رواية وراء كبرياءه عاشق الفصل العشرون 20 بقلم دودو محمد
رواية وراء كبرياءه عاشق البارت العشرون
رواية وراء كبرياءه عاشق الجزء العشرون
رواية وراء كبرياءه عاشق الحلقة العشرون
اشرقت شمس صباح يوم جديد بنورها الساطع فى سماء عروس البحر لتستيقظ حبيبه من نومها قامت من على سريرها دخلت حمامها واخدت شاورها واتوضت وخرجت لبست هدومها وادت فرضها وخرجت من اوضتها ولاقت الاوضه اللى فيها سيف مفتوحه راحت خبطت على الباب وقالت
حبيبه :- حد جوه احم يا استاذ سيف انت جوه بس ملاقتش رد دخلت الاوضه وملاقتش حد قالت وده راح فين وخرجت من الاوضه راحت على المطبخ عملت ليها قهوه وشويه ولاقت سيف بيفتح الباب
سيف :- السلام عليكم
حبيبه :- وعليكم السلام
سيف :- ايه صحيتى من بدرى
حبيبه :- لا من شويه انت كنت فين
سيف :- حط الشنط على سفرة الاكل وقال كنت بجيب شوية حاجات لبيت والتلاجه مفهاش اكل
حبيبه :- انا اسفه علشان انا السبب فى اللى انت فيه
سيف :- اللى هو ايه
حبيبه :- علشان بسببى سبت القصر وعربيتك وشغلك
سيف :- لا ما انا لاقيت شغل فى شركه هندسه وهنزل فيها من اول الشهر واما القصر والعربيه فده مش مشكله عندى حبيبه انا عايزك تعيش
حبيبه :- قطعته وقالت بكره اروح عند اهلى وترجع انت تعيش حياتك الطبيعيه مع أهلك
سيف :- حبيبه اسمعينى انا بحب
حبيبه :- قطعته وقالت من غير ما تبرر موقفك عارفه هتقول ايه انك بتحب اهلك وعايز ترجع تعيش معاهم من تانى بس احب اطمنك ان انا فى اقرب وقت هروح عند اهلى علشان واحشنى اوى وانت ترتاح من الحمل اللى عليك
سيف :- يا حبيبه افهمينى انا عايز اقولك ان انا مش عايزك تم
حبيبه :- عارفه مش عايزنى اطول فى القاعده متقلقش انا مش حابه القاعده معاك اكتر منك بس مضطرين نستحمل بعض اليومين الجاين لحد ما اوصل لاهلى
سيف :- بغيظ ياريت علشان مش طايق اشوف وشك كل يوم على الصبح وسبها ومشى ودخل اوضه
حبيبه :- ده ماله ده
……………………………………………………
عند حوريه كانت قاعده فى بيت امها
وسمعت خبط على الباب قامت فتحت ولاقته اشرف
حوريه :- كنت فين يا منيل على عينك وايه عمل فيك كده
أشرف :- جوز بنتك واخوه بس ودينى ماانا سايبهم لو مكنتش اطلع روحهم واخلص منهم كلهم مبقاش انا أشرف جادالله
حوريه :- وجوز المخفيه واخوه هيعملو فيك كده ليه
أشرف :- ها ع.ع.علشان طلبت منهم ان حبيبه تيجى هنا ويجو يطلبو ايدها مننا قصاد البلد كلها
حوريه :- انت هتقولى ده ناس شايفه نفسها وانا عرفاهم
أشرف :- بس انا هخلص منهم كلهم
حوريه :- تبقى عبيط وهتروح فى داهيه على ناس متسواش
أشرف :- انا عايز انتقم منهم على اللى عاملوا فيا
حوريه :- احنا ممكن نخرب حياتهم من غير دم ولا حاجه
أشرف:- ازاى مش فاهمك
حوريه :- هقولك
……………………………………………………
فى قصر عزالدين
كان عزالدين قاعد على مكتبه وجه ليه اتصال على تليفونه رد وقال
عزالدين :- السلام عليكم
المتصل :- وعليكم السلام
عزالدين :- ايوه مين حضرتك
المتصل :- انا صاحب شركة (………)للهندسه وكان فى حاجه حصلت وقولت لازم ابلغ حضرتك
عزالدين :- اتفضل قول
المتصل :- الباشمهندس سيف جه عندى النهارده وطلب منى ان ينزل يشتغل عندى فى الشركه ومردتش ارفض الا لما اقول لحضرتك الاول
عزالدين :- شكرآ جدآ ليك ولما يجى ليك تانى ارفض الشغل معاه
المتصل :- اللى تأمر بى حضرتك مع الف سلامه وقفل معا المتصل
عزالدين :- ماشى يا سيف مفكر نفسك تقدر تتحدانى انا هوريك اقدر اعمل ايه فيك وانا وراك لحد ما تطلق بنت حوريه وتيجى ليا ندمان ومسك تليفونه واتصل على جميع شركات الهندسه وطلب منهم ميقبلوش يشغلو سيف عندهم والكل وافق على طلب عزالدين
……………………………………………………
فى شقة ادهم
دخل سيف اوضه وهو متغاظ من حبيبه وقال
سيف :- غبيه غبيه مدتنيش فرصه افهمها واطلب منها تعيش معايا علطول وبعد كده ضحك ضحكة انكسار وقال بس ازاى تعيش معايا علطول وهى مش طايقه تبص فى وشى وعايزه تخلص منى النهارده قبل بكره لا يا سيف مش واحده هتكسرك وهتتحكم فيك كفايه اوى صفاء ارجع تانى سيف اللى الكل بيخاف منك وفكك من المشاعر والعواطف ده كله كلام فاضى وقلة قيمه ماشى ياحبيبه هرجع معاكى تانى سيف اللى لما كنتى بتشوفيه تخافى وتنسى الكلام وقام خرج من اوضه
……………………………………………………
فى اوضة حبيبه كانت قاعده بتفكر فى سيف وقالت
حبيبه :- انا بفكر فيه ليه ده حتى مش من حقى ولا ضايق يشوف شكلى ومستعجل على بعدى عنه النهارده قبل بكره وشكله ندم ان هو ساعدنى ومن حقه الصراحه من يوم ما دخلت حياته وانا بوظتها ليه وبعدين انا فين وهو فين انا بنت حسن جادالله الموظف الغلبان اللى طلع على المعاش وهو ابن عزالدين رجل الاعمال المشهور يبقى هيسيب بنات رجال الاعمال اللى زيهم وهيبص ليا انا بنت الموظف الكحيان والنبى انا شكلى اتجننت بحلم بحاجه مش من حقى بكره يرمينى زى الكلبه ويعيش حياته مع واحده من مستواه وفى الوقت ده رن تليفونها بتبص لاقته رقم عبدالله فتحت الخط وقالت
حبيبه :- السلام عليكم
عبدالله :- وعليكم السلام اذيك يا واطيه
حبيبه :- الحمدالله بس ليه كده
عبدالله :- مش هاين عليكى تتصلى وتسألى على اخوكى احنا مش مفروض اخوات ولا ايه
حبيبه :- اخويه حبيبى طبعآ بس اصلك متعرفش ايه حصلى بعد ما مشيت من عندى
عبدالله :- ايه حصل
حبيبه :- حكت ليه اللى حصل مع اشرف وجواز سيف المزيفه منها وكلام ابوه ليها وقعدتها مع سيف فى شقة أدهم
عبدالله :- اولا ابن عمك ده واطى ولو اطوله كنت قطعته بسنانى وثانيآ احسن حاجه حصلت مساعدة سيف ليكى ثالثآ بقى وده الاهم انا شايف تصرف ابو سيف ده منطقى
حبيبه :- ازاى يعنى
عبدالله :- واحد لاق ابنه داخل مع واحده وبيقول انها مراته عايزه يخده فى حضنه ويقوله مبروك لا طبعآ اكيد اى اب كان هيعمل زى ابو سيف وزياده
حبيبه :- انت معايا ولا معاه
عبدالله :- انا مع الحق
حبيبه :- وبالنسبه لكلام اللى قاله على اهلى ده
عبدالله :- انا بقول دورى وراه كلامه ده علشان من طريقة كلامك دى بتقول ان هو متأكد من الكلام ده وممكن يكون ده سبب من اسباب عصبيته معاكم ورفضه ليكى
حبيبه :- انت فاهم معنى كلامك ده ايه
عبدالله :- اه انا عارف بقولك ايه وفاهم معناه
حبيبه :- انت قصدك تكون ماما خانت بابا مع اللى بيقول عليه ده حازم
عبدالله :- ممكن محدش عارف زمان كانت الظروف ايه وايه اضطرها تعمل كده
حبيبه :- انت مالك بتتكلم وكأنك واثق من كلامك لا طبعآ استحاله ماما تعمل كده ده هى وبابا بيموتوا فى بعض
عبدالله :- والله لو كانت بتحبه صحيح مكانتش سابته وهو مريض وراحت قاعدة عند اهلها فى البلد
حبيبه :- بسببى كانت خايفه من الفضايح وبعدين لو سمحت يا عبدالله متتكلمش على ماما كده مستحيل امى تعمل كده
عبدالله :- انا اسف بس انا بقولك رأى وانتى حره
حبيبه :- لا انا واثقه فى ماما انها مستحيل تعمل كده
عبدالله :- انا اسف يا ستى متزعليش
حبيبه :- ماشى يا عبدالله سيبنى دلوقتى مع السلامه
عبدالله :- لا مش هقفل غير لما تسامحينى واسمع ضحكتك
حبيبه :- ما قولتلك خلاص بقى يا عبدالله
عبدالله :- طب ياشيخه لو مسمحتنيش اللهى انشك فى قلبك اللهى يجيلى صداع فى صوبع رجلى الصغير اللهى يولع فيا فى وسط البحر وميلقوش ميه يطفونى ها هتسامحينى ولا ادعى على نفسى تانى
حبيبه :- هههههههههه انت بتسمى دى دعاوى
عبدالله :- اه طبعآ وممكن تكون ابواب السما مفتوحه وتستجاب الدعوه
حبيبه :- هههههههههه خلاص مش زعلانه
عبدالله :- ايوه كده اضحكى خلى الشمس تطلع
حبيبه :- ماشى يا حبيبى هقفل انا دلوقتى وابقى خلى اختك الواطيه تتصل بيا
عبدالله :- دى معفنه ميهنش عليها تشحن علشان تكلمك هخليها تبعت ليكى كلمنى شكرآ
حبيبه :- ههههههههه والنعمه دى دمك زى العسل
عبدالله :- بس يابت احسن بتكسف
حبيبه :- يا اختى بيضه
عبدالله :- يا اختى طب اقفلى يا زفته انا غلطان ان اتصلت اطمن عليكى ويارب سيف يطلع عنيكى
حبيبه :- هههههههههه ولا يقدر ده انا حبيبه اللى تجنن عشره زيه يلاسلام يا خفه
عبدالله :- سلام ياكنكه
وقفلت حبيبه مع عبدالله وقامت علشان تخرج من اوضتها
……………………………………………………
عند سيف خرج من اوضه وكان ماشى من قدام اوضت حبيبه وسمع حبيبه بتتكلم فى التليفون وسمعها وهى بتقول حبيبى
سيف :- اتصدم وقال عرفت دلوقتى هى ليه رفضانى علشان بتحب واحد وعلشان كده هربت يوم فرحها وانا مغفل وكنت مفكرها مظلومه ومش زى البنات اليومين دول اتاريها طلعت اوسخ منهم وفى الوقت ده خرجت حبيبه من الاوضه وقالت
حبيبه :- سيف انت وقف كده ليه
سيف :- انا اقف مكان ما عايز اقف وبعدين لما نبقى مع بعض اسمى استاذ سيف متنسيش نفسك قدام الناس بس مسمحولك تندهى عليا بدون القاب فهمتى وادخلى يلا اعملى ليا اكل علشان جعان
حبيبه :- بأنكسار انا اسفه عن أذنك ومشيت راحت المطبخ علشان تطبخ الاكل
……………………………………………………
فى شركة عزالدين
كان أدهم قاعد مع كريم فى مكتبه
كريم :- طب سيف ناوى على ايه مع حبيبه
أدهم :- يا ابنى واضح على سيف ان بيحب حبيبه بس بيكابر حتى لما قولتله على جوازه من حبيبه فى الاول رفض بس مجرد ما قولت ليه ان لو هو متجوزهاش هتجوزها انا بان عليه الغيره وملامحه اتغيرت ورجع تانى فى كلمته ووافق يتجوزها وباينه غيرته اوى عليها منى ومش عايزينى اضحك معاها واهزر
كريم :- بس كده فى عقبة ابوك
أدهم :- اهو بابا ده اكبر عقبه مش عارف ايه سر كره لحبيبه اوى كده مع ان هو مشفهاش قبل كده خالص
وبقى يقول فى كلام مش مفهوم عن ام حبيبه
كريم :- ربنا يهديه ويحنن قلبه على حبيبه مصداقنه نلاقى واحده يتشدلها سيف وتنسيه الماضى
وفى الوقت ده دخلت السكرتيره سمر
سمر :- استاذ أدهم ممكن كلمه على انفراد
كريم :- طب هروح انا ابص بصه على الموظفين وشويه وهرجعك وخرج كريم من المكتب
أدهم :- نعم
سمر :- راحت قفلت الباب وراحت نحيت أدهم وقربت منه وقالت ايه مش وحشاك
أدهم :- بعد عنها وقال لو سمحتى ده مكان شغل مينفعش كده حد من الموظفين يدخل علينا
سمر :- خلاص نتقابل فى الشقه بليل
أدهم :- مش فاضى
سمر :- بعصبيه فهمنى بقى فى ايه ومتغير من نحيتى ليه
أدهم :- سمر انا ربنا صلح حالى ومش عايز ارجع لسكه دى تانى وانتى ياريت بلاش اللى بتعمليه ده وبكره ربنا يكرمك بعريس ابن حلال
سمر :- عريس ازاى وانت عارف ان مينفعش اتجوز علشان لو اتجوزت هتفضح وانت عارف ليه وانت السبب وبعدين مش انت وعدنى بالجواز ولا ده كان كلام علشان تاخد اللى اخده منى وتقضى معايا يومين وبعدين تروح تدور على واحده غيرى تعمل معاها زى ما عملت معايا
آدهم :- يا سمر افهمى انا الاول كنت حاجه ودلوقتى بقيت حاجه تانيه انا عارف ان انتى ملكيش ذنب بس انا بجد ندمان على كل حاجه عملتها زمان واتردت ليا بقلم قاسى اوى فؤقنى من اللى انا فيه
سمر :- طب انا اعمل ايه دلوقتى انت نهيت عليا وجاى تقولى انا اسف اعمل ايه بأسفك لو عايز تكفر عن ذنبك بجد اتجوزنى واستر عليا
أدهم :- مينفعش اتجوزك يا سمر دلوقتى مش علشان انتى وحشه لا بس علشان انا مش عايز اى حاجه من الماضى يفكرنى بى
سمر :- ده جزاتى ان حبيتك وصدقتك وسلمتك نفسى
أدهم :- انا عارف ان انا غلطان وان انتى سلمتينى نفسك علشان بتحبينى بس انا مش بحبك ومش هقدر اسعدك وبكره ربنا يكرمك براجل ابن حلال يتجوزك ويعيشك سعيده
سمر :- بدموع كده يا أدهم ماشى براحتك وخرجت تجرى من المكتب
……………………………………………………
فى شقة أدهم
حبيبه حضرت الاكل لسيف وحطته على السفره وجه سيف قعد علشان ياكل
وقعدة حبيبه على السفره
سيف :- انتى هتعملى ايه
حبيبه :- هاكل
سيف :- انتى نسيتى نفسك ولا ايه انتى هنا مش اكتر من خدامه تشوفى طلباتى ولما تعملى الاكل تستنى لما انا اكل وبعدين تبقى تحطى الاكل فى المطبخ وتاكلى زى الخدامين
حبيبه :- بدموع بس انا مش خدامه عند حد ولو على الاكل انا مش عايزه خالص عن أذنك ومشيت شويه ووقفت وبصت لسيف وقالت واه ابقه شيل مطرحك علشان انا مش هشيل حاجه وسابته ودخلت اوضتها
سيف :- عامله فيها بريئه ومظلومه عنها ما اكلت واكل هو وبعد ماخلص اكل ساب الاطباق على السفره ودخل اوضه
…………………………………………………
فى اوضة حبيبه كانت صعبانه عليها نفسها من الكلام اللى قاله ليها سيف وقعدة تعيط وشويه وسمعت صوت الباب بيرن مسحت دموعها وطلعت من اوضتها وراحت تفتح الباب واول ما فتحت الباب اتصدمت وقالت
حبيبه :- ماما
حوريه :- بتمثيل بنتى حبيبتى ده انا دوخت لحد ما عرفت اوصلك وحضنت حبيبه وقالت واحشنى اوى يا بنتى اهئ اهئ
حبيبه :- حضنت امها جامد وقالت وانتى واحشانى اوى يا ماما وقعدة تعيط فى حضنها
حوريه :- بتمثيل لا يا حبيبتى بلاش دموعك دموعك غاليه عليا اوى
حبيبه :- تعالى يا ماما ادخلى بس انتى عرفتى مكانى ازاى
حوريه :- يا حبيبتى اللى يسأل ما يتهوش وانا سألت عليكى كتير لحد ما وصلت ليكى وحضنتها حضن مزيف وقالت اه يا بنتى ده انا كنت هموت عليكى يا حبيبتى وبصت فى الشقه وقالت انا سمعت انك اتجوزتى امال فين جوزك
حبيبه :- ها ج.ج.جوزى ا.ا.اصلى يعنى وفى الوقت ده طلع سيف من اوضه وحضن حبيبه وقال اسف يا حبيبتى اتأخرت عليكى كنت بتكلم فى التليفون
حبيبه :- اتصدمة وقال ها
سيف :- مالك يا حبيبتى وبص نحيت حوريه وقال مين حضرتك
حوريه :- انا حماتك يا حبيبى وسلمت عليه
سيف :- مش تعرفينى يا حبيبتى بمامتك
حبيبه :- ها
سيف :- هههه انتى اتكسفتى علشان حضنتك قدام مامتك عادى يا حبيبتى مفيهاش حاجه انا جوزك مش حد غريب
حبيبه:- كانت بتبص ليه وهى فتحه بؤقها ومستغربه
حوريه :- بغيظ ربنا يهنيكم يا حبايبى
بس انا اول مره اشوف عروسه قاعده رسمى كده فى البيت ولبسه الطرحه
حبيبه :- ا.ا.اصلى ك.ك.كنت
سيف :- اصلها كانت بتصلى وانتى جيتى
حوريه :- اه يا حبيبتى تقبل الله منك معلش بقى يا ولاد هغلس عليكم هقعد عندكم يومين انا عارفه ان ميصحش علشان انتو لسه عرسان جداد بس امى راحت عمره وانا قاعده لوحدى فى البلد
سيف :- بيتك ومطرحك واقعدى فيه براحتك وبص لحبيبه وقال ايه يا قلبى ادخلى حضرى حاجه لمامتك لقمه تكلها
حبيبه :- ح.ح.حاضر
حوريه :- ملهوش لزوم يا ابنى
سيف :- ازاى بس يا حماتى ده انتى جايه من طريق طويل وتلاقيكى مأكلتيش حاجه من الصبح وباس حبيبه فى خدها وقال روحى يا حبيبتى حضرى الاكل
حبيبه :- وهى مصدومه من اللى بيحصل ح.ح.حاضر
ودخلت المطبخ تحضر الاكل ودخلت وراها حوريه
حوريه :- ايه يا حبيبتى محتاجه مساعده
حبيبه :- لا يا ماما الاكل جاهز لسه عامله بس بسخنه
حوريه :- قوليلى يا حبيبتى
حبيبه :- ايوه يا ماما
حوريه :- امال فين اللى يثبت انك كنتى بنت
حبيبه :- ايه مش فاهمه
حوريه :- يعنى يا حبيبتى فين منديل عذريتك انتى عارفه ان احنا صعايده والحاجه دى مهما علشان نطمن ان بنتنا شريفه وفى الوقت ده نده عليها سيف
حبيبه :- وهى مصدومه من كلام امها قالت ع.ع.عن اذنك اشوف سيف ورجعالك
حوريه :- براحتك يا حبيبتى
وراحت حبيبه لسيف وقال
حبيبه :- وهى بصه على الارض نعم
سيف :- خدى
حبيبه :- رفعت عنيها وقالت ايه ده
سيف :- وريه لامك
حبيبه :- اوريه لامى ليه
سيف :- علشان تتأكد انك بنت
حبيبه :- وشها احمر واتكسفت وقالت وده منين
سيف :- ملكيش دعوه المهم دلوقتى ادهولها علشان تطمن
حبيبه :- ش.ش.شكرآ و اخدته منه ومشيت بسرعه وراحت المطبخ وامها شفته وقالت
حوريه :- اه يا حبيبتى مبروك كده بقى اوريه عندنا فى البلد واثبت انك شريفه
حبيبه :- ايه اللى انتى بتقوليه ده يا ماما لا طبعآ مش هينفع اللى انتى عايزه تعمليه ده
حوريه :- اسكتى انتى متعرفيش حاجه واخدته متها وحطته معاها فى الشنطه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وراء كبرياءه عاشق)
