رواية وراء كبرياءه عاشق الفصل الخامس والعشرون 25 بقلم دودو محمد
رواية وراء كبرياءه عاشق البارت الخامس والعشرون
رواية وراء كبرياءه عاشق الجزء الخامس والعشرون
رواية وراء كبرياءه عاشق الحلقة الخامسة والعشرون
فى قصر عزالدين
كانت ديمه قعده فى اوضتها وحست ان صوت عمر واحشها مسكت تليفونها وطلبت رقمه وانتظرت الرد بس مردش عليها رمت التليفون على السرير بغيظ وقالت
ديمه :- ماشى يا عمر خليك متردش عليا براحتك وسكتت شويه وبعدين سألت نفسه طب وانتى زعلانه ليه ان مش بيرد عليكى وانتى مهتميه بي ليه من اساسه لتكونى بتحبيه لالالا مستحيل احب تانى بعد اللى حصلى بس فيها ايه لما احب محدش يقدر يتحكم فى قلبه طب هو ياترى بيحس بحاجه من نحيتى وبعد كده ضحكة ضحكة انكسار وقالت وده هيحبينى على ايه وهو عارف اللى فيها اكيد يوم ما يفكر يحب ويرتبط هيفكر بواحده شريفه ملمسهاش راجل قبله وبعد كده عيطت وقالت يارب انا نفسى انسا بقى اللى حصلى واعيش حياه طبيعيه زى اى بنت فى سنى انا عارفه ان انا غلط بس احنا بشر مش ملايكه ومفيش حد معصوم من الغلط يارب حلها من عندك
……………………………………………………
وصل أدهم القصر وسال على ابوه وقالت ليه الداده ان هو فى المكتب راح وخبط على الباب واذن ليه عزالدين بالدخول
أدهم :- بتعمل ايه
عزالدين :- ولا حاجه بقراه فى كتاب تعالى خش
أدهم :- بابا عايز اكلمك فى موضوع
عزالدين :- قول سمعك
أدهم :- عايز اتجوز
عزالدين :- تتجوز طب مش لما تخلص جامعتك الاول
أدهم :- يا بابا السنادى كده كده رايحه منى وانشالله هبدء من السنه الجايه وبعدين فيها ايه لما اتجوز وانا بدرس هخاف من ايه ما انا هشتغل واصرف على بيتى وانا بدرس عادى وبعدين اللى انا عايزها هى كمان بتدرس يعنى هنساعد بعض
عزالدين :- ومين دى اوعى تكون زى الزفته مرات اخوك
آدهم :- يابابا حبيبه ماسمهاش زفته وياريت اللى هخدها دى تبقى نص حبيبه يبقى ربنا بيحبينى علشان البت دى جدعه بجد ويعتمد عليها وعمومآ ده مش موضعنا البنت اللى عايزها سمر
عزالدين :- سمر مين
أدهم :- سمر السكرتيره بتاعة حضرتك
عزالدين :- اممممم هى البت كويسه وشغاله معانا من سنين ومشفناش منها حاجه وحشه بس
أدهم :- بس ايه
عزالدين :- مش من مستوانا يعنى عيلتها فقيره
أدهم :- يابابا الفقر مش عيب والبنت انا مرتحلها وهى كويسه جدآ
عزالدين :- اهى احسن من بنت حوريه على الاقل هيكونو اهلها محترمين مش زيهم
أدهم :- يعنى موافق
عزالدين :- على بركة الله شوف هتحدد معاد مع اهلها امته وانا واخوك نروح نطلبوها ليك
أدهم :- مسك ايد ابوه وبسها وقال ربنا يخليك ليا يا بابا
عزالدين :- ربنا يسعدك ويهنيك ويبعد بنت حوريه عن اخوك
أدهم :- والنبى يا بابا فكر تانى فى موضوع حبيبه وقرب منها واحتويها بجد هتحبها اوى دى هى اللى كانت السبب فى ان ابعد عن البنات بجد حبيبه طيبه اووووى وكل اللى يعرفها يحبها علطول
عزالدين :- مش عارف عامله ليكم ايه بنت حوريه علشان تحبوها كده
أدهم :- لما تقرب منها وتعشرها هتعرف احنا ليه بنحبوها
عزالدين :- مش خلصت موضوعك اتفضل بقى اطلع وخلينى اعرف اقراه
……………………………………………………
وصل سيف القصر وهو شايل شنط الهدوم لحبيبه وكان أدهم طالع من مكتب ابوه
أدهم :- ايه ده ياسيف انت رجعت القصر
سيف :- اه النهارده الصبح جينا انا وحبيبه
أدهم :- وهى فين مشفتهاش يعنى لما جيت القصر
سيف :- هى فى اوضى فوق
أدهم :- وايه الشنط دى كلها
سيف :- ده هدوم لحبيبه علشان هدومها فى الشقه القديمه وكانت فى شقتك بتلبس من الهدوم اللى فى الدولاب بتاعك
أدهم :- احم ا.ا.اه ا.ا.اصل كنت بخليهم احتياطى فى الدولاب علشان البنات اللى كان بيجوه ليا الشقه
سيف :- الله يحرقك يا شيخ
أدهم :- ده الاول لكن دلوقتى الحمدالله توبة لربنا ومش بعرف ولا بنت غير اللى هنروح نخطبها
سيف :- تخطب انت ناويت
أدهم :- اه ولسه مكلم بابا ووافق
سيف :- الف مبروك يا حبيبى ومين دى اللى أدهم دنجوان حط عينه عليها
أدهم :- سمر السكرتيره
سيف :- ربنا يسعدك ويهنيك هسيبك انا وهطلع لحبيبه الاوضه احسن زمنها بتشد فى شعرها فوق هههههههه
أدهم :- ههههههه ربنا معاك وابقى هاتها وانزل علشان ناكل مع بعض
……………………………………………………
طلع سيف عند الاوضه وخبط على الباب وبعد كده فتح الباب ودخل الاوضه ولاقى حبيبه نايمه على السرير
سيف :- قعد على السرير جمب حبيبه وملس على شعرها وقال حبيبتى بيبه اصحى يا قلبى انا جيت
حبيبه :- فتحت عنيها وقالت ياااا انا نمت ازاى كنت قعده مستنياك وروحت فى النوم من غير ما احس
سيف :- ولا يهمك يا قلبى قومى يلا غيرى هدومك وانا مستنيكى بره علشان ننزل ناكل مع بعض
حبيبه :- سيف بلاش وخلينا ناكل هنا احسن انا هتكسف اكل قدام ابوك وبعدين انا مش عايزه اشوف وش عمك تحت
سيف :- ليه تتكسفى من بابا اعتبريه فى مقام ابوكى الله يرحمه وعمى ملكيش دعوه بى اقعدى جمبى ومتبصيش ليه
حبيبه :- حاضر اطلع علشان اغير
سيف :- طب ما تغيرى وانا هنا
حبيبه :- سيف اتلم واطلع بره بقى
سيف :- ههههههههه ماشى بس متنسيش ليكى عقاب معايه علشان اللى انتى عملتيه معايه قبل ما امشى
حبيبه :- زقته وقالت قوم بقى اطلع بره
سيف :- ههههههه خلاص يا عم متزقش كده وبسها فى خدها وطلع من الاوضه
حبيبه :- حطت ايديها مكان بوسة سيف وضحكة وراحت غيرت هدوم من اللى سيف جابها ليها ولبست طرحتها وخرجت ونزلت هى وسيف
……………………………………………………
على السفره كان الكل متجمع ونزل سيف وحبيبه وقعد سيف وقعد حبيبه جمبه
عزالدين :- اول مره تغير مكانك ومتقعدش فيه
سيف :- عادى يعنى عمى قاعد وعيب ان اقومه من مكانه
حازم :- معلش يا ابنى معرفش ان ده مكانك وقام وقف
سيف :- والله ما انت قايم عيب يا عمى ده انت الكبير وده مفروض يكون مكانك انت
عزالدين :- اقعد يا حازم يعنى هى جت على المكان ما كل حاجه اتغيرت فيه
سيف :- وانا مبسوط بالتغير ده علشان عرفت طعم الدنيا وحلوتها لما اتغيرت على ايد حبيبه
حازم :- ربنا يهنيكم يا ابنى
سيف :- ربنا يخليك يا عمى
ديمه :- احم حمدالله على السلامه يا ابيه ومبروك لجوازك
سيف :- ………………………
حبيبه :- احم الله يبارك فيكى اكيد انتى اخته صح
ديمه :- بحزن ايوه
حبيبه :- شكلك مش غريب عليه حاسه ان انا شوفتك قبل كده
ديمه :- احنا فعلا اتقابلنا قبل كده فى حفلة امضاة العقد بتاع شركة لمار لما كنت تعبانه وانتى ساعدينى
حبيبه :- ايوه صح اللى اغمى عليكى افتكرت بس انا مبسوطه جدآ ان قابلتك تانى وبتمنى نكون اصحاب
ديمه :- طبعآ ده شئ اكيد لو ميضيقش ابيه بعد الاكل تيجى تقعدى معايه شويه فى اوضى نتكلم مع بعض
سيف :-………………………
حبيبه :- ها ياسيف قولت ايه
سيف :- براحتك يا حبيبتى اللى انتى عايزه تعمليه اعمليه انتى فى بيتك مش مكان غريب تستأذنى منى
عزالدين :- مش ناكل بقى ونبطل كلام
والكل اكل وقام سيف مع أدهم وحازم مع عزالدين ودخلت حبيبه الاوضه مع ديمه
……………………………………………………
فى اوضة ديمه دخلت هى وحبيبه
ديمه :- ها ياستى احكيلى بقى انتى فى كلية ايه وعرفتى ابيه سيف ازاى وازاى خليتى ابيه يتغير ويحب
حبيبه :- هههههههههه حيلك حيلك هحكى ليكى كل حاجه انا ياستى حبيبه فى هندسه وعندى 23 سنه وعرفته من الشغل واللى غيره كده الحب اخوكى بيحبينى
ديمه :- قليل اوى اللى بيحبه من قلبهم بجد يا بختك يا ستى
حبيبه :- الله اكبر انتى بتحسدينى عينى عينك كده
ديمه :- مش قصدى والله ربنا يسعدكم
حبيبه :- انا بهزار يا حبيبتى احكيلى انتى بقى عن نفسك
ديمه :- انا ديمه عندى 20 سنه فى طب
حبيبه :- بغمزه😉😉 وايه ملكيش حبيب قولى متخفيش مش هفتن عليكى
ديمه :- عيطت 😢😢😢
حبيبه :- انا اسفه لو قولت حاجه ضيقتك
ديمه :- لا عادى انا ارتحتلك اصلا من اول مره شوفتك فيها
وحكت ليها كل حاجه
حبيبه :- بصدمه ياااااا انتى اتعذبتى اوى ولسه برضه بتتعذبى من بعد اخواتك عنك بس اللى مستغربه منه هو أدهم مفروض يقدر اللى حصلك علشان هو كان بيعمل فى بنات الناس كده وسيف برضه مفروض يحتويكى مش يعمل معاكى كده
ديمه :- انا عارفه ان انا غلط غلطه كبيره لما روحت ليه الشقه بس كنت رايحه بنيه ساليمه مكنتش اعرف ان هو كده وضحك عليا وانا مش حاسه
حبيبه :- متزعليش لعل ربنا شايل ليكى فرحه كبيره يكافأك بيها على صبرك انتى بتصلى يا ديمه
ديمه :- لا لما اكون مخنوقه بس
حبيبه :- علشان كده ياحبيبتى انتى بعيده عن ربنا وعامله شبه البنأدم اللى يكون عايز منك مصلحه واول ما تخلص المصلحه متشفيش وشه تانى ولله المثل الاعلى جربى بقى صلى كل فرض بفرضه واتقربى للربنا بالدعاء والاستغفار وقراة القران وشوفى الفرق هتحسى براحه كبيره وهتلاقى ربنا شال من عليكى الهم
ديمه :- بدموع بس انا مش عارفه هقابل ربنا ازاى بعد كل اللى كنت بعمله على الفيديو
حبيبه :- يا حبيبتى ربنا اسمه الغفور والتواب الرحيم على عباده ومفيش حد استغفرو وطلب التوبه الا وربنا غفره ذنوبه انشالله ربنا يهدى ليكى الحال ويصلح حالك يارب
ديمه :- حبيبه انتى بجد انسانه طيبه اوى وليه حق ابيه يتمسك بيكى
حبيبه :- وانتى على فكره طيبه وكنتى عايزه حد يوجهك للاتجاه الصحيح لتوبه
ديمه :- طب انتى عارفه انا اتشدد لحد بس سعات بحس ان هو خساره فيا وبرضه مش عارفه مشاعره اتجاهى ايه سعات بحس ان هو مشدود ليا وسعات بحس ان انا بالنسبه ليه ولا حاجه
حبيبه :- غلط يا ديمه المفروض انك لسه طالعه من تجربه صعبه واى شعور هتحسيه اتجاه حد مش هيكون حب هيكون شعور احتياج بمعنى انك محتاجه تعوضى مكان الشخص اللى كنتى بتحبيه بشخص تانى يملا الفراغ وده اكبر غلط لا انتى الاول خدى وقتك وخلصى دراستك وفكرى فى مستقبلك وبعد كده هتلاقى ربنا باعت ليكى الشخص اللى يستحقك ويقدر يصونك
ديمه :- بس هو بجد شخص محترم جدآ وبفرح اوى لما اسمع صوته وبرتاح لما بتكلم معاه اوى
حبيبه :- ما هو ده اللى انا بقولك عليه ده احتياج مش حب هو زميلك فى الجامعه
ديمه :- لا
حبيبه :- امال ايه
ديمه :- لا الظابط اللى كان ماسك القضيه بتاعتى
حبيبه :- عمر
ديمه :- بأستغراب اه انتى عرفتى ازاى ان هو اسمه عمر
حبيبه :- ها م.م.منك انتى بتحكى ليا قولتى اسمه
ديمه :- اه ممكن مأخدش بالى
حبيبه :- وايه شدك ليه
ديمه :- رجولته وشهامته وهو اللى وقف جمبى لحد ما خرجنى من القضيه لما بتكلم معاه ويقعد ينصحنى زيك كده بالظبط بيتكلم بنفس طريقتك لما بيضحك بحس بحاجه كده بتحصلى فى قلبى بس ارجع اقول هو هيحبنى على ايه وهو عارف كل حاجه عنى وعارف انا ايه
حبيبه :- يا حبيبتى هو لو بيحبك بجد مش هيبص على الماضى بتاعك وهو اكيد عارف ان انتى مفرطيش فى نفسك برضاكى هيبص بس على ديمه والحاجات الحلوه اللى فيها وهيحاول يقف جمبك لطريق الصواب
وفى الوقت ده.خبط الباب وفتحت ديمه
ديمه :- ايوه يا داده
سعديه :- الباش مهندس سيف عايز الست حبيبه فى الاوضه عنده
ديمه :- ماشى يا داده روحى انتى وهى هتروح الاوضه دلوقتى
ومشيت سعديه وقفلت ديمه الباب
ديمه :- ابيه سيف عايزك فى الاوضه بتاعتك
حبيبه :- وقفت وقالت ماشى هروح اشوف عايز ايه وفكرى فى كلامى بس الاول خشى اتوضيه وصلى ركعتين وامسكى المصحف واقرى شويه فيه وربنا يدلك لطريق الصواب وفتحت الباب وخرجت من الاوضه وراحت لاوضة سيف ودخلت وقافلة الباب وراها
سيف :- ايه كل ده قعده معاها ونسيتى نفسك
حبيبه :- معلش الكلام اخدنا ونسينا نفسنا
سيف :- لالالا انا زعلان ولازم تصلحينى
حبيبه :- ازاى يعنى مش فهماك
سيف :- يعنى ادينى بوسه علشان اسامحك
حبيبه :- ياسلاااااااااام وانا كنت عملت ايه لكل ده
سيف :- سيبتى جوزك قاعد لوحده وقعدى مع حد تانى يبقى ليا حق ازعل ولا لا
حبيبه :- بس الحد ده اختك مش حد غريب
سيف :- انا مليش اخوات بنات
حبيبه :- ليه القسوه دى على اختك حتى لو هى غلطانه المفروض تحتويها مش تقسى عليها
سيف :- حبيبه علشان ما اتعصبش عليكى وتزعلى بلاش كلام فى الموضوع ده خرجى نفسك منه انا محتها من حياتى وانتهى الكلام
حبيبه :- بس مينفعش اشوف حاجه غلط بتحصل قدام عنيه واقف اتفرج الساكت عن الحق شيطانآ اخرس
سيف :- حبيبببببببه بلاش كلام فى الموضوع ده انا ماسك اعصابى بالعافيه ومش عايزها تفلت منى علشان متزعليش
حبيبه :- مسكت ايد سيف وقعدته على السرير وقعدة قصاده على ركبتها وقالت اسمعنى بس للاخر ومن غير ماتتعصب دلوقتى اختك غلطت مفيش كلام ومش فى حقكم انتو بس وفى حق اللى خالقها وهى ربنا عقبها ودخلت القسم ودخلت المستشفى واتبهدلت اخر بهداله ده غير ان هى عايشه معاكم فى البيت ومحدش فيكم بيكلمها وبتعملوها كأنها خيال كل ده هى شافته وعيشه فيه وكل ده بيأثر على حالتها النفسيه وبعدين اذا كان ربنا عز وجل بيسامح يبقى احنا البنأدمين اللى مخلوقين من طين مش هنسامح ولله المثل الاعلى
سيف :- مش قادر يا حبيبه كل ماافتكر هى ازاى استغفلتنا وان هى فرطت فى شرفها من غير ما تفكر فينا ببقى عايز اموتها بأيديه دول وادفنه
حبيبه :- اختك صغيره واضحك عليها بس هى ما فرطتش فى شرفها زى ما انت فاكر ده هو اللى حطلها منوم وبعد كده عمل اللى عمله فيها
سيف :- والفيديوهات القذره اللى كانت بتعملها معاه
حبيبه :- علشان خاطرى انسا وسامحها واحتويها وخليها صحبتك مش اختك الصغيره اللى بتخاف منك اسمعها وانصحها تعمل ايه فى حياتها عمر الاخوه ما تكون شخط ونطر والبنت تخاف من أخوها لا الاخوه هى محبه وتواصل وصلة رحم وترابط اسرى تكونو اخوات واصدقاء وكل حاجه لبعض لا عمرك هتقدر تعوض ضوفر اختك لو حصلها حاجه ولا هى تقدر تعوضك لو حصل ليك حاجه انتو دم واحد ماشى فى وريد ربنا يخليكم لبعض
سيف :- مش دلوقتى يا حبيبه
حبيبه :- باسته فى خده وقالت وحياتى عندك قوم معايه وروح ليها
سيف :- وقف وحط ايده على خده وقال تصدقى بقى دى احسن حاجه حصلت فى الموضوع ده
حبيبه :- اتكسفت ووشها احمر وقالت احم خ.خ.خلاص بقى يلا بينا
سيف :- ههههههه ماشى بس لما نيجى نبقى نشوف حكاية العقاب ده
حبيبه :- يلا بس ولما نيجى ابقى اعمل اللى عايز تعمله
سيف :- بس خليكى فكره كلمتك دى
حبيبه :- مش وقته بقى يلا وشدته وطلعت بى من الاوضه وراحت بيه على اوضة ديمه وخبطت على الباب
ديمه :- فتحت الباب واتفاجئة بسيف وحبيبه
حبيبه :- ههههههه مالك تنحتى كده جبت ليكى اخوكى اهو
ديمه :- اترمت فى حضن سيف وقعدة تعيط
سيف :- قلبه رق وصعبت عليه اخته واخدها فى حضنه وطبطب عليها
ديمه :- انا اسفه يا ابيه انا
سيف :- قطعها وقال ششششش خلاص متتكلميش فى الماضى تانى خليكى فكرى فى بكره ومستقبلك وانا جمبك ومعاكى ومش هسيبك لوحدك تانى
ديمه :- اتشبثت فيه اكتر وعيطت وقالت ربنا يخليك ليا وبصت لحبيبه وقالت ليها شكرآ ليكى بجد ويا بخت ابيه بيكى انتى بجد معرفتك كنز لاى حد وطلعت من حضن سيف وحضنت حبيبه
حبيبه :- احنا كلنا جمبك وفى اى وقت محتاجينى فيها هتلاقينى معاكى علطول
سيف :- ايه ده بقى انشالله هو انتو هتفضلو حضنين بعض كتير كده وبتتكلمو مع بعض وسيبينى كده لوحدى
ديمه :- هههههههه لا يا عم انت شكلك غيران على مراتك منى
سيف :- الصراحه اه حبيبه ليا انا وبس
حبيبه :- يا سلاااااااام خلاص بروزنى وعلقنى عندك فى الاوضه على الحيطه
سيف :- من غير ما تقولى انا مبروزك وحطك فى قلبى مش على الحيطه
ديمه :- احم احم نحنو هنا يا جماعه
حبيبه :- هههههههه ايه رأيك فى الابوشن بتاع اخوكى الجديد بقى شاعر وكيوت
سيف :- وحياة امك تحبى ارجع سيف القديم
ديمه :- لالالا بليز يا ابيه انا حبيت التغير ده اوى
حبيبه :- وهى بتلعب فى خدوده يلا يا كيوتى
سيف :- بت انتى اتلمى متقوليش الكلمه دى تانى وانجرى قدامى
حبيبه :- بصت لديمه وقالت تصبحى على خير يا جميل
ديمه :- وانتى من أهله يا عسل ههههههه
حبيبه :- بصت لسيف وقالت يلا يا كيوتى وطلعت تجرى قدامه
سيف :- تانى وحياة امك ما انا سيبك
ديمه :- ههههههههه دمها زى العسل ربنا يهنيكم يارب ودخلت اوضتها وقفلت الباب
……………………………………………………
فى اوضة آدهم كان ماسك تليفونه وبيكلم سمر
سمر :- أدهم بابا منتظركم يوم الجمعه
أدهم :- انشالله وهحاول اخليهم يتمم الفرح فى اقرب وقت علشان الحكايه متتكشفش انتى فى الكام
سمر :- قفلت الشهر الاول
أدهم :- ليه يا سمر مقولتيش من ساعة ما عرفتى
سمر :- كنت خايفه منك
أدهم :- ليه بتقولى كده
سمر :- خفت تقول ان انا عملت كده مخصوص علشان طمعانه فى فلوسك
أدهم :- انا منكرش انا مكنتش هتجوزك بس لو انتى كنتى فاضيه بس مش انا اللى يرمى ابنه ولا ينكره وخصوصآ ان انا عارف وواثق ان انا بس اللى لمستك وان انتى كنت بنت لما حصلت ما بنا علاقه ياريت يا سمر كنتى رفضى من الاول ان ملمسكيش
سمر :- بدموع انا اكبر غلطه عملتها فى حياتى هى دى بس انا لما سلمتك نفسى كنت واثقه فيك بجد وكنت بحبك اوى ومازلت يا ادهم بحبك
أدهم :- لو كل بنت حبت واحد وسلمته نفسها تحت مسمى الحب هيبقى فى اطفال زنا كتير مش كل الرجاله هتفكر زى انا مقبلتش ان ارمى ابنى بس فى غيرى شباب كتير هيقبله كده يرمى اولادهم فى الشارع ولا هيهمومم فياريت كل بنت تقرب من ربنا وتبعد عن الطريق الحرام علشان مفيش شاب هيقبل يتجوز بواحده غلط معاها ولا هيقبل يعترف باللى فى بطنها
سمر :- انا فقت متأخر بس يارب البنات كلها تفوق قبل ما تغلط غلطيتى
أدهم :- يارب
سمر :- أدهم
أدهم.:- نعم
سمر :- هو انت ناوى تطلقنى بعد ما اولد
أدهم :- لا طبعآ مش هقبل ابعد ابنى عنى ولا هقبل ابعد ابنى عن امه
سمر :- بفرحه بجد يا أدهم
أدهم :- ايوه يا سمر هنبدء مع بعض من جديد فى بيت على طاعة الله كله حب وموده وترابط
سمر :- ربنا يخليك ليا انت كبرت اوى فى عنيه يا أدهم
أدهم :- وميحرمنيش منك يلا روحى نامى تصبحى على خير
سمر :- وانت من أهله
……………………………………………………
فى اوضة سيف وحبيبه
دخلت حبيبه وهى بتضحك
حبيبه :- ههههههههههههه بيبقى شكلك عسل وانت متعصب
سيف :- وحياة امك بقى تقولي عليه قدام اختى كيوت البت تقول ايه عليه ضيعتى الهيبه منك لله
حبيبه :- يا عم خليك فرفوش وكبر ده الزوج الفرفوش نعمه من ربنا
سيف :- لا دانتى كده ناويه تعملى ليه سوفت وير من جديد
حبيبه :- اممممم استاهل ولا لا
سيف :- ها طبعآ تستاهل وانا قولت حاجه غير كده
حبيبه :- ايوه كده اتعدل ناس متجيش الا بالعين الحمرا
سيف :- حمرا
حبيبه :- ايه
سيف :- ليلتنا هتبقى احمر من بطن البطيخ فكره
حبيبه :- ههههههههههه اه انت لسه فاكر
سيف :- اى كلمه قولتيها او حركه عملتيها منستهاش كله محفور هنا وشاور على قلبه
حبيبه :- احم عن أذنك وقامت وقفت
سيف :- رايحه فين.
حبيبه :- الحمام
سيف :- ماشى
ودخلت حبيبه الحمام وقفلت الباب عليها وقالت
حبيبه :- لنفسها هتعملى ايه يا فالحه لو طلب منك حاجه اه احسن حل اقول ان عليه ظروف على ما افكر فى حاجه تانيه وخرجت من الحمام وقعدة على السرير وقعد جمبها سيف وقرب منها اوى وقال
سيف :- مش ناويه تقوليها بقى
حبيبه :- ايه هى
سيف :- متسطعبتيش انا قايلك الصبح ايه هى
حبيبه :- احم ب.ب بحبك
سيف :- ايه مسمعتش
حبيبه :- بحبك
سيف :- انتى قولتى حاجه اصل انا مسمعتش
حبيبه :- متغلسش انت سمعت قولت ايه
سيف :- ،هههههه اه بس مشبعتش منها
حبيبه :- تصبح على خير
سيف :- استنى هنا رايحه فين
حبيبه :- هنام
سيف :- قرب منها اكتر وقال الليله مفيش نوم فى العقاب اللى قولتلك عليه
حبيبه :- ها ع.ع.عقاب ايه
سيف :- العقاب ده وقرب عليها وبسها
حبيبه :- زقته وقالت سيف ايه اللى انت بتعمله ده
سيف :- ايه بدوق الشهد وقرب منها تانى وبسها ومد ايده يفتح سوستة الترنج بتاع حبيبه.
حبيبه :- زقت ايده وبعدت عنه
سيف :- مالك يا حبيبه
حبيبه :- مفيش
سيف :- طب بعدى ليه عنى
حبيبه :- ع.ع.علشان مش هينفع يحصل اللى انت عايزه
سيف :- ليه انتى لسه خايفه منى
حبيبه :- لا مش خايفه منك
سيف :- امال ايه
حبيبه :- عندى ظروف تمنعك تقرب ليا
سيف :- فهم قصد حبيبه وقال ده وقته طب وازاى ده حصل واحنا لسه مصلين مع بعض
حبيبه :- لسه دلوقتى
سيف :- بركات البطيخ معانا النهارده ماشى ثوانى وقام فتح الدولاب بتاعه وطلع شنطه سوده واداها لحبيبه
حبيبه :- ايه ده
سيف :-بصى فيها وانتى تعرفى
حبيبه :- بصت جوه الشنطه واتكسفت ووشها احمر😨😨😨
سيف :- فكره اول مره اشوفك فيها كانت معاكى ونستيها عندى فى العربيه وانا شلتها عندى فى الدولاب
حبيبه :- ش.ش.شكرآ واخدتها شلتها فى الدولاب اللى سيف خصصه ليها
سيف :- بس مفيش مانع تنامى فى حضنى صح
حبيبه :- ا.ا.انا هنام على الكنبه دى
سيف :- ليه يا حبيبى ماانتى امبارح نايمه طول الليل فى حضنى
حبيبه :- ا.ا.انا هرتاح على الكنبه دى اكتر
سيف :- اللى يريحك تصبحى على خير وراح على سريره وهو متغاظ ونام
حبيبه :- وهى بتكتم ضحكتها وانت من أهله
ونامت على الكنبه
……………………………………………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وراء كبرياءه عاشق)
