رواية وراء كبرياءه عاشق الفصل الثامن عشر 18 بقلم دودو محمد
رواية وراء كبرياءه عاشق البارت الثامن عشر
رواية وراء كبرياءه عاشق الجزء الثامن عشر
رواية وراء كبرياءه عاشق الحلقة الثامنة عشر
بدء يوم جديد وكان يجلس سيف على الكرسى اللى قصاد سرير حبيبه وفاجئه شاف حبيبه بتحرك راسها بمعنى لا ووشها بيعبر عن شئ مضيقها ونفسها سرع عرف ان حبيبه بتحلم باللى حصلها من اشرف قرب منها وقال
سيف :- حبيبه حبيبه
حبيبه :- قامت مره واحده مفزوعه واترمت فى حضن سيف ومسكت فى هدومه جامد وكانت بتترعش
سيف :- اتفاجئ باللى عملته حبيبه بس صعبة عليه لما شفها خايفه وبتترعش طبطب عليها وقال شششش متخفيش يا حبيبه احنا فى المستشفى انتى كنتى بتحلمى اهدى انتى فى امان
حبيبه :- بعدت عنه وقعدة على السرير وقالت احم ا.ا.انا اسفه بس ك.ك.كنت شايفه كابوس
سيف :- ولا يهمك المهم انتى كويسه
حبيبه :- الحمدالله بس انا جيت هنا ازاى انا اخر حاجه كنت فكرها ان انا كنت فى الشقه عندى
سيف :- ايوه واغمى عليكى وانا شلتك وجبتك هنا
حبيبه :- احم ش.ش.شكرآ
سيف :- العفو ناويه على ايه
حبيبه :- على ايه مش فاهمه
سيف :- هتعملى ايه وهتقعدى فين مش هينفع تقعدى لوحدك علشان لسه فى خطر عليكى علشان ابن عمك هرب
حبيبه :- هرجع تانى شقتنا مع بابا واخويه وماما
سيف :- طب مش خايفه لحد فيهم يأذيكى علشان هربتى
حبيبه :- يؤذونى ههه ده بابا ده اطيب مخلوق فى الدنيا كلها وبيخاف عليا من الهوا الطاير يعنى هو اللى بيحمينى مشى يأذينى ام اخويه ده حتة سكره ومهما بعمل الغلط بيقف جمبى ويحمينى وبعد كده يفهمنى غلطى ويطبطب عليا ويخدنى فى حضنه وسكتت
سيف :- سكتى ليه مقولتيش حاجه عن مامتك يعنى
حبيبه :- بضحكة انكسار معنديش كلام يتقال عليها
سيف :- ايه بتكرهيها
حبيبه :- بلعكس انا بحبها اوى بس يعنى
سيف :- بس ايه
حبيبه :- مش عارفه ليه طول عمرها بتعاملنى معامله جافه مش زى ما بشوف الامهات بتاخد بنتها فى حضنها طب انت عارف انا عمرى ماقعد واتكلمت مع ماما فى مواضيع البنات ولا استفسرت منها على حاجه
سيف :- ليه
حبيبه :- كنت كل ما اروح اقولها ان انا عايزه اسألها فى امور خاصه تقولى انا مش فاضيلك ولا فاضيه لرغى العيال انت عارف انا نفسى اعرف احساس الواحده وهى فى حضن امها ايه انا عمرى ما جربته
سيف :-لدرجاتى طب ليه
حبيبه :- مش عارفه وحاولت كتير افهم ليه بس برضه مش بوصل لحاجه
سيف :- صعبت عليه حبيبه وقال بس انتى عندك اخ واب حنينين عليكى كفايه
حبيبه :- بأنكسار بس دى امى وبحبها ومهما عملت فيا مقدرش اكرها او اجرحها بكلمه ده مهما كان ربنا موصينه عليهم فى كتابه الشريف وقال بسم الله الرحمن الرحيم (وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا
وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا)
صدق الله العظيم
يعنى ده ربنا موصينا بى ومش بس الايه دى فى ايات كتير مكرمه الوالدين وفى للام مخصوص بسم الله الرحمن الرحيم (وَوَصَّيْنَا الإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ* وَإِن جَاهَدَاكَ عَلى أَن تُشْرِكَ بِي مَا لَيْسَ لَكَ بِهِ عِلْمٌ فَلاَ تُطِعْهُمَا وَصَاحِبْهُمَا فِي الدُّنْيَا مَعْرُوفًا وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ)
صدق الله العظيم
سيف :- كان معجب بكلام حبيبه اوى وقال انا ملاحظ كلامك كله بالقرأن انتى حفظه
حبيبه :- الحمدالله بابا ومن وانا صغيره كان بيعلمنى الصلاه وبيحفظنى فى المصحف ومش انا بس انا واخويه كان كل يوم يرجع من الشغل ويتغده ويقعدنا نحفظ القرأن وكان يعمل لينا مسابقات انا واخويه على اللى هيحفظ قبل التانى ومش بس كده كان كل سوره نحفظوها يفسرها لينا علشان منبقاش حفظين وبس نبقى حفظين وفاهمين اصول الدين بتاعنا
سيف :- ربنا يبارك فيكم انتى بجد شوقتينى اشوف ابوكى واخوكى دول
حبيبه :- خلاص تعال معايا النهارده واقعد معاهم واتعرف عليهم
سيف :- ان شاءالله
وفى الوقت ده دخل أدهم
أدهم :- صباح العسل يا جميل عامله ايه دلوقتى
حبيبه :- صباح النور يا أدهم الحمدالله كويسه
أدهم :- بس ينفع كده
حبيبه :- ايه
أدهم :- تتعبى شويه تحلوى اكتر هو ايه كل اللى بيتعب بيحلو كده
حبيبه :- شكرآ يا ادهم انت اللى بكاش
سيف :- بص لادهم بغيظ وقاله خف شويه
أدهم :- طب والله بقول الحقيقه
سيف :- بغيظ أدهم روح شوف الدكتور فين
أدهم :- من عينيا كله علشان عيون القمر ده
سيف :- ادهمممممممم
آدهم :- وهو بيكتم فى ضحكته خلاص خلاص انا ماشى
حبيبه :- ههههههههه دمه زى العسل أدهم ده
سيف :- لنفسه اللهم اطولك يا روح
حبيبه :- ه.ه.هو انت قاعد هنا من امبارح
سيف :- اه ليه
حبيبه :- شكرآ تعبتك معايا
حبيبه :- لا عادى مفيش تعب ولا حاجه
وجه الدكتور وبص على حبيبه وكتب ليها خروج
……………………………………………………
عند حوريه كانت قاعده مع امها وبتتكلم
حوريه :- اه هموت واعرف راح فين اشرف الكلب ده وعدنى ان هيستنانى وملاقتهوش
ام حوريه :- اهو يغور فى ستين داهيه الولا ده مش برتاحلو
حوريه :- بس هو ده اللى هيقدر يحقق ليا اللى انا عايزه يعمله
ام حوريه :- انتى فى دماغك ايه مش مرتاحلك
حوريه :- ههههههه كل خير هرجع ليا حقى اللى مأخدهوش زمان
ام حوريه :- قصدك ايه
حوريه :- لا متشغليش بالك انتى بس الاقى الزفت اشرف ده الاول
ام حوريه :- يابنتى حرام عليكى ناويه تأذى مين المرادى مش كفايه بنتك اللى اذايها طول عمرك ولما ربنا كرمها بأبن حلال روحتى خربتى عليها حياتها
حوريه :- هى لسه شافت حاجه منى بنت حازم
ام حوريه :- ماهى بنتك برضه
حوريه :- متقوليش بنتى بسببها خسرت حازم وخسرت ملايين انا بكرها بكرها
ام حوريه :- اتقى الله فى بنتك هى مالهاش دعوه بكل ده
حوريه :- لا ليها دعوه ذنبها ان بنت حازم وهى اللى بسببها حازم بعد عنى وسبنى وعشت عمرى كله فى فقر
ام حوريه :- ربنا يهديكى يا بنتى ويحنن قلبك على البت الغلبانه دى
حوريه :- لنفسها ده انا لو اطول اطلع روحها بأيدى كنت عملتها ومش هسبها تتهنا يوم واحد بالفلوس اللى اتحرمت منها بسببها
……………………………………………………
فى قصر عزالدين
كانت ديمه قاعده فى اوضتها ومسكت التليفون واتصلت بعمر وانتظرت الرد
عمر :- السلام عليكم
ديمه :- وعليكم السلام
عمر :- اذيك يا انسه ديمه
ديمه :- الحمدالله انت عرفت ان انا ازاى
عمر :- علشان المره اللى فاتت لما اتصلتى بالرقم ده انا سجلته عندى بأسمك
ديمه :- عامل ايه فى المكان الجديد
عمر :- اهو بنتعود عليه شويه بشويه
ديمه :- انا لو قعد اتأسف ليك من هنا لسنه الجايه مش هوصلك انا ندمانه قد ايه علشان انا السبب فى اللى انت فيه
عمر :- وانا سبق وقولتلك ان ده مكتوب عند ربنا وربنا مش بيكتب حاجه وحشه لحد
ديمه :- ونعمه بالله انت بتعمل ايه دلوقتى
عمر :- فى البيت قاعد فى اوضى ومفيش حاجه اعملها
ديمه :- ليه
عمر :- مش عارف بس يعنى هنا مش زى اسكندريه
ديمه :- اه
عمر :- وانتى بتعملى ايه
ديمه :- ولا حاجه قاعده فى اوضى ومفيش حاجه اعملها
عمر :- هههههه برضه
ديمه :- ههههههههه اه
عمر :- نزلتى الجامعه
ديمه :- اه بقالى يومين اهو
عمر :- جدعه ركزى بقى فى تعليمك وانسى الماضى بحلو ومره
ديمه :- بحاول اتعايش مع الوضع اللى انا فيه وافكر فى مستقبلى
عمر :- يا انسه الدنيا مش بتقف على لحظه معينه لا الدنيا ماشيه وفيها جميع اللحظات فيها حزن وفرح فيها لقه وفيها فراق فيها مولود بيتولد وفيها واحد بيموت يعنى كله ماشى واحنا المطلوب مننا ننسى الحزن بسرعه ونحاول نعيش الفرحه وهى رحله مشينها وفى الاخر كلنا تركنها بحلوها ومرها
ديمه :- قد ايه كلامك بسيط وحلو وبيريح الواحد و بيدخل للقلب علطول
عمر :- يا انسه بيقولك اكبر منك بيوم يعرف عنك بسنه وانا اكبر منك بأربع سنين بحالهم شوفى اعرف عنك بقى بكام سنه
ديمه :- ممكن اطلب منك طلب
عمر :- اكيد طبعآ اتفضلى
ديمه :- بلاش انسه دى قولى علطول يا ديمه اكيد انت عارف الكلمه دى بتوجعنى قد ايه
عمر :- احم انا اسف مأخدش بالى
ديمه :- لا عادى ولا يهمك وبعدين احنا مش اصحاب ولا ايه
عمر :- اصحاب طبعآ
ديمه :- طب خلاص خلى البساط احمدى
عمر :- ههههههه انتى بتتكلمى زى اختى
ديمه :- انت شكلك بتحبها اوى علطول تجيب سيرتها
عمر :- احبها بس ده انا بعشقها ده هى النفس اللى بتنفسه انتى لو قعدى حبه معاها هتحبيها اوى
ديمه :- بأنكسار ربنا يخليكم لبعض
عمر :- بحزن يارب وقال اسيبك انا بقى تشوفى اللى وراكى وتذاكرى شويه
ديمه :- حاضر ويارب مكنش بزعجك بسؤالى عليك
عمر :- ماانتى لسه قايله ان احنا صحاب يعنى فى اى وقت تتصلى
ديمه :- مع السلامه
عمر :- مع السلامه
وقفلت ديمه مع عمر وهى بتفكر فى طريقه ترجعه شغله فى اسكندريه من تانى
……………………………………………………
فى مكتب عزالدين
كان عزالدين ماسك تليفونه وبيتكلم بعصبيه
عزالدين :- انت تنزلى مصر بأى طريقه
حازم :- طب ليه هو حد حاصله حاجه
عزالدين :- محدش حاصله حاجه بس ماضيك الوسخ لسه ليه ديول لحد دلوقتى
حازم :- فى ايه يا عز انا مش فاهم حاجه
عزالدين :- الكلام مش هينفع فى التليفون انا عايزك تنزل مصر ضرورى
حازم :- ما انا قولتلك مش هينفع علشان جامعة الاولاد وانا عندى شغل مينفعش اسيبه فاجئه لازم اعمل حسابى قبلها بشهر على الاقل
عزالدين :- انا مليش دعوه بكل ده انا قولت تنزل يعنى تنزل انا مش بقولك تنزل علطول انا بطلبك تنزل يومين وابقى سافر تانى
حازم :- طب ما تريحنى قولى فى ايه
عزالدين :- حازم اقفل ويومين بالكتير الاقيك هنا
حازم :- حاضر يا عز مع السلامه
وقفل عزالدين مع حازم وقال
عزالدين :- انا مش هسمح لحوريه وبنتها يدخلوا تانى حياتنا ولا هسمح لحوريه تطول ولا مليم مننا
……………………………………………………
فى المستشفى عند حبيبه كانت عايزه تمشى افتكرت ان الهدوم اللى عليها مقطعه وجسمها باين
سيف :- انتى قعدى تانى ليه
حبيبه:- احم مش هينفع اقوم
سيف :- ليه
حبيبه :- ا.ا.الهدوم مقطوعه وجسمى باين منه
سيف :- اخ انا نسيت خالص اجبلك الهدوم
حبيبه :- والعمل دلوقتى انا مستحيل امشى بالملايه تانى
سيف :- ثوانى وطلع من الاوضه وشويه ودخل تانى
حبيبه :- انت كنت فين
سيف :- بعت أدهم يشترى ليكى طقم تلبسيه
حبيبه :- ماشى وابقى اخصم حقه من المرتب بتاعى
سيف :- اتصدم وقال ايه
حبيبه :- ايوه انا مش بحب حد يصرف عليا
سيف :- طب اسكتى دلوقتى
حبيبه :- لا انت مش هتخرسنى ولو موعدنيش انك هتخصم حقه مش هلبسه وهمشى كده واللى يحصل يحصل
سيف :- بنت انتى متعصبنيش
حبيبه :- تتعصب على نفسك مش عليا
سيف :- اتكلمى عدل معايا
حبيبه :- ولو متكلمتش عدل ايه هيحصل
سيف :- مترديش عليا علشان اعصابى متفلتش منى واعمل حاجه تزعلك
وفى الوقت ده دخل أدهم
أدهم :- ايه فى ايه صوتكم عالى اوى مسمع كل المستشفى
حبيبه :- البيه بيزعقلى وانا مش بحب حد يزعقلى
سيف :- الهانم بترد عليا كلمه بكلمه وانا مش بحب حد يرد عليا
حبيبه :- انت ملكش حكم عليا علشان تمنعنى من الكلام
سيف :- خلاص انا مستعد اروح دلوقتى عند اى مأذون واكتب عليكى علشان يبقى من حقى اكسر رقابتك المعوجه دى
حبيبه :- ده انت لو اخر راجل فى الدنيا مش هتجوزك
سيف :- بقى انتى اللى بتقولى مش عايزه تتجوزينى اصلك مش شايفه نفسك انتى متسويش فى سوق الحريم مليم
سيف :- وانت متسواش فى سوق الرجاله نكله
أدهم :- بببببببببس الله يخربيتكو فضحتونا فى المستشفى صوتكو عالى انتو ايه متعبتوش
حبيبه :- هات الهدوم واطلعوا بره
سيف :- ما كان من الاول ده انتى مقرفه بجد
حبيبه :- لا بقى انت اللى مقرف وستين مقرف كمان
آدهم :- يااختييييييييييي يلا نطلع بره فى يومكم ده
وخرج أدهم وسيف
وغيرت حبيبه هدومها وطلعت من الاوضه ومشيت من غير ما تنطق ولا كلمه
سيف :- اخد نفس عميق وخرجه وقال صبرنى يا ربى على المصيبه دى ومشى هو أدهم وركبوالتلاته العربيه وراحو عند بيت حبيبه
أدهم وسيف :- بصوا لبعض وقالوا انتى ساكنه هنا
حبيبه :- بأستغراب اه ليه
أدهم :- انتى تعرفى عم حسن
حبيبه :- ايوه ده بابا
سيف :- بصدمه ابوكى هو انتى المهندسه اللى كان مكلم بابا عليها
حبيبه:- ايوه انا
أدهم :- وانتى اشتغلتى صدفه عندنا ولا كنتى قصدها
حبيبه :- انت ناسى ان انا كنت فى شركة لمار واخوك اللى اخدنى فى شركتكم
أدهم :- اه صح انا كنت ناسى
سيف :- على كده بقى انتى العروسه اللى احنا جينا بركنا لابوكى فى فرحها
حبيبه :- هو انتو جيتو هنا
أدهم :- اه يوم فرحك وحتى بابا سأل ابوكى عنك قال ان انتى مشيتى مع جوزك
حبيبه :- لا كنت هربت من اشرف
أدهم :- الصراحه ليكى حق تهربى منه ده كنتى هتتجوزى ازاى ده
حبيبه :- بس ربنا يستر وميعملش مشاكل لينا
سيف :- ولا يقدر ده انا اخفيه وراه الشمس
حبيبه :- طب يلا بقى نطلع انا مش مصدقه نفسى ان انا خلاص هرجع اعيش تانى وسط أهلى
ونزلو التلاته من العربيه وطلعوا عند باب الشقه ولاقت قفل على الباب
حبيبه :- ايه ده راحو فين
أدهم :- يمكن راحو البلد
حبيبه :- طب واخويه مينفعش يروح الصعيد علشان شغله هنا
سيف :- طب اتصلى بيهم
حبيبه :- مش معايا رقم حد فيهم كان على الخط اللى شلته ورميته
أدهم :- طب والحل
حبيبه :- ثوانى وراحت عند باب جارتهم وخبطت وشويه وفتحت الباب
الجاره :- مين
حبيبه :- انا حبيبه يا خالتى
الجاره :- انتى رجعتى امته ده اهلك كانوا هيتجننو عليكى لما طفشتى
حبيبه :- اهو نصيب يا خالتى المهم فينهم كلهم
الجاره :- امك مشيت من تانى يوم مشيتى فيه وراحت البلد
حبيبه :- طب وبابا واخويه راحو فين
الجاره :- اخوكى الظابط واحد من الاكابر واصل نقلو السلوم وابوكى راح معاه
سيف :- اتصدم لما سمع كلام الجاره وافتكر ان شافه فى الفرح بتاع حبيبه وقال علشان كده شكله مكانش غريب وكنت حاسس ان شوفته قبل كده
حبيبه :- يا نهار اسود السلوم
الجاره :- اه يا بنتى ربنا على المفترى وبعدين بصت على أدهم وسيف وقالت ليها امال مين دول
حبيبه :- ها د.د.ده البودى جارد بتوعى
الجاره :- البودى ايه يعنى ايه مش فاهمه
حبيبه :- الحرس الشخصى بتاعى عن أذنك
و سبتها ومشيت ونزل التلاته العربيه
أدهم :- وحياة امك بقى احنا البودى جارد بتوعك
حبيبه :- انا اسفه بس الوليه دى لكاكه وانا قولت اى كلام علشان تسكت
أدهم :- هتعملى ايه دلوقتى
حبيبه :- مش عارفه اتعقدت اوى
أدهم :- يبقى تيجى معانا القصر
حبيبه :- لالا مش هينفع
أدهم :- ومش هينفع تروحى تقعدى فى الشقه تانى لواحدك وبص لسيف وقال ولا ايه رأيك يا سيف
سيف :- ها ا.ا.اه
أدهم :- هوايه اللى اه بقولك مش هينفع حبيبه تروح على الشقه تانى لوحديها لازم تيجى معانا القصر
سيف :- ماشى
أدهم :- انت مالك من ساعة ما نزلنا من فوق وانت مش طبيعى
سيف :- مفيش ومشى بالعربيه وراح بيها على القصر
وونزلوا التلاته ودخلوا القصر وكان عزالدين وديمه قاعدين مع بعض
حبيبه :- انبهرت بديكور القصر و شكله
سيف وأدهم :- مساء الخير يا بابا
عزالدين :- من غير مايرد عليهم بص على حبيبه وقال مين دى
أدهم وسيف :- بصوا لبعض
عزالدين :- ردو عليا بدل ما انتو بتبصو لبعض كده
أدهم :- د.د.دى حبيبه يابابا
عزالدين :- بص لحبيبه وقال ايه جايبك هنا يابنت حوريه
حبيبه :- انت تعرف امى
عزالدين : – عز المعرفه بوسختها وبكل ماضيها القذر
حبيبه :- انا مش فاهمه حضرتك
عزالدين :- بلاش تعمليهم عليا اكيد انتى وامك راسمين خطه على الفلوس بس ده بعينك انتى وامك
حبيبه :- والله مش فاهمه حاجه خالص من حضرتك
عزالدين :- بص لسيف وأدهم وقال ارمو الزباله دى بره القصر
أدهم :- اهدا يا بابا بس احنا مش فاهمين حاجه
عزالدين :- ارموا الزباله دى الاول وبعدين نتكلم
حبيبه :- عن أذنكم وانا اسفه على الازعاج
سيف :- مسكها من ايديها وقال مش هينفع حبيبه تمشى يابابا
عزالدين :- ليه بقى
سيف :- علشان حبيبه مراتى ودى الورقه بتاعة المأذون
……………………………………………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وراء كبرياءه عاشق)
