رواية وردة في المزبلة الفصل المائة وعشرة 110 بقلم منة محمد
رواية وردة في المزبلة البارت المائة وعشرة
رواية وردة في المزبلة الجزء المائة وعشرة
رواية وردة في المزبلة الحلقة المائة وعشرة
البارت 110
ورده في مزبله
احلامي بلون السعاده الجزء الرابع
قصص منه محمد كاتب
رايكم من فضلكم ع احداث البارت وخصوصا فقره مالك وريم وعماد
في بيت صقر
جودي ونوره الي عارفين برجوع فرحه بس ما قالوش لحد يعني عملنها مفاجأه ..
ليلي : نوره من امتى وانتي بتقولي لحظه ..يله اتاخرنا على رشاد خلصينا خلينا نرحلو المستشفى
نوره بصت في الساعه : بس دقايق
ليلي وقفت : انتي ايه حكايتك مش عاوزه تروحي المستشفى لاخوكي
جودي: لاء ياطنط بس دقايق ..
نوره لجودي بصوت واطي : اياكي تقولي قدام سليم ان اخويا تعبان فاهمه انتي الي تعبانه عشان سليم ما يشكش في فرحه وتكبر الليله
جودي برقت عيونها : ليه هي فرحه رجعت عشان رشاد
نوره : لا طبعا … بس اكيد سليم هيشك فيها واحنا مش عاوزينهم يتخانقو
جودي : لاء والنبي احنا ماصدقنا اتجوزه لا لو سال هقوله انا العيانه اطمني
نوره بصت في ساعتها : بس مش كأنهم اتاخرو
جودي : مش فرحه قالت انهم هيوصلوا علي المغرب يعني هانت ان شاء الله
هند عيونها علي نوره وجودي واقفين يتوشوشو بصوت واطي وبصلهم بنص عين : ايه حكايتكم عملين تتوشوشو
نوره : وانتي مالك
هند بضيق: لا بس مطنشيني ولا كاني موجوده مخبين سر
جودي ضحكت بعبط
نوره : والله مش لازم تعرفي
هند اتعصبت : اييييييه انتي مالك بتزقي كدا ورخمه
نوره : لازم مش انتي اختي طالما انتي اختي اكيد هكون رخمه زيك
هند بصتلها من فوق لتحت ومشت من المكان
……………………
في بيت مالك الشافعي
مالك مسك ايدها وقرب ع ودنها اتكلم بصوت واطي: بقولك ايه يا جنتي
ريم : قول يا مالك حياتي
مالك: ماتيجي بعد ما تطمني ع رشاد اخدك ونخرج
ريم ببتسامه :ايوه هنروح فين
مالك :اي حته تحبيها ونرجع وقت ما تحبي
ريم بحماس: بجد موافقه بس هنعمل ايه
مالك ببساطه: ياستي نعمل اي حاجه نتحرر من الحياه الروتينيه نعمل اي حاجه بدون تفكير نعيش مع طبيعتنا لو ليله واحده نتحرر من شغلنا
ريم بسعاده :موافقه طبعا
مالك :ايه رايك نروح الملاهي وغمزها
ريم :لاء كدا وسعت منك اوي يا مالك
عماد الي مدخل ودانه معاهم: انا رايح معاكم الملاهي
مالك بصلوه :هي رحله نروح بالجمله
عماد برخامه: ماليش فيه انا راشق معاكم
مي ضربته في كتفه: بطل رخامه
عماد : انتي مالك امي وابويا مالك انتي
مي بصتله نظرات تهديد مصطنعه:خليك هنا بقولك اهوه وبعدين المرجيحه مش بتاخد غير اتنين وغمزت لريم
مالك: وبعدين خليك في مذكرتك لان انت مقصر في دورسك
عماد: انت بتقول جمل قديمه اوي يا بابا دروس ايه هو انا في الابتدائيه وبعدين ما انت وماما اهو هتسيبوا شغلكم وتروحوا
مالك ضربه ع دماغه بخفه: انا بستخدم انا وامك اجازتنا السناويه
عماد: وانا هستخدم حقي في الغياب ولا عاوزني اخيم في الجامعه لحد ما اتحول شجره
مالك :ولا قوم هاتلي ملف من فوق بدل ما تنقطني قوم انفعني بحاجه قوم فز
عماد عوج بؤه ولمي: شايفه امي وابويا بيعملوني من دلوقت زوحقليه يرضيكي
مي: اه يرضيني لانك رخم وبارد
عماد: انا بارد يا متخلفه عقليا عجبكم مش هخلص من لسانها سنه ( وبرق لمي وبصوت شرير )قومي اختفي من جنبي ومتخليش عيني تشوفك النهارده لاني هقتلك لو لقيتك بتلفي حواليا هقتلك
مي بصتله بطرف عين وقامت من قدامه وهي بتضحك: انا اساسا قايمه البس لاني خفت منك
عماد: بالسلامه يا جاحده
عماد رجع وبص لريم بنظرات بؤس: انا خايف عليكي يا حلوه لما تطلعي في الهواء هتخافي كتير ويمكن تعيطي كتير وانا مش هكون جنبك وعقلي هيبقي عندك
ريم بابتسامه عريضة:اعيط ليه هو انا طفله زيك
عماد مثل الزعل :سامحك الله انا طفل انا عيل كبير اهو
ريم بصت لمالك: ياتري هيجي اليوم الي اشوف ابنك فيه عاقل
مالك ابتسم: هو اساسا معندهوش عقل عشان تشوفيه
ريم ضحكت :وانا استسلمت
عماد حط ايده الاتنين ع وشه و مثل البكاء: مع الاسف كسرتوا قلبي انا قايم
مالك ضحك ووطالع يجيب الملف لقوا فرحه وسليم دخلو لان باب البوابه كانت مفتوحه
فرحه دخلت قبل سليم وابتسمت ابتسامه كبيره : مفاجأه
ريم فتحت عيونها والابتسامه بشفايفها وصرخت: فرحه
راحت على طول لبنتها وحضنتها وفضلت تبوس فيها
فرحه والدموع بعيونها : وحشتيني يا ماما وحشتيني اوي اوي
ريم وهي حاضنها وتبوس كل حته فيها: انتي اكتر ياعيون ماما انتي اكتر والله من غيرك البيت ملل و ضلمه
مالك رجع من ع السلم جري:والله في دي امك عندها حق
مالك فتح دراعاته وفرحه جريت بسرعه ودفنت نفسها في حضن ابوها الي فضل يبوس فيها لحد رأسها وايديها وخدودها
عماد نط وجري وحضن اخته الي ضمته ليها زي العيال: اخويا عماد وحشتني
عماد بيلف بيها: اهلا يا مشاغبه وحشتيني عامله ايه
فرحه دمعت: والله انا مش بخير من غيركم
عماد مسك وشها بين كفوف ايده: لا متعيطيش والله اضربك
فرحه تمسح دموعها : بس هتفضحني
الكل ضحك وريم عماله تضم فرحه لحضنها وتطمن عليها بنظراتها
سليم دخل : احم احم انا معاها ع فكره
مالك بترحاب: ادخل يا بني انت غريب حمد لله بالسلامه
سليم اخده بالحضن : السلام عليكم الله يسلمك ياعمي
الكل : وعليكم السلام
سليم راح باس ايد ريم وسلم علي مي : ازيك يا ماما ريم ازيك يامي
الكل : بخير الله يسلمك ..وحمد لله على سلامتك
سليم : الله يسلمكم
مالك بسعاده : بس ايه المفاجاه الحلوه دي
فرحه : قلنا نعملها مفاجاه احسن
ريم:احلي مفاجأه والله
مي: وحشتيني يافرحه وضمتها
فرحه: وانتي اكتر يا اجمل البنات
مالك: لا ياسليم فرحه راجعه ماشاء الله شوفي الجمال ياريم بجد ماشاء الله
فرحه: انا اصلا جميله من الاول يا بابا
مالك: طبعا واخد ه جمال امك وحلاوتها
مي تضرب ايد عماد : شايف الجمال
عماد ضحك : الله يعينك ياعماد عندك زوجه هبله
الكل ضحكوا لانها شتمت عماد
فرحه بصت لـ امها الي لابسه وسألتها :ماما انتي كنتي خارجه شيفاكي لابسه
ريم : هنروح المستشفى
فرحه مثلت الاستعباط: ليه فيه ايه
مي : جودي وكملت برشاد في المستشفي عيان هو كمان
سليم اول ما سمع اسم رشاد اتغيرت ملامحه
فرحه : ليه مالها انا عرفت انها عيانه عندها ايه
مالك : رشاد حُمى وتعب جدا وجودي لسه مش عارفين
ريم : واحنا دلوقت رايحين ..لانه اليوم مازرناهوش ولوحده في المستشفي محدش غير صقر هناك
مي بدون قصد: تحبي تروحي معانا ونسلم عليهم ونرجع
سليم لف لفرحه : لا تروح فين يوم تاني احنا تعبانين
فرحه اتجهلت كلامه : لا انا هروح ع الاقل عشان اطمن ع جودي
سليم بصوت واطي : فرحه احنا لسه راجعين من السفر والمفروض نرتاح ولو جودي فيها حاجه خطيره كانوا هنا عرفوها
فرحه وهي مطنشتنه : والله اذا انت تعبان روح البيت سلم ع اهلك ..انا هروح معاهم فضيحه يبقي ابن خالي كمان تعبان وانا ما اروحش اطمن عليهم
سليم اضايق: طيب بكره روحي
فرحه باصرار : لا النهارده .. مافيش بكره .. انت روح اذا عاوز
مي : يلا يا فرحه جايه
فرحه: ايوه جايه
مالك فهم انه اضايق: وانت ياسليم روح معاهم مفهاش حاجه
سليم بضيق : والله ياعمي تعبان جدا وانشاء الله بكره نروح وبعدين مين هيرجع فرحه
مالك : عادي عماد يروح معاهم و يوصل فرحه
سليم عقد حواجبه : لا مش حلوه
عماد: عادي مشيها يا سليم
سليم سكت و حس بالقهر في قلبه
ريم : يلا نروح عشان مانتاخرش ونلحق نرجع نئعد مع بعض وحشاني ياروحي
فرحه : وانتي اكتر يا جنتي يلا
سليم: استأنك انا ياعمي اروح البيت
مالك : خليك معايا لحد ما يرجعو
سليم : لا معلش وخرج مضايق جدا
فرحه والكل راحو المستشفى
اما سليم ركب عربيه اجره وهو مضايق من اول يوم رجوعه من السفر وفرحه رجعت تعامله وتهمشه كدا
……………………
في بيت سليم الشافعي الي دخل واتفاجاْ بوجودهم
دخل سليم سمر جريت وحضنت ابنها : ابني حبيبي وحشتني
سليم : اهلا يا امي ياغاليه وباس راسها
سمر عيطت : والله مش بخير من غيرك
بس ايه المفاجأة الحلوه دي
سليم : اهو بقي طلعت في دماغنا مره واحده
سمر: امال فين مراتك
سليم ملامحه اتحولت: راحت تزور صحبتها جودي تعبانه
سمر شهقت: بتقول راحت تطمن علي جودي من غيرك
سمر وهي بتبحلق في سليم الي حتي ما ابتسمش وساكت
سمر: مالك يابني
سليم ضحك غصب : انا تمام
سمر حست ان ابنها مضايق
نزل هيثم وضم اخوه
هيثم : بجد وحشتني يا سليم جدا جدا
سليم : وانت اكتر يا حبيبي
هيثم:والله بحسدك يا عم الجو هنا خنيقه
سليم:ياااه ده انت حالتك صعبه
هيثم: جدا مقولكش ابوك مزود العيار حبتين قول تلاته
سليم: وهو بابا فين
سمر: في الشركه يا حبيبي
سليم: طيب اطلع اريح شويه ع ما يرجع
سمر: براحتك ياقلبي جهزت لك غرفتكم وعطرتها
سليم بابتسامه : انتي عرفتي اني راجع
سمر:اه اختك قالتلي قلت اجي اغير جو البيت وجبت هيثم معايا
سليم باس ايدها:تسلمي يا امي وطلع بيقول في نفسه ….اهي من اولها يافرحه.. والله انا حاسس انك بتتغيري بس ربنا يعيني
…………
في بيت ايهاب شديد
رامز افتكر موضوع هاله : والله نسيت امي ربنا يهديك يا امي
رامز راح يكلم امه وشافها في المطبخ بتكلم سها
رامز واقف عند باب المطبخ : ماما
سندس منمدجه بتكلم سها
رامز : مااااماااااا
سندس بعصبيه : عاوز ايه مش شايفني بكلم خالتك سها عايز ايه
رامز: كنت عاوزك في موضوع
سندس: انت وموضيعك الي مش بتخلص بعدين ابقي قولي
رامز: لا عاوزك دلوقت ضروري
سندس : اف بجد انت تصدع النفوخ
رامز : يلا تعالي شوي بس مش هأخرك.. تعالي نقعد في الصاله بس دقايق
سندس : طيب وقفلت مع سها
رامز أأعد هو وامه في الصاله..
رامز : ماما انتي لسه مش بتكلمي عمي ولامرات عمي عشان حكايتي انا وهاله
سندس عاقده حواجبها :وايه اللي فكرك بالحكايه دلوقت
رامز : ماعرفش فجاه جات في بالي
سندس : اه مش بكلمهم ولا هكلمهم طول حياتي عشان يتادبو ويعرفو ازاي يرفضوك وجدتك عصمت عرفت وزعلت هي كمان
رامز : ماما الله يهديك هنرجع زي زمان البنت رفضت ومينفعش نجوزها غصب وبعدين نتطلق..
سندس : لا والله ليه تفول بالطلاق ربنا يبعده عننا
رامز : كويس طالما كرهه سيره الطلاق مينفعش تغصبي البنت
سندس: بس احنا من زمان قايلين انكم لبعض
رامز : والله دي مشكله اغلبيه العائلات يجوزو العيال وهما بيبهات من غير ما يعرفو ايه اللي في قلبهم .. وبعدين ابن العم يتجوزغصب عنه من بنت عمه عشان العادات والتقاليد الي عف عليها الزمن واكتر شئ سايد نسبه الخيانه لان الزوج مش بيكون مقتنع ببنت عمه ..
سندس: ساكته
رامز: ماما لو عندك بنت واتقدملها واحد وهي شافته وولا ارتاحتلو او انها مش عاوزاه من غير حتى ما تصلي استخاره ياتري انتي بتغصبيها
سندس ساكته ومنزله عينها : الصراحه لا
رامز : شفتي لانك عارفه وواثقه ان الزواج في الدين ارضاء ما بين الطرفين يعني مش غصب مظبوط
سندس : سااااكته
رامز : هاله نفس الشئ يا امي ..صدقيني يمكن خير لينا وعسى ان تكرهو شيئا وهو خير لكم .. يعني يا ماما دول مهما كان اهلنا وما ينفعش نزعل منهم وبعدين الزعل حرام اكتر من 3 ايام وده مش من عندي من عند الرسول صلى الله عليه وسلم
سندس : عليه افضل الصلاه يعني
رامز : يعني كلميهم واتصلي بيهم وكوني عاديه معاهم وجدتي عصمت هتهدا لوحدها زي ما هديت في موضوع عماد وسليم
سندس بقتناع : خلاص يا رامز حاضر امري لله هتصل بيهم حالا وهروح بيتهم كمان كلامك مظبوط مهما يحصل دول اهلنا ومالناش غنى عنهم
رامز والضحكه في شفايفه و باس ايد امه : ايوه كدا يا غاليه الي بتعمليه هو اللي عين العقل واللي لازم من زمان كنت تعمليه.
سندس: جزاك الله خير اللي نبهتني عنه
رامز: طيب يلا روحي اتصلي بيهم
سندس : احنا لسه الظهر
رامز : مش مهم اكيد صاحين انتي بتتصلي ببيت اختك مش حد غريب
سندس راحت تتصل بسلمي وبدر وانتهت حكايتهم على خير
اما رامز فامبسوط جدا لانه قدر يحل المشكله وارتاح نسبيا
……قصص منه محمد كاتب…..
بعد ما وصلو المستشفى فرحه قبلت نوره في الممر
فرحه متوتره جدا لانها هتشوف رشاد
فرحه تكلم نوره : والله انا متوتره ومحروجه
نوره : لا عادي اصلا رشاد لما يشوفك هيبقي بخير ان شاء الله
النيرس : لو سمحتو ممنوع تدخلو كلكم
هند : ليه ان شا ءالله
النيرس: لان المريض بحاجه للراحه ادخلو اتنين اتنين
نوره : خلاص ماشي اول حد انا وفرحه
هند بحمقه وغيره : وليه انتو يعني
نوره باحتقار : مالك انت.
نوره دخلت اول واحده
و شافت رشاد نايم وحاطين السيروم في ايده..وباين عليه التعب والارهاق ..
نوره بابتسامه :رشاد رشاد
رشاد فتح نص عيونه وابتسم ..
نوره : عامل ايه النهارده يا اخويا
رشاد يهز راسه يعني بخير
نوره: عندي ليك مفاجاه حلوه
رشاد استغرب ..
فرحه دخلت وشافت رشاد
رشاد اول ما شافها حاول يعدل نفسه على السرير.. نوره ساعدته
رشاد بصوت متعذب: فرحه
فرحه والحزن بملامحها: سلاماتك يا رشاد ما تشوفش شر
نوره : تعالي يا فرحه ليه واقفه بعيد
فرحه قربت من رشاد شوي ومنزله راسها مكسوفه
رشاد ابتسم : فرحه واخيرا شفتك
فرحه: شفت وفيت بوعدي عشان تعرف انك … ( سكتت )
رشاد يبتسم : اني في بالك يعني لسه حبيبك
فرحه اتحرجت ونزلت راسها وعيونها دمعت
رشاد : ليه يا فرحه الدموع
فرحه وهي بتحاول تخبي دموعها : انا السبب في اللي بيحصل ياريتي موت ولا اعرف اني السبب في عذاب اعز انسان عندي
رشاد : بعيد الشر عليكي ياخدني قبلك
فرحه اتحرجت وكانت عاوزه تخرج
رشاد : رايحه فين
فرحه : بس ما اقدرش افضل اكتر من كدا
رشاد: لا يافرحه خليكي
فرحه وهي بتمسح دموعها : ما اقدرش ارجوك ماما واهلك عاوزين يدخلو.ان شاء الله المره الجايه هطول عن كدا
نوره : امتى هيخرجوك يا رشاد
رشاد : الدكتور قال قريب ان شاء الله الحمد لله حرارتي خفت
فرحه : الحمد لله يلا عن اذنك
فرحه بتلف وتخرج رشاد مسكها
رشاد: فرحه
فرحه وقفت
رشاد بابتسامه رقيقه : شكرا على الزياره انتي متعرفيش الزياره ازاي غيرت من نفسيتي
فرحه ابتسمت وراحت وقلبها متقطع عليه
فرحه بعد ما طلعت من عند رشاد
نوره : فرحه ليه الدموع
فرحه : ماعرفش حسيت اني مضايقه كارهه حياتي يا نوره ..عاوزه اروح ارتاح
نوره : يلا اهلي بيسلمو عليه ونخرج بس انتي ماتعمليش في نفسك كدا لاحظي مي معاكي وامك هتاخد بالها
فرحه : ماشي بس تخيلي يا نوره تكوني السبب في عذاب انسان لو انسان عادي قلبك بيوجعك فمابالك انسان يهمك
نوره : انتي مالكيش دخل متفضليش تلومي نفسك اليوم راجعه من السفر يالا روحي عشان ترتاحي
…….قصص منه محمد كاتب……
سليم بعد ما طلع شاف غرفته مزينه بالورود
سليم : ياربي عليك يا لورا والله احلي اخت في الدنيا
لورا من وري الباب: لو مدلعتش اخويا حبيبي ادلع مين
سليم لف وحضنها بكل قوته : حبيبتي ربنا مايحرمني منك قولي امين
لورا : امين ولا يحرمنا منك يا سليم انت غالي عندنا وانت عارف
سليم: طيب لما اروح اغير واخد دش
لورا: تمام لان كل بيت عمامك جاين بكره من النجمه يسلمو عليكم وخصوصا جدتك فاطمه حاشوها بالعافيه يلا تصبح على خير
سليم : وانتي من اهله اه بالحق يا لورا
لورا رجعت : خير
سليم متوتر مش عارف يقول : بقولك فيه لحاف زياده
لورا عقده حواجبها : ليه
سليم مش عاوز يقول انه بينام علي الكنبه يعني مش على السرير : ها ممممم لاني ببرد جدا
لورا : غريبه
سليم ضحك : يمكن جو بلجيكا غيرني
لورا: خلاص هجبلكم لحاف حالا
سليم: ميرسي يا حبي تعبتك معايا
لورا : عيب عليك
سليم اخد دش وطلع غيار وكل شويه عيونه علي الساعه ..
وواخد الغرفه شمال ويمين ومتوتر جدا كل دقيقه يشوف الساعه واتنرفز لان فرحه اتاخرت ..
فرحه وصلت وراحت الغرفه وقفلت الباب
سليم وهو واقف : اخيرا شرفتي
فرحه دخلت تقلع الشوز
سليم : عاوز اعرف ازاي ست لسه راجعه من شهر العسل وتسيب جوزها وتروح مستشفى .. يعني ما قدرتيش تستني لحد بكره
فرحه تعبانه جدا ومصدعه : سليم الله يخليك مش ناقصه
سليم اتعصب ومسك كتفها : انتي طلبتي نرجع من بلجيكا مش علشان جودي لا عشان عارفه ان سي رشاد في المستشفي مش كدا انطقي
فرحه:سليم اوعي ايدك مالك
سليم يشد اكتر وهزها بعنف: قوليلي ايوه كلامك صح عرفت ليه العياط والتغير لان حبيب قلبك تعبان وماقدرتيش تخليه لوحده طبعا لازم تكوني جنبه
فرحه بعصبيه :سلييييم بس كفايه.. كفايييه كفايييه ارحمني ارحمني
وانهارت على الارض بتعيط وحاطه ايدها على وشها وهي بتعيط
سليم حس بغلطته نزل أأعد جنبها : فرحه انا
فرحه بصوت فحيح : انت ايه انت مش بتحس انت يا سليم لازم كل ما يحصل حاجه تحطو عليا ارحموني ياناس بس كفايه عذاب
سليم بصوت كله يأس: بس انتي راجعه عشانه
فرحه بصريخ : لا لا لا ماكنتش اعرف اسال جودي اسال اي حد .. بس خلاص سبني ارتاح
سليم حس انه ضايق فرحه وقف و مد ايده يساعد فرحه عشان توقف ..
فرحه : ابعد انا هقوم اقف لوحدي
سليم : فرحه انا آسف مش قصدي بس غصب عني اتعصبت
فرحه بصريخ: كنت وكنت وكنت .. ومحدش الضحيه غيري انا
فرحه راحت الحمام عشان تغسل وشها .. لان دموعها سالت على وشها البريئ..
سليم في نفسه … انا عملت ايه ازاي عملتها بالطريقه دي ليه اشك فيها دايما .. ازاي اعاملها كدا وانا بموت فيها اعوذ بالله منك ياشيطان
فرحه غسلت وشها وهي تعبانه ومصدعه
سليم فرش الكنبه باللحاف ..
اما فرحه فلبست بيجامه ونامت على السرير وهي لسه مضايقه
سليم مش عارف ينام قام و راح عندها وشافها مغطيه وشها كلو باللحاف
سليم واقف عند السرير : فرحه حبيبتي سمحيني ماكانش قصدي اجرحك بس من غيرتي قلت كدا
فرحه مطنشه وبتسمعه
سليم : فرحه اسف .. مش عاوزك تنامي وانتي مضايقه مني .والله زعل الدنيا يهون ولا زعلك يا اغلي من عمري
فرحه دمعت من كلامه سليم ولما يأس انها تسمعه وترد عليه راح نام على الكنبه ..وهو متضايق من اللي عملو
اما فرحه فماقدرتش تنام حست بالضيق.. يمكن لانها كدبت على سليم او يمكن لانها حاسه انها السبب في تعب رشاد
……….
في المستشفي
رشاد حاطط راسه وهو قاعد لوحده
رامز ومعاه باقة ورد : السلام عليكم
رشاد بابتسامه : وعليكم السلام اهلا تعال
رامز بعد ما حط الباقه سلم على رشاد :اخبارك ياحلو
رشاد ابتسم : بخير طالما شفتك
رامز : ليه أأعد لوحدك كويس حظي حلو
رشاد :اه والله العا يله كلهم جاين المسا
رامز: خير خير اي اخبارك
رشاد اتنهد: الحمد لله احسن من الاول
رامز : والله عليك حركات يا رشاد .. يعني زي المراهقين لا تاكل ولا تشرب
رشاد :مش متعمد يا اخي والله بس ماليا نفس اكل
رامز : وليه ما روحتش المستشفى من الاول يعني لازم تروح بعد جات فرحه
رشاد بحزن : لاني قلت لنفسي ليه اعيش ولا اهتم بحياتي طالما حلم طفولتي مش هتكونش معايا
رامز : يا راجل انت لسه شاغل بالك الست اتجوزت خلصنا ومش حلوه تلاحقها كدا حرام يا رشاد
رشاد بعصبيه : والله مش مشكلتي اذا هي متجوزه ولا لاء..المهم اني عاوزها
رامز انفعل بخفيف : بس هي اتجوزت وخلاص عاوزها تنفصل يعني
رشاد بعصبيه: اه عاوزها تنفصل
رامز: وانت متوقع ان سليم يسبهالك يعني صعب يسبها .. رشاد انت لو اتجوزت صدقني هتنساها
رشاد اتنرفز جدا: انت بتقول ايه مستحيل حرام اظلم واحده تانيه وانا متاكد اني مستحيل اقدر اديها لا الحب ولااي اهتمام
رامز بيقنعه بهدوء لان العنف مش هيجيب معاه : طيب انت سيب لنفسك فرصه جرب يا اخي
رشاد : لا لا انا مش عاوز غيرها انت فاهمني مش كدا .. لانك بتحب جودي وعارف اللي يحب صعب ينسى
رامز : اكيد فاهمك بس جودي على الاقل مش متجوزه بس فرحه
رشاد قاطعه : فرحه ان شاء الله تنفصل عن سليم وتخلص منه
رامز : الصراحه عمري ما شفت واحد عنيد زيك
رشاد: مش مشكلتي مشكلة ( شاور على قلبه ) مشكلة القلب اللي ما يقدرش يحب غير فرحه
رشاد :المهم خلينا في حكايتك انت
ونسبهم يحكو حكايه رامز
…………………
اشواق في فرنسا
فاطمه : اشواق اشواق
اشواق وهي سرحانه وماسكه قلم سليم اللي اخدته منه كاتذكار
فاطمه : انتي هنا وانا بلف في الشقه كلها
اشواق مضايقه
فاطمه : مالك
اشواق : عاوزه ارجع القاهره
فاطمه فاتحه عيونها : احنا ما كملناش في فرنسا اسبوع ايه مليتي بسرعه
اشواق : لا بس ( سكتت )
فاطمهأأعدت جنبها : بس وحشك سليم
اشواق : اه
فاطمه : والله ما عارفه مالهم البنات ما يحبوش الا المتجوزين
اشواق : والله انا ما قلتش اني عاوزه اتجوزه بس اعمل ايه دخل مزاجي جدا وشخصيته قويه
فاطمه :وازي عرفتي يا فيلسوفه عصرك واوانك
اشواق : رجاله الايام دي ما يصدقو يشوفو واحده شيك وبالذات اذا هي عطتهم وش .. بس سليم طنشني يعني شخصيته مختلفه عن باقي الشباب
فاطمه : يمكن لانه في شهر العسل عشان كدا معبركيش حضرتك
اشواق : لا احنا كنا لوحدنا مع ذلك طنشني خالص ..وحاسه ان بينهم مشاكل او وخدين بعض غصب
فاطمه : ماشاء الله والنتايج عرفتيها من القاعده الاولى
اشواق : لاء من كلامه
فاطمه : اشوق لتاني مره بكرر كلامي الراجل متجوز
اشواق : شوفي اذا عرفت انه مبسوط بحياته وان حبهم متبادل هبعد بس اذا عرفت انه العكس مستحيل اسيبه
فاطمه : ده بدل ما تصلحي الاوضاع
اشواق: انا مش مصلحه اجتماعيه ..وبعدين اللي زي سليم الف واحده تتمناه
فاطمه : وبرضو الي زي فرحه برقتها وجمالها مليون واحد يتمناها
اشواق : خلاص هتفضلي تناقشيني ان شاء الله اول ما ارجع القاهره حروح لهم
فاطمه : وتعرفي العنوان
اشواق : لا بس عندي رقم فرحه يعني مش صعبه اعرف العنوان
فاطمه : الله يهديكي قومي البسي اهلنا مستنينا برا قومي بسرعه
اشواق : اوكي
………………………….
في بيت مالك الشافعي
فرحه قاعده مع امها
فرحه لريم : ماما انا مروحه البيت
ريم :ليه
فرحه : حاسه بالتعب
ريم بجديه: لاء اقعدي بما ان ابوكي واخوكي مش موجودين في البيت عايزه اتكلم معاكي في موضوع ممكن
فرحه :طبعا ممكن بس بخصوص ايه
ريم بشك :انتي مخبيه عني حاجه
فرحه اتوترت ورجعت خصله وري ودنها: لاء يا ماما وهخبي ايه
ريم: فرحه انا حفظاكي انتي مخبيه حاجه اتكلمي معايا بصراحه هو احنا مش اصحاب
فرحه اتوترت وارتبكت:ليه بتقولي كدا
ريم بجديه: لانك من ساعه مارجعتي من السفر وانتي غريبه بتسرحي كتير والاول لما كنت بسالك بتقولي عكس دلوقت لما اسالك تجاوبي بالهروب وحالتك دي قلقاني وتعباني حاسه انك قفله ع نفسك
فرحه مسكت ايدها وباستها :حبيبتي انا مش قافله ع نفسي انا معنديش مشكله بجد صدقيني غير تعب جودي
ريم: غير جودي فيه امر تاني انا معرفوش رفعت دقنها بوصيلي انا عرفاكي لو الامر بخصوص كنت فهمت لكن انا دكتوره نفسيه وحالتك بتقول في امور جدت عليكي مع سليم
فرحه قعدت قدامها ع ركبه ونص ومسكت ايدها : طبعا فيه امور جدت بقيت مدام وزوجه متحمله مسؤليه بعد ما كنت مدلعه في حضنك انتي وبابا
ريم بعدم اقتناع:فرحه
فرحه بشبح ابتسامه : صدقيني يا ست الكل انا زي الفل متقلقيش عليا وباست ايدها واسفه لو خليتك تقلقي عليا يا ريمو
ريم بحنان امومي:مش مهم قلقي المهم ان ميكونش عندك مشكله حقيقيه
سليم دخل عليهم وخبط: ممكن ادخل
ريم: طبعا اتفضل انت غريب
سليم دخل: السلام عليكم
الكل : وعليكم السلام
ريم: بقولك يا سليم فرحه مصممه عاوزه تروح البيت
سليم: ليه مالك ياحبيبتي
فرحه من غير نفس : تعبانه شوي
ريم : بس ملحقتش اقعد معاك
فرحه : ان شاء الله ارجع المسا يكون بابا رجع ارتاح شويه حاسه بدوخه
مي الي نازله السلم : لتكوني حامل يا فرحه
فرحه بصت لمي بعصبيه
سليم ردد في نفسه ( ياحسره حمل يجي ازاي وكل واحد مننا في اوضه ماعرفش يمكن حمل جديد ذاتي)
سليم مع فرحه في العربيه بعد ما طلعت من البيت!!!!
سليم لف لفرحه لقاها تعبانه : حبيبتي مالك
فرحه: مالي يعني
سليم: من اول ما خرجنا مقولتيش حرف واحد
فرحه من غير نفس : ما فيش مصدعه عاوزه انام
سليم : تحبي اوديك المستشفى
فرحه : وليه مستشفى يعني اذا واحده مصدعه على طول المستشفى مفيش اختراع اسمه ادويه في البيت
سليم اتعصب وفضل السكوت ..لان رده فعل فرحه كانت مش حلوه اطلاقا
فرحه دخلت الغرفه واخدت هدوم وغيرت في غرفة اللبس
سليم راح أأعد على الكرسي الهزاز ويغني وفرحه تسمع :ايه ح قولّك ايه واعدلك ايه بحبك يا حبيبي
اه بدوب في هواك وعمري فداك ومش حانساك حبيبي
ايه ح قولّك ايه واعدلك ايه بحبك يا حبيبي
اه بدوب في هواك وعمري فداك ومش حانساك حبيبي
ليه بتبعد ليه قالولك ايه قللي وطمّني
اه من الايام والله حرام تبقى بعيد عني
ايه ح قولّك ايه واعدلك ايه بحبك يا حبيبي
فرحه وهي تسمع الاغنيه عيونها دمعت : لا يا سليم .. بس انت السبب بعذاب قلبين يا ابن عمي
طلعت فرحه من الغرفه وهي لابسه بيجامه عاوزه ترتاح
سليم : هتنامي يا قلبي
فرحه : اه
سليم : طيب هطلع واطفيلك النور عشان ترتاحي واذا عوزتي حاجه انا في الصاله اوكي
فرحه وهي تلف نفسها باللحاف : اوكي
طلع سليم من الغرفه وقفل النور والباب وكلم نفسه زي المجنون … رجعتي اقسي من الاول بس ان شاء الله اقدر اغيرك مع اني متعذب بجفاك اكتر منك
######
رايكم مهم في الحلقه واوعدكم البارت الجاي خناقه بين رشاد وسليم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
