رواية ورد الفصل الثاني 2 بقلم إسراء ابراهيم
رواية ورد الجزء الثاني
رواية ورد البارت الثاني
رواية ورد الحلقة الثانية
كانت حنين بتحاول تخلص ورد من ايد مرات عمها بهية اللي نازلة فيها ضر*ب
حنين بخوف / همليها يا مرت عمي ، البت هتموت في يدك
بهية بغضب / هجت*لها مجصوفة الرجبة دي اللي چبتلنا العا*ر ، ويمين الله لا*جتلك يا ورد
ورد بصريخ / اااه ، همليني لحالي بجي ، انتي ملكيش صالح بيا
دخل سالم ومنصور بسرعة وحاشو ورد من ايد بهية
ورد بصريخ/ انا بكر*هك يا مرت عمي ، كيف ما انتي كنتي بتكر*هي امي،، وبتكر*هيني دلوك،،
بهية بتوتر / اجفلي خشمك يا بت فاتن والا هاجي اجفلهولك بيدي
ورد بعياط / فاتن دي ستك وتاچ راسك،، ولو كانت عايشة،، كان زمانها مكانك دلوك ،، ست الدار ده كلياته ،، ما تجولها يا عمي،،
منصور بحدة / اسكتي يا ورد ومتتحدتيش تاني
ورد بغضب / ماني طول عمري حاطة بلغة في خشمي وساكتة،، مغلوبة علي امري ومفوضاه لربنا،، وانت يا عمي كمان كنت شايف وساكت،، شايفها بتعاملني بجسوة طول عمري وساكت،، بتريح ضميرك بس بمعاملتك الزين ليا،، واجولك ليه ساكت يا عمي،، عشان….
مكملتش ورد كلامها لما لقت قلم نزل علي وشها من سالم ابن عمها من قوته وقعت عالارض ،، بصت ورد لسالم بكر*ه وهو بادلها النظرة بغضب
بهية بشماتة / تستاهلي يا عديمة الرباية انتي،، وبرضه هتجولي مين هو اللي ضحك عليكي وچبتلنا العار بسببه وخليتي سيرتنا علي كل لسان
سالم اول ما سمع كلام امه بص لورد بغضب وقرب منها ومسك شعرها بع*نف
سالم بقسوة / مين الحيو*ان ده انطجي
ورد بكر*ه وعياط / انت خابر يا سالم انت ظالم زيهم،، واني بكر*هك
سالم حس بنغزة في قلبه من كلامها بس حاول يتجاهل احساسه وكمل بغضب
سالم / انطجي مين هو يا ورد
منصور بحدة / كتب كتابك علي سالم الخميس الچاي،، قال كدة وسابهم وخرج
ورد بصدمة / كتب كتابي علي سالم كيف يعني
بهية بشماتة / مع اني مكنتش رايدة تبجي مرت ابني،، ولا ارضي انه يتچوز واحدة معيو*بة،، بس اجول ايه بجي النصيب،، يلا يا سالم يا ولدي
سالم بحدة /انزلي انتي ياما،، انا هتحدت مع ورد
حنين خافت علي ورد بس مش بايديها حاجة تعملها فبصتلها بحزن وسابتهم وخرجت ووراها بهية
……………………………………….
في عربية يوسف
يوسف / احم هو ممكن اعرِف انتي بتعيطي ليه
شهد بصتله في مراية العربية وكانت مترددة تحكيله بس هيا محتاجة تفضفض مع حد وتشاركه همها فقررت تحكيله بما انه مش هتشوفه تاني
شهد بحزن / انا هربانة
يوسف بصدمة / وه ،، هربانة كيف يعني وليه
شهد / امي ميتة وانا عايشة مع بابا ،، وعمي مصمم يجوزني ابنه،، وابنه ده مش كويس وحاول يعني يع*تدي عليا قبل كدة،، وانا قولت لبابا،، بس هو مش قادر يعمل حاجة لعمي لانه الكبير وليه كلمة،، فقالي اهربي واداني عنوان صديق ليه في مصر،، وانا رايحاله دلوقتي ومش عارفة مصيري ايه وخايفة اوي علي بابا من عمي
يوسف صعب عليه شهد جدا وحس انه ربنا حطها في طريقه عشان يساعدها
يوسف بجدية /اسمعيني زين يا شهد،، انا هوصلك لعنوان صاحب ابوكي ده ،، وهديكي رقمي وانا هخلص شغلي في مصر يعني هاخد يومين اكده وهحدتك اطمن عليكي لو طلع انسان زين وعيلته زينة معاكي خلاص ههملك ولو مكنش هاخدك معايا وانا معاود الصعيد تاني وربك يحلها
شهد بابتسامة /انا متشكرة ليك اوي يا استاذ…
يوسف بابتسامة / اسمي يوسف،، يوسف منصور السوالمي ،، وملوش لزوم الشكر ده،، اني معملتش حاچة
شهد بود / كفاية انك هتوصلني بجد متشكرة اوي ليك،، وبصت جمبها بشرود وهيا سرحانة في حياتها اللي جاية يا تري مصييرها ايه
………………………………………
دخل ماهر البيت لقي امه قاعدة فباس دماغها وايديها
ماهر بابتسامة / كيفك ياما
كريمة بابتسامة / زينة يا ولدي،، يدوملي دخلتك عليا
ماهر بحب /تسلميلي يام ماهر،، اومال فينها بدور
كريمة بتكشيرة/ طلعت فوج،، يدوب شطبت المطبخ وطلعت ومهنش عليها حتي تعملي كوباية شاي،، ولما طلبتها منها،، جالتلي اني تعبانة وهملتني وطلعت
ماهر بضيق / معلش ياما،، انا هتحدت معاها،، وحجك عليا انا ،، وسابها وطلع فوق لبدور
بدور بحب / حبيبي،، حمدالله بالسلامة
ماهر بضيق/ الله يسلمك يا بدور
بدور باستغراب/ مالك يا ماهر،، فيك ايه،، وايه اللي مضايجك
ماهر بعتاب / مش جولتك يا بدور ميت مرة تراعي امي ومتزعليهاش واصل
بدور باستغراب/ طب ما اني بعمل اكده واكتر يا ماهر،، ده انا بصحي من صباحة ربنا وبتهد في عمايل البيت حتي الزريبة والوكل وكل حاچة،، ومبطلعش الا لما بخلص كل حاچة
،، وفي الاخر ياريته بيعچب امك،، بسمع كلمتين في چنابي واني مش الست اللي اتمنتها لابنها
ماهر بحدة / بدوور، اتحدتي عن امي زين
بدور بحزن / واني جولت ايه عفش يا ماهر،، انا جولتلك اللي بيحصل
ماهر / اللي حصل ان امي طلبت تعمليلها شاي وانتي جولتلها انك تعبانة وهملتيها وطلعتي
بدور بصدمة / بالله العظيم ما حوصل،، انت تصدج اني انا اعمل اكده يا ماهر
ماهر بتوتر / وامي هتكدب عاد
بدور بعصبية / وعشان امك مبتكدبش تكدبني اني،، مش اكده
ماهر بعتاب / بدور اني بعشجك وانتي خابرة،، اني بس مش رايد امي تزعل منك
بدور بزعل/ تزعل مني لو اني غلطت في حجها،، لكن اني مغلطش يا ماهر،، انت مصدجها بجي دي حاچة تانية
ماهر اتنهد بغضب وخد بعضه وخرج وبدور قعدت عالسرير وهيا مش عارفة هتفضل حماتها تعمل الحركات دي لحد امتي وعايزة توصل لايه
………………………………………….
سالم كان قاعد قدام ورد وبيبصلها بغضب وهدوء ميبشرش بخير
سالم / مين اللي انتي عاشجاه يا ورد،، وغلطتي معاه كيف،،
ورد بصتله وبعدين فضلت تضحك ودموعها بتنزل وسالم بيبصلها باستغراب
ورد / اانت خابر يا سالم،، انا طول عمري بخاف منيك ،، عشان طول عمرك جاسي ويايا ،، كانك بتعاقبني عشان امي هملتني ليكم ،، بس دلوك بعد ما كلكم بتجولي عني خاطية ومعيوبة ،، انا بجي بجولك اني مش بس غلطت يا سالم ،، ده اني حبلة كمان ،، يا تري عشان اسم العيلة هترضي تتچوز واحدة غيرك لمسها وكمان حبلت منه
سالم بصلها بغضب ومتحكمش في نفسه قام وبكل غضب بقي يضر*بها وهيا مش بتدي اي رد فعل بس بتتألم بصمت،، اما سالم فمسك شعرها بغضب
سالم بغضب جحيمي / اني هخلي عيشتك جحيم يا ورد،، واللي انتي بتستري عليه ومش رايدة تجولي هو مين،، هچيبه وهج*تله
بيدي ،، مش انتي يا بت السوالمي اللي هضيعي اسم العيلة وتحطيه في الطين،، وزقها بع*نف وسابها وخرج
ورد بعياط / اني هوريك يا سالم،، هوريكم كلياتكم مين هيا ورد السوالمي
……………………………………..
خبطت شهد علي باب الشقه زي ما قالها البواب
ففتحتلها واحدة ست كبيرة
شهد باحراج / معلش يا طنط،، هيا دي شقة عم محمد السيد
الست/ ايوة يا بنتي،، انتي شهد مش كدة
شهد بابتسامة / ايوة انا
دخلت شهد وشافت محمد صاحب ابوها ورحب بيها وعرفها علي ولاده عليا ومهاب
شهد بود / اهلا بيكم
عليا رحبت بشهد جامد ومهاب كمان بس كانت نظراته ليها مش تمام وشهد حست بكده
محمد / ابوكي ليه عليا جمايل كتير يا بنتي،، فمتتكسفيش ده بيتك ودول اخواتك ودي ام مهاب اعتبريها امك
شهد ابتسمت بحب / اكيد طبعا،، انا متشكرة ليكم اوي بجد،، واسفة لو هسببلكم ازعاج
ام مهاب/ يادي العيبة يا بنتي،، متقؤليش كدة،، ده انتي زي عليا بالظبط،، يلا تعالي اوريكي اوضتك،، لحد ما احضر العشا
وفعلا قامت شهد بس عشان تهرب من نظرات مهاب اللي مش مرتاحة ليها
………………………………………………
كان قاعد منصور بيفكر في كلام ورد ومضايق اوي هو عارف انها عندها حق في كل كلمة قالتلها وان هيا دي الحقيقة اللي بيهرب منها بس للاسف وقطع تفكيره سالم اللي داخل عليه وهو باين علي وشه الغضب
منصور / مالك يا سالم،، حوصل ايه مخليك مصايج اكده
سالم بغضب / ورد حبلة يا بوي
منصور قام بصدمة / انت بتجول ايه حبلة كيف ،، هيا اللي جالتلك؟
سالم بتفكير / ايوة ،، جالتلي انها حبلة
منصور بقلق/ يا واجعة طين لو حد جاله خبر،، هتبجي سيرتنا علي كل لسان وراسنا هتبجي في الوحل
سالم بحدة / هنخلي كتب الكتاب والدخلة يوم الخميس،، جبل ما حد يدري،، والفض*يحة تبان عليها،، وحسابها بجي معايا،، اني هعرف بطريجتي مين هو الك*لب ده
منصور بخوف / ماشي يا ولدي،، هخلي الغفر يشيعو الخبر في البلد،، ان فرحك علي بت عمك الخميس الچاي،، وربنا يستر يا سالم
سالم بسرحان / متجلجش يا بوي ،، اني هتصرف
……………………………………….
نزلت بدور تحت وهيا حزينة وتعبانة لانها فضلت مستنية ماهر بس مجاش وفي الاخر سمعته دخل اوضة تانية عشان ميشوفهاش
بدور بحزن / صباح الخير يا عمة
كريمة بسخرية / صباح النور ياختي،، نازلالي الساعة 8 اعمل بيكي ايه
بدور / معلش يا عمة،، كنت تعبانة شوية فمجدرتش اصحي بدري جوي
كريمة / تعبانة،، ما انتي كيف الجرد اهو،، ولا تعبانة وحاچة،، ده حتي حتة العيل مش عارفة تچيبيه كنت جولت ده تعب الحبل
بدور بتنهيدة / خلاص يا عمة ده نصيب ،، هخش احضر الفطور
كريمة بخبث / ابجي اعملي حساب مريم بت اختي في الغدا عشان هتيچي تتغدي معانا
بدور بطاعة / حاضر يا عمة،، ولقت ماهر نازل عالسلم واتجاهلها وباس ايد امه ومصبحش عليها فبصتله بحزن ومتكلمتش
ماهر /صباح الخير ياما
كريمة بفرحة / صباح النور يا ولدي،، اجعد افطر معانا
ماهر بضيق /لا،، عندي مصالح هجضيها يلا،، سلام عليكم،، وسابهم وخرج
كريمة بغضب / عليكم السلام يا ولدي،، منها لله اللي منكدة عليك اكده،، منيش خابرة هتفضل يا عين امك اكده لحد ميتي
اتنهدت بدور بحزن ومردتش عليها وسابتها ودخلت المطبخ
………………………………………
في اوضة شهد كانت قاعدة بتصلي الصبح وبتدعي ربنا يقف معاها ويهدي عمها ويصرف نظر عن جوازها من ابنه وبعد ما خلصت اتفاجأت بمهاب داخل القوضة عليها
شهد بصدمة / انت ازاي تدخل كدة،، مش الاصول بتقؤل انك تخبط
مهاب بابتسامة / بقؤلك ايه،، من الاخر كدة انتي عجباني،، ودخلتي دماغي ففتحي مخك كدة معايا وانا هعوضك،، وطلع فلوس من جيبه
شهد بدموع / لو قربت مني هصوت،، واقول لعم محمد اللي انت بتقؤلهولي ده
مهاب بضحك/ طب جربي اعملي كدة يا حلوة،، وانا اقؤل انك انتي اللي استدرجتيني لاوضتك وغاوتيني وانا ضعفت
شهد بعياط / بالله عليك ابعد عني وانا همشي مش هقعد هنا تاني
مهاب ابتسم بخبث وقرب عليها وهيا صرخت فمهاب اتصدم من صريخها وافتكر انها هتخاف وتسكت وجه علي صوتها محمد ومراته وعليا بنتهم
محمد / خير يا بنتي في ايه،، وانت يا مهاب ايه اللي جابك هنا
مهاب اتوتر وشهد جريت علي امه وحضنتها وهيا بتعيط بحرقة
محمد بحدة / انطق ايه اللي جابك اوضة شهد
شهد بعياط…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ورد)
