رواية وجع روحي الفصل الثاني 2 بقلم مريم حسني
رواية وجع روحي الجزء الثاني
رواية وجع روحي البارت الثاني
رواية وجع روحي الحلقة الثانية
ايهاب : ايه يا عروسة !
روح رفعت عينها و بصتله و بتحاول متعيطش :احم ايه ؟
ايهاب:هو مش النهارده دخلتنا ولا ايه
روح ابتسمت بسخرية: اه و اخدت نفس انا بس تعبانه اوي النهارده من مجهود اليوم فا يعني لو ممكن انام دلوقتي
ايهاب: ماشي مفيش مشكله بس الصبح هنقولهم ايه
روح استغربت : لا مش فاهمه مين هما اللي هنقولهم ايه
ايهاب: اهلنا
روح :هنقولهم ايه في ايه بقي ده موضوع يخصنا احنا بس!
ايهاب :انا والله معرفش مامتك ايه بس انا عارف امي كويس و هي هتبقي مستنيا تعرف ايه الدنيا
روح بصتله باحتقار: ماشي الصبح ان شاءالله نبقي نشوف الموضوع ده
ايهاب :براحتك الموضوع يخصك انتي اكتر
روح: تمام تصبح علي خير
ايهاب؛ طب مش هتتعشي
روح :لا مش جعانه
ايهاب بصوت واطي :كده كده مش هتحتاجي العشا في حاجه
بس روح سمعته غيرت هدومها و نامت علي امل انو يطلع كابوس و هتصحي منه
………
ناديه :رامي رامي ايييييه!
رامي بصلها :ها بتقولي حاجه يا ناديه؟
ناديه ردت عليه بعصبية :بقالي ساعه بنده عليك ايه :روحت فين
رامي: لا مفيش حاجه معاكي اهو
ناديه: اممممم لا واضح المهم انا مش كنا متفقين اننا هنسهر بعد الفرح يلا قولي هنوديني فين ؟!
رامي :لا معلش يا ناديه مش النهارده انا تعبان و عاوز اروح هوصلك وامشي علي طول
ناديه بعصبية :نعم انت قالي اننا هنسهر
رامي اتنهد :قولتلك تعبان ايه اللي مش مفهوم يعني يلا عشان اروحك
ناديه: طب روح انت بقي انا مش مروحه دلوقتي
رامي: براحتك و سابها و مشي
ناديه: اووووووف ماشي يا رامي ربنا ياخدك يا روح حتي بعد ما اتجوزتي لسه دماغه معاكي
……….
امينه :ايه اللي رجعك يا رامي مش قولت هتخرج مع خطيبتك !
رامي: لا مانا صدعت فهولتلها مش هقدر أخرج انا داخل انام تصبحي على خير
امينه بصتله بحزن عليه: و انت من اهله يا بني
رامي دخل وقفل علي نفسه الاوضه
رامي اتنهد بتعب: مش عارف انساكي اعمل ايه بس كنت حاسس بخنقه انهارده مش طبيعيه اعمل ايه عشان انساكي يا روح و عمض عينه و نام
………..
روح قامت بعد ما حست ان ايهاب نام انسحبت و دخلت البلكونه و قفلت وراها
روح قعدت علي الارض تفتكر اليوم من اوله
فلاش باك
فايده داخله عليها الاوضه :لولولولولولوي مبروك يا عروسه
روح قلبها كان مقبوض و متعرفش ليه بس حاولت متبينش و تطمن نفسها
روح :الله يبارك فيكي يا ماما
فايده :يلا يا حبيبتي قومي بسرعه عشان وراكي يوم طويل
روح :حاضر هغير هدومي و جايه وراكي اهو
فايده: طيب يا حبيبتي اسماء صحبتك كمان بره و عاوزه تدخلك
روح: بجد طب دخليها يا ماما
فايده :حاضر يا حبيبتي
اسماء دخلت لروح حضنتها بفرحه: مبرووووك يا روحي اخيرا ايوه بقي النحس بتاع الشله هيتفك انا وراكي علي طول فاهمه
روح ابتسمت بحزن :يا رب ان شاءالله جوازتك تبقي احسن مني مليون مره
اسماء بصتلها باستغراب: مالك يا روح
روح عيطت: انا خايفه اوي يا اسماء قلبي مش مطمن
اسماء: طب اهدي بس فهيمني في ايه بس
روح :مش عارفه مش مرتاحه انا مش عاوزه قلبي يتكسر تاني كفايه اللي حصلي
اسماء طبطبت عليها و ابتسمت :متخفيش يا روح مفيش حاجه هتحصل انتي بس متوتره وده طبيعي لاي عروسه ماشي اهدي يلا البسي عشان لسه قدامك يوم طويل
روح اتنهدت :طيب هغير و ننزل على طول
……….
في البيوتي سنتر
البنت :اللي كانت بتعملها شعرها ايه يا روح ده انتي تخنتي اوي عن اخر مره شوفتك فيها ليه كده ده انتي عروسه حتي المفروض كنتي تخسي شويه و بعدين بقالك كتير مبتجيش تعملي شعرك ليه ده انتي كنتي بتيجي كل اسبوع ده انا معرفتكيش!!
روح كانت بتسمع كلمها و حابسه دموعها بالعفايه
اسماء: اتعصبت و كلمت البنت بقرف ايه يا حبيبتي مالك كده عادي مالها مهي زي الفل اهي ده جسمها كرفي وجميل مالك
البنت اتحرجت :انا مش قصدي حاجه اكيد انا بس كنت بتكلم معها عادي
روح ابتسمت لاسماء: خلاص يا اسماء محصلش حاجه ممكن بعد اذنك تخلصي بسرعه عشان منتاخرش
البنت :حاضر
روح خلصت لبس وكان شكلها جميل فعلا الفستان و تسريحه الشعر كل حاجه كانت فيها حلوه بجد حتي وهي جسمها مليان برضو كانت جميله
فايده عنيها دمعت بفرحه: زي القمر يا روح ماما
روح حضنتها علي امل انها تطمن شويه
فايده :مالك يا حبيبتي؟
روح :ابدا بس هتوحشيني اوي
فايده :انتي كمان يا حبيبتي البيت هيبقي ضلمه من غيرك
اسماء :يلا يا روح العريس وصل
ايهاب دخل و شاف روح ابتسم لها: ايه الحلاوه دي طلعه زي القمر
روح ابتسمت بتوتر: شكرا
ايهاب: طب يلا بينا
روح: يلا
في القاعه
رامي جيه هو و ناديه علشان يباركوا لروح
رامي ابتسم بحزن و سلم على :روح مبروك يا روح ربنا يسعدك
روح مكنتش قادره تبصله: عقبالك
ناديه شدت ايد روح من رامي بغل: قريب ان شاءالله مبروك
روح ابتسمت :الله يبارك فيكي شكرا
ناديه: العفو و ميلت علي روح الفستان هيتفرتك من عليكي ايه مكنتيش عارفه تبطلي اكل لحد ما تتجوزي شكلك وحش اوي
رامي سلم على ايهاب: مبروك عن اذنك وشد ناديه من ايدها و مشيوا بعد ما شاف وشه روح و كان باين عليها انها عاوزه تعيط عرف ان ناديه قالت لها حاجه
رامي بعصبية :قولتلها ايه؟
ناديه ببرود: ولا حاجه
رامي: ماشي امشي قدامي
ايهاب لمح منه داخله القاعه اول ما شافها ميل علي روح و باسها من خدها :مبروك يا حبيبتي
روح ابتسمت : الله يبارك فيك
منه جت سلمت عليها
منه : مبروك يا حضرة الظابط
ايهاب بصلها بتحدي :الله يبارك فيكي عقبالك
منه بصتله بغيظ قرب ان شاءالله مبروك يا مدام
روح ابتسمت :برقه الله يبارك فيكي شكرا
منه :عن اذنكوا
روح: هي مين دي؟
ايهاب :واحدة
روح :استغربت ايه
ايهاب: احم واحده معرفه سيبك انتي يلا نرقص
روح :يلا
باك
سابت دموعها تنزل مكنتش قادره تستحمل اكتر من كده و بدات تكلم نفسها
روح وهي بتعيط :هي دي منه طلعت هي دي كان بيغظها طب انا عملت ايه بس نفسي افهم انا بغلط في ايه انا بعمل كل الناس حلو انا اللي ديما بسال علي غيري و اشوف مين محتاج ايه و اعملهوله علي قد ما اقدر عملت ايه بس ليه رامي يسبني و يخوني انا عارفه اني اكيد فيا عيوب بس هو حتي محولش يقولي ايه هي عيوبي ده حتي مسبنيش راح خطب علي طول انا عملت فيه ايه بس طب انا جالي اكتئاب بعد ما سبني و اتزفت تخنت بس بس غصب عني والله ولما خلاص قولت الانسان ده جيه عشاني و اقتنعت اني عجبه زي مانا يطلع بيغيظ بيا واحده تانيه انا بعمل ايه بس و فضلت تعيط بانهيار وهي مش مستوعبه ليه بيحصل معها كده لحد ما نامت مكانها
………..
رامي صحي من النوم علي صوت يعرفه كويس لا و صوت بيعشقه كمانفتح عينه
رامي و هو مش مصدق :روح؟؟
روح كانت لبسه فستان اسود بحزام احمر و روج احمر وشعرها سايب اكتر طقم رامي بيحبه ابتسمت له بنعومة :رامي
رامي ابتسم بفرحه :انتي جيتي ازاي و ازاي خسيتي بسرعه كده!!
روح قربت منه و هي لسه علي وشها نفس الابتسامه: جيت عشان لسه بحبك
رامي بصلها بفرحه ما تتوصفش: وانا كمان لسه بحبك يا روح و قرب منها ونفسه بقي قرب نفسها
…..
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية وجع روحي)
