رواية وجع روحي الفصل التاسع 9 بقلم مريم حسني
رواية وجع روحي الجزء التاسع
رواية وجع روحي البارت التاسع
رواية وجع روحي الحلقة التاسعة
الفصل التاسع
روح حاولت تزق اللي حاطك ايده علي بوقها
رامي اتكلم بهمس قرب ودانها اهدي يا روحي ده انا
روح دموعها كانت بتنزل و تحاول تزق رامي بس مش عارفه
رامي كان ماسك روح بايد و فتح الباب بالايد التانيه و دخلها البيت
رامي انا هشيل ايدي بس متصوتيش يا روحي
روح هزت راسها بموافقة
رامي شال ايده
روح انت انت عاوز مني ايه يا رامي في ايه
رامي وحشتيني اوي يا روح كده مش عارف اوصلك خالص مش حرام عليكي
روح انت مجنون يا رامي وحشتك ايه و زفت ايه انا اتجوزت خلاص ولا مش واخد بالك و انت خاطب فيه ايه ايه لازمه الجنان ده كله حرام عليك يا رامي انا اللي فيا مكفيني
رامي اتعصب هو الحيوان ده عمل فيكي ايه تاني
روح صوتت و انت مالك مالك و مال اللي يعملوا انت هتجنني انت عاوز ايه بظبط انا فاكره كده زمان ان انت اللي سيبتني وانك اللي روحت خطبت صح
رامي قرب منها كنت حمار حقك عليا انا لسه بحبك يا روح
روح يالهووووي عليا انت مجنون انا متجوزه والله العظيم انا متجوزه ابعد عني بقي اطلع بره حالا يا رامي متجبليش مصيبه الله يكرمك يلا
رامي مش همشي من هنا مش غيرك انا هاخدك وامشي يا روحي
روح عيطت اكتر يا ربي هتجبلي مصيبه امشي بقي رامي والنبي ايهاب ممكن يرجع في اي وقت
رامي ايهاب عنده ماموريه و مسافر
روح انت عرفت منين
رامي روحي يلا نمشي من هنا و بيحاول يشدها سيبي كل حاجه انا هجيبلك اللي انتي عاوزه
روح زقته بكل قوتها سيبني بقي يا رامي اوعي انا بكرهك بكرهك اوي انت السبب في كل حاجه حصلت لي
……..
ناديه كانت بتراقب رامي بتشوف هو بيعمل ايه و شافته و هو رايح لروح
ناديه بغل مش عارفه اخلص منك ماشي و حياه امي لاجيب خبرك النهارده
ناديه الو استاذ ايهاب معايا
ايهاب ايوه مين معايا
ناديه انا ناديه خطيبه رامي ابن عمته روح فاكرني
ايهاب اتنهد بضيق ايوه فاكرك افندم في حاجه تانيه مش كفايه اللي حصل اخر مره
ناديه اتكلمت بخبث الله ده جزائي اني بعمل خير و بعدين مش اطمنت ساعتها علي مراتك و طلعت بنت ولا هو في حاجه
ايهاب بقولك ايه يا بت انتي اظبطي حالك كده يا روح امك انا مش طايقك ولا طايق الزفت خاطيبك ده و سيره مراتي متجيش علي لسانك تاني مراتي اشرف منك و من اشكلك انتي و الزفت التاني ده فاهمه
ناديه طيب يا حضره الظابط يا اللي مراتك اشرف واطهر واحده في الدنيا اللي ما صدقت انك سافرت من هنا و راحت لفت علي خطيبي و جابته بيتك وهو دلوقتي معاها فوق بقاله يجي نص ساعه ايه رايك
ايهاب زعق باعلي صوت عنده بعصبية انتي بتقولي ايه انتي اتجننتي ده انا هفرمك ازاي تقولي علي مراتي كده
ناديه ببرود اهدي كده انا مبقولش كلام في الهوا تمام تعالي اتاكد بنفسك انت بعيد عن البيت بتهيقلي انك لسه مطلعتش علي طريق السفر صح
ايهاب قفل في وشها و ركن العربيه علي جنب و مسك دماغه و بدا يكلم نفسه لا لا اكيد لا روح متعملش كده انا عارفها روح دي نسمه مش ممكن اكيد البت دي بتكدب هي كده كده بتكره روح صح هي متغاظه منها بس هي عرفت منين اني مسافر و مبعتش هو ايه اللي بيحصل مسك التليفون بكلم روح بس مردتش
إيهاب بعصبية ردي بقي
……..
رامي بص لروح بجنون لا انتي بتحبيني يا روح انا عارف
روح بغل بكرهك بكرهك بجد انت ازاي كده مانا كنت معاك كان حصل ايه يعني سبتني زي الكلبه و جريت خطبت واحده تانيه احنا كنا خلاص نزلين نجيب الشبكة و انت بكل برود فاجاتني ان بكره خطوبتك انت كنت عارف انا حاسه بايه شوفت حصلي بعدها ايه انت ازبل انسان شوفته في حياتي و ياريت اكتفيت بكده لا جاي تكمل عليا حياتي بتخرب بسببك بسببك وقعت في الجوازه السوده دي و كمان جاي عاوزني اجيب العار لاهالي وابقي ست خاينه صح امشي من وشي بقي لحسن هطلبك البوليس والله
رامي بصلها بجنون و شر
……..
ايهاب لا انا لازم ارجع اشوف في ايه انا كده هتجنن
ايهاب لف بالعربيه بسرعه و رجع البيت و كان سامع صوت صويت مكتوم دخل البيت و…..
……
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية وجع روحي)
