رواية وردة في المزبلة الفصل المائة والخامس عشر 115 بقلم منة محمد
رواية وردة في المزبلة البارت المائة والخامس عشر
رواية وردة في المزبلة الجزء المائة والخامس عشر
رواية وردة في المزبلة الحلقة المائة والخامسة عشر
البارت 115
ورده في مزبله
احلامي بلون السعاده
قصص منه محمد كاتب
فرحه اختارت فستان شيك ولبسته
سليم دخل : اهلا بالحلاوه والرقه كلها
فرحه ببتسامه: اهلا بيك
سليم: خير يا حبي رايحه فين كدا
فرحه : رايحه عند ماما ..اتصلت بيا وقالت انها محتاجه تشوفني
سليم يشوف الساعه : دلوقت حبيبتي
فرحه : هي عايزاني بقي دلوقت
سليم : ممممممم بس انا مش هقدراوصلك ولو قعدت من غيرك ازهق
فرحه بصتله : خلاص روح لزين ع ما اشوف ماما وارجعلك
سليم ضرب جبينه:بنت حلال فكرتيني زين من امتى متصل بيا وانا نسيت ارد عليه دلوقت يقولي اه يا ندل يا واطي اتجوزت ونسيتني
فرحه ابتسمت: لاء مش حلوه تنسى زين لانك متجوز
سليم: خلاص حبي اوصلك واروحله
فرحه عاقده حواجبها : انت توصلني .. طيب ازاي ( شاورت على ايده ) وايديك .. صعب تسوق بايد واحده
سليم نفخ بزهق :اوووووووف نسيت والله .. مممم عادي اسوق بالشمال
فرحه : اذا انت متعود على الشمال عادي تقدر تسوق بس انت مش متعود عليها يعني وصعب بالذات باللفات والتجاوزات لازم تكون دقيق بالسواقه
سليم : مممم طيب الحل
فرحه: تعال انا اوصلك لحد بيت جدي
سليم: لاء زين ميقعدش في البيت وخصوصا في الوقت ده
فرحه ببتسامه: خلاص اوصلك اي مكان هو موجود فيه.. او اتصل بيه وخاليه يستناك
سليم : لا ياحبي روحي انتي مش عايز اعطلك عن مامتك .. انا هتصل اشوفه فين وانتي روحي بس كنتي خدي لورا معاكي بدل ما تبقي لوحدها ولا بلاش عشان تاخدي راحتك
فرحه : والله من غير ما تقولي انا قولت لها تيجي بس قالت انها مصدعه عايزه تنام في السرير
سليم : ايه تعبانه لاء هروحلها اطمن عليها
فرحه : المشكله انا وعدت ماما اني ريحلها النهارده .. ماعرفش حاول معاها مره ثانيه تجيلي حتي ع هناك
سليم : هروح اقنعها انها تروحلك اوكي يا عمري
فرحه : خلاص وانا هجهز ع ما تكلمها
سليم راح يتصل بأخته يطمن عليها
سليم: اهلا بالورا
لورا تبتسم : اهلا يا سليم
سليم بحنان: بتعملي ايه سمعت انك مصدعه خير يا حبيبتي
لورا : كنت مصدعه من الحمل وحاليا قاعده اقرى المجله
سليم : مجله ايه دي كلها اشاعات
لورا ضحكت : والله عندك حق نص الاخبار اشاعات بس في اخبار ثانيه نقراها ..زي الجرايم
سليم فتح عيونه : باسم الله مالك يالورا انتي ناويه تكوني محققه ولا مجرمه وتقتلي حسن
لورا تضحك : هههههههههههه ليه لاء
سليم : شوفو مين بتتكلم اولا انتي بتحبي حسن غير كدا انتي صعب تقتلي ده انتي بتخافي من الصرصار يا لينا
لورا وشها اتغير : اععع جري ايه يا سليم ليه هتقلبي معدتي
سليم ضحك : ليه اهو بدلك ع التحقيق والاكتشاف المهم بقولك ما تروحي مع فرحه عند عمك
لورا : والله ماليا نفس يا سليم محتاجه بجد انام
سليم: براحتك انا رايح بيت جدك ما تيجي بدل ما تقعدي في البيت لوحدك
لورا : ياما قعدت لوحدي يا سليم وبعدين ماما جايه تبات معايا
سليم: طيب يا حبيبتي طالما ماما معاكي انا كدا مطمن عليكي
لورا : تمام يا خويا روح الله يحفظك
سليم: تمام يا حبيبتي نامي كويس
لورا : بقولك ايه يا سليم .. ممممممم طمني ع اخبار فرحه معاك
سليم يبتسم : الحمد لله اتغيرت عن الاول كتير
لورا: يعني مش نفس معاملتها
سليم: لاااااااا فرق كبير .. فرحه قلبها طيب عرفها بس المشكله كل ما تشوف الندل رشاد تتغير شوي بس ربك كريم .. المهم انها مراتي ومعايا
لورا : ربنا يهنيك يا خويا ..ليا زمان ما سمعتش نبره الفرحه في صوتك ان شاء الله تدوم الفرحه عليك
سليم : تسلمي يا احلى لورا ..وان شاء الله تقوملنا بالسلامه وتجبلنا الشافعي الصغير
لورا : عقبالك يا حبيبي انت كمان بس انا عايزه سليم تاني زيك كدا يا خويا
سليم : حبيبتي تسلمي و يسمع من بؤك ربنا واجيب دسته عيال
لورا: ههههه دسته سبحان الله كنت بتعيب عليا
سليم يضحك : لا انا اقفل احسن تجيلي وتضربيني بالزهريه
لورا ضحكت: سلام يا حبيبي
سليم قفل مع لورا وراح عند فرحه وبلغها ان لورا رفضت
سليم بص للفستان : فرحه ممكن اقولك ع حاجه
فرحه وهي ماسكه شنطتها : خير يا سليم
سليم قرب منها : انا ولا مره شفتك بتلبسي السلسله الي اشترتهالك ليه
فرحه اصلا ماكانتش لا لابسه سلسله رشاد ولا سليم.
فرحه اتوترت : هاااا ممم نسيت
سليم: لتكون مش عجباكي ومحروجه تقوليلي
فرحه : لا صدقني هي عجباني جدا بس نسيت
سليم : تمام البسيها عشان خاطري
فرحه ببتسامه صافيه : خلاص اكيد هلبسها بس مش دلوقت لاني مستعجله اوكي
سليم يبتسم : خلاص على راحتك يا عمري
فرحه : يالله مع السلامه
سليم : فرحه
فرحه لفت وبصتله
سليم عطها بوسه على الهواء : بحبك مووووووووووووت ..
فرحه اتكسفت جدا اول مره سليم يعمل الحركه بس ليه مبسوطه و على طول طلعت ..
سليم يكلم نفسه : حلوه وانتي مكسوفه ..بس هحاول ع قد ما اقدر اغيرك وتفكيها معايا
فرحه وقفت تاخد نفس من دقات قلبها المجنونه لما افتكرت حركات سليم وابتسمت اكتر لما افتكرت يوم الميه لما ادلقت عليه بجد كان شكله لذيذ
https://www.facebook.com/قصص-منه-محمد-كاتب-110808814814076/
في بيت مالك الشافعي
فرحه: تسلم ايدك يا ريومي الموكا حلوه جدا
ريم: بالهنا ياقلبي بس ليه سليم مجاش معاكي
فرحه: راح يقابل زين ضروري
ريم: طيب هيجي ياخدك
فرحه ببتسامه واسعه: لاء قالي أأعدي براحتك اصله عارف انك وحشاني موت
ريم: ع فكره يا فرحه سليم بيحبك اوي
فرحه : ليه بتقولي كدا
ريم :اولا لما جبنا سيرته الابتسامه مالت وشك من الودن دي للودن دي ده وانا مقولتش اكتر ووشك شبهه الطماط يعني لو اكتر خايفه وشك يتحول لقوس قزح
فرحه ضحكت: وثانيا
ريم: وثانيا شيفاه يتمنالك الرضا بس انتي ترضي بيفكرني بمالك حبيبي قلبي لما بيلف حواليكي زي الفراشه
فرحه: بتحبي بابا اوي كدا
ريم بصتلها وببتسامه: بحبه بس مالك ده كل حياتي اكتر واحد وقف جنبي وخلاني لقيت نفسي طبعا انتي قريتي مذكراتي فمش هقولك كلام جديد ابوكي بعد ما لقاني طلعني من ضعفي ومن خوفي (عيونها دمعو)حسسني بقيمتي وحدفني احقق ذاتي وابقي دكتوره ناجحه وشاطره صلح علاقتي مع احمد جوز امي ع الاقل بكلم امي واخواتي وبطمن عليهم وده حسن من نفسيتي شويه
فرحه مسكت ايدها وباستهم
ريم بمغزي من كلامها: لما تسيبي نفسك للحب الحقيقي هتودعي احلامك الوهميه وبكره تقولي كلام امي صحيح
فرحه: ليه بتقوليلي كدا يا ماما
ريم: ابدا مجرد كلام عشان احنا لازم نرضا بالامر الواقع ونتقبل الواقع ونعيشه ونرضا بالمقسوم وعسي ان تكرهوا شيئا وياعلم بيبقي اوقات خير لينا
فرحه : بقولك ايه يا ماما
ريم: قولي يا حبيبتي
فرحه : ماما ما تيجي تباتي الليله معانا محتاجين نتكلم كتير
ريم ببتسامه : واسيب اخوكي وابوكي ومي
فرحه مسكت ايدها : لاء بس هو يوم نفسي اتكلم معاكي ونسهر زي زمان
ريم : خلاص اتصلي بسليم واستأذني منه تفضلي معايا الليله
فرحه : سليم اكيد هيرفض مش بيعرف ينام لوحده عامل زي البيي ..بس ع مين انا هختار مرتين بالاسبوع وابات عندك
ريم : لاء لو سليم مش معاكي متجيش
فرحه كشرت:بتطرديني ياريم من بيت ابويا
ريم ضحكت اوي :اتوكسي هو انا عارفه اطردك بس مينفعش جوزك ينام لوحده
فرحه بين وبين نفسها :اه يا ريم لو تعرفي ان بنتك محرمه سليم ينام جنبها
ريم: سرحتي في ايه
فرحه : ها ابدا حاضر هقول لسليم واكيد هو مش هيقول لاء
ريم : ايوه كدا البنت لازم تكون تراعي جوزها وتشوف طلباته ..
فرحه في سرها :طلباته اه يمه لو تعرفي ان بنتك مقصره كنتي هترزعيني محاضره انما ايه وبعديها تخاصميني
ريم حركت ايدها قدام وشها: سرحتي فين تاني
فرحه : فيك يا قميل .. وبعدين جعانه
ريم : زمانهم كلهم داخلين وحالا نحط
فرحه : تمام وانا خلاص هختار اي يوم ابات عندكم ولا مش عايزاني
ريم : انا ماعنديش غيركم انتي واخوكي فأزاي مبقاش عاوزاكي
فرحه راحت تحضن امها ودمعت : اجمل الامهات والله
ريم تبوسها وبكت: ربنا يخليكم ليا ويسعدك يا فرحتي
فرحه: بلاش نعيط مكياجنا هيبوظ
ريم ضمتها اوي وتبوس فيها: اه وحشتيني ووحشتني مشاغبتك
عماد دخل: واظن انا كمان اتوحشتوني
فرحه قامت اخدته بالحض: عيبه مفكر نفسه مهم
عماد : طبعا يا بتاعه الخبيزه لاني ليا طريقه تفكير مختلفه
ريم: هههه اه طبعا من المقالب الي بتعملها فينا
عماد بصلها : لاء انا اجي اقعد ع حجرك بقي
.https://www.facebook.com/قصص-منه-محمد-كاتب-110808814814076/
في الموبيل سليم بيراضي زين الي زعلان منه جدا
سليم : زين متبقاش عامل زي البنات و بسرعه تزعل
زين شهق : انا زي البنات بقي تقاطعني اسبوع بحاله يا قاسي خلاص اتجوزت واتغيرت
سليم يضحك: لا والله انت في بالي بس عارف مشاغل الدنيا
زين كشر : اي مشاغل الله يخليك ..طبعا لما حنيت وافتكرت ان عندك ابن عم اسمه زين
سليم : خلاص اتاسفتلك متبقاش بايخ بقي
زين لوي بؤه: تمام تمام يا سليم ..اقفل وروح أأعد مع حبيبتك
سليم : زين هاجيلك اكسر دراعك
زين : طبعا عشان ابقي معوق زيك بقي سبعه ايام بحالهم مقاطعني .. لا والكارثه واتصل ما تردش عليا
سليم: يا اخي ما انت مش بتتصل الا في وقت غلط اما اكون نايم او باخد شور .. واقول لما اطلع ارد عليك وانسى
زين : مفيش لوم عليك مفيش لوم.. من لقى احبابه نسى اصحابه
سليم حرك حواجبه: زين انت اكتر واحد عارف فرحه بالنسبالي ايه
زين : اكيد عارف .. حكايتك ولا في الروايات ..لو تكتب قصتك صدقني هتنجح وتبقي ترند
سليم : اقتراح شبه وشك
زين : والله بجد .. انت موتنا ده كان فاضل تموت علينا احنا حفظنا كل كلمه من الروايا من كثر ما بتكتب عنها
سليم : احترم نفسك انت بتتكلم ع مراتي
زين : لاء والله وبنت عمي قبل ما تبقي مراتك
سليم ضحك: تصدق نسيت
زين : نسيت والله شكل فرحه عقلتك
سليم بعصبيه : ليه كنت مجنون يعني
زين : انت مجنون طبعا افتكر انت عملت ايه عشان تتجوزها تبقي مجنون ولا لاء
سليم يبتسم :ايوه مجنون بفرحه قلبي مالك انت
زين : طيب هنشوف بعد كدا و ممنوع
سليم: عيب مفيش ممنوع انا لما اوحشك تعال بيتنا
زين بمزح: وليه متجبش فرحه وتيجي بيت العز يا بيتنا
سليم : ايدي متجبسه ..واقع من فوق الخيل
زين : كأنك وقعت من فوق الجبل وبعدين حد قالك توري موهبتك لمراتك طبعا عايزها تشوفك مغوار
سليم : ههههههههههههه خلاص تعال مستنيك وحشتني
زين : خلاص دقايق وابقي عندك
………………………….
سليم مع زين في العربيه: اوه شوفت اهو اتأخرت ع فرحه عجبك كدا
زين : عادي ما فيهاش حاجه مش هي عند امها واكيد عمي او عماد هيوصلوها ولما يعرفوا انك مش موجود هيستنوك معاها
سليم بقلق عليها : مش عارف ( خد الموبايل واتصل بيها ))
فرحه الي كانت رجعت بيتها ..ودخلت غرفتها وهي لسه بتخلع الطرحه. وشافت الغرفه فاضيه يعني سليم لسه موصلش بس ليه حاسه اليوم من غيره تقيل وممل.. راحت لبست بيجامتها الرقيقه ..وبصت في الساعه وتقول في نفسها : ليه سليم اتأخر كدا
فرحه سمعت الموبيل وردت : الو
سليم بصوت واطي عشان زين مش يسمعه : مساء الحب لاغلى حب ف الدنيا مساء الشوق يا نبع الشوق فرحتي..
فرحه تبتسم :مالك بتتشوشو كدا
سليم حاطط ايده على الموبايل: عشان زين ما يسمعنيش مش عايزه يسمع كلامي ليكي
فرحه : ههههههههههههه ليه
سليم بهمس: كدا الكلام ده ليكي انت وبس
فرحه : يعني انت نزلت معاه مش كدا
سليم : اصر يا حبي وطبعا هزقني لما قال يكفا
فرحه: معلش ابن عمنا ولازم نستحمله
سليم: بقولك ايه رجعتي لوحدك ولا فيه حد معاكي
فرحه: لاء لوحدي بس عماد وصلني ومشي
سليم: طيب هتنامي دلوقت
فرحه: الصراحه نفسي انام .صاحيه من بدري
سليم : اخص عليكي يعني انا بكلمك وانتي تقوليلي انام
فرحه : والله بجد نعسانه وبكره اشوفك
سليم بحنيه ورفق: خلاص نامي يا عمري نوم العوافي
فرحه اتكسفت : اوكي يالله عن اذنك
سليم: اذنك معاكي وتصبحي على الف خير
فرحه : وانت من هله
زين يضحك : هههههههههههههههههه
سليم بصله بطرف عينه : ليه بتضحك ؟؟ لا يكون قلت نكته وانا معرفش
زين : لاء بس عمال تتوشوش كأنك خايف من الشرطه وخايف لتسمعك .
سليم : كلام بيني وبين مراتي ومش عايز حد يسمعني
زين:اتعلمت منك الحركات
سليم: لما تتجوز هتعرف قيمه الحركات يا بو التفاهات
زين : حاسس بيك والله.. بس عليك حركات غريبه
سليم زغده في كتفه:زين سوق وانت ساكت خالص
زين بنظرة حقد : ده جزائي اني خرجتك
سليم : بتذلنا يعني ؟
زين : عيب عليك بهزر معاك
سليم دخل البيت وطلع السلم لحد الغرفه دخل شوي شوي عشان ما يزعجهاش
ودخل وشاف الاضاءه الخفيفه وراح عندها وشافها نايمه زي البيبي الصغير بكل حلاوه وبرائه
سليم باس خدها: ربنا ما يحرمني منك ومن وجودك في حياتي
…………..قصص منه محمد كاتب……….
نوره وهي بتكلم فرحه بتطلب منها تروح لها من غير ما تقولها السبب .
فرحه : وليه اليوم بالذات
نوره بصوت مخنوق: بس عايزه اشوفك واتكلم معاكي
فرحه : اصل سليم عاوزنا نخرج سوي
نوره : خلاص براحتك حبيبتي .. بس يعني حبيت اتكلم معاكي مضايقه اوي
فرحه بقلق عليها : خلاص هكلمه ونأجل الخروجه
نوره : ردي عليه لو جايه اوكي
فرحه: اكيد
سليم قاعد يلعب بموبايله : ايه الحكايه سمعت اسمي
فرحه بصتله بتردد: نوره عاوزني ضروري
سليم : بيت نوره ولا بيت ابوها
فرحه : لاء بيتها
سليم اتضايق لان احتمال كبير رشاد هو كمان يروح
فرحه : مالك ؟؟ فجأه اتضايقت
سليم بضيق : الصراحه رافض تروحي هناك
فرحه مستغربه : ليه انا رايحه بيت نوره مش خالو صقر
سليم: لان نوره اخت رشاد و؟
فرحه قاطعته : سليم اولا نوره معيطه يعني فيه امر مهم غير كدا دي بنت خالو يعني مهما عملت مش هنقدرنقطعهم
سليم : عارف يا فرحه وفاهم ..بس انا بغير
فرحه قامت من مكانها: يعني انتي عاوزني اقاطعهم
سليم: لا انا ما قلتش كدا.. خلاص على راحتك يعني مش هنخرج
فرحه : معلش الخروجه تتعوض والايام جايه بس بجد نوره شكلها فعلا مخنوقه
سليم : خلاص على راحتك
فرحه : اوك عن اذنك اروح البس
سليم بحزن : اذنك معاكي حبيبتي
(( سليم هيموت من الغيره حتي لو هتروح بيت نوره ..لانه عارف ان رشاد ممكن يروح هناك ومرعوب لما فرحه تشوفه وتفتكر الماضي وترجع تتغير عليه بس هو مش حابب يمنعها لانه مهما كان هي متعلقه بنوره جدا))
فرحه بعد ما لبست فستان حلو وراقي اسود
فرحه: انا ماشيه يا سليم
سليم بابتسامه :بالسلامه يا حبيبتي .. السواقه تكون براحه ..شوي شوي ع الطريق اوكي ولا تحبي اجي اوصلك
فرحه:لا مفيش داعي ..وانت هتخرج
سليم: اممم لسه مش عارف هشوف
فرحه: طيب سلام
سليم: سلام وفي سره ربنا يستر
…….قصص منه محمد كاتب…….
في بيت نوره بعد واجب الضيافه
نوره : ها عامله ايه مع سليم
فرحه : الحمد لله
نوره : مممممممممم الصراحه اليوم حلوه ماشاء الله عليكي
فرحه: تسلمي من ذوقك
نوره من اول ما وصلت فرحه وهي لامحه سلسله جميله في رقبتها
فرحه مستغربه : مالك
نوره: سلسلتك حلوه ماشاء الله
فرحه : دي هديه سليم ما تغلش عليكي حبيبتي
نوره : تسلمي بس طالما انتي لابسها كأني انا اللي لبستها
فرحه: تسلمي حبي
نوره : فرحه الصراحه عايزه اكلمك في حاجه كدا بس بلاش تضيقي
فرحه : خير
نوره : حالك مع سليم ..يارب تكوني ارتاحتي معاه
فرحه : مش عارفه اقولك ايه بس فيه احساسي بحسه معاه عن الاول.. يعني مش بحبه ولا بكره .. بس لانه طيب ومعاملته راقيه ومهذبه معايا وبجد بيستحملني يعني مفيش راجل يستحمل الي هو بيستحمله معايا
نوره : يعني بدئتي تحبيه كزوج
فرحه : مش عارفه هو حب .. ولا معزه لانه ابن عمي او لاني اتعودت عليه بس ليه السؤال
نوره : ها ولا حاجه بس حبيت اعرف
فرحه : اها وانتي بقي مالك ليه معيطه وعيونك كوره كفر
نوره بابتسامه : الحمد لله بس موضوع عدم الحمل تاعبني وامه مش مبطله نق وضغط
فرحه: طيب وهو
نوره: هو طيب جدا ومش بيتكلم خالص وبيقولي سبيها ع الله
فرحه : ربنا يخليكم لبعض وان كان ع امه كبري
نوره تلفونها رن وكان رشاد بعد ما قفلت بصت لفرحه: رشاد جه ومحتاج يتكلم معاكي
فرحه قلبها دق واتوترت : يتكلم في ايه
نوره : ماعرفش بس دقايق يكلمك ويطلع
فرحه بضيق : ليه كدا يانوره ليه قولتيله اني هنا
نوره: والله ما قولتله تلاقيها هند
فرحه اضايقت وكشرت جدا
نوره : بصي يقول الكلمتين ويمشي
فرحه : بس
رشاد دخل هو متعصب من رفضها : ازيك يا فرحه
فرحه اتحرجت ونزلت راسها : الحمد لله
رشاد بحزن : عامله ايه
فرحه : بخير الحمد لله
نوره طلعت وقالت انها هتقف برا لحد يجي
رشاد : شايفك يعني يافرحه نسيتي الوعد اللي بينا ونسيتي الحب اللي كان بينا
فرحه رفعت راسها وصتله :ليه بتقول كدا
رشاد : انتي وعدتيني انك هتلبسي السلسله دايما لاخر حياتك لانه دليل على حبك ليا وطالما ما لبستيش السلسله معناها انك نستيني
فرحه وشها لتحت وساكته
رشاد: ايه يا فرحه فين الوعد انا كنت مستني .. نكون لبعض واخر حاجه تنسيني وتنسي الوعد .. نسيتي اننا لازم نكون لبعض واننا لبعض لاخر العمر
فرحه :بس انت عارف انا حاولت فالبدايه حتى بشهر العسل كنت قاسيه عليه بس مفيش اي فايده
رشاد بعصبيه : قولي انك حبتيه
فرحه برتباك لانها فعلا بدئت تحس احساس تاني مع سليم: لا انا محبتهوش بس هو مستحيل يسبني مهما حاولتوعملت كل الطرق ومليت خلاص لاني عرفت ان مفيش اي فايده
رشاد بجنون : يعني ايه .. خلاص هتكوني له .احلامنا اتبخرت عشان خاطره ..هو يتبسط ع حساب غيره وانا ذنبي ايه لو كان مريض بيكي انا حبيتك من الطفوله عارفه يعني ايه ..فرحه انتي جوايا… والله انا عمري ما حبيت غيرك ..واخر حاجه توقعتها ان الندل اخدك مني بكل سهوله ..واحنا نفضل نتعذب وننحرم من بعض بسبه هو
فرحه زعقت: عاوزني اعمل ايه
رشاد: اللي عايزك تعرفيه وما تنسهوش ان الانسان اللي عايشه معاه انتي هو سبب فراقنا ..وبعدين ما تنسيش انه كان بيهددك
فرحه سكتت تماما ليه افتكرت تهديد سليم وزاد حقدها منه
رشاد: تعيشي مع انسان كان في يوم هددك بشرفك تعيشي مع انسان هو سبب عذابي وعذابك … تعيشي مع انسان كان بيستخدم التهديد .. قوليلي ازاي ازاي
فرحه والدموع بعيونها : عاوزني اعمل ايه اعمل ايه ارحمني بقي ارحمني
رشاد جز ع اسنانه :لو بجد بتحبيني وعاوزاني .. حاولي انك تنكدي عليه مره ثانيه بس اقسى عن الاول ..حاولي انك تقللي من رجولته
فرحه رفعت راسها: ازاي يعني
رشاد : يعني تعانديه وما تهتميش بيه يقولك كلمه اعملي العكس والراجل يوم ما يحس ان كلمته مش بتمشي وبالعناد كدا يزهق و يمل بس كوني اقسى عن االاول وصدقيني باقل من شهر بيمل من العيشه معاكي..ونرجع لبعض
رشاد شاور ع قلبه : قلبي لسه فاكرك على الاقل تتجوزي بسعاده وبحب من طرفين بدل حب من طرف واحد .. وكل ما تشوفيه ما تنسيش انه كان بيهددك انه ينتقم مني ومنك .. يعني هو فالبدايه كان عدو ومتقولليش ابن عمي بقي وانتي بتقسي يصعب عليكي وقلبك يوجعك عليه خلينا نكمل حياتنا مع بعض زي ما كنا مخططين ..فكري كويس ..وخلينا نرجع لبعض ونكمل حياتنا
فرحه افتكرت سليم وتهدديه ليها.. افتكرت انها اخدته غصب عشان العايله وقررت انها تحاول تكون اقسى من الحجر علي سليم لحد ما يسيبها وتبقي انتقمت منه
وبعد كلام رشاد فرحه وقفت وهي سرحانه ومحتاجه تروح
رشاد نداها : فرحه
فرحه بصتله وهي حرفيا مضايقه منه
رشاد بكل حنيه : عارف الي بعمله غلط وماليش حق اني اطلب منك الانفصال .. بس لو كان هو جالك قبلي ما كنتش فتح بؤي ..بس انتي حب الطفوله يعني من زمان واللي يسمعني بيقول لازم استسلم للامر الواقع واسكت .. بس العاشق واللي مر بتجربة الحب صدقيني بيحس بيا .. فضلت احلم اكبر عشان اخطبك ولما حصل جه ابن عمك واخدك مني بالتهديد صعبه والله .. ولو كنتي بتحبيه صدقيني هبعد بس المشكله الكبيره ان حبنا متبادل
فرحه نزلت راسها وماقالتش حرف
رشاد : فرحه لو انتي بتحبيه قوليلي هسيبك معاه بس القهر انك متكونيش بتحبيه وتكملي فرحه الدنيا لحظه .. خلينا نعيش بسلام وبحب وانا مستنيكي لاخر العمر .. اياكي تنسي الوعد
فرحه هي واقفه عند باب الصاله محتاجه تمشي بسرعه شافت نوره بصلها مستغربه
نوره : فرحه رايحه فين
فرحه محتاجه تبكي : مروحه بيتي
نوره : ليه لسه هنقعد مع بعض
فرحه بحزن : مره تانيه عن اذنك
فرحه مشت وهي ضايعه محتاره مش عارفه تعمل ايه
نوره قربت من رشاد و وبتعجب : ايه الي حصل بينكم
رشاد بجديه : قلت لها ان سليم شخص سئ اناني و لازم تسيبه وترجع لي ..وترجع لحبنا ..والانسان اللي عايشه معاه حرمها من الحب
نوره فتحت عيونها : يعني انت عايزها تدمر حياتها .والله لو كنت اعرف انك هتقولها كدا كنت رفضت تكلمها
رشاد بنفعال: ليه ايه الي عملته غلط
نوره صرخت فيه: غلط ده فوق الغلط اصلا حرام تفكر بانسانه متجوزه ده اولا ..وعارفه ان سليم غلطان بس خلاص هي مراته وغصب عنها تحترمه وتصونه
رشاد بعصبيه وبحزن : لانك مش حاسه بالي بيحصلي ..انسان حرمني الضحكه والسعاده والحب .. عاوزني احبه ..انتي يا نوره لو واحده اخدت منك جوزك هتحسي بأيه
نوره : اكيد هتقهر
رشاد : وانا كدا مقهور..فرحه كانت خطيبتي يعني كانت هتبقي مراتي .. ويجي انسان ثاني ياخدها مني .. صعبه صعبه
نوره راحت عنده وحطت ايدها على كتفه : والله حاسه بيك يا اخويا وعارفه انك اكتر واحد بتحبها وحبك اكبر من كل شئ.. بس فرحه متجوزه ومن ابن عمها الي مالك بيحبه مالك ابوها واخد بالك
رشاد بعصبيه والدموع بعيونه : واخد بالي وعارف انها متجوزه من غير رضاها ليه هو يتبسط وانا اتعذب ذنبي انا ايه ..
..نوره : بس يا رشاد
رشاد قطعها : بس يا نوره كفايه سبيني بجد مش عايز اكلم حد ..وانا متأكد ان فرحه هتكون ليا غصب عن الكل
………..قصص منه محمد كاتب…………………
سليم وهو لابس وخارج
فرحه هنا وصلت البيت وشكلها باين انها تعبانه ومتضايقه
فرحه دخلت غرفتها وشافت سليم
سليم بيمشط شعره وشاف منظرها استغرب وساب المشط وبصلها في انعكاس المرايا : فرحه حبيبتي ..غريبه رجعتي بسرعه ما كملتيش الا نص ساعه ورجعتي ليه
فرحه شافته وافتكرت التهديد وبعصبيه : من غير سبب .. بس محتاجه ارتاح شويه في البيت ولا ممنوع كمان
سليم قرب منها : مالك حبيبتي ..شكلك بيقول انك تعبانه حتى صوتك.. ايه ده انتي كنتي بتعيطي
فرحه بصريخ : انا كويسه .. يعني لازم يكون فيا حاجه وحشه
سليم مستغرب : مالك يافرحه
فرحه بصراخ : اوووووووووووووووووه وبعدين معاك انت مش بتفهم قلت لك محتاجه ارتاح .ممكن تسبني وتطلع برا
سليم فاتح عيونه واقف مكانه مستغرب
فرحه بعصبيه : الكلام مش نافع معاك..خلاص اروح انا اي مكان تاني احسن
فرحه طلعت واغلقت الباب بالقوه
سليم فاتح عيونه واقف مكانه ويكلم نفسه: لا لا دي اكيد مش فرحه.
سليم راح الغرفه الثانيه اللي فرحه موجوده فيها..
سليم خبط الباب : فرحه فرحه مالك ..قوليلي فيكي ايه
فرحه تبكي : انا كويسه محتاجه اكون بس لوحدي لو سمحت يا سليم
سليم : فرحه قوليلي فهميني ليه متغيره عليا
فرحه ما ردتش عليه وبتعيط وبس!!!
سليم بسرعه راح اتصل بأخته تيجي تشوفها وربع ساعه وصلت لورا
سليم فتحلها متوتر :لورا الله يخليكي روحي عند فرحه وشوفيها مالها
لورا مستغربه : ليه ايه الي حصل
سليم : معرفش خرجت ورجعت متغيره 180 درجه مش دي فرحهه ..قبل ما تروح بيت نوره كنا بنضحك رجعت منهاره روحي شوفيها يمكن تحكيلك
لورا: والله حيرتني هشوف مالها ..انت خليك مكانك هروح اشوفها وارجعلك عليك
سليم بحزن : طيب الله يخليكي بسرعه انا هموت
لورا : طيب اهدي
لورا راحت تخبط الباب : فروحتي انا لورا
فرحه سانده على السرير وهي تمسح دموعها : خير يا لورا
لورا : فرحه افتحي الباب شويه
فرحه راحت تفتح الباب وهي واقفه عند الباب : خير يا لورا
لورا شافت عيون فرحه الي متورمه : مالك يا فرحه
فرحه : انا كويسه ليه اخوكي قالك
لورا : طيب ليه متضايقه حصل حاجه مع نوره
فرحه : مفيش حاجه انا مضايقه وماليش نفس اكلم حد
لورا : من غير سبب مضايقه لوحدك ..قبل شويه سليم بيقولي كنتي تمام
فرحه :لورا من فضلك محتاجه اكون لوحدي …اطمني مفيش حاجه انا بس محتاجه ابقي لوحدي
لورا تهز راسها : على راحتك حبيبتي لو فيه اي حاجه اتصلي بيا …لورا اللي كنتي تحكلها ع كل حاجه بس للاسف اتغيرتي عليا
فرحه لفت ظهرها وماردتش عليها تقولها ايه تقولها تعبانه من الضغط النفسي…تقولها مالت لسليم بس رشاد لسه له جزء في قلبها تقولها ايه بس
لوراراحت عند سليم
سليم اول ما لمحها وقف بسرعه وراح عليها : ها طمنيني
لورا : معرفتش مالها طلبت مني اسيبها لوحدها
سليم : ما حسيتيش انها متغيره
لورا : الصراحه جدا ..بس يمكن متضايقه شويه واكيد هتفك فيه ناس كدا تضايق مع نفسها وتفك تاني مع نفسها
سليم مسح شعره برقبته: ياريتني ما خليتها تروح بيت نوره دي
لورا : يمكن يا سليم احنا مكبرين الحكايه استني يمكن مضايقه من حاجه تانيه وبعدين نقدر نحكم عليها انت كنت خارج
سليم: ايوه كنت رايح بيتنا
لوا: خلاص روح وسيبها لحد ما تخرج لوحدها
سليم بحزن : اخرج فين وفرحه كدا ..ماليش نفس اطلع لمكان
لورا: طيب تعال معايا نتعشا سوي وابقي ارجع
سليم : والله ماليا نفس يالورا..هروح انام
لورا طبطبت ع ضهره : حبيبي متضايقش نفسك يمكن مضايقه شويه وانشاء الله بكره تبقي احسن
سليم : اتمنى والله ..ما صدقت انها بقت احسن وبدئت تملي ..مش عايز اعيش بعذاب تاني ..والله تعبت تعبت
لورا : ان شاء الله ايامك كلها تكون حلوه
سليم : ايامي عمرها ما هتكون حلوه الا بوجود فرحه فيها وبحبها
لورا : الله كريم يله روح ارتاح ..وانا شويه هتصل بيك يمكن تغير رايك وتيجي عندي نتفرج ع فيلم ونتعشا
سليم ماشي
سليم بعد ما اخته مشت راح غرفتهم وهو مضايق
وسند على السرير وبضيق كلم نفسه : مالك يافرحه مالك مش كفايه بقي حرمان وعذاب يارب اوهب لي السعاده مع الانسانه اللي اخترتها وحبيتها ..يارب
..في اليوم الثاني ..
سليم ما قدرش حرفيا ينام وتفكيره كله فيها وتغيرها المفاجئ !!!
سليم اول ما قام من الرقده راح الغرفه الثانيه ودخل وشافها تتكلم في التلفون
فرحه : لاء ياجودي مقدرتش اجي الكليه معلش لالا مش عيانه بس ماليش مزاج …تمام ميرسي خلاص ودهالي عند ماما ..مع السلامه
سليم مستغرب : صباح الخير حبيبتي عامله ايه دلوقت
فرحه ماسكه الموبايل ومن غير نفس : بخير
سليم : مالها جودي
فرحه بتكشيره : ابدا بتقولي انها جبت لي المحاضره وبتسألني ليه مروحتش الكليه
سليم عاقد حواجبه : ايوه بس مش احنا متفقين هتروحي بعد شهر العسل وهي هتجبلك المحاضرات من زميله واحنا لسه مخلصناش الشهر
فرحه : بس زهقت من البيت عايزه ارجع الكليه
سليم بلطف : فرحه انا مقلتش مترجعيش الكليه …واظن انا هنا بذكرلك يعني كملي الشهر ع الاقل
فرحه بعصبيه:يعني عايزني اسقط ومكملش حياتي
سليم : انا مقلتش كدا ولا اقدر اطلبها بس احنا متفقين بعد الشهر وانا مش مقصر معاكي بذكرلك في البيت لحد ما ترجعي ويا ستي هانت فضل اسبوع من شهر عسلنا وبعديها ارجعي روحي كليتك انا مش هتكلم ع الاقل لو مش عشانا عشان الناس يا فرحه
فرحه : يعني ايه ده امر سي السيد شوف بقي من الاخر لا انت ولا غيرك يقدر يفرض عليا حاجه انا مش حباها
سليم استغرب من جرأه فرحه عليه : فررررحه مالك انتي من امبارح مش طبيعيه .. انا قلت لما بتروحي لاي حد من طرف صقر اكيد بتتحولي واكيد شفتي الندل
فرحه : رشاد مالوش دخل ومش هسمحلك تهينه ومتنساش انه ابن خالي قبل اي حاجه
سليم اتعصب: الله وكمان وواقفه تدافعي عنه
فرحه: وليه مدفعش عنه ..هو ابن خالي زي ما انت ابن عمي
سليم : ابن عمك وجوزك ..واعملي حسابك مره ثانيه مش هتروحي بيت خالك اوكي
فرحه بتكبر : والله احلف .. لا حبيبي مستحيل ..بيت خالو مستحيل انقطع عنه .. اوكي
رمت عليه كلامها الدبش وطلعت من الغرفه !!!!!
سليم ماسك اعصابه مستغرب من الموقف .فرحه بقت اقسى من كل مره والقهر انها واقفه تعانده
سليم كان خارج للجنينه شاف لورا جايه وبتفتح البوابه ودخلت وقربت منه شافت وشه محمر جدا والغضب بعيونه من كل اتجاه راحت عليه
لورا بخوف : سليم مالك ليه متعصب
سليم بصريخ : فرحه دي مش عارف مالها لو تشوفي ازاي واقفه تعاندني يا لورا والله انا ماسك اعصابي عنها بالعافيه والا هخربها ع الكل
لورا: لاء تخربها ايه بس يمكن مضايقه او زعلانه
سليم: تقولي تفهمني القي عذر للي بتعمله فيا طيب فرضا قولت لعمي اقوله ايه الي مزعلها اقوله ايه بس
لورا : ابعد عمك خالص يا سليم ويا حبيبي طالما انت بتحبها لازم تستحمل
سليم وقف : ما اقدرش بقولك بتعاندني وغاويه بس تقهرني كأنها بتقولي اضرب دماغك في الحيط
لورا : هي تصرفتها غريبه بس معلش ده امبارح بس
سليم : ايوه امبارح ونفسي اعرف ايه الي حصلها امبارح …بس الي متاكد منه انها كلمت رشاد مستحيل تتغير من غير سبب
لورا : والله يا سليم ما عارفه اقولك ايه
سليم ماسك دماغه : مش عارف اعمل ايه مش عارفه اتصرف اقول ايه اقول ايه
لورا بخوف ع منظر اخوها : ولا تقول ولا تعيد وهدي اعصابك كل شئ يتحل بالهدواه بلاش تنكد ع روحك .. ولو بجد بتحبها استحمل
سليم بقهر في صوته:المشكله اني ميت فيها لما بشوف دمعه من عيونها قلبي يتقطع قبل قلبها ..حزنها من حزني وفرحها من فرحي ..لاني حافظ فرحه حفظها طيبه وحنينه والي بتعمله مش طالع من قلبها ..بس لحد امتي لحد امتى
لورا: استحمل كام يوم .. وان شاء الله بالحب كل حاجه تتغير وترجع زي ما كانت معاك الاول فاكر الاول
سليم: يارتها ترجع نفس الاول لما كانت بنت عمي حتي
لورا مسدت ع كتفه بحنان بالغ: هترجع صدقني هتقدر بحبك الكبير ليها تغيرها لفرحه الي كلنا عرفينها
سليم يتنهد : الله يعيني يا رب
$$مؤلم جدا أن تكون بأقصى حالات “الاحتياج” وتبكي بصمـت لكي لا يشعر بك من تحتاجه
و الأكثر “إيلامــا” أن تجـرح نفسك بضحكات وهميةو تقـــول “إنني بخيـر” في الوقت الذي لاتشعــر فيه بأي معنى للخير$$
…………قصص منه محمد كاتب……..
https://www.facebook.com/قصص-منه-محمد-كاتب-110808814814076/
في بيت مالك الشافعي
مي وتولين واقفين في المطبخ كانوا بيحضرو عشان فرحه جايه تقضي اليوم معاهم شيماء دخلت عليهم بصريخ : تولين
تولين: ايه يا retarded
شيماء بإبتسامه بايخه طلعت فوق التربيزه : إسمعي الأغنيه والله جميله انا الي مألفها
مي ضحكت : أطربينا
شيماء بصوت لاتعليق والاداء مستفز:راح الفرح معاه وسابني وغاب وما كانش عمره بيسبني ودايما يضحكلي وع حالي نزلت دموع الباب
تولين: عمرك شفتي باب بيبكي
مي بتريقه:بصراحه ولا شباك بس استمري لانه ابداع غير طبيعي
تولين كتمت ضحكتها لما شافت عماد واقف والباب مفتوح وميت عليها من الضحك
شيماء سمعت صوت وراها بلعت ريقها اتحرجت ان حد غيرهم سمعها وخايفه تلف وتشوف مين اللي سمع كلامها اللي ماكانتش تقصد منه غير الاستهبال عضت شفايفها وبسرعه نزلت من فوق التربيزه ببطء وهي مغمضه عيونها وبخطوات بطيئه طلعت من المطبخ بدون ماتلتفت تولين ماتت ضحك على شكلها وهي ماسكه بطنها ومي نامت في الارض من الضحك وتولين وقفت عشان تلحقها
عماد ضحك من قلبه: البت طلعت موهبه دفينه بس انا هكتشفها وراح وراها فوريره
ومي طلعت تجري وراه لانها بتغير عليه جدا!!!!
مالك داخل لقاه ناس بتجري وقف مستغرب وبص لريم : فيه ايه ليه دول بيجروا
ريم ضحكت: الحمد لله انك جيت تنجدني من المورستان والله دماغي صدعت وندمت اني اخدت اجازه وجبتهم
مالك باس جبينها بعمق حاني: سلامتك يا جنتي من الصداع بس ليه برضو بيجروا
ريم: سيبك العيال مبسوطه عشان عزمت فرحه تتغدي معانا
مالك بفرحه: بجد هي جايه امتي هي وسليم
ريم: لاء جايه لوحدها
مالك استغرب: ليه لوحدها
ريم: قالت لي سليم هيتغدي مع امه النهارده فاسبته براحته وقالت هي هتيجي
مالك: ريم ليكونوا متخانقين مع بعض وبنتك مش عايزه تقول لانها عارفه ان سليم اوردي مش هيقول لانه كتوم
ريم طبطبت ع ايده : لاء اطمن فرحه لما كانت هنا من يومين كانت الابتسامه ع سيرته من هنا لهناك
مالك بابتسامته الحلوة: ربنا يسعدهم والله سليم مافيش منه اتنين وبيحبها حب جنوني زي ما بحبك انت يا عم ياقمر ياعسل ويدغدغها بشقاوه
ريم بتضحك بصوت عالي من جنونه: بس يا مالك العيال
مالك مسك ايدها وباسهم برقه: انا مالي يبيهم دول خليهم في جنانهم
ريم اتحرجت وهمست له : ده انت طلعت اجن منهم
مالك قام وبيحاول يرفعها: وماله ساعات بنحتاج للجنون بقولك ايه ما تيجي نعمل احنا فوق مهرجان
ريم بتعافر يسيبها: بس يا مالك العيال
مالك : بس انا مصمم اخد بوسه
ريم: يامالك انت النهارده مالك
مالك ضمها لحضنه واحتواها : مالي محتاج اتجنن بزمتك منفسكيش
ريم بدلع: بصراحه نفسي
مالك غمز: شوفتي
ريم بخبث: نفسي فرحه تيجي
مالك ضمها لحضنه وسحبها معاه: وانا هموت واحب فيكي شويه
ريم لفت ايدها حوالين وسطه وطالعه معاه :ربنا ما يحرمنا من بعض!!
…………………………… https://www.facebook.com/قصص-منه-محمد-كاتب-110808814814076/
سليم بعد ما لورا هدته شويه طلع غرفته رغم مضايق وقرر يكلم فرحه بكل هدوء عشان يعرف مالها سليم دخل الغرفه ويشوفها لابسه : رايحه كدا ع فين
فرحه وهي ماسكه شنطتها وطالعه : رايحه عند ماما ولا عندك مانع
سليم مستغرب: ليه مقولتليش انك رايحه
فرحه : مش لازم اقولك ع كل خطواتي وبعدين انا مش رايحه مكان غريب عايزه اتغدا مع اهلي
سليم ماسك اعصابه:تمام على الاقل تساليني يمكن اروح معاكي
فرحه بعصبيه : وانت لازم كل مكان اروح تيجي معايا.. هما عازمين بنتهم انت مالك
سليم اتعصب جدا: فرحه وبعدين معاكي ووبعدين
فرحه : ايه مالي
سليم ضغط ع اسنانه:انا الي بسألك مالك
فرحه : انا زي الفل عايزه امشي باي
سليم عض شفايفه وغمض عيونه وعد من واحد لثلاثه بيحاول يمسك اعصابه وبهدوء : فرحه ممكن نتكلم دقايق
فرحه عايزه تمشي خايفه تضعف : سوري ماعنديش وقت
سليم: قلت بس دقايق
فرحه قعدت من غير ما تبصله : نعم
سليم قرب وقعد جنبها : فرحه مالك حد قالك حاجه زعلتك انا عملت اي تصرف وضايقتك من غير ما احس
فرحه بتجاهد تبعد نظراتها عنه : اصلا محدش يقدر يضايقني بس انا زهقت من البيت ومليت من كل حاجه
سليم بصبر: تحبي اخدلك بيت تاني لاني مش بحب اشوفك بالقسوه دي
فرحه وقفت لازم تهرب وبسرعه قبل ما تضعف من الملاك الي قدامها بس ليه فيه حاجه جواها بتقولها كملي وافتكري انه اخدك غصب تحت التهديد انتقمي لنفسك جاتلك الفرصه لحد عندك مش كلام رشاد الي حياها فيكي لاء افعاله السابقه وجايز لما تسلميله نفسك يشوطك هو بصتله وقالت : والله انا كدا وتصرفاتي هتكون دايما كدا ..عاوزني ع كدا اهلا وسهلا مش عاوزني انت حر
سليم وقف قدامها : قصدك ايه
فرحه بصتله بغضب : افهمها زي ما تفهمها و قصدي واضح عن اذنك
سليم واقف والدم يغلي بقلبه … فرحه عمرها ماكانت كدا دي واحده تانيه
لبس بسرعه وركب عربيته وطار لـ اخته الصديقه الي دايما تهونها عليه
سليم فتح الباب بالقوه: لورا
لورا نطت بخوف لما شافته: مالك يا سليم مالك ياخويا
سليم: بسرعه اتصلي ب نوره قوليلها ايه الي حصل عندها امبارح والا هتطربق ع الكل
لورا خافت من المشاكل الي ممكن تكبر: حبيبي اهدي بس
سليم صرخ بنفعال: بقولك اتصلي انا مبقتش مستحمل خلاص
لورا : حاضر حاضر هدي اعصابك
سليم : هي خلت فيا اعصاب ..بقولك دي بقت متبجحه وعنيده وغاويه تقهرني ..انا بحاول ادوس على قلبي وع كرامتي واكون لطيف معاها بس هي مصممه مصممه ع اني ارتكب فيه جريمه
لورا ماسكه موبايلها : لاء يا سليم وحاضر هتصل اهو بنوره بس انت اقعد وهدي اعصابك
سليم قعد ومنزل راسه ويحرك رجوله وهو مقهور
……..قصص منه محمد……..
فرحه بعد ما رجعت من بيت اهلها وهي في صراع نفسي رهيب كأنها تايهه.. مره مع قلبها اللي يقولها رشاد ومره مع عقلها اللي هو سليم واللي عقلها بيقولها انها لازم تكون مع جوزها لانه في النهايه هو جوزها وحلالها
سليم شافها داخله : اتأخرتي ليه يافرحه
فرحه من غير نفس : الطريق زحمه ايه اطير فوق العربيات
وراحت تلم كل هدومها وكتابها تحطها بالغرفه الثانيه
سليم شافها ومستغرب : واخده هدومك ورايحه فين
فرحه : هروح فين هقعد بالغرفه الثانيه ولا عندك مانع يا سيد سليم
سليم بسخريه :ليه هو انا لو عندي مانع هتسمعي كلامي
فرحه باستهزاء : طبعا لاء عن اذنك
سليم اتك ع اسنانه بيطحنهم : فرحه انا جبت اخري قوليلي مالك
فرحه : قلت لك ماليش .. بس انا فوقت للصح
سليم : الصح انك تهمشيني وتقسي عليا والله العظيم لو راجل تاني
فرح قطعته : اه لو راجل تاني كنت هتعمل ايه تضرب مراتك ولا تهجرها ولا يطلقها و صدقني انا ما يهمنيش اي رد فعل منهم اعمل الي تعمله وانا مش هتكلم
سليم : انا مش من النوع الي ميفهموش بس اتمنى ما تجبرينيش على اي حاجه منهم
فرحه : عادي عندي صدقني
سليم قرب منها : فرحه انتي بتعملي كدا عشان واثقه ومتأكده اني مستحيل أمد ايدي عليكي لانك بنت عمي الي بحبه وبحترمه ومراتي زوجه سليم الشافعي الانسان المثقف المتحضر الي مستحيل يمد ايده ع الانسانه الي بيعشقها ويحبها
فرحه : بس الحب من طرف واحد ما ينفعش يا سليم
سليم : طبعا لازم يكون من طرف واحد ازاي يكون من طرفين وانتي كل مره بتبعديني عني اصلا انتي مش مدياني فرصه اقرب منك
فرحه : عطيتك بمافيه الكفايه
سليم صرخ بجنون: عطيتني فين وانا كل ما بقرب منك تبعديني كل ما احب اقولك حاجه تسكتيني بس الشهاده لله في الفتره الاخيره كنتي لينه شوي معايا .. والحب يمكن يكون من طرفين اذا الطرف الثاني عطاه نفسه فرصه.. ياما ناس مكنوش بيحبوا بعض بس مع الحنيه والتعامل والاحترام والتقرب حبوا بعض بجنون
فرحه : بس انا غير
سليم : انتي مش غيرهم انتي بس حد لاعب في دماغك ومغير تصرفاتك
فرحه بعصبيه : انا مش طفله عشان حد يغير تصرفاتي
سليم بعصبيه اكبر : تمام ممكن تقوليلي ايه سبب التغير المفاجئ
فرحه : قلت لك فوقت للصح وبعدين مش عايزه اتكلم انا عايزه انام
سليم : لما تحبي تهربي تقوليلي كدا
فرحه فعلا هربت منه وراحت الغرفه الثانيه وتبكي ولنفسها: عارفه اني قسيت عليك يا سليم .. بس لازم اعمل كدا لحد ما تزهق مني وتطلقني
اما سليم اتعصب وضرب الجدار بأيده وصرخ: ازاي اتصرف معاها بجد خلاص مش قادر اتحمل اكتر والله تعبت تعبت
واحنا كمان تعبنالك رايكم البارت الجاي كله هيبقي ع المكشوف
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
