رواية ورطة عشق الفصل الثاني 2 بقلم زهرة الربيع

رواية ورطة عشق الجزء الثاني

رواية ورطة عشق البارت الثاني

رواية ورطة عشق الحلقة الثانية

براء وقف بالعربيه بسرعه لما شاف المنحدر ولسه هيرجع لقى رجاله فهمي وراه مكانش قدامهم اي حل..يا اما ينزلو من المسافه العاليه جدا يا إما رجالة فهمي يقتلوهم
براء بصلها وقال..انا لله وانا اليه راجعون…خلاص كده…على الاقل حاولنا
البنت قالت ..بس انا محاولتش ونزلت من العربيه وقالت..استني يا باشا…انا عندي ليك عرض
فهمي قال بسخريه…فات وقت العروض يا حلوه…هاتولي البنت دي
رجالة فهمي قربو عليها بس براء وقف قدامها وقال..محدش له دعوه بيها …وبص لفهمي وقال..اسمعها الاول يا باشا مش يمكن يعجبك الي هتقوله
فهمي فكر شويه وقال..تمام نسمعها..اتكلمي
البنت قالت …شوف يا باشا انت مش عايز ابنك
بقلم..زهرة الربيع
فهمي قال بضيق..ايوه..هو فين بقى
عند الزرع الي اتسقى..هههاءااااو…كانت دي جمله البنت وقالتها بمنتهى السخريه والاستفزاز
فهمي رفع سلاحو في وشها وبراء قال باستغراب…يخربيتك ..انتي بتنرفزيه اكتر
البنت قالت بجديه…انا لو مكانك اهرب حالا يا باشا..لان البوليس على وصول…ولو اتقفشت وانت بتهددنا كده مش بس هتخسر قضية ابنك …كمان هتأنتخ في السجون
فهمي لسه هيتكلم سمع صوت عربيه البوليس بصلها بغضب وتوعد وقال…هتروحي مني فين انتي وصاحبتك هجبكم تحت رجلي… واخد رجالتو وهرب بسرعه
عربيه البوليس وقفت قدام براء والبنت وقالت…شوفتو حاجه عريبه هنا…جانا بلاغ ان فيه واحده مخطوفه قريب من هنا
براء لسه هيتكلم البنت قالت بسرعه…لا يا باشا..الدنيا تمام وامان هنا
الشرطه مشيت وبراء والبنت ركبو العربيه وطلعو
براء قال…اقدر اعرف عرفتي ازاي ان البوليس جاي
البنت ابتسمت وقالت..انا الي جبتهم
براء استغرب وقال..جبتيهم ازاي
البنت قالت …يا جدع هو انا اول مره اتخطف…ده انا متعوده انت بس الي جديد …على العموم شكرا يا معلم براء…نردهالك في اقرب خطفه
براء ضحك وقال..انتي …انتي بتعملي كل ده علشان صاحبتك..معقوله تعرضي نفسك للخطر علشانها
البنت قالت..طبعا هيه الصحاب بالساهل …وبعدين انت كنت هتموت معايا من غير ما تعرفني اصلا
براء ابتسم وقال…هو انتي اسمك ايه
البنت قالت ..اسمي عشق..اتشرفت بيك
براء بصلها جامد وابتسم كانت ملامحها جميله وعيونها رمادي تسحر فضل مركذ فيها بس عشق بصتلو بحده وقالت..ايه حاجه ضاعت منك عند مناخيري بتدور عليها
براء ضحك جامد وقال..لا..فيه حاجه ضاعت مني عند عيونك…وشكلي مش هلاقيها
عشق ابتسمت بخفه وقالت..احم…طب سوق بسرعه وبطل غلبه علشان نرجع نطمن نور
بعد ساعات وصلو مكان قديم وشوارعو ضيقه وشعبيه ودخلو من شارع لشارع لحد ما وصلو بيت بسيط جدا وقديم ونزلو عندو
براء قال..هو مين ساكن هنا..صاحبتك هنا
عشق قالت…اه..يلا بسرعه
وخبطو على الباب فتحت بنت في اواخر العشريين دي نور صاحبة عشق ..اول ما شافت عشق فرحت وقالت..عشق..كويس انك بخير انا كنت هتجنن من الخوف
عشق دخلت وقالت بابتسامه..يا بت متقلقيش عليا ده انا بسبع ارواح هيه اول مره..بس برافو عليكي منصور ورجالتو جم في معادهم
براء قال باستغراب..منصور ورجالتو مين
عشق قالت..دول الشرطه الي جات خلصتنا..رجالة الحاره
براء اتسعت عنيه بزهول وقال..دول مكانوش بوليس
عشق ضحكت وقالت…فيه بوليس هيجي يسأل فيه حد مخطوف قريب
نور قالت باستغراب..مين الجدع ده يا عشق
عشق قالت …ده واحد من رجالة فهمي
نور رجعت لورا برعب وعشق قالت بسرعه..متخافيش…ده جاي معايا انا..انا هحكيلك كل حاجه
بقلم…زهرة الربيع
وقعدو وحكت لها كل الحكايه وازاي براء انقذها ونور شكرتو وقالت…شكرا يا استاذ براء…مش عارفين نرد جميلك ازاي
براء اتنهد وقال..مش مهم تردو جميلي..المهم تقدرو تهربو..قبل ما يرجع يلاقيكم
نور قالت…ان شاء الله كلها يومين ونمشي ..
جيه طفل في سن الست سنين وقال بفرحه.. هدعشق وحشتيني كنتي فين كل ده
عشق شالتو بفرحه وقالت..عمور قلبي …والله يا سيدي ما كنت فاضيه كنت بتخطف على العموم اديني معاك ومش هسيبك
نور قالت بحزن..انا جبتلك مشاكل كتير كان الاحسن لو سمعتي الكلام وسبتيني امشي من الاول
عشق قالت…بلاش هبل انا اصلا مش هرتاح غير لما اطمن انك اخدتي ابنك وسافرتي واخلصتي من الحيوا،ن ده…ولو انكم هتوحشوني قوي لما تسافرو
نور قالت..طب ما تيجي معانا يا عشق
عشق ابتسمت وقالت…مينفعش..انتي عارفه اني زي السمك الي ميعرفش يطلع من الميه ومقدرش اسيب هنا
براء اتنهد وقال..طيب امشي انا بقى..ربنا يكون معاكم
عشق قالت بسرعه..لا طبعا مش هينفع تمشي….افرض وصلولك ورنوك قلمين ما طبيعي هتقول على مكانا
براء ضحك وقال..يرنوني قلمين..لا متخافيش وبعدين انا كنت هاخد رصاصتين علشانك هبيعك بقلمين
عشق ابتسمت وقالت..لا برضو معلش خليك هنا اليومين الي فاضلين نطمن ان نور مشيت وكل حي يروح لحاله
نورقالت بدهشه…يقعد فين انتي هبله
عشق قالت بسرعه..يقعد هنا معانا في البيت
نور بصت لها بزهول وقالت..انتي اتجننتي ده لو حد عرف ان فيه راجل معانا في البيت هنروح في داهيه
عشق قالت..لا متخافيش محدش هيعرف بيه…اسمعي يا نور كده اامن ليكي ولابنك هما اكيد هيفضلو ورا براء لحد ما يجبوه والجدع خاطر بنفسو علشانا..ومش هينفع نسيبه اليومين دول
براء اتنهد وقل..انا لو هعملكم مشاكل امشي عادي اصلا انا مش مطمن لحكايه قعادي هنا دي
عشق قالت …يا عم متقلقش مفيش حاجه قولتلك محدش هياخد بعالو
بالليل اتعشو ونور دخلت تنيم عمر وعشق شافت براء بيشرب شاي في البلكون وهو قافل الشيش
وقفت جمبو وقالت…طالما قافل الشيش..ايه لزمة وقفتك دي
براء ابتسم وقال..بحب اشرب الشاي في البلكونه…بس مش هينفع افتح الشيش علشان محدش يعرف بوجودي
عشق ابتسمت وقالت..على العموم ده وضع مؤقت..ها بقى احكيلي ايه الي رماك على فهمي الطاهر.
بقلم…زهرة الربيع
براء اتنهد وقال….اكل العيش…انا …انا مكنتش اعرف انو عندو استعداد يقتل بسهوله كده…قلي ان ابنو مخطوف وانتي الي خطفتيه وهنخليكي تقولي مكانو فين ونسيبك بس كده….هو ايه حكايتو مع صاحبتك
عشق قالت..ابدا…هيه زي حالاتك..كانت بتشتغل عنده وفكراه رجل اعمال نزيهه بعد ما اتجوزتو وخلفت عمر…اكتشفت انو شغال شغل مش نضيف..وبيغطي عليه بتجارتو..وطلبت الطلاق بس هو رفض فاتطلقت منو بالمحكمه…وبعدها اخد ابنها منها بالعافيه…قمت انا خطفتو من عندو ..ودلوقتي هو عايز ياخد ابنو منها بالغصب
براء قال..ان شاء الله تخلص من كل ده قريب
عشق ابتسمت وقالت..يارب
براء بصلها شويه وقال طب وانتي..احم..انتي مرتبطه
عشق اتنهدت وقالت…ياريت تدعيلي..الاقي حد كويس غير منصور كزلك وعبده كفته
براء ضحك جامد وقال…ليه بس مالها الكفته هتكليها ببلاش
عشق ضحكت وقالت…انا مستعده اكل عيش حاف بس الاقي حد جدع يشيل عني حمل الدنيا
بقلم..زهرة الربيع
براء بصلها بابتسامه جميله وتاه في عيونها وعشق كمان كانت مبتسمه وقلبها بيدق بس خدت بالها واتكسفت وقالت بارتباك ..احم…عن اذنك انا لازم انام بدري علشان هصحى متأخر تصبح على خير
براء ضحك على توترها وفضل باصص لطيفها بابتسامه جميله وراح نام هو كمان
في صباح يوم جديد براء كان نايم في الصاله وصحي على صوت صويت وزعيق قام مفزوع وكانت نور بتروق البيت ولا كانها سامعه حاجه..قال هو فيه ايه… ايه الصويت ده
نور قالت بلا مبالاه..لا متشغلش بالك دي عشق نزلت تجيب الفطار هيه كل يوم كده
براء قام بسرعه وبص من حته صغيره من الشباك واتفاجأ بيها قالعه الشبشب وو
😅😅😅😅😅 عادي يعني دي عشق نزلت للفطار🤣🤣