رواية وجع الهمس الفصل التاسع 9 بقلم ميرفت سعيد
رواية وجع الهمس الجزء التاسع
رواية وجع الهمس البارت التاسع
رواية وجع الهمس الحلقة التاسعة
: بتحب مين ياابن*****
جميلة بصدمه: حازم
حازم بحده: ادخلي جوه
جميله : انت….
حازم قاطعها بغضب: جميلة ادخلي جوه
جميلة خافت ودخلت
حازم بغضب وغيره: كنت بتقول اي بقا
كمال بخوف من منظر حازم ولكن قال بخبث: بحبها اي اللي مش مفهوم في كلامي وبعدني انت مين
حازم : انا هقولك انا مين .. حازم قال كده وفضل يضر*ب في كمال لحد ما الجيران اتلمت عليهم وقدروا يخلصوا كمال من ايدين حازم وجميله برده طلعت
جميلة بدموع: يا حازم كفايه
حازم بغضب: انا مش قولت خليكي جوه
جميله بغضب : انت بتؤمرني ليه انت مالك ومالي اصلا اي اللي جابك
حازم بهمس مخيف: ادخلي جوه ياجميله بقولك ولينا كلام تاني مع بعض
جميله بعدت شويه ولكن مقفلتش الباب
حازم لكمال: اقسم بالله لو شوفتك تاني في حته هي موجوده فيها مش هخلي في وشك ملامح امشي …وزقه وفعلا كمال ما صدق انه سابه ومشي والجيران كل واحد دخل بيته وحازم دخل لجميله شقتها لقاها قاعده علي الكنبه بتعيط
حازم بهدوء: بتعيطي ليه
جميله : انت عايز مني اي شكلي انا اي دلوقتي قدام الجيران ها انت اصلا اي اللي جابك امشي
حازم : اي اللي جابني فا بصراحه مش عارفه..وبعدين كنت عايزاني ازاي اسكت وهو بيقولك بحبك
جميلة: وانت اي اللي مزعلك يعني مش انا كنت مجرد حاجه بتتسلي بيها عايز مني اي
حازم بحرج: جميلة ممكن نتكلم
جميله: لا و اطلع برا
حازم: جميلة
جميلة بدموع : حازم متنساش اننا دلوقتي في الشقه لوحدنا شكلنا مش حلو لو حد عرف واعتقد ان تقريبا العماره كلها عرفت هتخلي اي حد يتكلم عليا كلام وحش حرام عليك امشي بقا
حازم : مش همشي غير لما تسمعيني
جميلة وهي بتزقه: مش عايزه اسمع حاجه امشي امشي يا حازم امي زمانها جايه دلوقتي كفايه اللي هتسمعوا من الجيران لو سمحت امشي بقا كفايه مشاكل امشي وقته برا و قفلت الباب في وشه وفضلت تعيط علي اللي حصل
وحازم كان واقف برا بضيق وخنقه مش عارف يعمل اي مشي وفضل يلف بالعربيه وهو عايز يكلمها لازم يكلمها فتح تلفونه كان قفله علي متعرفش توصل له بقا مكالمات كتير منها رسايل
( حازم انت فين) ( حازم معني اي الكلام اللي قولته ده) ( حازم انت مش بتحبني مش قولت هتتقدم ليا) ( انت فين رد عليا)
حازم قال لنفسه بدموع: حبتها يا حازم…. بعد كل البنات اللي عرفتها ولعبت بيهم هي الوحيده اللي زعلت عليها اووي وندمت اني علمت فيها كده
وافتكر لما قالت له ( حازم متنساش اننا دلوقتي في الشقه لوحدنا شكلنا مش حلو لو حد عرف واعتقد ان تقريبا العماره كلها عرفت هتخلي اي حد يتكلم عليا كلام وحش حرام عليك امشي بقا )
حازم: محدش يقدر يقول عليكي نص كلمه ياجميله ده لو علي مو.تي
★**************★
عند همس بعد ما فهد قال لها الكلام ده سابها ومشي وهي فصلت قاعده خايفه مش عارفه تعمل اي فهد لو رجعها لباباها باباها اكيد مش هيسكت ولو فضلت مع فهد برده هيأذيها مش عارفه تعمل اي
همس : مفيش حل غير كده لازم ابعد لازم اخلص من جحيم الاتنين انا لو فضلت مع بابا او مع فهد الاتنين هيأذوني لازم امشي وابعد… همس قامت بسرعه ولمت هدومها وحطتهم في شنطه وخدت شويه فلوس كانو معاها وفعلا مشت
همس فضلت ماشيه عايزه تبعد عن البيت بحيث ان لو فهد رجع ميشوفهاش وقفت علشان تشاور لتاكسي لازم تسيب القاهره علشان لو فضلت فيها هيجيبوها فجأة بقت الي بيمسكها من ايدينا وبيشدها
همس : ااه انت مين
فهد: هششش
همس بخوف: فهد
فهد: مش عايز اسمع صوتك غير لما نطلع
همس : سبني علشان خاطري ابوس ايدك يافهد سبني
فهد: يلا يا همس
فهد اخد همس وطلعوا علي البيت
همس: فهد اما مأذتكش والله وما كنت هعملها انا لو كنت عايزه اعمل كده كنت عملت وخفت من تهديد بابا ليا بس والله ما عملتها لاني كنت خايفه تتأذي
فهد قرب منها وهي كانت بتبعد بخوف
فهد : بحبك
همس بصدمه: اي؟
فهد: اي بحبك اي الغريب
همس فضلت واقفه ساكته مش فاهمه حاجه
فهد: علفكره بقا انا عارف كل حاجه مامتك جت الله يرحمها قبل ما تموت و حكت ليا كل حاجه بعد ما مشت من عندك علطول مستنتش لتاني يوم
همس بصدمه: حكت لك
فهد: ايوه
همس: طب ليه عملت كده ليه خوفتني
فهد: بصراحه كنت عايزه اقرص ودنك خوفت كنت تسمعي كلام باباكي و تسلمي له الملف بس عرفت اني متجوز اجدع واجمل واحلي ست شوفتها عنيا
همس بفرحه من كلامه مكنتش مصدقه
همس: انت بتتكلم بجد
فهد : يعني ههزر معاكي
همس ببكاء: بس انا برده زعلانه منك اوووي انت عارف انا حسيت بأيه لما قولت ليا كده
فهد وهو بيحضنها: حقك عليا
همس حضنته وكانت فرحانه اووي ان فهد حبها وانه صدقها
فهد: ها لسه زعلانه
همس : لا ده انا ماصدقت … ثم قالت بخوف: طب وبابا؟؟
فهد بحرج مش عارف يقول كده ازاي: بصراحه كده ياهموس اقولك حاجه بس…
همس بقلق: في اي يافهد؟
فهد: بصراحه باباكي كان شغال مع ناس مش كويسه والناس دي كان شغلها شما.ل واتقبض عليهم وباباكي برده اتقبض عليه
شهق بصدمه خرجت من همس ودموعها نزلت بحزن علي باباها مهما عمل هيفضل باباها
فهد وهو بيمسح دموعها: همس اهدي ياعمري
همس: برغم كل اللي عملوا مش قادره اكره يافهد ده ابويا زعلان عليه اووي
فهد: محدش قالك اكرهيه ياعمري صدقيني اما لو عرفت انه اتغير فعلا وبقا كويس هجيب له احسن محامي
همس بحب: ربنا يخليك ليا
فهد: ويخليكي ليا ياعمري … همس
همس وهي فحصنه: امممم
فهد: انا قولتها ليكي.. وانتي؟
همس بحب وابتسامه: بعشقك ❤
فهد بسعاده:ايوه بقا وشلها ولف بيها
★**************★
عدا ايام كانت علي همس وفهد في منتهي السعاده فهد كان بيحاول يعوض همس علي اللي شافته وهمس كانت مبسوطه علي عوض ربنا علي كل السنين اللي شافتها
اما عند جميله وحازم جميله كانت قفله فونها وحبسها نفسها في البيت مش بتنزل خالص خايفه تشوفه مش عايزه اصلا تشوفه او تكلمه مامتها دخلت عليها
مامة جميلة دخلت عليها : وبعدين ياجميله هتفضلي حابسه نفسك كده
جميلة : لا لا انا كويسه بس حاسه اني عايزه افضل لوحدي بس مش عايزه انزل
مامة جميله : ماشي ياحبيبتي عندي ليكي بقا خبر هينسيكي اي زعل
جميلة: خبر اي؟؟
مامة جميلة بابتسامه: متقدم ليكي عريس
جميلة بحزن: مش موافقه ياماما
مامة جميله : ليه ياقلبي بتقولي كده
جميله: مش عايزه اتجوز عادي
مامة جميلة : لا مش عادي هو هييجي النهارده شوفيه وشوفيه معاه وانا متأكده انه هيعجبك وهيحصل نصيب هو جاي النهارده بليل يلا اجهزي كده
مامة جميلة خرجت وجميلة فضلت مكانها تفكر
جميلة لنفسها : هتوقفي حياتك عليه ولا اي ياجميله خلاص انسيه بقا امسحي صفحه من حياتك اسمها حازم وفكري في نفسك
وفعلا جه اليل والعريس جه وجميله لبست وخرجت اتقدمت له العصير ولكن اول ما شاافته العصير وقع من ايديها عليه
حازم وهو بيتنفض من مكانه: ياغبيه
جميلة : هو انت
ام جميله : معلش يابني اكيد مش قصدها
حازم : لا ولا يهمها تعمل اللي هي عيزاه
جميلة : انت بتعمل اي هنا
حازم : احم طب ممكن تسبينا لوحدنا شويه ياطنط
مامة جميلة : ماشي يابني انا هقعد قصادكم هنا
حازم: تمام…. مامة جميلة مشت
حازم: وحشتيني
جميلة : رد عليا انت بتعمل اي هنا… ثانيه واحده هو انت العريس
حازم: ماشاء الله طول عمرك ذكية.. ايوه انا
جميلة: وانا مش موافقه اتفضل برا
حازم : جميلة.. انا اسف
جميلة بسخريه: اسف علي اي
حازم: اعتبري اللي حصل ده محصلش صدقيني والله ما هيتكرر تاني انا كنت غب.ي انا بعترف علشان خاطري سامحيني.. جميلة انا بحبك
نظرت له جميله لفتره وبعد كده قالت : علفكره بقا انا اصلا محبتكش انا يعني كنت بتسلي
حازم : بترديها ليا يعني ماشي كده يبقا واحده بواحده صح يلا ثم قال بصوت عالي:المأذون ياطنط
جميلة بصدمه: واحده بواحده اي انت اتجننت
حازم: اي بقا ما خلاص
جميلة : لا طبعا انت فاكرها بالساهل ولا اي ده انا هطلع عينك
حازم: مش مشكله طلعي عيني وانتي مراتي عادي
جميلة : حازم لا
حازم: مفيش لا ياقلبي حازم خلاص هنزل انا وانتي ننقي الشبكه مع طنط وعلي يوم الخميس بالكتير نكون ملبسين الشبكه وكاتبين الكتاب انا متفق مع طنط علي كده بالكتير اووي
جميلة بخبث: امممم وطنك بقا عارفه اللي انت عملته
حازم بحرج: بصراحه لا انا قولت لها اننا كنا نعرف بعض وحبينا بعض بس حصل سوء تفاهم وانتي بعدتي وكده يعني
جميلة : كذاب يعني
حازم: كذبة بيضه يلا بقا ننزل ننقي الشبكه علي الخميس كده كتب الكتاب بأذن الله
جميلة: الخميس اللي هو امته
حازم بغمزه: بكرا ياروحي
جميلة : نعععم
حازم : يلا بقا روحي البسي واجهزي انتي وطنط
جميلة فضلا واقفه متنحه
حازم : يلا يابت
جميلة وهي ماشيه بت ما اتبتك مانا ماشيه اهو
حازم : جميله
جميله: نعم
حازم بصدق: بحبك ❤
جميلة بستفزاز وهي بتخرج لسانها له : وانا لا ومشت
حازم ضحك وفرح انها رجعت له وفعلا اخدها ونزلوا نقو الشبكه وجميله فضلت تعترض علي اي حاجه حازم يقولها وكل شويه تعمل مشكلة وهو مستحمل علشان عارف انها بتعمل كده علشان تنتق.م منه وفعلا جه تاني يوم كتبوا الكتاب واصبحت جميله فعلا مراته ❤
بالنسبه لكمال ده فاكان متفق مع احمد وشريف صحاب حازم علشان يخلوا حازم يغير ويعترف ل جميلة بحبه ولكن هو مكنش بيحبها
تمت..
لقراءة الرواية كاملة اضغط على : (رواية وجع الهمس)
