رأيك فى الكيوت اهى بسلامتها سلمتنا لحبل المشنقة
ضياء من الصدمة عجز عن الكلام رن حسام الجرس واتى العساكر : اوامرك يا باشا
حسام: خدوا التلاتة دول ع الحجز لحد ما يتعرضوا ع النيابة بكرة
ادى العساكر التحية الخاصة وانصرفوا فاتجه حسام لصفا واحتضنها بشدة: وحشتينى اوى ووحشنى حضنك
صفا وهى تبادله الحضن: مش اكتر منى يا زوجى العزيز
F.B
حسام لفريقه: انتم كده فهمتوا خطتى مين بقى اللى هنزرعها فى بيت الصقر
صفا: انا
حسام بدهشة: انتى بتقولى ايه يا صفا ؟!
صفا: حسام باشا صدقنى الصقر محدش من العامة هيقدر يكشفوا الا اذا كان واحد مننا وذكى يلاعبه بألاعيبه
حسام شدها من دراعها واخدها ع جنب: صفا متعصبنيش انتى كده بتعرضى نفسك لخطر كبير وانا مش مستغنى عنك انتى ناسية اننا لسه كاتبين كتابنا اول امبارح وفرحنا بعد اسبوع
صفا: هنأجل الفرح لحد المهمة ما تخلص يا حبيبى
حسام: معنديش استعداد انك تتعرضى للخطر حتى لو هعتذر عن ام القضية دى
صفا : بس انا واثقة انك هتحمينى ومع بعض هننجح
Back
حسام: انا لحد الان مش عارف ازاى طاوعتك اصلا وازاى جازفت بيكى
صفا: عشان كنت واثق من نفسك وفيا
حسام: طيب هموت واعرف انتى ازاى عرفتى كلمة الباص وهى مطلعتش ولا واحدة من اللى كانت فى الكشف
صفا بضحك: لما قعدت مع نفسى لقيت ان الحروف ممكن تكون اسم haitham يعنى هيثم والهيثم اسم من اسماء الصقر والعقاب فلما جربتها نجحت
حسام وهو يمسك بخدودها: كتكوتى الذكى كنت واثق انك هتكونى ورقتى الرابحة
صفا: طول عمرى يا كوتش
حسام بغمزة: طب مش كفاية ونحدد ميعاد الفرح انا استويت يا بنت السعدنى
صفا: اخر الاسبوع يا سيادة الرائد
حسام: واخيرا بقى يارب.. ثم احتضنها بعمق واشتياق وبعد مرور الاسبوع تم الزفاف واصبحت صفا زوجة له قولا وفعلا.. وبعد مرور ٦ اشهر اصدر القاضى حكمه بالاعدام فى حق خالد وضياء وعمر بعد اثبات الادلة المدانة لهم وترقى حسام الى رتبة مقدم وترقت صفا الى رتبة النقيب
تمت..
لقراءة الرواية كاملة اضغط على : (رواية ورقتي الرابحة)
