رواية وردة حياتي الفصل الخامس 5 بقلم جيداء محمد

رواية وردة حياتي الجزء الخامس

رواية وردة حياتي البارت الخامس

رواية وردة حياتي الحلقة الخامسة

على قام راح ضرب اميرة بالقلم
على: صوتك ده ميعلاش تانى انتى فاهمة
اميرة سابته ودخلت جرى على الاوضة ورزعت الباب وقعدت تعيط
فايزة: فى اى ومالك بتزعقلها كده ليه
على: قال اى كل شوية عايزة تنزل ودلوقتى بتقولى انها عايزة تروح تزور صحبتها المتجوزة
فايزة: واى يعنى لما تروح تزورها مش بدل ما انت حابسها فى البيت وحتى مش راضى تنزلها تشتغل
على: انا حر دى بنتى واعمل اللى انا عايزه معاها
فايزة بزعيق: ودى برضو بنتى انا كمان ومش هسكت بعد كده عشان لو سكت ممكن نخسرها للابد فكر فى كلامى وانا هدخل اخليها تلبس عشان تروح ل صحبتها عشان احنا كلنا عارفين هى متعلقة ازاى بصحبتها ورد
وخلصت كلامها ودخلت ل اميرة لقيتها منهارة من العياط
فايزة: اهدى يا عيون ماما خلاص هتروحي لصحبتك
اميرة بابتسامة: بجد يا ماما
فايزة: بجد يا قلبى يلا قومى اغسلى وشك والبسى يلا عشان تنزلى
اميرة قامت بسرعة: حاضر هروح اهو
وراحت لبست عشان تنزل وقبل لما تنزل سمعت صوت ابوها بيقولها بزعيق: قبل لما تنزلى عايز اقولك حاجه ابن عمك اللى فى البلد طلب ايدك وانا وافقت
اميرة بحزن: اعمل اللي تعملو مبقتش تفرق وسابته ونزلت
عند ورد الجرس رن راحت عشان تفتح
لؤى: استنى انتى راحة فين
ورد: هفتح الباب
لؤى: بشعرك
ورد: اه صح
لؤى: يلا روحي البسى طرحة وانا هفتح
فتح الباب ولقى ابوه ومعتز وام ورد وابوها
لؤى: اتفضلو
سيد: يزيد فضلك
ورد طلعت وراحت جريت على امها
نوال: عاملة اى يبنتى كويسه
ورد: اه يا ماما كويسه
نوال: دايما يارب ياحبيبتي
ورد: تشربو اى
محسن: لا ولا حاجه احنا هنمشى
ورد: ليه لسه بدري
نوال: لا كفاية كده هنبقى نجيلك تانى
سيد: يلا بقى يا جماعة نمشى
محسن: يلا ولو عملك حاجه او زعلك تعالى قوليلى وانا هربهولك
ورد بضحك: حاضر
محسن: يلا يا معتز انت قاعد ليه
معتز: لا روحو انتو انا عايز لؤى فى حاجه كده وبعدين هروح مشوار
محسن: ماشي يلا احنا
وبعدين نور سلمت عليهم ومشيو وقفلت الباب وراهم
ورد: تشرب اى
معتز: اى حاجه من ايدك حلوة راح لؤى خبطو فى جنبو منغير ما ورد تاخد بالها
ورد: تمام هروح اعملك عصير
معتز: فى اى يعم خبطنى ليه
لؤى: لاحظ انها مراتى ولا اى يعم معتز
معتز: اى يعم ما انت مش متقبل الموضوع اصلا
لؤى: ولو برضو اسمها مراتى وقولتلك كده امبارح
معتز: خلاص يعم ماشي مش هكلمها كده تانى
لؤى: وبعدين انت عايز اى منى دلوقتي
معتز: لا مش عايز منك حاجه
لؤى: امال قاعد ليه
معتز: عشان اميرة جاى وعايز اشوفها
لؤى: اميرة مين
معتز: صاحبة مراتك
لؤى: اه وانت قاعد عشان كده مصلحة يعني
معتز: ايوه
ورد: اتفضلو العصير ولسه هتدخل لقت الباب بيخبط راحت فتحت ولقتها اميرة
ورد: عرفتى توصلى على اللوكيش اهو
اميرة: امال يبنتى انا اى حد ولا اى
ورد: لا طبعاً مال عينك
اميرة: لا مفيش
ورد: عليا برضو يا اميرة
اميرة: لا بس مفيش حاجه متقلقيش
ورد: طيب خشى وهنشوف الموضوع ده جوه
اميرة: سلام عليكم
معتز ولؤى مع بعض: وعليكم السلام ورحمة الله وبركاته
معتز: مال وشك
اميرة: لا مفيش حاجه
معتز: ازاى مفيش ووشك متغير عن امبارح وعينك وارمة
اميرة: لا بجد مفيش حاجه بس تعبانه شوية
معتز: الف سلامه عليكي
اميرة: الله يسلمك
ورد: طب هدخل انا و اميرة الاوضة ولو عاوزين حاجه ابقو نادو عليا
لؤى: تمام ماشي ادخلو
ورد: يلا يا اميرة
اميرة: يلا ودخلو الاوضة
ورد: فى اى يا اميرة احكى
اميرة بدات تعيط وحكتلها كل اللى حصل
اميرة: وبس ده كل اللى حصل وهو عاوز يجوزنى ابن عمى اللى هو اكبر منى بعشرين سنة وانا مبحبهوش ومش بطيقو وهو كان متجوز ومراته اتطلقت منو عشان عرفت انو بيخونها
ورد: طيب اهدى ياحبيبتي وبطلى عياط وان شاءلله هتتحل
اميرة: كده مفيش حل هو خلاص اتفق معاه
ورد: بتأكيد هيرجع فى كلامو عشان هو كان متدايق منك وراح وافق
اميرة: يارب يا ورد يارب عشان مش بطيقو ولو هو جوزهولى غصب عنى انا ممكن اموت نفسى قبل لما اتجوزو
ورد: طب اسكتى وبعد الشر متعمليش كده انتى عارفة انو حرام وربنا مش هيغفرلك ابدا متفكريش فى كده تانى عشان مزعلش منك والله
اميرة: حاضر
ورد: يلا تعالى عشان تغسلى وشك ونقعد معاهم بره شوية
اميرة: يلا وخرجو قعدو معاهم
لؤى: تحبو نجيب فيلم على ما الاكل اللى طلبتو يوصل
ورد: ايوه يلا
ولؤى جاب فيلم ومعتز مش فى دماغه الفيلم وعمال يبص على اميرة وعايز يعرف مالها وفى نص الفيلم كان الاكل وصل وقفو الاكل وراحو كلو ورجعو وكملو الفيلم واميرة كانت مبسوطة فى القعدة معاهم ونفسيتها اتحسنت شوية
اميرة: ورد لازم اروح انام بقى عشان بابا
ورد: تمام ياحبيبتي لما توصلى كلمينى طمنينى عليكى
اميرة: حاضر يلا سلام
معتز: استنى يا اميرة انا كده كده ماشى استنى امشى معاكى
اميرة: طب يلا
معتز: يلا باى يا لؤى
لؤى: باى ياخويا
معتز: يلا يا اميرة وخادها ونزلو واميرة لسه هتمشى بس صوت معتز وقفها….