رواية وراء كبرياءه عاشق الفصل الرابع والعشرون 24 بقلم دودو محمد
رواية وراء كبرياءه عاشق البارت الرابع والعشرون
رواية وراء كبرياءه عاشق الجزء الرابع والعشرون
رواية وراء كبرياءه عاشق الحلقة الرابعة والعشرون
اشرقت شمس صباح يوم جديد لتبدء حبيبه بلاستيقاظ وحركت راسها وفتحت عنيها ولاقت نفسها نايمه فى حضن سيف قعدة تبص عليه وهو نايم
سيف :- حس بحركة حبيبه فتح عينه لاقها بتبصله قال صباح الخير
حبيبه :- احم صباح النور
سيف :- هو انا حلو اوى كده عامله تبصى ليا وانا نايم
حبيبه :- تصدق يا سيف بحس فيك كتير من بابا الله يرحمه فى شكله فى ضحكته فى حنيته حتى وانا نايمه فى حضنك شميت ريحة بابا فيك ونفس الاحساس اللى كنت بحس بى وانا فى حضنه اللى هو الامان بحس بى فى حضنك
سيف :- ربنا يرحمه يا حبيبتى انا برضه من اول مره شوفتك حسيت فيكى من امى الله يرحمها يعنى القلوب عند بعضها
حبيبه :- سيف انت ليه مش بتحكى عن مامتك
سيف :- عادى يعنى امى كانت ست عاديه زى اى ست كل همها عيلها وبيتها وجوزها مكنتش من النوع العصبى رغم ان بابا كان عصبى جدآ بس هى كانت بعقلها بتمتص غضبه وكانت تخليه يهدى فى ثانيه
حبيبه :- وماتت ازاى
سيف :- ورم فى المخ
حبيبه :- ياعينى تلاقيها اتعذبت
سيف :- كانت مش بتنام من التعب طول الليل كانت بتتعذب بجد وبابا عمل كل اللى يقدر عليه بس كل ده مجبش نتيجه معاها وربنا اختارها
حبيبه :- الله يرحمها طب ليه مقولتش ليه انك ليك اخت
سيف :- حبيبه لو سمحتى مش عايز اتكلم فى الموضوع ده
حبيبه :- ليه
سيف :- حبيييييييييبه بلاش تخلينى اتعصب ومتسأليش كتير
حبيبه :- عنيها دمعة وقالت انا اسفه ولسه هتقوم من جمبه
سيف :- شدها ليه وقال انا اسف يا حبيبه مكنش قصدى اتعصب عليكى بس انا موضوع اختى ده بيعصبنى علشان هى غلطت غلطه كبيره .مستحيل اسامحها على اللى هى عملته
حبيبه :- مفيش مشكله عن أذنك
سيف :- شدها تانى فى حضنه وقالها خلاص بقى يا حبيبه انا اسف وحياة اغلى حاجه عندك لتسامحينى متزعليش منى بقى
حبيبه :- ياسيف انا قولتلك حاول تسيطر على عصبيتك دى وانت واعدينى بكده
سيف :- واحده واحده عليه يا قلبى مش من يوم وليله هتغير لسه محتاج شوية وقت
حبيبه :- ماشى يا سيف المرادى سماح بس لو المره الجايه اتعصبت عليه زى كده مش هسمحك لو عملت ايه
سيف :- يسلملى ابو قلب طيب ده ولعب فى خدودها
حبيبه :- ابتسمت ابتسامة حزن وقالت بابا كان علطول يعملى كده فى خدى
سيف :- يا حبيبتى ربنا يرحمه هو فى مكان احسن من ده الف مره هو فى دار الحق واحنا فى دار الباطل
حبيبه :- هو انا ليه مش بشوفك بتصلى
سيف :- بصى هى دى مشكله بالنسبه ليا علشان بصلى ومش مواظب فى الصلاه
حبيبه :- ومش مكسوف من نفسك هيبقى ايه منظرك قدام ربنا لما يسألك عن صلاتك يعنى انت فاضى تقابل ده وده فى الشغل ومش فاضى تقابل اللى خلقك
سيف :- انا كتير بأنب نفسى على كده بس مش عارف ايه بيحصلى ساعة الصلاه وبحس نفسى مكسل اصلى
حبيبه :- انت ضعيف والشيطان اقوى منك وبيعرف يسيطر عليك ويمنعك من الصلاه طب بص بقى انا هزود الوزر عليك بمعنى انا هخليك انت تصلى بى كل وقت وكل اذان ولو كسلت تصلى بى يبقى انت كده بتشيل وزرى ووزرك وده هيخليك تخاف وكل اذان تقوم تصلى بى ماشى اتفقنا
سيف :- اتفقنا
حبيبه :- وهنبدء من دلوقتى هنقوم نتوضاه وانت تصلى بى مستعد لمقبلت ربنا
سيف :- ربنا يبارك ليا فيكى انتى بجد نعمه من ربنا كرمنى بيها يلا بينا مستعد وقام كل واحد فيهم واتوضه وصل سيف بحبيبه وبعد انتهاء الصلاه
حبيبه :- حارمن
سيف :- جامعن انشالله جهزه علشان نلبس ونروح القصر
حبيبه :- انشالله وقامو لبسو هدومهم ونزلو راحو على القصر
……………………………………………………
فى شقة حسن جادالله
كان قاعد اشرف مع حوريه
حوريه :- ورق الارض معايه هدهولك بس بشرطين اول شرط شخلل جيبك التانى حبيبه
اشرف :- يا مرات عمى انا فهمتك فى ناس متفقين معايه على قتلها يعنى ما تخفيش حبيبه هتموت بس المهم دلوقتى ورق الارض احسن ابويه واجع دماغى عليها
حوريه :- هو ببلاش كده هتدفع كام يا حبيبى
اشرف :- معرفش ابويه هيعمل معاكى ايه بس كل اللى اعرفه ان هو هيوصل للورق ده بأى طريقه
حوريه :- انت بتهدنى اعمل حسابك انا مش بخاف
أشرف :- انا مالى انا نبهت عليكى وانتى حره سلام يا مرات عمى ومشى اشرف من الشقه
حوريه :- باست الورق وقالت ده انت كنز وجالى لحد عندى وقامت تخبى الورق
……………………………………………………
فى شركة عز
كان أدهم قاعد على مكتبه ودخلت ليه سمر
أدهم :- تعالى يا سمر
سمر :- دخلت لادهم وقعدة على الكرسى ودموعها نزله على خدها
أدهم :- مالك يا سمر
سمر :- ادهم انا فى مصيبه وانا والله حولت احلها لوحدى بس مقدرتش
أدهم :- مصيبة ايه
سمر :- انا حامل يا أدهم وحولت انزل البيبى مش عايز ينزل وروحت لدكتور انزله بس بعد ما روحت خفت ومشيت تانى
أدهم :- بصدمه حامل وليه سكتى كل ده ومجتيش تقولى ليا اول ما عرفتى
سمر :- خفت لتقول ان انا قصده اعمل كده علشان اخليك تتجوزنى غصب عنك ولما جيت اتكلمت معاك اخر مره ورفض انك تتجوزنى قررت ان انزله بس حاولة بجميع الوصفات ومنفعش وخفت من الدكتور اتجوزنى اللهى يستر عرضك انشالله شهر واحد وبعد كده طلقنى وانا هعيش اربى ابنى لوحدى
أدهم :- مش عارف اقولك ايه بجد انا اسف يا سمر ان انا عيشتك كل ده لوحدك بلغى اهلك ان انا وبابا جاين نخطبك منهم
سمر :- وهى مش مصدقه نفسها بجد يا أدهم
أدهم :- لا بهزار روحى ابت خلصى
سمر :- بفرحه ربنا يخليك ليا يا احسن ادهومى فى الدنيا وطلعت تجرى من المكتب وهى ماشيه خبطت فى كريم
كريم :- فى ايه يا بنتى
سمر :- اسفه اسفه عن اذنك
كريم :- مالها دى بنت المجانين
ودخل المكتب عند أدهم
أدهم :- ههههه مالك
كريم :- بنت المهبوشه خبطتنى ولا كأنها عملت حاجه
أدهم :- هههههههه سمر
كريم :- اه زفتت الطين
أدهم :- معلش اصلها فرحانه علشان رايح اخطبها
كريم :- اه علشان ك نعممممممممممم ت ايه تخطبها
أدهم :- اه فيها ايه
كريم :- هو ايه اللى حصل فى الدنيا بقى أدهم الدنجوان قرر يتجوز ومين السكرتيره بتاعة ابوه
أدهم :- ومالها السكرتيره
كريم :- ملهاش بس يعنى
أدهم :- مفيش بس قفل على الموضوع يا كريم
كريم :- انت حر عن أذنك
……………………………………………………
فى قصر عزالدين
كان حازم قاعد وبيشرب قهوته ودخل سيف وحبيبه
حازم :- اول ما شفهم راح ليهم وسلم على سيف وقال اذيك يا حبيبى عامل ايه
سيف :- الحمدالله يا عمى
حازم :- بص على حبيبه وقال اذيك يا بنتى
حبيبه :- لو سمحت متقوليش يا بنتى انا بنت حسن جادالله الله يرحمه وانا معرفكش اصلا علشان تكلمنى وسبتهم ومشيت
سيف :- معلش يا عمى اللى هى فى مش سهل وصعب تتقبل الوضع علطول بكره مع الوقت هتنسا وهتسمحك
حازم :- عارف يا ابنى ان اللى حصل صعب عليها بس بجد انا مكنتش اعرف ان انا ليا بنت من حوريه
سيف :- مصدقك يا عمى وتهدى شويه وانا هكلمها عن أذنك ودخل سيف وراه حبيبه
حبيبه :- ايه يا سيف كل ده كنت وقف مع الراجل اللى بره ده بتعمل ايه
سيف :- معلش يا حبيبتى ده عمى برضه
حبيبه :- عمك وانت حر بس انا مليش دعوه بى ومتخلهوش هو كمان ليه دعوه بى
سيف :- ماشى بس اهدى شويه
وفى الوقت ده طلع عزالدين من مكتبه وقال
عزالدين :- اذيك يا سيف يا ابنى
سيف :- كويس
عزالدين :- من غير نفس اذيك يا اسمك ايه
سيف :- اسمها حبيبه
حبيبه :- الحمدالله يا عمى
عزالدين :- البقيه فى حياتك الراجل ده طول عمره طيب وامك مكنتش تستاهل واحد زى
حبيبه :- الله يرحمه
عزالدين :- سيف خد مراتك واطلع اوضك انا خليت الشغلين ينضفوها
سيف :- ماشى واخد حبيبه وطلع بيها الاوضه ودخلو الاتنين اوضة سيف
سيف :- اوضى نورت النهارده علشان دخلت فيها احلى واجمل بنت فى الدنيا كلها
حبيبه :- اتكسفت وقالت ش.ش.شكرآ
سيف :- يخدى كميله يا ناس لما بتتكسف وخددها بتحمر
حبيبه :- سيف
سيف :- عيون وقلب سيف
حبيبه :- احم ع.ع.عايزه هدوم سوده
سيف :- ليه يا حبيبه الحزن مش بلبس الحزن فى القلب
حبيبه :- معلش يا سيف انا هرتاح كده
سيف :- من عنيه هنزل اشترى ليكى اللى انتى عايزه
حبيبه :- شكرآ يا سيف
سيف :- انتى امرى يا قلب سيف
حبيبه :- ممكن تطلع من الاوضه
سيف :- بأستغراب ليه
حبيبه :- احم عايزه اخد شاور
سيف :- احم اه ماشى عن أذنك
وخرج سيف من الاوضه ودخلت حبيبه الحمام اخدت شاور وطلعت سرحت شعرها ولبست قميص من بتوع سيف وواصل لحد ركبتها وبصت من الباب وندهت على سيف
ودخل سيف الاوضه وقفل الباب وراه واستغرب من حبيبه لما شفها قعده على السرير ومتغطيه
سيف :- بأستغراب انتى هتنامى دلوقتى
حبيبه :- هزت راسها بمعنى لا
سيف :- امال قعده ليه على السرير ومتغطيه
حبيبه :- كده
سيف :- فى ايه مالك بالظبط
حبيبه :- مفيش بس ممكن تروح تجيب ليا هدوم
سيف :- فهم فى ايه فى حبيبه وحب يزوالها وقال ماشى اقفى كده علشان اعرف مقاسك ايه
حبيبه :- ها لالا اصغر مقاس موجود فى المحل
سيف :- راح وشال الغطه من عليها وقال قومى بس
حبيبه :- اتكسفت وشدة الغطه عليها وقالت بس بقى يا سيف وروح هات الهدوم
سيف :- شدها ليه ووقفها قصاده وقال مش عايزك تتكسفى منى انا جوزك مش حد غريب ومتخفيش انا وعدك مش هاخد حاجه منك الا بمزاجك مع ان شكلك فى القميص بتاعى مثير جدآ
حبيبه :- وشها أحمر واتكسفت من كلام سيف وقالت ط.ط.طب يلا روح هات الهدوم
سيف :- طب هاتى القميص بتاعى علشان البسه وانزل
حبيبه :- بطل غلاسه بقى يا سيف
سيف :- لا بجد انا محتاج القميص علشان البسه
حبيبه :- سييييييف بس بقى
سيف :- طب هاتى بوسه وانا ابس
حبيبه :- انت قليل الادب
سيف :- بتفهمينى غلط انا قصدى بوسه من خدك يعنى بوسه شريفه كآنى ببوس بنت أخويه
حبيبه :- لا ويلا بقى اخلص
سيف :- مابلاش عند احسن احلف ان مش هروح اجيب حاجه واخد قميصى وشوفى انتى هتلبسيه ايه
حبيبه :- ها لالالا خلاص وادتو خدها وقالت خد اخلص
سيف :- طب قربى
حبيبه :- انت هتعمل عمليه جراحيه خلص بقى
سيف :- خلاص انا اقرب وقرب منها اوى وبسها من خدها وخطف بوسه من شفايفها
حبيبه :- والله انت غلس اوعى كده
سيف :- ههههههههههه بس حلوه اوى البوسه دى
حبيبه :- راحت عليه وقعدة تضرب فيه وتقوله غلس وبارد
سيف :- هههههههههه خلاص يا مجنونه بس يابت ايديك تقيله
حبيبه :- لا اهو قليل الادب معندكش دم
سيف :- هههههههههههه عسل وانتى متعصبه كده وهو بيرجع وراه من عزم ضرب حبيبه فيه وقع على السرير ووقعت حبيبه فوقيه
حبيبه :- ا.ا.اوعى سبنى ياسيف
سيف :- لا
حبيبه :- اوعى ياسيف بقى
سيف :- هههههههههه لا
حبيبه :- قعدة تآوح معاه علشان تفك ايديه من عليها وتقوم بس معرفتش
سيف :- هههههههه مش هتعرفى تقومى والصراحه بقى معفرتك دى عجبانى
حبيبه :- والله العظيم انت واحد قليل الادب
سيف :- هههههههه عارف بس معاكى انتى بس
حبيبه :- طب بس بقى اوعى خلينى اقوم
سيف :- عكس الوضع وخلى حبيبه من تحت وهو فوقيها وبص فى عنيها وقال بحب اشوف خدودك دى لما بتبقى شبه الطماطم
حبيبه :- من الوضع اللى هى فى سكته ومش عارفه تنطق
سيف :- هههههههه ايه بلعتى لسانك
حبيبه :- اوعى خلينى اقوم
سيف :- بص فى عنيها وقال طب فى كلمه هموت واسمعها منك
حبيبه :- كلمة ايه
سيف :- انك بتحبينى
حبيبه :- طب اوعى وانا اقولهالك
سيف :- لا الصراحه مش برتاح للؤم القصيرين ده
حبيبه :- يعنى هعمل ايه مش هينفع اخرج من الاوضه وانا كده مفيش مفر يعنى
سيف :- امممممممم ماشى يا بيبه بس لو فكرتى تلعبى بديلك عقابك هيبقى كبير
حبيبه :- ماشى اوعى بس
سيف :- قام من عليها وقعد على السرير وقال ها قوليها بقى
حبيبه :- طب بص النحيه التانيه علشان بتكسف
سيف :- اللهم يطولك يا روح مكنتش ام كلمه دى وبص النحيه التانيه
حبيبه :- قامت تجرى ودخلت الحمام وقفلت الباب عليها بالمفتاح
سيف :- يا بنت ال بقى بتضحكى عليه ماشى هتروحى منى فين مسيرك هتطلعى من الحمام مش هتنامى فى يعنى
حبيبه :- هههههه لا هنام عندى
سيف :- صدق اللى قال كل قصير ماكير
حبيبه :- علشان خاطرى روح بقى هات هدوم مش هقعد طول النهار فى الاوضه
سيف :- علشان خاطرك غالى عليه هروح دلوقتى بس اعملى حسابك ليكى عندى عقاب سلام يا قلبى وخرج من الاوضه
حبيبه :- فتحت الباب براحه وبصت منه واتأكدت ان سيف طلع من الاوضه وخرجت من الحمام وقالت
انا بحبك اوى يا سيف انت حياتى وكل ما فيها انا عمرى ما كنت اتوقع ان اقدر اضحك من بعد موت بابا بس سيف بروحه الحلوه وقلبه الطيب قدر يخلينى اضحك من قلبى نام يا بابا وارتاح فى قبرك ربنا بيحبنى وبعتلى انسان بيحبنى بالطريقه دى بركة دعائك ليا يا حبيبى ربنا يرحمك وبحسن إليك يا بابا ويخليك ليا سيف يا روح قلبى
……………………………………………………
عند سيف نزل من الاوضه وكان ابوه قاعد مع عمه
عزالدين :- رايح فين كده
سيف :- رايح مشوار فى حاجه
عزالدين :- متعرفش تتكلم بأسلوب احسن من ده شويه مع ابوك
سيف :- عن أذنك يا بابا
عزالدين :- ولد انت انا لسه مخلصتش كلامى
سيف :- اتفضل قول الكلام اللى عايز تقوله
عزالدين :- مش ناوى تنزل الشركه مع اخوك ولا اخد على القعده جمب الهانم
سيف :- ربنا يسهل يا بابا فى كلام تانى يتقال
عزالدين :- انت بجد بقيت لا تطاق وبنت حوريه عرفت تكرهك فينا
سيف :- اولا اسمها حبيبه ثانيآ حبيبه وامها مش بيكلمو بعض فياريت متقولش بنت حوريه وثالثآ وده الاهم حبيبه مغيرتنيش ولا كرهتنى فيكم بالعكس حبيبه علطول بتكلمنى عن صلة الرحم وعقوبة اللى بيقطع صلة الرحم اللى غيرنى بجد طريقة تسلطك علينا عايزنا نعمل اى حاجه تقول عليها من غير مناقشه احنا تعبانه بجد
عزالدين :- ماشى يا سيف براحتك ومن بكره اعمل حسابك تنزل الشغل فى شغل كتير متوقف عليك
سيف:- حاضر عن أذنك ومشى سيف راح يجيب هدم لحبيبه
حازم :- اهدى شويه على ابنك انت كده هضيعه من ايدك
عزالدين :- هخليه على راحته بكره لما البنت دى تغور فى داهيه هيرجع تانى ليا زى الاول
حازم :- يا عز انت كده هضيع الكل من ايدك وانت حر ومشى وسابه
……………………………………………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وراء كبرياءه عاشق)
