رواية وردة القاسم الفصل الرابع عشر 14 بقلم جنات
رواية وردة القاسم البارت الرابع عشر
رواية وردة القاسم الجزء الرابع عشر
رواية وردة القاسم الحلقة الرابعة عشر
صباح يوم جديد الشباب بيجهزو عشان يسافرو القاهرة
فى اوضه قاسم وورده
ورده صحت ومكنش قاسم جمبهااا لقت باب الحمام بيتفتح
قاسم قرب منها باس راسها:صباح الجمال على عيونك يااحلى عروسه
ورده:صباح النور
قاسم:يلا قومى عشان نجهز الشنط
ورده:شنط ايه
قاسم:هنسافر القاهرة اهو نخلص الشغل اللى عندنا ونقضى اسبوع حلو اى رايك
ورده:حلو جدااا
ورده دخلت الحمام وخرجت جهزت الشنط
قاسم:انا هروح اشوف ندى
ورده:حاضر
••••••••••••••••••••••••
فى اوضه بدر وفاطمه
فاطمه بتجهز شنطه بدر اللى قرب وحضنها من ضهرها:ممكن اعرف زعلانه ليه
فاطمه:مانت عارف
بدر:ومين قال انى هسافر لوحدى
فاطمه:اومال هتسافر مع مين
بدر:معاكى انتى وياسمين ياقمر
فاطمه لفت وهى فى حضنه:بتهزر هنيجى معاك
بدر:لا مش بهزر يلا جهزى باقى الشنط
فاطمه:فوريرة
••••••••••••••••••
فى اوضه ندى واقفه فى البلكونه وبتعيط الباب اتفتح ودخل ياسين براحه وقرب من ندى وحضنها من ضهرها:الجميل زعلان ليه
ندى بفرحه:ياسين
ندى لفت وحضنته بقوة وياسين رفعها عن الارض:وحشتنى اوى ياندى بجد حياتى من غيرك ملهاش اى قيمه
ندى:انت اللى وحشتنى اوى ياياسين
ياسين بعدها عن حضنه ومسك وشها بين ايديه:حقك عليا ياندى اسفه مقدرتش احميكى انتى وابنك
ندى:ده نصيبى ياياسين انت مالكش ذنب وبكرة ربنا يعوضنا عن البيبي اللى راح مش كدا
ياسين باس راسها:باذن الله يعوضنا انا ناوى اجيب دسته عيال منك
ندى بكسوف:ليه هنعمل فريق كوره
ياسين:احلى فريق كورة والله
ندى دخلت جوا حضن ياسين:انا بحبك اوى ياياسين
ياسين:وانا بعشقك
قاسم فتح الباب ووقف ساند على الحيطه:مانا مش هفضل واقف اتفرج على الفيلم الرومانسي ده كتير
ندى بعدت عن ياسين وهى مكسوفه
ياسين شدها حضنه تانى:اوعى تبعدى عن حضنى وبعدين ايه ياعم دى مراتى وواحشنى الله
قاسم:طب يلا يافالح عشان نسافر
ندى:انت مسافر
ياسين:وانتى معايا ياقمرى
ندى:انا كل هدومى فى القصر هناك هحضر شنطتى ازاى
ياسين:انا حضرتلك كل حاجتك وتحت فى العربيه كمان يلا اجهزى
ندى بفرحه:حاضر
••••••••••••••
كلهم نزلو والبنات فرحو لما عرفو انهم كلهم مسافرين سواا
نجيه:خدو بالكو على بعض ياحبايبى
قاسم:متخافيش علينا ياست الكل
حمدان:ابجى طمنا لما تخلص الشغل ياولدى
بدر:حاضر ياحاج
سالم خرج من المكتب:مسافرين دلوك
قاسم:ايوا ياجدى
سالم:كل واحد ياخد باله على مرته
الشباب:حاضر ياجدى
كريمه:كنتى سيبى ياسمين معاى يابتى عشان تنبسطو سوا
بدر باس خد ياسمين وهو شايلها:وهو يبقي انبساط من غير ياسمينه قلبي
ياسمين ضحكت بصوت عالى
ياسين:الحق دى فهماك يامعلم اوعى تغلط بقي
كلهم ضحكو عليه
ثريه ونوراة نازلين من على السلم
ثريه:على فين العزم ان شاء الله
نجيه:هيسافرو القاهره عنديهم شغل
نوراة:والهوانم رايحين ليه عنديهم شغل كمان
قاسم:هنقضي اسبوع سوا عندكو اعتراض
ثريه:لا سافرو وانبسطو كمان يمكن ورده وفاطمه ينسو اللى حوصل معاهم
بدر:هينسو ياعمتى ولما نرجع هنجبلهم حقهم احنا مش نايمين على ودانا
ثريه اتوترت وبقتش عارفه ترد
قاسم:يلا عشان منتاخرش
كل واحد ركب عربيته مع مراته ومشوووو
•••••••••••••••••
فى عربيه قاسم وورده
ورده:على فكرة بقي انت ضحكت عليا
قاسم بصلها:انا ليه
ورده:قولتى هنزل الكليه وادرب فى المستشفى ومنزلتش
قاسم باس ايدها:حقك على قلبي بس موضوع ندى وكمان السفريه اوعدك اول مانرجع هتنزلى كليتك على طول
ورده:ان شاء الله
قاسم:يعنى بذمتك الكليه ولا نقضى اسبوع سوا
ورده:وانا معاك طبعااا
قاسم:ربنا يخليكى لقلبي ياوردتى
ورده:ممكن تركز فى الطريق بقي شويا
قاسم ضحك:مش واثقه فيا ولا ايه
ورده:لا طبعاا واثقه فيك جدااا بس عشان نوصل ونلحق اليوم من اوله
قاسم:هحاول اصدقك
••••••••••••••••••••
فى عربيه بدر فاطمه بتلاعب ياسمين وهى بتضحك بصوت عالى
بدر:تصدقى هندم انى جبت ياسمين معانا
فاطمه بصتله اوى:ليه بتقول كدا
بدر:انتى نسيانى خالص ومركزة مع ياسمين
فاطمه:يعنى كنت عايز تسيبها فى البيت
بدر بصلها:انت مفكرة يافاطمه انى ممكن ابعدك عن بنتك مثلا مستحيل حتى لو ربنا رزقنا باطفال ياسمين هى بنتى الاولى
فاطمه ابتسمت:ربنا يخليك ليها
بدر:ليها بس
فاطمه بكسوف:وليا طبعااا
ياسمين بتشد فى تيشيرت بدر وعايزاه يشتالها
بدر:لو عليا هسيب السواقه واشتالك ياروحى
فاطمه:لا ركز فى الطريق لما نوصل اشتالها براحتك
بدر بغمزة:الجميل خايف على نفسه ولا ايه
فاطمه:خايفه علينا كلنا وغير كل ده انا واثقه فيك جدااا
بدر:ربنا يقدرنى واسعدك يابطتى
فاطمه:وجودك لوحده فى حياتنا سعاده بالنسبه لينا يابدر ربنا يخليك لينا
بدر باس ايدهااا:ويخليكو ليا ياحبيبتى
••••••••••••••••••••••
فى عربيه ياسين اللى ماسك ايدها ورافض يسيبها
ندى:ياسين انا مش ههرب سيب ايدى عشان تعرف تسوق
ياسين:مستحيل مش كفايه اخوكى بعدنا عن بعض
ندى:دى ليله واحده بس ياياسين
ياسين:تعرفى الليله دى عدت عليا كانها سنه ياندى بجد انا مش متخيل حياتى من غيرك
ندى:ولا انا والله ياياسين تعرف انا نفسي اشكر كل واحد فى المجلس لانهم اخدو قرار انهم يجوزونا
ياسين ضحك اوى:ولا تزعلى نفسك لما نرجع هاخدك ونروح نشكرهم سواا
ندى ضحكت اوى:والله مجنون
ياسين:مجنون بيكى ياقمرى
•••••••••••••••••••••••
فى قصر عيله رضوان
منصور:ابنك فين يازهرة هانم
زهرة:ياسين سافر شغل فى القاهرة
منصور:شغل ايه ديه
وهدان خرج من مكتبه:ياسين سافر عشان دمچ الشركات ياولدى
منصور:بردك يابوى نفذت اللى فى راسك
وهدان:كلام العيال هو ولا ايه وانا اديت كلمتى جبل سابج
ليلى نازله السلم وباين عليه التعب:خالتى
زهرة سندتها لحد ماقعدت على الكنبه:مالك يابتى
ليلى:تعبانه جوى فى وچع فى بطنى هيموتنى
زهرة:سلامتك يابتى طب تاچى نروح لداكتورة
ليلى:انا كلمتها وجالتلى على علاچ لو خدته هيخفف الوچع
زهرة:طب هاتى الاسم يابتى
ليلى:اهى ياخالتى
غسان نازل مع مراته الجديده سهر وليلى حولت تبان كويسه
وهدان:غسان روح هات العلاچ ده لمرتك
غسان:علاج ايه ماهى كويسه اهى
زهرة:يوه جدك جالك روح هاته يبجى تروح
غسان:حاضر ياما
سهر قعدت وبصت لليلى اوى وليلى استغربت نظراتها
زهرة:تعالى يابتى ارتاحى فى اوضتك شوى
ليلى:حاضر ياخالتى
بعد شويا غسان جاب العلاج وجه
زهرة:طلع العلاچ لمرتك ياولدى
غسان:ده اللى ناقص كمان
زهرة:بتبرطم وتجول ايه يا ابن بطنى
غسان:ولا حاجه ياما
عشان طلع وخبط على الباب ومافيش رد فتح الباب ودخل وكانت ليلى خارجه من الحمام وباين عليها التعب والدموع على خدها
غسان قرب منها:انتى تعبانه مالك
ليلى من غير ماتبصله قعدت على السرير:متشغلش بالك فين العلاچ
غسان:لو عايزة ممكن نروح المستشفى تكشفى شكلك تعبانه
ليل:انا زينه هما شويا برد
غسان اداها العلاج ووقف يبص عليها وليلى بصلته:لو سمحت عايزة ارتاح
غسان خرج من الاوضه وكانت سهر واقفه على الباب:عايزة ايه ياسهر
سهر:كنت بتعمل ايه عندها ياغسان
غسان:هكون بعمل ايه بديها العلاج
سهر:كل ده بتديها العلاج
غسان:انتى اتهبلتى يابت ماتتكلمى عدل وبعدين دى مراتى
غسان سابها ومشي وهى دخلت اوضتها
•••••••••••••••••••••••••
هنيه بتكلم ثريه فى التلفون
هنيه:كل الخوف ده ليه
ثريه:شكل قاسم وبدر عارفين انى اللى عملت اكده فى الحريم
هنيه:وه وهيعرف منين
ثريه حكتلها على كلام قاسم وبدر قبل مايسافرو
هنيه:لو يعرفو حاچه كانو اتصرفو من وجت طويل
ثريه:لا بدر وقاسم ميجولوش كلام وخلاص
هنيه:لسه سبوع على مايرجعو لما ياجو يحلها الف حلال
ثريه:ربنا يستر
••••••••••••••••••••••
الشباب والبنات وصلوو الفيلا والبنات انبهرو بجمالها
قاسم:خلونا نرتاح شويا من الطريق
ندى:انا جعانه موت
قاسم:تحبو تاكلو ايه واحنا نطلب
ورده:لا احنا هنطبخ
ياسين:انتو جايين تعبانين من الطريق
فاطمه:مش عايزين اكل جاهز
بدر:ياعم سيبهم هما غاويين تعب
ندى:طب فى اكل فى التلاجه ولا ايه النظام
قاسم:ايوا عم عبده البواب جاب اكل كتير هتلاقو كل حاجه جوا
ورده:يلا بينا يابنات
فاطمه:خلى ياسمين معاك يابدر
بدر:حاضر
قاسم:طب غيرو الاول
ندى:طب فين اوضنا
ياسين:تعالى اوريك اوضتنا
كل واحد اخد مراته وياسمين اللى نايمه فى حضن بدر وطلعو اوضهم
البنات غيرو ونزلو والشباب غيرو وارتاحو بعد شويا وقت البنات كانو جهزو الاكل وكل واحده طلعت نادت على جوزها ونزلو كلهم اكلو سوااا وبعد كدا طلعو يناموو
•••••••••••••••••••••
فى اوضه قاسم وورده
ورده:الفيلا تجنن ياقاسم
قاسم:دى فيلا العيله بس عشان هما مش بيجو كتير انا والشباب لما بنيجى عشان الشغل بنفضل هنا
ورده:لا بجد حلوة عارف بتفكرنى بفيلتنا
قاسم:فيلا عمى مصطفى
ورده:ايوا
قاسم:كنت روحتله مرة واحده مع ياسين وقتها كنا موجودين هنا فى القاهرة وياسين راح يسلم عليه..تعالى اوريكى حاجه
قاسم اخدها وفتح باب البلكونه وكانت كلها ورده وكانت حلوة اوى

ورده كانت فرحانه:تعرف انى بعشق الورد
قاسم حضنها من ضهرى:الورده لازم تحب الورد
ورده:حلوة اوى ياقاسم
قاسم:ياعيون قاسم اى رايك اعملك بلكونه زيها كدا فى الجناح بتاعنا
ورده:بجد
قاسم:بجد
ورده:قاسم يلا عشان ننام بجد انا تعبانه اوى
قاسم:يلا ياقلبي
واخدها فى حضنه ونامووو
••••••••••••••••
فى اوضه فاطمه وبدر
فاطمه:اخيرا نامت مش عارفه النهارده متعلقه فيك ليه كدا
بدر:انتى مضايقه لانها متعلقه بيا
فاطمه قعدت جمبه على السرير:لا طبعاا يابدر بالعكس انا فرحانه جدااا بس انت تعبان وماكنتش عارف تنام منها
بدر شدها لحضنه:ربنا يخليكو ليا
فاطمه:يارب ممكن ننام بقي لانى مش شايفه قدامى
بدر:يلا يابطه
•••••••••••••••••••••
فى اوضه ياسين
ندى:انا هموت وانام
ياسين حضنها:ومين اللى هيسيبك تنامى
ندى:ياسين ونبي نفسي انام فى حضنك بجد وحشنى اوى
ياسين:غالى والطلب رخيص يلا ياقمرى ننام
ندى:يلا
ياسين اخدها فى حضنه
ندى:متبعدش عنى تانى ياياسين انا بجد مش متخيله حياتى من غيرك
ياسين شدد على حضنه:بجد مش مصدق انى اخيراا بسمع الكلام ده منك ياندى ومتخافيش ياستى انا اللى مستحيل ابعد عنك لانى مقدرش اعيش من غيرك
ندى:ربنا يخليك ليا
ياسين باس راسها:ويخليكى ليا ونجيب عيال كتيير اوى
ندى ضحكت:طب يلا ننام بقي
ياسين:نامى ياقلبى….
&&&&&
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة القاسم)
