رواية ورطة طالب ثانوية الفصل الأول 1 بقلم إسراء ابراهيم
رواية ورطة طالب ثانوية الجزء الأول
رواية ورطة طالب ثانوية البارت الأول
رواية ورطة طالب ثانوية الحلقة الأولى
فرح: اصعب حاجه إنك تشوفي كل حاجه تعبتي فيها بتتهد قدامك ومش قادرة تعملي حاجه
صباح: مش فاهمة بتتكلمي عن اي
فرح: علي الخيبة اللي انا فيها
صباح: خيبة اي مالك يا بت
فرح: بدات الدراسة بكل أمل وكل مجهود عندي وفجاءة حسيت كل حاجه بتقع وطاقتي خلصت
صباح: اهدي كده وان شاء الله هتعدي
فرح: بس انا مش عايزاها تعدي انا عايزة اجيب حق تعبي اللي تعبته من اول السنه
صباح: صدقيني هتجيبي احسن مجموع وهتدخلي هندسه ومش بس كده لا ده انت هتبقي احسن مهندسة في الدنيا كلها
فرح: اتمني يلا اسيبك انا واروح الدرس السلام عليكم
صباح: وعليكم السلام وقامت فجاءة وقالت انت رايحة فين يا مسطولة
فرح: رايحة الدرس
صباح: والنقاب اللي علي الكرسي ده مش هيروح معاكي
فرح بضحك: تصدقي مبقاش فيا عقل
صباح: ما قولتلك ادخلي ادبي قولتيلي لا هدخل علمي رياضة عايزاني اتخلي عن احلامي وشوحتي بايدك كده هو
فرح: حوش يا بت ده إنت خسيتي النص بسبب ادبي دي اتلهي وهاتي النقاب
صباح: علي رأيك خدي
ثم خرجت فرح من غرفة صباح لكنها رأت..
فرح في سرها: يادي النيلة مش هنخلص
صباح بضحك وكانت ترأقبها عند باب غرفتها
فرح: حسبي الله فيكي يا صباح
وركضت الي غرفة صباح واحكمت غلق الباب
فرح: اضحكي اضحكي يختي
صباح: اصل مش طبيعي خوفك من الكلاب ده
فرح: يا بت هو اللي عندكم ده كلب ده آكل لحوم بشر إنت مش شايفة حجمه
صباح وخمست في عين فرح: قولي ما شاء الله
فرح بشهقة: وانا هحسده علي اي انا عايزة اروح الدرس دلوقتي
صباح: اوكي بس بشرط صغنن قد كده هو
فرح: ادهشيني عايزة اي
صباح: روايات
فرح: يادي النيلة علي الروايات اللي لاحسه دماغك حاضر هجبلك بس خرجيني من هنا
صباح: اذا كان كده اوكي تعالي اعديكي يا صغنن
فرح وصفعتها علي كتفها: يلا
بعد مرور ست ساعات
عند السنتر
كانت فرح واقفة تتحدث مع صديقتها بعد انتهاء الدرس واخيرا
سندس: فرح خدي الملزمة بتاعتك
فرح بنظرة استغراب للملزمة: بس انا مشتريتش الملزمة دي لقتيها فين لا وكمان مكتوب عليها اسمي
سندس: روحت اشتري ملزمة الفيزياء فمستر حسام الاسيسنت قالي مفيش فقولتلوا في ملزمة اهي قالي لا دي بتاعت طالبة نسيتها ولقيت اسمك وقولتلوا اني هديهالك
فرح: اوكي شكرا يا سندس
ودخلت فرح الي السنتر وهي تنفجر من غضبها
فرح: مستر حسام هل انا اشتريت الملزمة دي منك
حسام: لا بس إنت مجتيش تاخدي الملزمة فسيبتلك دي
فرح بعصبية مفرطة: وافرض انا مش عايزة الملزمة دي دلوقتي ولو ملحقتهاش هشتري من المجموعة الجديدة انت ملكش دعوة
حسام: طب إنت اي اللي يرضيكي دلوقتي
فرح: وانت مالك باللي يرضيني انا مش هاخد الملزمة دي انا مش محتاجاها
حسام: بس هي عليها اسمك مينفعش حد غير ياخدها
فرح: وانا مالي شيلها انت انا هشتري من المجموعة الجديدة
حسام بنظرة حزن: ماشي يا فرح
فرح بنظرة غضب: آنسة فرح متشيلش الالقاب بعد اذنك
وذهبت فرح بخطوات مسرعة ممتلئة بالغضب
حسام: واخرتها معاكي يا فرح
في المترو
كانت صباح مندمجة في قراءة رواية
محمد: بتقرأي اي؟
صباح: بقراء رواية ايكادولي
محمد: وانا علفكرا ايكادولي جدا
صباح: ايكادولي في عينك ثم انت مين اصلا ومين سمحلك تكلمني
محمد: انا محمد
صباح: يا الله تصدق عرفتك انا كده
وقامت لتغير مكانها
باليل
صباح: ايوه يا بت يا فرح عملتي اي في يومك
فرح وبتشيط غضب: زي الزفت وإنت
صباح: انا كان زي العسل اي اللي حصلك
فرح: الاسيسنت الغبي قال اي حجزلي اخر ملزمة في المجموعة
صباح: عصام؟!
فرح: لا عصام ده محترم ميعملش كده انا بتكلم علي الزفت حسام
صباح: اه قولتيلي حسام وإنت طبعا فرجتي عليه السنتر
فرح: طبعا أنت عارفة صحبتك
صباح: اوفكورس
فرح: إنت بقا اي اللي خلي يومك عسل
صباح: ملكيش دعوة
فرح: اي ده مالك يا بت إنت اصطبحي
صباح: اسمها اتمسي احنا بليل علفكرا
فرح: جتك القرف علي اللي يكلمك
واغلقت المكالمة في وجهاها واغلقت الهاتف
فرح لنفسها: مذاكرة ولا نوم يا فروح
فرح: نوم طبعا
فرح لنفسها: طب ذاكرتي حاجة النهاردة
فرح: لا
فرح لنفسها: هعطيكي خمس ايام راحه تدري ليش لانك ما كذبتي علي
وخلدت في نوم عميق بينما كانت صباح تكمل قراءة رواية ايكادولي الي أن نامت
في الصباح
فرح بدندنه: يا راكبا في رحله الحياة لا تظن انها قصيرة مذهلة اعععععع
وفجاءة دخلت عليها والدتها وقالت: وطي صوتك يا بقرة عندنا ضيوف بره وبعدين صاحيه العصر يا هانم ما بدري ويلا البسي وتعالي قابلي الضيوف
فرح: متقوليش انه….
حسناء: هو يختي
فرح: مش هقابل عرسان انا
حسناء برقت لها
فرح وقامت لناحية الدولاب : البس انهي فستان الازرق ولا الابيض علطول
حسناء: البسي اللي تلبسيه بس اخلصي
فرح: خمس دقايق وهكون قدامك يا ست الكل
بعد شوية
خرجت فرح للعريس وكان في ايديها صنيه عليها شاي
فرح: أنت
واوقعت صنية الشاي من يديها من الصدمة
بس كده بارتنا انتهي اتمني يكون عجبكم
للكاتبة: إسراء إبراهيم
اي رأيكم في اسم ورطة طالب ثانوية؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ورطة طالب ثانوية)
