رواية وردة في وسط الصعيد الفصل الرابع عشر 14 بقلم الكاتبة الصغيرة
رواية وردة في وسط الصعيد الجزء الرابع عشر
رواية وردة في وسط الصعيد البارت الرابع عشر
رواية وردة في وسط الصعيد الحلقة الرابعة عشر
الجد : ادهم
ادهم : نعم
الجد : خطوبتك الاسبوع الجاي وهتبقي مع كتب كتاب احمد
ادهم : احلف
الجد : نعم
احمد : طب والله انت احسن جد ممكن الواحد يشوفه وانا مش بقول كدة يعني عشان انت هتجوزني لا
ادهم : يعني انا خلاص هتجوز والبت مش هتعنس
عمر : ادهم اهدي كدة
ادهم : اهدي ازاي دا انا بتمني اليوم دا من سنين
الجد : انت لو مهتدش انا هلغي الخطوبة خالص
ادهم : انا هديت طبعا وهو في حاجة تفرح
قاطعهم ان الجدة جات تنادي لهم لان الفطار جهز دخلوا كلهم وادهم كان لسة في صدمته (متستغربوش ي جماعة مسكين مستني اليوم دا من سنين 😂) قعدوا علي السفرة وبدأوا يكلوا اخدت الجدة بالها ان ادهم مش بياكل
الجدة : ادهم حبيبي مش بتاكل ليه
ادهم بصوت عالي : انا خلاص هتجوز
البنات كلهم انصدموا من كلمته واستغربوا وصفاء بان عليها الصدمة لانها فكرت انه هيتجوز وحدة تانية
الجد : ايوة انا ليا خبر لكم خطوبة ادهم وصفاء وكتب كتاب احمد وامل الاسبوع الجاي
الجدة زغرطت بصوت عالي بفرحة وصدمة صفاء زادت ووردة اخدت بالها من كدة
صفاء : انا خلصت هقوم بالهنا والشفا
قامت صفاء بسرعة وطلعت وطلعت وردة وراها والكل استغرب ردة فعلها دخلت صفاء اوضتها ووردة دخلت وقفلت الباب
وردة : صفصف حبيبتي في اي
صفاء : انا هتخطب لادهم
وردة : ايوة ما الكل عرف
صفاء : انا بجد هتخطب لادهم
وردة : بت اهدي
صفاء : اهدي ازاي دا انا مستنية اليوم دا من سنين
وردة : يعني انتي فرحانة واللا زعلانة واللا اي الحوار
صفاء : فرحانة فرحانة اوي ي وردة مش مصدقة ان انا وهو هنبقي مع بعض
وردة : الف مبروك ي حبيبتي ربنا يتمم لكم علي خير
صفاء : يارب
وردة : بس انا استغربت من ردة فعله شوفتيه كان مبسوط ازاي ولما زعق
صفاء بضحكة : من حقه دا كان كل شوية يقول لجده لحد ما زهق وقاله ان لو كلمه في الموضوع دا تاني مستحيل ياخدني
وردة : انا فرحانة ليكي بجد وبتمني فعلا ان كل حاجة تعدي علي خير
صفاء : شكرا
وردة : علي اي ي هبلة
صفاء : لانك واقفة جمبي بقيتي ليا اخت انا عندي جميلة ومع انها بنت عمي مش قريبة مني بس انت دخلتي قلبي من وقت ما شوفتك وكان عندي حق في كدة
وردة : كلامك دا شهادة اعتز بيها وسام اضعه علي صدري
ضحكت صفاء من كلامها ووردة شاركتها الضحك وهما مش عارفين ان جميلة واقفة برة وسمعت كل حاجة وحست بالحقد ناحية وردة اكتر (هي عملتلك حاجة ي بت انتي)
جميلة : ماشي ي وردة ي انا ي انتي هنا ومش هرتاح الا لما تطلعي من البلد كلها
تحت كان لسة الشباب قاعدين وادهم كان مستغرب من رد فعلها
ادهم : هو اي اللي حصل دا يعني هي فرحانة واللا لا
عمر : فرحانة هي كدة لما بتفرح مش بتقدر تعبر عن فرحتها
ادهم : بجد
احمد : بقولك اي ما تبطل حزن شوية دا انا عريس ومش ناقصك
ادهم : اه ي واطي
الجد : بس انت وهو ويلا روحوا شوفوا شغلكم
ادهم : شغل اي يا جدو ده انا عريس
الجد : خطوبتك الاسبوع الجاي يعني لسه في اسبوع اتفضلوا يلا روحوا شوفوا شغلكم
خرجوا كلهم وهم متغاظين وراحوا لشغلهم
في الاوضه كانت جميله مع فرح كالعاده وبيفكروا ازاي هيقدروا يفرقوا ما بين الاثنين
جميله : انا بكرهها اوي اوي ده صفاء نفسها اعترفت ان هي بتحبها اكثر مني انا بجد مش عارفه هي عامله ايه ليهم كلهم
فرح : متقلقيش طول ما انا معاكي هتمشي من هنا ومش هيبقى في حد غيرك وهتشوفي كلهم هيحبوكي
جميله : امتى بس يا ماما احنا بنعمل كل اللي في ايدنا وبنخطط لكن اللي احنا بنعمله مش ضامنين انه ينجح ومش عارفين بجد هيسيبوا بعض ولا لا
فرح : اتفائلي انتي وان شاء الله خير (خير يا حربايه انتي ده انتوا عايزين تفرقوا بين اثنين)
جميله : يعني انا دلوقتي لو نفذت الخطه اضمن منين ان هو فعلا هيطلقها وهيتجوزني
فرح : متقلقيش انتي مش هو اللي هيطلقها هي اللي هتطلب الطلاق وهيطلقها غصب عنه مستحيل تقدر تقعد معاه بعد اللي هتشوفه
جميله : بس ما نكونش متاكدين لان انا بقيت شاكه في كل حاجه
فرح : ما تبطلي بقى احنا لازم نفكر كويس ونسيب الافكار السلبيه دي على جنب لانها بتاثر علينا
جميله : انا كان نفسي ابقى مكانها دلوقتي انا ساعه ما بشوفهم مع بعض وهو بيحبها اوي وباين وهي كمان بكون حاسه ان انا عاوزه اولع فيها
فرح : كل حاجه في اوانها لو استعجلنا ممكن كل حاجه تبوظ انا ضامنه الموضوع ده وعارفه انا بعمل ايه كويس فثقي فيا
جميلة : لما نشوف اخرتها
في بيت امل كانت قاعدة في اوضتها لحد ما سمعت صوت اتصال ردت كان احمد
احمد : املي
امل : احمد انت اتصلت ليه في حاجة
احمد : الله اسمي منك حلو اوي
امل : بتكلم بجد اتصلت ليه
احمد : عشان ابشرك بالخبر السعيد
امل : في اي
احمد : كتب كتابنا الاسبوع الجاي
امل : بتهزر
احمد : لا والله جدي هو اللي حدد الميعاد وهو هيطلب عمي حسين عشان يتفق معاه
امل : انا فرحانة اوي
احمد : وانا كمان اخيرا هتبقي علي اسمي امولة هبقي اكلمك بعدين اصل انا في الارض
امل : تمام
قفل احمد وهي كانت هتموت من الفرحة ومش مصدقة اللي بيحصل
امل : اكيد انا بحلم الامنية اللي امنيناها من سنين اخيرا اتحققت
في الارض كان الشباب مع بعض بس سمعوا صوت بصوا كلهم كان في راجل جاي جري وبينادي لهم
عمر : في ي محسن
محسن : الحق ي بيه في واحد وقع في الارض ومش عارفين نوفقه باينه مات
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وردة في وسط الصعيد)
