رواية وجع حنين الفصل العاشر 10 بقلم ريحانة الجنة

رواية وجع حنين الجزء العاشر

رواية وجع حنين البارت العاشر

رواية وجع حنين الحلقة العاشرة

بعد ما مشي عمار من عند خالد ورزع الباب خالد بص لامل بغضب مسكها من ايديها وشدها جامد
خالد: انتي ايه اللي عملتيه ده ازاي تروحي لحنين وتقوليلها كدة وتبهدليها انتي ايه الغل اللي جواكي من ناحيتها ده كله
أمل:شدت نفسها من خالد . ايوة اومال كنت عايزني استني لما الاقيك داخل عليا بيها وانت متجوزها لا فوق ده انا اكلها بسناني
خالد:وهو انتي فاكرة اللي بتعمليه ده حيخليني اشيلها من دماغي و لا انساها لا مستحيل واسمعي بقي انا حفضل ورا حنين لحد ماتوافق واتجوزها عارفة ليه علشان هي انسانة بجد كل الناس بتحبها شوفي بتعامل امي ازاي وقاعدة تحت رجلها حتي بعد هشام ما مات مسبتهاش علشان بتتقي ربنا لكن انتي لا .
تقدري تقوليلي أخر مرة زورتي امي امتي اخر مرة كلمتيها في التليفون كانت امتي اكيد مش حتفتكري. حتي انا بسببك بعدت عن امي بسبب غيرتك من حنين ولأني مكنتش بحب ازعلك بس خلاص انتي عديتي كل الحدود
أمل : انت فاكرها بتعمل ده كله مع امك لله لا يا حبيبي دي بتجر رجلك ولعلمك انا مش حسكت ولا خليك تتجوزها فاهم
خالد : حنين مش محتاجة تجر رجلي علشان انا طلبتها اكتر من مرة وهي بترفض واسمعي بقي قسما عظما لو مابعدتي عن حنين لاكون مطلقك و متجوز عليكي اي واحدة تانيه سواء حنين او غيرها فاهمة
(بعد يومين في بيت حنين)
هدي :سلامتك يا نور عيني الف سلامة
حنين:الله يسلمك يا ماما تعبتي نفسك وجيتي ليه مش قلتلك في التليفون بلاش انتي تعبانة وانا مش حزعل وبعدين دي حاجة بسيطة
هدي :ياسلام وهو حتعب لاغلي منك انتي عارفة غلاوتك عندي يا حنين
حنين:تسلميلي يا ست الكل ربنا يخليكي لينا
هدي : ويخليكي . وبعدين انا كان لازم اجي انا وخالد نعتذرلك علي اللي عملته أمل معلش يا بنتي متزعليش حقك عليا أنا
خالد:بجد يا حنين انا مش عارف اعتذرلك ازاي انا عارف ان امل زودتها اوي بس اوعدك انها مش حتضايقك تاني
حنين: بحزن شديد . حصل خير هي بردوا معذورة بتحبك وبتغير عليك ربنا يهديها ويهدينا
خالد:حنين علشان خاطر ماما انا عارف غلاوتها عندك فكري تاني في موضوعنا علشان نسكت اي حد واوعدك احطك انتي وولادك في عنيا بس وافقي
حنين: لو سمحت يا خالد متكلمش في الموضوع ده تاني انا لايمكن اتجوز واحد واخده من بيته ومراته وولاده والا ابقي خرابة بيوت زي ما مراتك قالت عليا
خالد :سيبك من أمل واللي بتقوله وبعدين انتي اكتر واحدة عارفة ان انا من حقي اتجوز تاني وتالت ورابع انا مش حعمل حاجة غلط
حنين :عارفة ان من حقك بس معلش خد حقك ده بعيد عني انا مستحيل اتجوزك معلش متزعلش مني احنا لازم نقفل الموضوع ده وميتفتحش تاني انت حتفضل عم ولادي وانا بحترمك وبقدرك مش اكتر من كدة
هدي :يعني ده أخر كلام عندك طيب فكري علشان خاطري
حنين:خاطرك عندي غالي يا ماما وانتي عارفة بس صدقيني مش حينفع
خالد :عموما يا حنين انا مش حيأس واتنمي انك تغيري رايك . استاذن بقي انا . ماما جاية معايا
حنين:لا معلش خلي ماما حتبات معانا انا والولاد يومين وبعدين تبقي تروح
هدي:خلاص يا ابني توكل انت علي الله وانا يومين كدة واكلمك تيجي تروحني
خالد :طيب اللي يريحك السلام عليكم
حنين: انا حقوم احضر العشاء لحد ماتغيري هدومك ده البيت حينور يا هدهود
هدي: منور بيكي يا حبيبتي يلا حقوم اغير واجي اساعدك
وعدي الوقت علي حنين ويوسف وهما الاتنين مش ناسين اللي حصل اخر مرة شافه بعض حنين مش قادرة تنسي كلام يوسف اللي وجعها ولا يوسف قادر يرتح ولا ينام من يوم مازعلها ونفسه يشوفها ويعتذرلها لحد ما جيه معاد الجلسة اللي بعدها ويوسف قاعد في العيادة حيتجنن معقول مش حتيجي هي ممكن فعلا متجيش تاني يا رب نفسي اشوفها وحشتني اوي
وشوية جات حنين ويوسف اول ماسمع صوتها وشافها حس ان روحه كانت رايحة منه وردت لما شافها بس زعل لما لقاها لسة رجلها تعبانة واضح من خطواتها انها بتتالم وقعدت
حنين وهي متعمدة متبصش ليوسف مع انه واحشها اوي بس مش ناسية اللي قالهولها اخر مرة شافته .
يوسف حاسس انها لسة زعلانة ومش عايزة تبصله وعاذرها علشان هو زودها اوي معاها بس فكر يوسف شوية. وبعدين طلع تليفونه وفتح الفيس وكتب لحنين رسالة
يوسف :حنين انا بجد اسف ارجوكي اديني فرصة افهمك انا ليه عملت كدة
حنين سمعت صوت رسالة فتحت التليفون لقت رسالة من اكونت غريب بإسم(يوسف شهاب الدين ) فتحت حنين الاكونت والرسالة لقت صور يوسف . تنحت حنين وبصت ليوسف لقتيته باصصلها وبيهز راسه ايوة انا وعنيه كلها نظرات اسف ورجاء انها تسامحه
حنين :هو عرف صفحتي ازاي وكمان بعتلي رسالة طيب والله مانا معبراك وقفلت حنين التليفون خالص وشالته ومردتش علي يوسف
يوسف : ماشي يا حنين حقك انا عارف اني زعلتك بس والله مانا سايبك الا لما تسامحيني وابتسم وهو بيقول بحبك يا بت اللذين
وبعد شوية دخلت حنين جلستها ويوسف كمان المرة دي اعتذر ونزل يستني حنين تحت
دنيا السكرتيرة :هو ايه حكايته بقالوا مرتين يجي وينزل من غير مايدخل انا قلبي حاسس انه في حاجة بينه وبين مدام حنين مع انها ولا يبان عليها
انا عارفة اشمعنا هي ما انا قدامه بقالي كتير عمره ما بصلي حتي . اه بس قمر ابن الاييه
خلصت حنين ونزلت ولقت يوسف كمان المرة دي واقف مستنيها وساند ظهره علي العربية ولابس نظارته الشمس وشكله اصلا يجنن اي ست مش بس حنين. بس حنين علي قد ماكانت حناله. ووحشها اوي. كمان زعلانة منه. ومش عارفة هو عايز منها ايه مشيت حنين وطبعا خطوانها بطيئه شوية علشان رجلها لسة وجعاها يوسف راح وراها ونده عليها
يوسف : حنين لوسمحتي استني ارجوكي اسمعيني
حنين :تاني انت وبعدين معاك انا مش قولتلك متتكلمش معايا تاني ايه حتقل ادبك تاني
يوسف :وهو مبتسم لا والله مش حقل ادبي انا بس عايزك تعرفي اني عارف انك احسن واحدة في الدنيا ووالله الكلام اللي قولتهولك مش علشان انا شايفك وحشة لا انا بس كنت غيران عليكي كنت حموت لما لقيتك ركبتي معاه العربية مكنتش اعرف انه اخوكي صدقيني والله انا اسف
حنين: والله وانت مالك انت اركب مع اللي اركب معاه وتغير عليا بمناسبة ايه
يوسف:قوب من حنين وبص في عنيها بحنية . بمناسبة اني بحبك مقدرش اشوفك مع حد تاني
حنين: اتكسفت جدا. ومصدقتش انه قالها انه بيحبها ورجعت خطوة . احمم لوسمحت الزم حدودك ومتقربش مني كدة تاني الناس تقول عليا ايه وابعد بقي خليني امشي
يوسف : سيبك من الناس انا اللي يفكر يضايقك ادفنه مكانه
حنين : ابتسمت غصب عنها وابتدت تمشي
يوسف: وقف قدمها . طب علشان خاطري خليني اوصلك انتي لسة تعبانة . وبعدين اعتبيري يا ستي انك راكبة تاكسي
حنين :قولتلك لا وسبني بقي ارجوك انا تعبانة ومش قادرة اقف
يوسف :طيب علي الاقل خليني اوقفلك تاكسي علشان اطمن عليكي ممكن
حنين :سكتت ومشيت معاه
يوسف :وقفلها تاكسي وركبها . وراح وركب عربيته بسرعة علشان يمشي وراها
حنين :قاعدة في التاكسي وبتبتسم وهي بتفتكر كلامه واعتذاره وكمان ابتسمت اكتر لما افتكرته وهو بيقولها بحبك وبعد شوية سمعت صوت مزيكا عالي بيقرب . محطتش في بالها عادي واحد ماشي بعربيته وبيسمع اغاني. بس اول مابصت من الشباك لقت يوسف بيقرب بعربيته من التاكسي اللي هي فيه وبيغمزلها بعنيه وعلي المزيكا اكتر علشان هي تسمعها
حنين :مقترتش تمنع نفسها من الضحك . لا ده اكيد مجنون مش معقول اللي بيعمله ده انا دلوقتي اتاكدت انه مش طبيعي
ولقته مشغل اغنيه لعمر دياب اسمها (ياروحي انا)
( يا روحي انا ويا قلبي انا ملناش عنك يا حياتي غنا . وفي بعدك تعب الشوق وخلاص بيعدي عليا اليوم بسنة النار في القلب من الاشواق ميريحهاش غير لمس ايديك ومنين حتجيب زينا عشاق بيشوفوا الدنيا بضي عنيك والحب ده ايه غير انت وانا وانا . يا حبيبي واخرة بعدنا ايه وازي العين حتشوف احلام ده حرام الحب تروح لياليه وسننا تضيع في بعد وخصام والحب ده غير انت وانا وانا ياروحي انا وياقلبي انا )
حنين:قاعدة مش عارفة متبتسمش من الجنان اللي بيعمله يوسف . شوية السواق ابتدي ياخد باله
السواق: ولزمته ايه ده كله مكان هو وصلك من الاول
حنين:افندم؟ انت بتقول ايه
السواق:بقول ان كان روميو ده وصلك هو ولا يمكن مش عايزة حد يشوفك . ربنا يستر علي وليانه صحيح مش كل اللي لبس يبقي بتاع ربنا
حنين زعلت من كلام السواق بس هي عارفة ان هو معاه حق وان ميصحش كدة بس متحملتش كلامه
حنين: لو سمحت ياريت تخليك في حالك ولا اقولك نزلني هنا
يوسف استغرب ان التاكسي وقف ووقف هو كمان ولقي حنين بتفتح الباب ونازلة استغرب اكتر لانهم في وسط الطريق ومش ممكن تكون وصلت نزل وراح يشوف في ايه
السواق:اتفضلي انزلي وابقي خليه هو يوصلك بس الاول اديني اجرتي اه مش انتوا تحبه في بعض وانا تكلوا حقي
يوسف:هجم علي السواق ومسكه من هدومه وزنقه في العربية . انت ازاي بتكلمها كدة انت مجنون اقسم بالله ادفنك مكانك
حنين:وهي بتعيط . لوسمحت كفاية فضايح بقي سيبه
يوسف: وعنيه بتطق شرار انتي بتعيطي ليه هو الراجل ده عملك ايه
في الوقت ده قرب منهم ظابط المرور اللي كان واقف
الظابط :في ايه يا جدع انت وهو . ايه ده مش معقول يوسف باشا واحشني ياراجل
يوسف :وانت كمان يا جلال باشا
جلال الظابط :ايه هو الراجل ده عملك حاجة
يوسف:وهو بيبص للراجل بغيظ لا ابدا هو بس لسانه طويل حبتين وعايز يتقص
جلال الظابط:بس كدة سيبهولي وانا اقطعهوله . تعالي معايا يا خويا وريني رخصك. انت اصلك مش عارف زعلت مين
حنين:لو سمحت كفايه ده راجل غلبان ومعملش حاجة خليه يروح لاولاده من غير اذي
جلال الظابط:هو انت معاك حد يا يوسف باشا
يوسف :اه دي خطيبتي
حنين:😳😳 خطيبتك . خطيبة مين
الظابط:والله الف مبروك طب كنت اعزمنا ولا احنا مش قد المقام
يوسف :لا ازاي متقولش كدة اصل الموضوع جه بسرعة في الفرح بقي ان شاء الله
السواق :ابوس ايدك يا يوسف باشا معلش انا والله ماكنت اعرفك حقك عليا حقك عليا يا ست هانم والله ماكنت اقصد
يوسف :امشي يالا وابقي احترم نفسك مع الزباين
حنين :ثانيه واحدة اتفضل خد اجرتك
يوسف :استني انتي . طلع يوسف فلوس خد اتفضل اجرتك واتكل بقي من هنا
لفت حنين علشان تمشي ويوسف كان بيسلم علي الظابط صاحبه ورجعلها بسرعة
يوسف:استني هنا انتي راحة فين. خليني اوصلك بقي بدل وجع القلب ده
حنين:وجع القلب ده انت اللي جبته بتصرفاتك دي مش انا وقولتلك قبل كدة مش حركب معاك وبعدين تعالي هنا هي مين دي اللي خطيبتك اتختبطلك امتي بقي في الحلم
يوسف:هههههه لا لسة بس يعني انا اقصد علي اعتبار ما سيكون
حنين:والله ومين قالك اني حوافق
يوسف :امممم مش عايز اقولك لا تزعلي وتقفشي عليا
حنين:بنرفزة . قصدك ايه
يوسف: بخبث . يعني اصل عنيكي قالتلي كل اللي انتي بتخبيه ومش عايزة تقوليه وعارف انها عايزاني
حنين: اتكسفت من نفسها اوي ووشها احمر . انت اكيد مجنون عن اذنك خليني امشي
بوسف:وهو مبتسم . خلاص خلاص حقك عليا بس والله انا بحبك وبحبك اوي كمان انتي بس اديني فرصة اقرب منك
حنين:انا ماشية وسع بقي
يوسف :اممم طيب تعالي اوقفلك تاكسي
حنين :نعم !. لا شكرا كفاية اللي حصل انا حركب لوحدي واوعي تمشي ورايا
يوسف:لا طبعا مش حسيبك وحركبك انا خطيبتي متمشيش كلامها عليا وكلمة كمان حشيلك واحطك في عربيتي واوصلك غصب عنك
حنين:لا انت فعلا مش طبيعي ايه اللي بتقولو ده خطيبت مين
يوسف:هاه قلت ايه كلمة كمان وحشيلك
حنين : امري لله وقف التاكس خليني اروح في يومك ده بس اوعي تشغل اغاني تاني فاهم
يوسف: امم موعدكيش اصل لما بشوفك ببقي عايز اسمع كل اغاني الحب اللي الدنيا
حنين:دارت وشها وهي بتضحك مش قادرة تمسك نفسها
يوسف:شوفتك علي فكرة . بس تعرفي عنيكي حلوة قوي وانتي بتضحكي . يلا تاكسي اهو ولوني بغير عليكي لما بتركبي مع حد غيري
حنين :ركبت التاكسي وهي بتبتسم
يوسف :ركب عربيته ومشي وراها تاني وبردوا شغل الكاست وسمعها الاغنية بردوا( لعمر دياب) ضحكت
(ضحكت يعني قلبها مال وخلاص الفرق مابنا اتشال . يالا ياقلبي رحلها يلا قولها كل اللي بيتقال مستني ايه بعد الضحكة دي الضحكة فاتحالك سكة)