رواية وراء كبرياءه عاشق الفصل السادس 6 بقلم دودو محمد
رواية وراء كبرياءه عاشق البارت السادس
رواية وراء كبرياءه عاشق الجزء السادس
رواية وراء كبرياءه عاشق الحلقة السادسة
فى الجامعه عند حبيبه اول ما شفوها رنا ورشا طلعو يجرو عليها وحضنوها
رنا :- ايه يا بنتى هو انتى كل مره تيجى تورينا وشك فى الجامعه وبعد كده تختفى بتلات اربع ايام وترجعى تظهرى تانى
حبيبه :- معلش يا جماعه اصل اليومين اللى فاتو كانت خطوبتى ومكنتش فاضيه
رشا ورنا :- بصوه لبعض وقالو لا انتى بتهزرى صح
حبيبه :- هزت راسها بمعنى لا
رشا :- انتى يا بنتى ناويه تجننينا مره تغيبى وتظهرى وتقولى سيبت مصطفى ومره تانيه تغيبى وتظهرى وتقولى اصل اتخطبت هو فى ايه بالظبط
حبيبه :- الحمدالله اهو كله ابتلاء من ربنا وانا صابره لحد ما اشوف اخرتها ايه
رنا:- وده معنا ايه الكلام ده
حبيبه :- متحطيش فى بالك
رشا :- مالك يا بيبه فيكى ايه وعيونك دبلانه وحزينه ليه ده مش منظر واحده مبسوطه بخطوبتها
حبيبه :- ويعنى لما فرحت بخطوبتى على مصطفى ايه اللى حصل اهو كله محصل بعضه
رنا :- ربنا يفرح قلبك ويبعد عنك ولاد الحرام ومايكسرش ليكى خاطر ابدآ يارب يا حبيبه
حبيبه :- اه بالله عليكم ادعولى كده كل اللى محتاجه منكم الدعاء وبس
رشا :- ههههههه انتى ليه محسسانى ان انتى داخله تحاربى مش هتتجوزى
حبيبه :- صداقينى دى اكبر حرب بالنسبالى وبتمنى من ربنا يقف جمبى فيها
رنا ورشا :- ربنا معاكى
وفى الوقت ده جه مصطفى وقال
مصطفى :- هههههههه شكلك بقى فظيع كل ده من بعدى عنك
حبيبه :- ا.ا.انت عايز ايه لو سمحت ملكش دعوه بيا
مصطفى :- بغمزه من قلبك طب عينى فى عنيكى كده
حبيبه :- يلا يا بنات نمشى من هنا
مصطفى :- وقف قصادها علشان يمنعها وقال ايه خايفه عينك تيجى فى عينى يبان اشتياقك ليا
حبيبه :- بلعكس انا قرفانه ابص فى وشك انت ناسى اخر مره كنت عايز تعمل فيه ايه ولعلمك بقى انا اتخطبت وفرحى اخر الشهر وبحب ابن عمى اللى هو خطيبى ارتحت بقى عن أذنك ومشيت هى والبنات وسابته
مصطفى :- ههههه ماشى يا حبيبه تحدى بتحدى وهنشوف مين فين اللى هيكسب فى الاخر
……………………………………………………
فى بيت عصام صحيت ديمه من نومها لاقت نفسها مجرده من هدومها ونايمه عريانه ومتغطيه بملايه
ديمه :- ايه ده ا.ا.انا بعمل ايه هنا و.و.وفين هدومى يا نهار اسود معقوله يكون عصام عمل فيا كده لالا
عصام :- وهو خارج من الحمام ولابس البورنص صحى النوم يا عروسه
ديمه :- بدموع انت عملت فيا ايه يا عصام
عصام :- ههههههههه ولا حاجه يا جميل بس متعة نفسى بالجمال الربانى على الحقيقه بدل كلام الفيديو اللى من بعيد لبعيد
ديمه :- بدموع ليه عملت كده فيا ده انا حبيبتك بجد ليه كسرتنى بالطريقه البشعه دى
عصام :- هههههههه انتى هتعملى فيها شريفه امال تسمى اللى كان بيحصل معانا على الفيديو ده ايه
ديمه :- كنت بخاف على زعلك واخاف اقولك لا تبعد وتسبنى
عصام :- طب يا حبيبتى اعتبرى اللى حصل ده لو مكنش حصل كنت هزعل منك واسيبك ونصيحه بلاش زعلى علشان زعلى وحش اوى
ديمه :- انت ايه مش بنى أدم معندكش قلب تحس بغيرك ودوس برجليك على قلب اللى حبيتك بجد من قلبها وقعدة تعيط
عصام :- لالا بلاش الدموع دى احسن انا قلبى ضعيف ومش بيستحمل يشوف دموع حد
ديمه :- حسبى الله ونعمه الوكيل فيك منك لله ياشيخ هعمل ايه انا دلوقتى اقول ايه لبابا لو عرف د.د.ده لو ابيه عرف ممكن يقتلنى منك لله عملت فيك ايه علشان تعمل معايا كده
عصام :- بقولك ايه قومى يا حبيبتى البسى هدومك علشان تلحقى تروحى الجامعه علشان اخوكى لما يجى يخدك
ديمه :- بدموع اطلع بره خلينى اقوم البس هدومى
عصام :- هههههه مكسوفه ده انا كنت شايف ولمس كله دلوقتى على الطبيعه
ديمه :- حطت أيديها على ودنها وقالت اطلع بررررررره مش عايزه اسمع صوتك
عصام :- هههههههههههههههه ماشى
وخرج من الاوضه وقفل الباب وراه
ديمه :- بدموع يارب اعمل ايه فى الفضيحه دى ده لو ابيه عرف هيقتلنى
وبابا ممكن يروح فيها ربنا ينتقم منك يا عصام وضربت على قلبها وقالت انت السبب لو مكنتش حبيته مكانش حصل كل ده انت سبب تعاستى طول عمرى وقامت من على السرير لبست هدومها وخرجت من الاوضه وهى دموعها على خدها وبصه على الارض وماشيه بصعوبه وفتحت باب الشقه وخرجت منه نزلت وركبت تاكسى وراحت على الجامعه بتاعتها وشويه وجه سيف وركبت معاه
سيف :- مالك وشك مخطوف كده ليه وباين علي عنيكى انك معيطه
ديمه :- م.م.مفيش بس الدكتور زعقلى قدام الموجدين كلهم
سيف :- تلاقيكى كنتى قاعده ومش مركزه وبتدلعى كالعاده
ديمه :- بدموع حاجه زى كده
سيف :- خلاص مدام انتى اللى غلطانه متعيطيش
سيف :- عندك حق يا ابيه انا اللى غلطانه ودموعها نزلت وراه بعضيها
سيف :- صعبة عليه اخته قال خلاص متزعليش وبلاش عياط ولو عايزه افصلك الدكتور ده خالص من الجامعه هفصله
ديمه :- لالا يا ابيه انا بس اضيقت علشان مش واخده ان حد يزعقلى
ومسحت دموعها وقالت خلاص انا هبقى كويسه
……………………………………………………
وصل عمر عند جامعة حبيبه ورن عليها وشويه وطلعت حبيبه
عمر :- خلصتى ولا كان لسه وراكى حاجه
حبيبه :- لا يا حبيبى خلصت
عمر :- وكان يومك عامل ازاى النهارده
حبيبه :- فهمت قصد اخوها وقالت عادى يعنى هو نفس نظام كل مره محاضرات وصداع
عمر :- حبيبه انتى فاهمه قصدى ايه
حبيبه :- اه يا عمر شوفته وقطعت الامل ليه وعرفته ان انا اتخطبت وفرحى كمان اسبوعين علشان ميحاولش يديقنى تانى
عمر :- بس هو ده اللى حصل
حبيبه :- اه يا عمر وسبته ومشيت
عمر :- ماشى يا حبيبتى ربنا يكفيكى شره ويبعده عنك
حبيبه :- يارب ووقف عمر تاكسى وركب هو حبيبه وراحو للبيت
……………………………………………………
فى قصر عزالدين
وصل سيف ومعاه ديمه وكان أدهم قاعد مع ابوه
سيف :- السلام عليكم
الكل :- وعليكم السلام
عزالدين :- ايه اخركم كده
سيف :- مفيش يا بابا بس الشوارع زحمه
أدهم :- بستغراب مالك يا ديمو
ديمه :- بكسره مفيش يا أدهم
أدهم :- لا فيه مدام قولتى ادهم مش دومى يبقى فيه
ديمه :- مفيش يا أدهم عن أذنكم
عزالدين :- طب مش هتتغدى معانا
ديمه :- معلش يا بابا مليش نفس كلو انتو عن أذنكو وسابتهم وطلعت اوضتها
عزالدين :- متعرفش مالها
سيف :- مشكله مع الدكتور بتاعها زعق ليها وهى مدلعه ومش واخده ان حد يزعقلها
أدهم :- مش حكاية دكتور زعق ليها دى شكلها ولا مات ليها ميت عزيز على قلبها
سيف :- علشان مدلعه زى بنات حوا كلهم مش بيحبوا حد يكلمهم حتى لو هما اللى غلطانين
أدهم :- بصوت واطى هو فى احلى من بنات حوا لما يزعلوا والواحد يصالحهم
سيف :- بتقول حاجه يا أدهم
أدهم :- لا ده انا بقول عندك حق يا ابو المفهوميه يا سيد الناس
سيف :- يا راجل
أدهم :- احم طب يلا بقى علشان ناكل
……………………………………………………
فى بيت حسن جادالله
وصل عمر ومعاه اخته حبيبه ودخلو كان حسن قاعد بيقراه فى المصحف
حسن :- اول ماشاف حبيبه وعمر صدق بالله العظيم وقفل المصحف وحطه جمبه وقال اذيكم يا حبايبى عملتوا ايه النهارده
حبيبه :- الحمدالله يا بابا اهو يوم زى اى يوم
عمر :- وانا برضه مفيش حاجه جديده المجرمين وهما هما اللى بشوفهم كل يوم
حسن :- فى ايه مالكم شكلكم عامل كده ليه
حبيبه :- مفيش كل الحكايه ان مبقاش فى جديد هو هو اللى كل يوم بيحصل مفيش تغير
حسن :- طب ايه رأيكم لو ننزل نشم شوية هوا من بتوع بحر الاسكندريه اللى بيرد الروح
عمر :- اشطا
حبيبه :- اشطات عليك يا ابو عمر يا عسل
حسن :- ههههههههههه ده انتى اللى دمك زى العسل
عمر :- صح فين ماما مش باينه
حسن :- الله اعلم يا ابن من الصبح مش لاقيها فى البيت ومعرفش راحت فين
حبيبه :- يمكن راحت تبص على تيته
حسن :- ممكن معرفش والله امكم بقى ليها حركات تغيظ بس مش بيهون عليا ازعلها علشان العشره اللى بينا وان هى ام لاحلى ولد وبنت فى الدنيا وشهادة حق استحملت معايه كتير جوع وفقر صبرت ولا عمرها اشتكت ولا قالت كلمه تجرحنى وتحسسنى بفقرى
عمر :- ربنا يخليكم لبعض ويخليكم لينا
حبيبه :- بغمزه بس ايه يا حاج الرومانسيه دى ده انت واقع لشوشتك فى حب امى
حسن :- مش عشرة عمرى يا بنتى وام اولادى
حبيبه :- لالا انا اغير كده انت حبيبى انا بس يا حاج
حسن :- وانتى نور عينى من جوه
عمر :- طب ما يلا بينا واهو نتغدا بالمره مع بعض بره وانا اللى عازمكم على حسابى
حبيبه :- اوباااااااااا عمور هيتهور ويتعور فى المصاريف حلاوتك يا جامد
عمر :- ليه يا واطيه نسيتى سندوتشات كبدة هوهو اللى كنت بأكلهالك واحنا راجعين من الجامعه
حبيبه :- الصراحه لا ده كان احسن واحد بيبع كبدة كلابو ههههههههه
حسن :- جاتكم القرف مقرفين يلا يا اخويه منك ليها امشو قدامى
……………………………………………………
فى قصر عزالدين
فى اوضت ديمه كانت قاعده وبتعيط
ودخل عليها أدهم
ديمه :- اول ما شفته مسحت دموعها
وقالت فى حد يدخل على حد كده مش تخبط الاول
أدهم :- مالك يا ديمو حد مزعلك فى حاجه
ديمه :- لا مضيقه من الموضوع اللى حكاه ليكم ابيه سيف
أدهم :- لا يا حبيبتى اللى انتى بتعمليه ده مش ممكن يكون بسبب ان دكتور زعق ليكى فى المحاضره
ديمه :- ا.ا.اه مش ب.ب.بحب حد يزعقلى وبالذات قدام حد
أدهم :- احنا طول عمرنا واحنا قريبين من بعض واى حد فينا مضايق من حاجه بيقولها لتانى
ديمه :- مفيش يا ادهم حاجه غير اللى قولتها ليك لو فى كنت حكيت ليك علطول
أدهم :- هعتبر نفسى مصدق ولو انى مش مقتنع بالسبب الصراحه المهم خدى الشيكولاته بتاعتك اهى
ديمه :- ميرسى يا أدهم مش عايزه
أدهم :- لا كده يبقى فى حاجه وحاجه كبيره اوى علشان مترضيش تاخدى الشيكولاته بتاعة كل يوم
ديمه :- ها م.م.مش قصدى اقصد اقول ان مش قادره اكلها دلوقتى واخدتها منه وقالت خليها هاكلها كمان شويه
أدهم :- ماشى يا ديمه براحتك وهستناكى تيجى تحكى ليا ايه مزعلك كده
ديمه :- ان شاءالله
أدهم :- سلام يا مزه انا خارج عايزه حاجه اجبها ليكى
ديمه :- لا يا حبيبى ربنا يخليك
وخرج أدهم من الاوضه وخبط فى سيف
أدهم :- ااااااه مش تفتح يا اخى
سيف :- انا اللى افتح ولا انت اللى ماشى زى القطر
أدهم :- يا سيدى انا غلطان حلو كده عن أذنك
سيف :- رايح فين يا بيه
أدهم :- احم رايح مشوار
سيف :- مع شلتك الفاسده برضه
أدهم :- لالالا والله انا مش بشوفهم بس انا رايح مشوار ضرورى مسافة السكه وجاى مش هغيب ان شاءالله
سيف :- ان شاءالله يا اخويه
ومشى أدهم وسيف نزل لابوه
سيف :- بابا انا خارج اشم شوية هوا عايز حاجه
عزالدين :- لا يا حبيبى عايز سلامتك
سيف :- الله يسلمك
ومشى سيف من القصر وركب عربيته ومشى بيها
……………………………………………………
على شاطئ بحر اسكندريه كان قاعد حسن وعمر وحبيبه فى الارض على الرمله
حسن :- استنشق الهوا وقال الله على جمال وحلاوة هوا اسكندريه هوا يرد الروح للواحد ومهما الناس تروح وتيجى عندهم اسكندريه دى ادمان بيعتبروها بلد متكامله مش مجرد محافظه داخل بلد بجد عمار يا أسكندريه
عمر :- انا بقيت عامل زى السمك فى الميه لو خرج من البحر يموت اهو انا لو خرجت بره اسكندريه هموت
حسن :- بعد الشر عليك من الموت ربنا يحميك ويحرسك لشبابك
حبيبه :- عندك حق يا عمر اهو انا اكتر واحده حاسه بالموضوع ده علشان كلها ايام وهبعد عنها بجد حاسه ان روحى بتروح منى لما افكر ان هعيش بعيد عن البحر والهوا بتاع اسكندريه
حسن :- ربنا يسعدك يا بنتى ويوافقك فى حياتك الجديده وبكره هتتعودى زمان لما اقترحت على امك ان احنا نسيب البلد ونيجى اسكندريه قاعدة تعيط وتقولى انت عايز تبعدنى عن اهلى وناسى ده مستحيل ابعد عن البلد
وبعد ما جينا اسكندريه وعاشت كام سنه فيها لو بس تقولى ليها هتسيبى اسكندريه تعملها حريقه وتهد الدنيا الفكره مش فى المكان الفكره فى راحت البال والناس اللى بنعيش معاهم هما دول المكسب الحقيقى وهما بيبقوا البيت والوطن حبى الشخص اللى هتعيشى معاه هتلاقى نفسك عايشه فى الجنه مش فى الارض لا هيهمك بلد ولا مدينه فهمتى
حبيبه :- والدموع فى عينيها فهمت يا بابا عن أذنك هقوم اتمشى شويه على الشط
حسن :- ماشى يا حبيبتى
عمر :- استنى هاجى معاكى علشان مفيش حد يضيقك
حبيبه :- معلش يا عمر عايزه اكون لوحدى
عمر :- ماشى بس لو حصل حاجه اتصلى بيا وهكون عندك علطول
حبيبه :- ماشى وسابتهم ومشيت على الشط وقاعدة تشوط المايه برجليها والدموع نازله من عينيها وبتفكر فى حياتها الجايه وازاى هتكون عايشه تعيسه فى احضان بنى أدم مش بتحبه ومفيش تشابه أطلاقآ فى طريقة التفكير
وفى الوقت ده جه اتنين شباب عاكسو حبيبه
الشاب 1:- ايه يا جمبل اداك معاد ومجاش احنا فى الخدمه وهنظبطك برضه
الشاب 2 :- لالا ده شكله ضحك عليها ورماها وخايفه تروح بيت اهلها
الشاب 1:- خلاص يا جميل تعالى اقعدى معانا فى الشقه اهو تطريه القاعده
حبيبه :- بقولك ايه انت وهو لم نفسك منك ليه بدل ما اصوت والم عليكم الناس واخليهم يقطعوكم
الشاب 2:- ههههههههه تلمى مين انتى لو قعدى تصوتى من هنا لبكره محدش هيسمعك انتى مش واخده بالك من الحته اللى واقفه فيها
حبيبه :- بصت حواليها لاقت نفسها واقفه فى مكان ضلمه ومفيش حد فيه
الشاب 1:- وهو بيقرب منها ايه شكلك خوفتى يعنى ما تصوتى
حبيبه :- ب.ب بقولك ايه ابعد عنى واياك تقربلى
الشاب2:- وهو بيقرب ولو مبعدناش يا مزه هتعملى ايه
حبيبه :- حولت تجرى بس الشاب لحقها وحوال يقطع ليها هدومها والشاب التانى حاول يساعده
حبيبه :- وهى بتصوت لالا ابعدو عنى حد يلحقنى ابعدوا عنى انت وهو
الشاب 1:- هههههههههه صوتى من هنا لبكره محدش هيسمعك ويجى ينقذك
بس حس بأيد بتشده وبتضربه
وجه التانى ضربه فى ضهره
اتوجع بس مسك الاتنين وقعد يضرب فيهم لحد ما وشهم جاب دم وطلعو يجرو
حبيبه :- قامت من على الارض وقالت ش.ش.شكرآ وبتبص اتفاجئت وقالت انت
سيف :- هو انتى
حبيبه :- ا.ا.اه
سيف :- انتى ايه مش عاتقه لا فى الشتا ولا فى البحر
حبيبه :- لوسمحت انا مسمحلكش اتكلم بأدب وبطريقه احسن من دى شويه
سيف :- وانتى مين علشان تسمحيلى او ما تسمحليش انتى حتة بنت من بنات الليل كل شويه مع واحد شكل فى اى وقت وفى اى مكان وانا اللى فكرتك بنت شريفه وشباب بيغتصبوها طلعتى بتعملى كده بمزاجك
حبيبه :- انت بنى أدم سافل وقليل الادب ومعندكش دم وانا اشرف من عشره زيك وميشرفنيش ان اقف اتكلم مع واحد جاهل وعديم الذوق شبهك
وسبته ومشيت
سيف :- بصلها وهى ماشيه وقالها لا انا اللى هموت واقف مع واحده زباله بتاعة رجاله زيك
حبيبه :- بصتله وقالت انا مش هرد عليك بس ربنا مش بيرضه بالظلم وهو قادر يجيب حقى منك ومشيت
سيف :- حس بحاجه فى قلبه لما سمع كده وقعد يبص على اثرها لحد ما اختفت وهو راح قعد تانى فى مكانه المعتاد المظلم اللى بيحس فيه بنفسه منعزل عن جميع الناس
حبيبه :- عدلت هدومها وظبطت نفسها وراحت عند ابوها واخوها
عمر :- ايه يا بنتى الغياب ده كله احنا قلقنا عليكى
حبيبه :- مفيش كنت قاعده لوحدى ونسيت نفسى
حسن :- ماشى يا حبيبتى ولا يهمك
حبيبه :- يلا بينا انا سقعت وعايزه امشى
عمر :- سقعه ايه يا بنتى احنا فى مارس ومصدقنا ان النواه اللى فاتت خلصت وخلص الشتا معاها اقعدى بس ده الجو جميل وهدوء
حبيبه :- لا انا عايزه اروح علشان سقعانه وعايزه انام
حسن :- ماشى يا حبيبتى يلا بينا
عمر :- واحده فقريه تموتى فى النكد
حبيبه :- معلش يا عمر والله تعبانه ومش قادره وقام حسن وعمر ومشيو التلاته على البيت
……………………………………………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وراء كبرياءه عاشق)
