رواية وجع القلب الفصل السابع عشر 17 بقلم شروق مصطفى

رواية وجع القلب الجزء السابع عشر

رواية وجع القلب البارت السابع عشر

رواية وجع القلب الحلقة السابعة عشر

عدي اكتر من نص ساعه وهي داخل العمليات
الكل بالخارج متوتر في حاله قلق و رعب وخوف وخصوصا لما الباب اتفتح فجأه !!!!
(*كلهم جرو علي باب*)
وخرج الممرضين جري ورجعو تاني جري مع طبيبين اخرين واتقفل البااااب مره اخري !!!
كلهم في حاله رعب
الام : هو في ايه حد يطمنا بيجرو ليه بسرعه كده
بنتي بضيع مني اااه يابنتي اااااه وبتبكي وبتدعي لربنا
يارب مليش غيرها يارب 😭
حسام قرب لها متقلقيش مايا قويه وحتعدي منها
ونظر نظره مرعبه لصقر !
ورجع يطبطب عليها ويهون عليها
صقر فحاله صعبه جدا تايه خايف و مرعوب حيموت لو جرالها حاجه نفسه يروح لمامتها يطيب خاطرها لكن مش قادر حاسس انه
غير مرغوب به ونفس الوقت مش قادر يسيبها لازم يطمن عليها باعد عنهم ووقف علي جنب علي نار منتظر طلوع اي حد يطمن اتاخرت ليه (قرب ينهار)
مرت نص ساعه اخري طلع ممرضين ودكاترا كلهم مشو الا طبيب واحد انتظر يطمن اهل المريضه
طلعو يجرو عليه وصقر واقف جانبهم بيسمع كلام طبيب
الام ملهوفه علي بنتها : طمني يادكتور بنتي حصلها ايه ؟
الدكتور: اطمنو هي الحمدلله اعضائها الجسديه سليمه مفيهاش اي كسور ولا ضرر مجرد بعض الخدوش في وجهه اثر الوقعه علي الارض
الحمدلله ان العربيه فرملت في اخر وقت ماصطدمتهاش اصلا هي من كتر الصدمه رمت نفسها ع عربيه ووقعت ع الارض فقط
اعضاء الجسد سليمه كليا ****و
وسكت شويه ولسه حيكمل !!!! قطع كلامه الام
الام: الحمدلله الحمدلله يارب يعني يعني تقدر تمشي معانا انهارده
حسام قلق من سكوته: طيب سؤال بس اتاخرتو في عمليات ليه كل ده وكنتو بتجرو ليه طالما مفيش كسور ولا ضرر
الطبيب : ممكن اكمل كلامي
انا مخلصتش لسه بس انا في سؤال عايز اسأله لحضراتكم ؟؟في حاجه عاوز اوصلها
هل هي اتعرضت لأزمه نفسيه قبل كده !؟
حسام استغرب السؤال والام جاوبت :ايوه يا دكتور جالها شبه انهيار عصبي من فتره كده
حسام اتفأجا : انهيار !
الدكتور الصوره وضحت قدامه: بس كده انا فهمت
بصو ال حصل زي ماقولتلكو ان عربيه وقفت في اخر لحظه ماصطدمتهاش اصلا
لكن المريضه من اثر صدمه ال اتعرضتلها ؟ رافضه الواقع
بعد وقفت العربيه رمت نفسها ووقعت وفقدت الوعي فقدانها الوعي كان نتيجه انها اتعرضت لصدمه ما ال خلاها رافضه تعيش لكن الحمدلله عملنا
افاقه (صدمه كهريائيه) حاولنا كذا مره لحد ما فاقت
حسام والام مصدومين
حسام : طيب حالتها ايه دلوقتي ؟
الطبيب: هي فاقت وجسديا مفيش كسور لكن يستحسن ابعدوها عن اي انفعال نفسي او ضغط عليها ومتتكلموش في اي شئ يأثر علي نفسيتها هي محتاجه تفرح او تطلع من الضغط ال عاشته هي مضغوطه وده حتلاحظو لما تتكلمو معاها
الام: طيب يادكتور كنتو بتجرو ليه حصلها ايه جوه؟
الطبيب: زي ماقولت كانت رافضه الواقع رافضه انها تعيش عشان كده سالت ان كانت مرت بازمه نفسيه قبل كده وللاسف المره دي كانت اقوي من المره ال فاتت
وكانت حتروح مننا لكن الحمدلله انكتبلها عمر جديد
احنا عملنا انعاش لقلبها لانه توقف عن العمل
وقمنا بالافاقه (صدمات كهربائيه) وبكره حنعمل اشاعات وتحاليل عاوز اتاكد من حاجه كده !
شاكك فيها خصوصا الضعط واطي جدا وضربات قلبها سريعه
الام : شاكك في ايه طمني يا حبيبتي يابنتي انا السبب يارتني ما وافقت انك تروحي كان قلبها حاسس وقالتلي مش عاوزه تروح انا السبب اااااه
حسام قلق وقطع كلام الام واتكلم : شاكك في ايه يا دكتور ؟
الدكتور : اطمنو ده احتمال فقط ممكن يكون من اثر الصدمه الكهربائيه مش اكتر لكن حنعملو اطمئنان زياده
شاكك (في اشتباه جلطه في القلب) بس اطمنو ده احتمال فقط
الام مقدرتش وقعت من طولها لحقها حسام وسندها لحد الكرسي
الطبيب : تقدرو تدخلولها هي فايقه وزي ما نبهتكو ابعدوها عن اي انفعال وزعل اعملولها ال يبسطها ويفرحها خليها تنسا اي موقف عدي عليها ال وصلها للمرحله دي
ولو احتاجتو اي حاجه انا موجود فمكتبي بعد اذنكم ومشي
وكل ده وصقر زي الصنم مش مستوعب حاسس انه بيحلم مستني حد يفوقه من كابوس ده انا عملت كل ده كل ده بسببي انا انا عملت كل ده في حبيبتي و ضيعتها دي كانت بين ايديا وبتضحكلي وقالتلي واثقه فيك ااااااه😭*
*قلبه موجوع اوي علي حبيبته ال ضيعها بغباءه* اتحرك بالعافيه وطلع من المستشفي باكملها
نزل افتكر ان عربيته في كافيه سابها (هو اصلا مكنش قادر يسوق بس حب يختلي بنفسه) ركب تاكسي ووصله للمكان ال كانو فيه ودموعه موقفتش مش مصدق كل ده حصل في لحظه !!!!
ركب عربيته وقعد يفتكر اللحظات القليله ال مرت بينهم وهي فحضنه وهما بينظرو لعيون بعض ووقت ما اتكلمو عن تصميم الكافيه واندماجها في الكلام معاه وابتسامتها الجذابه غببببي غبببي انا غبببي وخبط ايده في ديركسيون كذا مره غبي اول مره تتكلم معايا وتفتح قلبها وتثق فيا غبي خذلتها لتاني مره اتسررعت في الحكم عليها
ليييييه كده ليييه ( انفعل وانهار)
حرك العربيه ونظر خلفه ولسه حيتحرك اصطدمت عنيه بتليفونها (وقت لما سحبه منها وقفله بعد ماقالت لحسام انها روحت) وقف العربيه ماتحركش و
مسكه وفاتحه وضحك 😏😄 يعني خسرتك عشان ده ضيعتك عشان ده طب اسمع بقا
كذبتها وكسرت قلبها وخذلتها مرتين عشان ده اسمع بقا وارتاح وبرد قلبك هو ده ال حيريحك كسرت قلبها عشان تصدق الحديده دي🙈
(صقر جاله انهيار تام بيبكي ويضحك نفس الوقت)
وفتح سجل التسجيلات وسمع وكانت الصدمه !!!!!
الصدمه ال لجمت لسانه منطقتش بعدها من هول الصدمه !!!!!
فتح ملفات تسجيل وسمع بترتيب :
تسجيل ١ : صوت راجل كبير الاب: انتي فين ياحبيبتي اتاخرتي ليه؟قربت اخلص حتصل بيك يابابا واتابع معاك…………….(خلصت مكالمه وبعدها تسجيل بصوتها مسجل)….انت فين واحشتني اوي وواحشني حضنك اوي و نفسي اشوفك (باقي مكالمه في فصل ٤)
تسجيل ٢: صباح الفل ياحبيبي انا حبيت اقولك اني بدور ع شغل مش عاوزه ماما تزعل مني ……كل يوم حكلمك احكيلك يومي واحشتني اوي (فصل٥)
تسجيل ٣: ازيك يابابا شوفت حصلي ايه انهارده شوفت من غيرك ناس بقت بتتكلم عليا وحش ازاي ومحدش واقف فظهري يدافع عني انا وحيده 😭 لقيت واحد معرفوش بيقولي انا رخيصه وانه مش حيرجعلي الشخص ال بكلمه وبعيط له وكلام وحش اوي اوي عليا انا مخنتش ثقتكم يابابا والله .معرفش جتب كلام ده منين ……… فصل ٦
تسجيل ٤:ازيك يابابا شوفت جالي عريس انهارده طيب ازاي افرح وانت مش موجود معايا انا بجد مش عاوزه دلوقتي وحاسه اني حظلمه معايا انا محتاجه وقت يابابا لوكنت لسه موجود كنت حسيت بيا ……مع سلامه فصل٧
تسجيل ٥: 😭 انا خايفه اوي يابابا مش عاوزاه ازاي حتجوزه وبيتكلم عليا كلام وحش اوي وماما مش مصدقاني انت مصدقني صح انا عارفه😭 لو كنت هنا كنت رافضه انا خايفه منه اوي يابابا ده عصبي اوي ومش قادره افهمه هو وجع قلبي بكلامه ال زي السم ده والله يابابا انا مظلومه ……………………..
.ونامت دمعتها ع خدها(فصل٩)
(صقر بيسمع مبطلش بكاء كأن سكينه غرزت فقلبه) وكمل
تسجيل ٦: انا عاوزه اجيلك مش عاوزه اقعد في الدنيا دي انا بموت بالبطئ انا تعبت اوي وخايفه اوي والله يابابا قولتله الحقيقه زعقلي جامد اوي😭 انا خايفه منه اوي اوي تعالي انقذني منه…….. (ملخص فصل ١١ ١٢ و١٣)
تسجيل ٧: الحمدلله يابابا باعد عني انا مرتاحه دلوقتي وحبدا افكر تاني في حعمله وادور علي شغل واخرج من حالتي
تسجيل ٨:انا انهارده مبسوطه اوي يابابا لقيت اخواتي وصحابي ولقيت نفسي معاهم وبدات الشغل الحمدلله عديت الفتره الصعبه دي بفضلهم …… ١٤ ،١٥
تسجيل ٩: باركلي يابابا جبت عربيه ال كان نفسي فيها وحسام حيبدا يعلمني السواقه انا فرحانه اوي اوي ….١٦،١٧
(صقر مازال يسمع تسجيلات)
بيتكلم بصوت عالي:
اااااااه غبي غبي ظلمتها وجيت عليها ورعبتها وخوفتها مني اااااه بدل ماكنت طبطبت عليها واحتويتها واحسسها بالامان وابقا السند ليها وظهرها بقيت ليها مصدر خوف وشك وظلم انا ظلمتها اوي اوي
اسمع ياغبي اسمع كمان اسمع
وكمل باقي تسجيلات
تسجيل١٠ :حبيبي واحشتني اوي عاوزه اقولك علي صدمه و مفأجاه فنفس الوقت
رجع تاني الشخص ال بيطاردني بس شكله مكنش باعد لانه رجع في شغل معانا انا شوفته خفت اوي وهو زي ماهو عصبي وشكاك دي الصدمه،
اما المفاجاه مش متوقعه ابدا
نيرمين نبهتني لحاجه مهمه جدا انا مكنتش حقولها لانها خصوصياتي لكن قولتلها هي عشان نشوف الحقيقه فقط
(اتنهدت) عرفت انه ممكن الشخص ده سامعني وانا بكلمك يابابا وبقولك ارجعلي واحشتيني تخيل انا اتصدمت برده اكيد هو سمعني اكيد افتكر بكلم واحد تاني
انا انهارده مبسوطه جدا وقلبي دق اوووي مش عارفه ليه بس انا حديله فرصه ثانيه وحفتح له قلبي وحثق فيه المره دي يا بابا وافهمه سوء الفهم ده اكيد حيفرح اكيد انا منتظره الوقت مناسب واكلمه وانا عذرته علي كل عامله معايا لانه شكله بيحبني اوي وانا نفسي اعيش قصه حب واحب واتحب زي باقي البنات وافرح
بس انا حخليه يغير شويه كده صغيرين عليا لانه شاكك فحسام اني بعلاقه معاه مايعرفش ان حسام ده ال مربيني واني بنته واخته انا بقا حخليه يلف حولين نفسه الاول وبعد كده افهمه اني كنت بكلمك انت ياحبيبي …………. اخر تسجيل سمعه
حط تليفون ناحيه قلبه (فجيبه) ومسك قلبه بايديه وعصر ايديه🤛 جامد مش قادر يتكلم
دور عربيته وترك المكان كله وصل عند حمزه البيت بالعافيه مش قادر يتحرك
وقعد يخبط يخبط
حمزه قام من نوم مفزوع: مين مين
صقر مش قادر يتكلم طاقته نفذت
وكان محمل نفسه و تقله علي باب :اااانا
حمزه مجرد مافتح الباب الشقه : صقر اترمي قدامه لكن لحقه حمزه قبل مايوقع وسنده لحد الكنبه القريبه
حمزه اول مره يشوف صاحبه فحاله دي : صقر صقر مالك فيك ايه يا صاحبي انت مش بترد ليه
خبط علي وشه
*صقر في دنيا تانيه غاب عن الوعي*
قام حمزه جاب له برفن وبيحاول يفوقه مالك يا صاحبي بدا يفوق شويه
حمزه حس انه مولع نار
:اعمل ايه دلوقتي الوقت متاخر اوي
راح عامله كمدات لكن مفيش فايده وعمال يخضرف فكلام ؛: ماتسبنيش محتاجك جانبي مايا مايا
يسكت ويتكلم تاني: ظلمتك سامحيني
بحبك ندمان
ندمان
اسف حقك عليا اديني فرصه واحده بس
حمزه : هو في ايه يا صاحبي مايا مين بس طب تعالي حدخلك تحت الدش
تعالي ساعدني بس
مشا معاه ودخله بهدومه تحت مياه بارده وسابه خمس دقايق وطلعه.
حمزه: خد دول اللبسهم عقبال ما اجيبلك دوا
رجع لاقاه لبس ونايم صحاه عطاله دوا وسابه ينام
وطلع وسابه بيكلم نفسه: مالك يا صاحبي ايه حاله ال وصلتلها دي ومين مايا ! ال ظلمتها دي !!
في المستشفي
دخل كل من حسام ومديحه وجدوها نايمه ومفتحه عنيها بتنظر للسقف سرحانه وعيونها بتدمع 🥺
مامتها قعدت جانبها ومسكت ايديها وباستها حبيبتي يابنتي كده خضتيني عليكي وبتعيط علي حالتها مقدرتش تمسك نفسها قدامها
حسام تتدخل مش عاوز مايا تنفعل زي ما الدكتور قال: هي عاوزه تختبرنا بس يا امي عشان نشوف غلاوتها عندنا اطمني انتي غاليه علينا يا ست مايا وضحك
مايا انتبهت لهم و مسحت دموعها مش عاوزه حد يشوف كسرتها وضعفها حتبان قويه قدامهم
مايا ابتسمت ابتسامه رقيقه عشان تطمن امها :متقلقيش يا امي انا كويسه وكويسه جدا كمان
وكلمت حسام : انا حاسه اني كويسه انا عاوزه امشي مش بحب قعده مستشفيات دي
حسام: انتي عارفه مستشفيات لازم تحاليل وجو كده بكره حخلي دكتور يكتبلك علي خروج
مايا بتكلم والدتها : مالك يا ماما شكلك مش مريحني هو دكتور قالكو في حاجه ولا ايه
مديحه: لا والله دكتور طمنا بس انا من خضه عليكي بس الحمدلله انك وسطينا
مايا: ماما انا عاوزه اطلع من هنا علي بيتنا مش عاوزه ارجع هنا تاني ممكن
حسام تتدخل حب يخرجها من الحاله ال فيها: ياريت ياستي دي نيرمين قرفاني خلي مايا تنزل مفيش وقت ع الفرح
كل يوم بتزن خليها تيجي اديها اجازه بقا عاوزاها تنزل تشتري حجات معايا روحيلها بقا عشان اتخنقت منها ههههه
وافرحي ياستي حديلك اجازه بس لحد الفرح بس خلي بالك !
مايا ابتسمت: موافقه دي واحشتني اوي
ماما انا تعبانه عاوزه انا مش قادره جسمي متكسر اوي
مديحه: نامي يا حبيبتي وانا قعده جانبك لو احتاجتيلي
(ونامت مايا وراحت في النوم)
مديحه:روح انت يابني انت تعبت انهارده ووراك شفل كمان
حسام: انا مش تعبان يا امي
طيب تعالي معايا لان كده كده هي نايمه ومش حتصحي دلوقتي
مديحه : ازاي امشي واسيبها لا طبعا
حسام : احنا حنيجي تاني انا قصدي
تروحي تجيبلها غيارين طالما حتقعد فالمستشفي يومين مش حينفع تقعد بالفستان ده وهدوم مستشفي الجو برد اوي عليها
مديحه: عندك حق يابني
طيب تعالي نروح بسرعه قبل ما تفوق وماتلقيناش
حسام: يلا
ومشو لاحضار ملابس خاصه ل مايا وخرجو من باب المستشفي *****
فنفس التوقيت صقر وصل المستشفي وشاهد خروج كل من مديحه وحسام
قبلها ببعض الوقت
صقر فاق وقام من النوم مفزوع نظر حواليه واستعاد نفسه واستوعب انه في منزل حمزه افتكر كل مر به
قام قعد يدور علي ملابسه مش لاقيها دخل اوضه حمزه يدور علي اي حاجه يلبسها
حمزه حس به: صقر انت صحيت امتي انت كويس بدور علي ايه قولي
صقر منفعل عاوز يلبس وينزل بسرعه يطمن عليها حس انه اتاخر اوي عليها : فين هدومي (وبيدور)
فين
حمزه : اهدي اهدي عاوز هدومك ليه حتروح فين انت مش شايف نفسك انت تعبان ازاي
(ومسكه بيبعدو عن الدولاب ويقعدو)
صقر انفعل اكتر: سبني (وزقه بعيد) انا لازم انزل حالا لازم اروحلها
حمزه مش فاهم حاجه: طبب اهدي اهدي طيب هدومك مبلوله البس اي حاجه من عندي
انت حتسوق ازاي بحالتك دي انا جاي معاك
ولبسو ونزلو سوا ووصلو المستشفي
انتظر خروج حسام والام من باب المستشفي وركوبهم السياره ورحلو
ودخل هو وحمزه
حمزه انتظر بالخارج ودخل صقر عندها
لاقاها نايمه واقف جانبها ونزلت منه دموع الندم : وبيمسح بايديه براحه علي شعرها سامحيني انا اسف و ظلمتك واساءت الظن فيكي انا عمري ماحسامح نفسي علي كل ال عملته فيكي ارجوكي بس اديني فرصه واحده بس فرصه واحده وحتشوفي بنفسك انا حعمل ايه !
( شاف حركه عنيها وهي مغمضه بتتحرك عرف انها صاحيه و سمعت كل كلامه وكمل)
انا عارف انك صاحيه وسمعاني والله بحبك ومصدقك وواثق فيكي
انا حعمل المستحيل عشانك عشان ترجعي تثقي فيا تاني
و اعملي ال انتي عاوزاه فيا بس ارجعيل****انقطع كلامه فتح الباب فجأه ودخول ***
(مايا مكنتش نايمه وكانت حاسه به من اول لمس شعرها لكن رافضه تفتح عينيها مش قادره تشوفه حتي) !
عند حسام وصلو البيت :
انا حسيبك تريحي شويه و تحضري هدومها وحعدي عليكي تاني حكلمك وانا جاي بس مستشفي طلبتني ومحتجاني ضروري دلوقتي في حسابات فانا حرجعلهم لان بيقفلو حسابات باليوم
مديحه :ماشي يابني تعبينك معانا
حسام : مفيش تعب ولا حاجه بعد اذنك
ومشي رجع المستشفي
خلص الاجراءات ودفع مبلغ تحت الحساب وطلع فوق يبص عليها و يطمن عليها وخبط خبطه خفيفه قال حيطمن عليها ويمشي
وفتح الباب ودخل وكانت المفأجاه
حسام وقف وصقر وقف قصاده
حسام : انت انت ليك عين تيجي هنا تاني
صقر : انا عارف انت شايفني ايه دلوقتي ممكن نقعد بره ونتكلم محتاج اتكلم معاك مش حينفع هنا(ولف وشه لورا لعندها لانها صاحيه وحاسه بهم )
حسام اخد باله من الحركه دي وبص عليها لاقاها فعلا صاحيه لكن مغمضه عنيها فهزله راسه بمعني يلا نطلع بره
وطلع بره هو وحسام
حسام بانفعال : انت ايه جابك هنا انت معندكش دم مش شايف حالتها عامله ازاي ! بسببك
مش متقبله تشوفك حتي انت ايه ابعد عنها بقا
صقر لسه تعبان ومكنش قادر يوقف : تعالي نقعد طيب في اي مكان ارجوك محتاج اتكلم معاك
كل ده وحمزه واقف وسطهم مش فاهم حاجه
وايه علاقه صقر ب مايا اصلا
مشو الثلاثه وراحو قعدو في كافيه جنب مستشفي
صقر بدا كلامه : حسام صدقني انا مقدرش اعيش من غيرها انا ممكن اموت لو باعد عنها صدقني
انا ندمان وعمري ما حسامح نفسي علي كل دقيقه مرت وانا ظالمها
ومستعد اعمل المستحيل عشان ترجع تثق فيا تاني انا محتاج مساعدتك
ساعدني ارجوك مايا ترجعلي تاني حعمل المستحيل والله
حمزه تتدخل فهم بعض كلام :انت قصدك ايه بظلمتها اوعي تكون البنت ال كلمتني عنها وكنت عاوز تخطبها هي تكون مايا
صقر هز راسه بمعني اه هي نفس البنت
(((حمزه ضرب ايديه ع دماغه انه كان فاهم غلط اصلا هو مش عارف ايه وصل مايا فمستشفي وايه الحاله ال وصلت ليها لكن فهم ان في ظلما وندم وانه عاوز يرجعلها تاني))) فتدخل بعد كلام صقر لحسام: يعني افهم من كلامك انك بتحبها
صقر : اقسم بالله بعشقها ومستعد اعمل المستحيل عشان تسامحني
حسام: للاسف جيت متاخر
حمزه: ليه بس متاخر طيب هي بتحبه
حسام رد عليه: مسبلهاش فرصه عشان تحبه
واحده كانت مستنيه في شريك حياتها الصديق والحبيب والاب قبل الزوج لاقت شك
مستنيه امان لاقت عصبيه
مستنيه حنان لاقت عنف
مستني ايه بعد كل ده عاوز ترجعلها تاني عشان بجد تموتها المره دي صح
انت اكيد سمعت من دكتور انها رافضت تعيش وانهم عملولها انعاش
عاوز تموتها تاني صح.
حمزه اتفأجا بالحاله ال وصلتلها مايا بسبب صاحبه
صقر اتكلم بندم اكتر: فهمت متاخر اوووي والله حعمل ال فوسعي عشان افرحها بس وارجع ابتسامتها تاني اديني فرصه بس وحثبتلك
بس ارجوك انا محتاجك تساعدني ارجعها تاني والله محدش حيحبها زيي
انا لو باعد عنها حنتهي بجد
خلص جملته وجسمه رخي ووشه اتغير
حمزه لاقي صقر بيتكلم وبينهج هو عارف انه تعبان لسه ولاقي انفعالاته وسكونه : صقر كفايا اهدي شويه انت لسه تعبان صقر تعالي نطلع ع مستشفي يكشفو عليك انت مولع نار صقر صقر
(كان صقر جسمه رخي وسند راسه ع الطاوله واغمي عليه)
حسام اتفأجا : ماله فيه ايه
حمزه : مش وقت كلام يلا بسرعه نرجع مستشفي بسرعه نكشف عليه
وساندو كلا من حمزه وحسام ودخلو مستشفي
((الكافيه جنب مستشفي))
دخل الطوارئ بسرعه
وقف حمزه وحسام بالخارج
حمزه بيتكلم مع حسام : حياه صاحبي متوقفه عليك انت بايديك تحييه وبايدك تموته البنت دي من اول ما شافها وهو حياته اتغيرت تماما هو بيحبها بجد صاحبي اول مره يدق قلبه
اديله فرصه وساعده يرجعلها
حسام: مايا دي بنتي قبل ماتكون اختي من بعد باباها اتوفي وهي مكسوره كانت مستنيه تتسند علي حد لكن للاسف هو خذلها
انا شوفت في عينه حبه ليها وانا ال شجعتها تكلمه وتبين له سوء الفهم عشان يكونو سوا بقا وتفرح وتنبسط لكن طلعت غلطان مصدقهاش ووصلها للحاله دي
ازاي ححاول اقنعها تاني تثق فيه ازاي
حمزه: هو ندمان وحس بغلطه اديله فرصه واحده بس لو فضل زي ماهو انا ال حقولك كفايه ابعده عنها انت ماشفتش الحاله ال جالي بها كان منهار فعلا اول مره اشوفه بالحاله دي
الدكتور طلع من غرفه الطوارئ
حمزه: خير يادكتور طمنا ماله
الدكتور: مجهد زياده وحرارته عاليه جدا
اخد ابره خافض الحراره ومحتاج راحه ومحتاج الحراره تنزل ضروري لازم تدخلو تحت مياه بارده كل اربع ساعات لحد ماتنزل الحراره
تقدرو تدخلو تشوفو هو فاق وممكن تخدو وتمشو كمان
دخلو ولاقو لسه حيقوم من مكانه حسام اتكلم : انا موافق اساعدك
حمزه : وانا ونيرمين حنساعدك برده
صقر قام واقف بالعافيه لانه مازال دايخ: وقف وابتسم وحس انه في امل ولو بسيط
وراح لحسام وحضنه : انا متشكر جدا جدا بجد انا عمري ما حنسالك الموقف ده ابدا
حمزه تتدخل حب يلطف الجو: وانا مليش نصيب يعني في الحضن ده ولا ده انا حتي محروم من الحضن دانا كمان حساعدك برده صقر ساب حسام وحضن حمزه انت اخويا وصاحبي ربنا مايحرمنيش منكو ابدا
(واتفقو الاثنين علي مساعده هذا الصقر وهذه المايا )
وانتظرو محاولات صقر للرجوع لمايا مره اخري💃