رواية وردة حياتي الفصل الرابع 4 بقلم جيداء محمد
رواية وردة حياتي الجزء الرابع
رواية وردة حياتي البارت الرابع
رواية وردة حياتي الحلقة الرابعة
عند اميرة طلعت ولسه بتخبط لقت الباب بيتفتح ولقت ابوها فى وشها
على(ابو اميرة): اى كل ده
اميرة: اى يا بابا كنت في فرح ورد صحبتى وانتى عارف وقعدت شوية وجيت متاخرتش يعني
على: ومين اللى كنتى جاى معاه ده
اميرة: ده اوبر طلبتو عشان مكنش في تاكسى
على: طب يلا ادخلى
دخلت اميرة على اوضتها علطول وغيرت الفستان وشالت الميكب كانت حطاه خفيف خالص وقعدت مسكت التليفون لحد لما الفجر اذن قامت اتوضت وصلت وقعدت تعيط وبعدين راحت نامت
عند ورد معرفتش تنام وسمعت الاذان وقامت عشان تتوضى عشان تصلى وخرجت من الاوضة سمعت ان فى حد فى الحمام استنت لما لؤى طلع
لؤى: انتى اى اللى مصحيكى دلوقتي
ورد: مش عارفه انام وقومت اصلى الفجر
لؤى: طب روحي اتوضى يلا
ورد: تمام
لؤى: طب تحبى تصلى معايا اكون الايمام
ورد: ايوه عادي هروح اتوضى انا على ما تفرش المصليات
لؤى: تمام ماشي يلا
ورد راحت اتوضت وخرجت تصلى هى ولؤى وخلصو صلى
لؤى: هتنامي ولا لسه مش جايلك نوم
ورد: بصراحه مش جايلى نوم مبعرفش انا غير فى بيتنا
لؤى: ولا انا كمان جايلى نوم
ورد: طب وبعدين
لؤى: تحبى نتفرج على فيلم
ورد: ايوه ماشي
لؤى: طب يلا اعملى انتى فشار فى درة فشار فى درج المطبخ على ما اجيب انا فيلم يلا
ورد: يلا
ورد راحت تعمل فشار ولقت شوكولاتة فى التلاجة وبيبسى ولقت لب ومكسرات طلعت الفشار وحطتو فى طبقى وطلعت طبق للمكسرات واللب وجابت علبة شوكولاتة النوتيلا ومعلقتين وحطتهم على صينية وخرجت كان لؤى جاب فيلم
لؤى: اوعى بقى اى الحاجات الحلوة دى كلها
ورد: معرفش اى كل ده لقيتهم جوه قولت اجيبهم يسلونا ولقيت نوتيلا كمان فى التلاجة
لؤى: طب يلا اقعدي شغلت الفيلم اهو
ورد: طيب استنى هروح اجيب غطا خفيف نتغطى بيه
وراحت جابت الغطا وجت وبيتفرجو على الفيلم بس ورد نامت فى نص الفيلم وهى قاعده جنب لؤى ودماغها اتزحلقت ونامت على كتفو وهو سابها نامت وقفل الفيلم ونام هو كمان وسند دماغو على دماغها ونام
طلعت الشمس وهما لسه نايمين والضهر اذن وبعدين لؤى صحى والضهر بياذن وافتكر ان ورد نايمة على كتفه قعد يتأمل فى جمالها وبعدين صحاها
لؤى: ورد يا ورد يلا اصحى
ورد: لا ونبى سبنى انام شويه كمان انا لسه عايزة انام
لؤى: لا مش هينفع اهلنا قربو يجو ولازم نكون صاحيين ونروق
ورد قامت بخضة: اى ده صح انا نمت هنا ازاى وليه مصحتنيش
لؤى: فى اى يبنتى اهدى مفيش حاجه يعني ولما لقيتك نمتي مردتش اصحيكى عشان لو صحيتك مش هتعرفى تنامى تانى فسبتك وانا برضو نمت هنا
ورد: اه ماشي
لؤى: يلا فوقى وروحى خدى دوش واتوضى عشان نصلى
ورد: حاضر بس هروق الاول روح انت
لؤى: تمام ماشي
لؤى راح اخد دوش واتوضى وخرج
لؤى: ورد
ورد: نعم
لؤى: يلا ادخلى عشان نصلى مع بعض
ورد: تمام حاضر
وصلو مع بعض وفطرو بداو يتأقلمو مع الوضع
عند اميرة صحيت من النوم وراحت اتوضت ولبست وخرجت لابوها بره تقولو انها هتروح تزور ورد وهتيجى
اميرة: بابا عايزة اقولك حاجه
على وهو باصص فى التليفون: قولى
اميرة: كنت عايزة اروح اطمن على ورد
على: لا مفيش مرواح
اميرة بعياط: ليه ده انا هروح واجى علطول
على: وانا قولت لا يبقى لا
اميرة بعياط هستيرى: ليه كل حاجه لا وكل حاجه بزعيق انا مبقتش مستحملة حاجه وتعبت نفسيا وانتو محدش حاسس بيا
فايزة(ام اميرة) خرجت على عياط بنتها
على قام راح ضرب اميرة بالقلم……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وردة حياتي)
