رواية ورد الفصل الثاني 2 بقلم رضوى علي

رواية ورد الجزء الثاني

رواية ورد البارت الثاني

رواية ورد الحلقة الثانية

مش مصدقه أن انهارده هعرف نوع الجنين
– صباح الخير يا حبيبتي
= صباح الخير يا قلبي
– صباح الورد يا قلب بابا
و نزل علي بطني باسها
= بيقولك صباح النور والسرور على اجمل بابي .. هنروح انهارده الدكتوره امتي
– انا حجزت الساعه ٤ العصر
= طيب و شغلك !!
– كله مش مهم قصاد أننا نشوف القمر و نبقي مع ام القمر
= احمد بس بقي انت مش هتبطل
– وأبطل ازاي وانا معايا كل ده
……..
: لؤلؤ كلمتي ورد
:- مانتي عارفه يا فريده اني عندي امتحان ف الجامعه و طلعان عيني بس لما اخلص هروحلها عشان اطمن عليها
: بتصل بيها مش بترد و قلقت
:- خلي وليد يكلم احمد طيب يعرف منهم راحوا ولا ايه اللي حصل
: ماشي هتصرف …… بس يابنت سيبي اخوكي
:- واضح أن مالك و روان عاملين مصارعه
: ااه انا طول اليوم بسلك بينهم بس ادي آخره اللي يخلف تؤام
……………
الساعه ٤:٣٠
= الساعه بقت ٤:٣٠ واحنا هنا من بدري انا تعبت من القاعده و ضهري وجعني شوف قربنا ولا ايه
– حاضر يا حبيبتي اهدي بس
————
– احنا هنا يا انسه من الساعه ٣:٣٠ و كل شويه تقولي قدامنا واحد
:: انا اسفه جدا يا استاذ الدكتوره بس جاتلها حاله ولاده مستعجله ف عشان كده طولت
– طيب انا المدام تعبانه معايا ف نمشي و نيجي يوم تاني
:: لا يا استاذ كلها ربع ساعه مش اكتر
– ربع ساعه دي اخر فرصه ليكي هههههه
:: هههههه اخر فرصه متقلقش
……..
– خلاص يا حبيبتي كلها ربع ساعه
= هي الربع ساعه بتضحك اوووي كده 😒
– لااا ده هي….. ايه ده ثواني انتي بتغيري هههههه
= لا انا بس بحاول افهم هي كانت بتزغزغك منين عشان تضحك كده
حط أيده علي بطني وقال – حبيب بابا شوفت ماما وهي غيرانه
= قولتلك مش غيرانه و خف تهريج
…..
عدت الربع ساعه و قبل ما ندخل ب ثواني كانت ماما اتصلت عليه
_ في ايه يااحمد ورد مش بترد ليه علي الموبايل احنا هنتجنن عليكوا و انت الشبكه مش مجمعه
– مفيش حاجه يا ماما اطمني هي بس نسيت الموبايل في البيت و احنا عند الدكتوره ف الشبكه مش مجمعه بس
_ طيب حبيب تيتا عامل ايه
– هندخل حالا ولما نخرج هطمنك
……….
: ياااه ده النونو حالته كويسه خالص ماشاء الله
= بجد يا دكتوره
– طيب ايه ولد ولا بنت
: ولد زي القمر
= بجد انا كان نفسي ف ولد الحمدلله يارب
– كل اللي ربنا يجيبه خير ربنا يقومك بالسلامه يا حبيبتي و يجيبك بالسلامه يا حبيب بابا
………….
= يا بناااااااات انا هجيب ولد
لؤلؤ – حبيب خالتو
فريده _ لاقيت عريس لبنتي اخيرا
لؤلؤ – دي اكبر منه
فريده _ كلهم علي بعض ٧ شهور واللي نعرفه احسن من اللي منعرفوش
ورد = في إقبال علي ابني من دلواتي ههههههط
……….
عدي شهرين و تعبي بيزيد . لؤلؤ من بعد ما خلصت الامتحانات وهي جت تقعد معايا . وماما بتتابع معايا لحظه ب لحظه . فريده الفتره دي مسحوله مع الولاد ربنا يقويها . احمد بقي بقالي شويه حساه تايهه عني حتي بيجي يدخل ينام علي طول
= احمد قوم عشان الغدا
– حاضر
= مالك يا حبيبي فيك ايه
– مليش مسحول ف الشغل بس
= ربنا يقويك طيب يلا
– هاخد دش و اجي
………
بعد ما دخل الحمام لاقيت موبايله بيرن مركزتش فيه لانه دايما بيرن بس المره دي الرن زاد
ف قربت لاقيت اسم ( رقيه )
معرفش ليه وقتها حسيت ب قبضه ف قلبي رغم أن طبيعه شغل احمد فيها تعامل مع ستات عادي
حاجه عماله تقولي ارد بس منعت نفسي
بعد دقايق لاقيت رساله
” انت ليه مصمم تعاملني كده انا بحبك و عايزه ابقي معاك و مراتك وابنك انا مش ممانعه وجودهم في حياتك ارجوك متعملش معايا كده انا اتعلقت بيك ”
حسيت ب تلج نزل فوق دماغي و فجأه لاقيته ف وشي و بيسحب مني الموبايل براحه و بيقولي هفهمك بس اهدي و فجأه كل حاجه بقت سودا
…………….
هي ضغطها نزل فجأه و ده اللي سبب الاغماء احنا عملنا كل التحاليل عشان نطمن علي الجنين و أن شاء الله خير .. بس انصح نهتم اكتر ب موضوع الضغط ده لانه خطر ف الحمل
– حاضر يا دكتور
««««
– حبيبتي انتي كويسه
= ابعد ايدك عني هي امي فين
– انا مكلمتش حد منهم عشان مخضش و قولت ل لؤلؤ متكلمش حد
= ليه تعمل كده انا عملتلك ايه
– اسمعيني قبل ما تقولي حاجه
= اتفضل اشرح و برر و قول كل اللي ف نفسك
– طيب بطلي عياط عشان اعرف اكلمك
= ملكش دعوه بيا يا تتكلم يا تمشي
– حاضر .. هتكلم .. دي عميله جت من شهر تقريبا و عملنا الديل و بعد كده لاقتها كل شويه تتصل بيا و تتابع و تسال كتير ف الاول كنت برد عليها بس بعد كده ….
= بعد كده ايه … خونتني
– لا والله ما عملت كده
….
– هي بعد ما بقت بتتصل كتير حسيت اني عايز اتكلم و هي كانت بتسال كتير انتي الفتره دي كنتي دايما تعبانه و ….
= و ده مبرر يخليك تعمل كده
– لا طبعا انا بحكيلك انا عارف اني غلطان بس مكنتش عايز اعمل ده ولما فوقت و لاقيت نفسي رايح معاها وهي بتدخل حياتي اكتر سحبت نفسي و من يومها وهي بتجري ورايا و بتتصل و بتبعت انا ممكن اوريكي هي بعتت قد ايه صدقيني انا غلطت بس مش هعمل ده تاني و ممكن اوريكي كل حاجه و كل اللي انتي عايزاه اعمليه بعد ما تشوفي و تعرفي
= طلقني