رواية ورطة عشق الفصل الأول 1 بقلم زهرة الربيع
رواية ورطة عشق الجزء الأول
رواية ورطة عشق البارت الأول
رواية ورطة عشق الحلقة الأولى
نتو يالي خاطفيني… يا جماعه مش كده عايزه اروح الحمام.. لو الحال هيفضل كده جبولي حفاضه..يا جماعه من حقي كمخطوفه ادخل الحمام
جيه شاب في العشرين وقال بغضب…فيه ايه يا بت…يا بت حرام عليكي هتشليني مش عارف اعمل اي حاجه..عماله زن زن..اكل…اكلتك شرب شربتك…قولتي حلو حليتي قولتي حادق حدقتي ده انتي لو مخطوفه في مطعم مش هتاكلي كده عايزه ايه تاني هتموتيني
البنت قالت …يا استاذ خاطف…انت كخاطف محترم اكيد عارف ان الانسان مش مصفايه…وان الاكل والشرب والحلو ده محتاج ينزل زي الناس..هعملها على روحي يعني..ما انا لو عملتها هتحتاج تغيرلي وهتتعب اكتر …وبعدين دي سابع مره اتخطف معاكو يعني انا زبونه مستديمه ولازم تراعوني
الشاب قال بغضب…بس اخرسي..هوديكي الحمام لما اشوف اخرتها معاكي..جاتك البلا…انا كان مالي ومال الورطه دي…ونادى وقال…شفاط تعالى وديها الحمام
اتقدم شاب طويل وعريض و البنت بصتلو و ضحكت وقالت..اسمك شفاط…هههه..طب ينفع استخدمك جوه..
شفاط بصلها بحده..والبنت قالت ..احم…يلا يا استاذ شفاط ربنا ما يقطعلك ميه ابدا
واخدوها دخلت الحمام والبنت بقت تبص في كل مكان عايزه تلاقي مكان تهرب منو بس مفيش اي حته سمعت الي بيكلمها من بره ويقول…متتعبيش نفسك.. المرادي مش هتعرفي تهربي من هنا ابدا…متحاوليش..يلا اخلصي مش هتفضلي اليوم كلو عندك
البنت اتنهدت وخرجت وقالت…انا مكنتش ههرب واهرب ليه بس ده انتو حتى ظراف ولطاف بقولك ايه..انت باين عليك جدع وكيوت ..ما تسبني امشي..وليك الاجر والثواب
الشاب ابتسم بسخريه وقال..انتي عارفه نفسك عملتي ايه..ده انتي هتتنفخي….عارفه الي اخدتي ابنو ده يبقى مين…ده يبقى فهمي الطاهر…ده اسمو لوحدو يوديكي ورا الشمس
بقلم..زهرة الربيع
البنت قالت بضيق…انا مش معايا عيال بجد انتو ظالميني ..انا مالي كل يوم تسحلوني..حرام بقى و
البنت لسه هتكمل دخل شاب في التلاتين بطله وهيبه وبصلها بسخريه..وقال..متقوليش ان دي البنت يا براء..مش معقول العيله دي مش عارفين تجيبو منها الواد لحد دلوقتي
براء قال بارتباك..مش راضيه تقر يا باشا وملهاش عزيز ولا قريب تتهدد بيه و
فهمي مسكها فجأه من رقبتها وقال…وتهدوها بحد قريب ليه..مين اقرب للانسان من نفسو..وبصلها بشراسه وقال…الولد فين..اتكلمي احسن اخلي كل الي في المكان ينبسطو انهارده
البنت زقت ايده وقالت بخنقه..ايدك يا جدع مش كده يعني لو مت في ايدك هتعرف ترجع الواد..وبعدين انا هخاف ليه لما تنبسطو تعالو انبسطو كلكم انا اصلا مدام واغتصبو،ني ست مرات قبل كده فلاقي طريقه جديده يعني
فهمى اندهش من جرأتها ولسه هيتكلم قالت بسرعه..اسمع يا باشا ..انت لو خطفتني لاني صاحبة نور وسرها معايا فأنا معرفش مكان ابنها ولا مخبياه فين .ولو فاكر اني انا الي خطفتو وخبيتو معاها تبقى غلطان لان انا هبله اصلا محدش يعتمد عليا في حاجه
فهمي ضحك وقعد وقال انتي فعلا هبله لانك مش عارفه بتلعبي مع مين انتي وصاحبتك.. انا بقى هوديكي عندها في اكياس وهيه بنفسها هتجبلي الواد
وطلع السلاح ووجهو عليها وشد اجزاء السلاح بس قبل ما يضرب براء وقف قدامها وقال بتوتر..حضرتك هتعمل ايه..احنا مش مجرمين يا باشا..انت قولت هتقررها واحنا جبنهالك…لاكن مش لدرجة القتل
بقلم…زهرة الربيع
فهمي بصلو بغضب وقال..وانت مالك يلا..انت متأجر تعمل مهمه وملكش في الباقي…يمكن هتتناقش معايا كمان
براء بصلو بضيق وقال..مش قصة اتناقش معاك بس ولا انا ولا الرجاله نقبل نبقى مجرمين ونجرلك البنت علشان تقتلها .مش كده ولا ايه يا رجاله
الرجاله كلهم محدش رد عليه وقفو جمب فهمي وقالو…كلنا رجالة فهمي بيه وتحت امره
براء بص للبنت وابتسم وقال…كلهم رجالة فهمي بيه
البنت قالت…من اول ماقولتلي اسمو شفاطه وانا مش مطمنه..
براء قال بهمس…طب اسمعي الكلام يا بنت الناس وقوليلو مكان ابنو
البنت قالت …ما انا قلتلكو معرفش هو انا ليه محدش بيصدقني
براء قال بغيظ..وشك مكتوب عليه كدابه للايجار
البنت لسه هترد فهمي قال بغضب ..اوعى من قدامها احسن ما تموتو سوا
براء طلع سلاحو بسرعه رهيبه وضرب رصاصه في جهاز الكهربا العام للمكان والمكان كلو بقى ضلمه جدا وبقى فهمي ورجالتو يضربو نار بس محدش شايف حد ..وفي الوقت ده براء شد البنت من ايدها وطلع بيها وركب عربيه من العربيات الي كانو بيستخدموها وهرب بسرعه رهيبه
فهمي ورجالتو طلعو وراهم بالعربيات وبقو يجرو وراهم
براء قال بزعيق…هنموت بسببك انتي وصاحبتك الله يخرب بيتك لبيت صاحبتك
البنت قالت ..وانا مالي يا عم انت.. انا كنت هموت لوحدي انت بتتدخل وتعمل راجل ليه
براء قال بغضب…اعمل راجل… تصدقي انتي المفروض تتقطعي زي ماقال علشان لصانك ده يتقطع من لغاليغو
البنت قالت بخوف..اسكت بقى اسكت خلينا نفكر
براء دخل في طريق بس للاسف كان اخره منحدر عالي جدا والميه تحتو وكان الارتفاع هايل وقف بالعربيه بزهول من الارتفاع ولسه هيرجع كانو رجالة فهمى وراه على طول وللاسف والبحر قدامو ووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ورطة عشق)
