رواية وجع القلب الفصل الثاني والعشرون 22 بقلم شروق مصطفى
رواية وجع القلب الجزء الثاني والعشرون
رواية وجع القلب البارت الثاني والعشرون
رواية وجع القلب الحلقة الثانية والعشرون
صقر ساكت طول الطريق منطقش سامعها بتتكلم وبتنادي عليه وسرحان وفي دماغه الف سيناريو وسيناريو
تخيل انهم شدو جامد واتعصب عليها وزعق وهي انهارت وجرت منه داخل العماره وشافها وهي واقفه مطلعتش وباعد شويه عن البيت لاقاها نزلت تاني لوحدها بتمشي وتبكي فالطريق وتخيل انه لو مكنش شافها
كانت نزلت لوحدها وحصل لها ايه حاجه كان وقتها ندم ندم عمره
لكن نفض الافكار دي كلها واخد نفس طويل وخرجه وحينفذ ال فدماغه لكن بوقته !
ورد عليها
صقر : نعم يا حبيبتي بتكلميني
عند مايا
طيب اقوله ايه انا مش عاوزاه يضايق مني :صقر
مردش ! واخدت وقت ونادت تاني !
مايا:صقر
صقر: نعم يا حبيبتي بتكلميني !
مايا: انت مش مضايق مني صح
صقر اخد نفس: ده شئ يرجعلك انتي يا حبيبتي انا عاوز اريحك مش اكتر
مايا : طيب مش بترد عليا ليه في الاولو مشينا ليه بدري من كافيه مره واحده
صقر ابتسم لها : معلش سرحت شويه بفكر حنروح فين ولا مش عاوزه تتفسحي
مايا اخدت نفس وحمدت ربنا انه مزعلش : اكيد طبعا حتودينا فين بقا
صقر : انتي نفسك تروحي فين
مايا: امممم نفسي اروح الملاهي واكل ايس كريم و وادخل السينما في فيلم جديد نفسي اشوفه و**
صقر ضحك عليها :ههههههه ايه كل ده وايه كمان قولي قولي بهزر طيب ايه رايك نروح نركب يخت زي المره ال فاتت
مايا : الله ياريت بجد ده كان يوم جميل جدا جدا وانبسط جدا
صقر : يبقا يلا بينا
وذهبو لتقضيه باقي اليوم في اليخت وراحو سينما واتغدو ورجعها البيت بليل
مايا قبل ماتسيب صقر وتطلع : بجد مبسوطه اووي انهارده كان يوم جميل جدا والاهم انك معايا فيه وياريت متكونش اضايقت مني
صقر: وانا كمان نفسي افضل معاكي وعنري ما ازعل منك
حكلمك اول ما اروح
مايا : ماشي سلام
صقر : سلام
وطلعت ورجع صقر البيت واتكلمو شويه وهزرو ونامو
تاني يوم صقر كلم حسام
صقر : ازيك اصاحبي عامل ايه
حسام: اهلا بعريسنا مبروووووك معلش مجتش فرصه اباركلك
صقر : ولا يهمك يا حبيبي بقولك فاضي بعد الشغل اجي اقابلك في موضوع كده عاوز اكلمك فيه
حسام : افضالك يا باشا وبعدين ماتجيش انا ال حجي عشان عربيه مايا عندي وكنت قايلها اني حجبهالها فكنت حجي اوصلهالها لحد البيت
لو كده اعدي عليك ونقعد في اي مكان
صقر : تمام ماشي
حسام : خلاص حكلمك اول ما اوصل
صقر تمام حبيبي مع السلامه
وقفل وعمل مكالمه ل مايا
صباح الورد حبيبي
مايا: صباح الفل يا عمري
صقر: عارفه لو كنتي قدامي دلوقتي كنت عملتلك ايه
مايا: اممممم ايه ولا تقدر تعمل حاجه هههههه حهرب كالعاده
صقر : كل حياتك هروب كده
مايا: بهرب في حجات حجات في الحجات ال مش بتعجبني بس
صقر : انتي اهربي وانا حخطفك راكبين علي بعض صح
مايا ههههه : تصدق فعلا
حتعمل ايه انهارده
صقر : حروح الشركه شويه اخلص بعض اوراق واشوف العمال في الموقع اتابع معاهم وارجع علي الشركه تاني
مايا : تمام انا انهارده حخرج شويه كده انا وماما رايحين مشوار
صقر : مشوار ايه ؟
مايا : حنروح نزور بابا
صقر : لوحدكم !
مايا :اه فيها حاجه
صقر : لا طبعا ماترحوش لوحدكم
مايا : مش حنتخطف متقلقش هههههه
صقر : بتكلم بجد استني اخلص شغل في الشركه علي السريع وانا رايح الموقع اروح معاكم وبعدين اروح ع الموقع
مايا : مش عاوزين نتعبك
انا مستنيه حسام يجيبلي عربيتي من هناك لاني محتجاها اوي مش عارفه اتحرك من غيرها
صقر : انتي تعرفي تسوقي اصلا
مايا : امال شرياها اللعب بيها اكيد بعرف وبعدين حسام علمني اول ما اشتريتها مره ف متقلقش افتكرت يعني حعرف ان شاء الله
صقر : انتي بتستعبطي يا مايا عاوزه تركبي عربيه وتسوقي لوحدك من مره واحده بس
مايا : يابني انا كنت بعرف اسوق من زمان بس كنت محتاج افتكر وحسام فكرني خلاص
صقر نفخ :حسام حسام هو مفيش غيره ال فكرك يعني من المره دي
مايا حست انه غيران من حسام انه هو ال علمها مره : اممم غيران يا بيبي
طيب ايه رايك علمني انت كمان
صقر : افكر 🤨
مايا : والله 🤨
طيب خلاص فكر براحتك انا حخلي حسام لما يجبلي العربيه انتهز انه هنا وحنزل يعلمني تاني🤨
صقر : علي الله والله انا ال حعلمك بس فاهمه
مايا مقدرتش تمسك نفسها : ههههههههه ما كان من الاول
صقر : اضحكي اضحكي
اما اشوفك بس !
مايا : افكر
صقر : بتردهالي
مايا :ايون 😂
صقر : طيب يلا انا وصلت الشركه اجهزو انتو وانا حخلص بعض الاوراق واكلمك اقولك اني جايلكو..
مايا : حاضر
مع السلامه
وقفلت راحت لمامتها تبلغها تجهز نفسها
وعدي ساعه وصقر وصل واخدهم وراحو كلهم زياره والدها في المقابر
قعدو شويه ورجعهم البيت تاني
مديحه : تعبناك يا بني معانا
صقر: مفيش تعب يا امي تعبك راحه
مديحه :شكرا يا حبيبي طيب اطلع شويه
صقر : معلش ورايا شغل لازم اخلصه حجي مره تانيه
مديحه : طيب يابني مع السلامه يلا يا مايا
مايا : مع السلامه .
صقر” بعتلها السلام وقالها حكلمك
ورجع تاني للشغل لحد ما حسام كلمه قاله انا فطريق حروح بس اوصل العربيه ل مايا واجيلك
صقر : بص بلاش مايا الاول عدي عليا انا الاول وبعد ما نخلص نودي العربيه ل مايا بعد كده
حسام : تمام ماشي قدامي عشر دقايق واوصل تحب نتقابل فين
صقر قاله علي اسم كافيه : انا حستناك هناك
حسام : تمام
حسام وصل الكافيه لاقي صقر مستنيه وقفو سلمو علي بعض وقعدو
حسام :خير يا صاحبي في مشكله في الشغل ولا ايه قلقتني
صقر : لا موضوع بعيد عن الشغل،تمام
حساب مستغرب مقابلته ومش للشغل كمان اكيد مايا : امال !
صقر : مايا مكلمتكش في حاجه امبارح او انهارده
حسام اتاكد ان في حاجه : لا مايا اخر يوم شوفتها يوم ما جات المكتب ومقعدتش كمان مشيت علي طول خير في مشكله بينكو.
صقر : مش مشكله بظبط لكن مستغرب رده فعلها وقولت اسألك ؟
اتكلمت معاها انها تسيب الشغل عاما ولما لاقيت ترددها !
قولتلها اشتغلي عندي ولو محرجه من حسام اكلمه انا !
كان رد فعلها غريب جدا واسبابها مش مقنعه خالص
حسام : والله قلبي حاسس ويوم ما جت اتفاجأت بوجودها قولت اكيد مش حتوافق تكمل عندي في الشغل
حسام فهم ليه عملت كده وقعد يضحك كتير 😂: هاهاهاهاها والله مايا دي الله يكون فعونك بجد
صقر استغرب ضحكه مش فاهم حاجه : بتضحك ليه يابني مش فاهم حاجه
حسام : بص يا سيدي مايا اشترت العربيه دي قسط وبتدفع الاقساط من مرتبها وبتتحصل تلقائى كل شهر فاكيد عشان كده رفضت تسيب الشغل واكيد مرضتش انت تكلمني عشان مقولش طبعا وانا اتوصيت ههههههههه
صقر سرح :اممممم عشان كده بس ماشي يا مايا ده سبب عادي مكبره موضوع ليه منا قولتلها اشتغلي معايا !
ورفضت
حسام: اكيد اتحرجت منك تشتغل معاك ومرتب وكده مايا من ناحيه ماديات بتتحرج جدا دا انا يومها ال اقترحت عليها وحاولنا انا ونيرمين معاها لحد ما وافقت كانت حتقسط للمعرض وانت عارف فوايدهم
انا دفعت لها حق العربيه وقولت تقسطه من مرتبها براحتها
صقر:كلام زي الفل لكن انا مبقتش غريب دلوقتي
صقر : هي كم ثمن العربيه كلها ؟
*حسام قال علي المبلغ*
صقر طلع دفتر شيكات: تمام اوي كده امسك الشيك ده وكده يبقاخلاص ولا ايه !
حسام:اه كده خلاص الورق كله معاها اصلا
صقر : تمام وعاوزك لما تيجي تستلم الشغل من اول الاسبوع الجاي تعمل ال حقولك عليه كالاتي*******؟
حسام مكنش حابب الفكره: بس كده حتزعل مني انا
صقر : متقلقش حتصرف انا
حسام: طيب اروح اوصلها العربيه عاوز مني حاجه تاني
صقر : لا بس ماتتكلمش معاها في حاجه تمام
حسام : تمام سلام
وصل حسام تحت بيتها وكلمها يشوفها فين
مايا: اطلع يا حسام ماما عاوزه تسلم عليك
حسام :حجي لها مره تانيه والله مشغول يدوبك حرجع عشان الشغل سلميلي عليها انتي بس وانزلي خدي مفاتيح بسرعه
مايا : حاضر حاضر سلام
ونزلت وسلمت عليه واستلمت مفاتيح
وحسام عشان متكلموش فحاجه عمل نفسه مستعجل ومشي بسرعه
حسام :مفاتيحك اهي وعربيتك اهي سلام عشان مستعجل اطير انا واتحرك قبل ماتكلمه
مايا: طيب ااا ا مشي بسرعه ليه كده ملحقتش اكلمه حتي وتممت علي العربيه وغطيتها وطلعت
وكانت هلكانه من مشوار الصبح واستنت مكالمته واتكلمو ونامت
رجع صقر البيت وسرح مع نفسه شويه وابتسم ماشي يا مايا بقا هو ده السبب رفضك اممم بس لازم انتي برده ال تقوليلي بنفسك بقا مكسوفه مني انا
اه لو تعرفي انتي ايه بالنسبه ليا بس ماشي بكره حتعرفيني واتصل عليها واتكلمو شويه ونام
وخلال الثلاث الايام صقر بعد الشغل بينزل يعلمها في العربيه شويه مع ضحك وهزار وتقربو لبعض اكتر
لحد ما ابتدت تسوق لوحدها وصقر شاف سواقتها كويسه اطمن عليها
واتفقت معاه انها حتروح الشغل من اول بكره وحتروح لوحدها بالعربيه
وصقر : طيب كلميني قبل ماتنزلي برده
مايا : تمام ماشي يلا سلام وسابته
وطلعت
وكلمت نيرمين اطمنت عليها وعلي احوالها ومبسوطه جدا فحياتها الجديده
وكل شئ مستقر الي ان جاء يوم نزول مايا العمل
قبل ماتنزل
كلمت صقر مش بيرد
مايا : خلاص بقا انا كنت قايلاله من بليل كده كده
ونزلت راحت الشغل عند حسام اول مادخلت مكتبها اتفاجأت !!
بوجود واحده تانيه علي مكتبها
مايا: انتي مين
البنت: حضرتك عاوزه مين انا السكرتيره الجديده ايه خدمه !
مايا هو لحق يجيب سكيرتيره جديده
مايا للبنت :ممكن ادخل لاستاذ حسام
البنت : ثانيه واحده حبلغه
وعملت مكالمه واذنلها بدخولها
البنت: اتفضلي
دخلت مايا مش فاهمه حاجه
حسام وقف : اهلا اهلا مايا ازيك عامله ايه اتفضلي
مايا بتشاور للباب : مين ال بره دي
حسام عمل حاجه في تليفونه من غير ما مايا تاخد بالها !
حسام : مايا انا مش عارف اجبهالك ازاي بجد انا كان عندي ازمه في الشغل كبيره جدا واضطريت اطلب سكرتيره جديده والدي رشحهالي وجت من ثلاث ايام
لكن اول ما حلاقي*****
قطع كلامه جرس تليفون السكرتيره بتبلغه بدخول شخص ما ! تمام خليه يدخل
بعد قليل خبط علي باب
حسام : ادخل
ودخل صقر
كل ده ومايا مندهشه وساكته ملاحقتش ترد علي حسام ولقت صقر امامها لحد ما استوعبت نفسها وبتحاول تفهم الوضع ايه؟
حسام : صقر خير في ايه السكرتيره بره قالت انك عاوزني في حاجه مهمه خير
صقر : مايا انتي هنا امال مين ال بره دي بتعمل ايه !!
حسام : انتو مش جايين مع بعض !
صقر : لا انا كنت في الموقع من بدري العمال كلموني في مشكله في المعدات كنت جايلك تحلها لان الشغل واقف هناك ومتعطل
حسام : حكلملك المهندس المختص ويتواصل معاهم
وكمل صقر مندهش :
مالك يا مايا في ايه
وجه كلامه لحسام : مالها يا حسام انا جيت قولت حشوف مايا لكن ملاقتهاش ولاقيت واحده تانيه في ايه حد يرد عليا
حسام : انا اسف بجد والله ياصقر اضطريت اوظف حد مكان مايا في غيابها لان كان عندي مشكله
لكن انا كنت لسه حقولها اول ما المكان يكون فاضي حكلمها ع طول
ها يا مايا قولتي ايه
صقر : تقول ايه في ايه بظبط ! مايا مكانها عندي في الشركه ومن دلوقتي كمان
ماتتكلمي يا مايا !
مايا حست انها في فيلم هندي بيكلمو وبيردو علي نفسهم واضايقت من موقف حسام اوي ونفس الوقت حسمت الموضوع
مايا : ماتتعبش نفس يا حسام مفيش اي مشكله
حسام : يعني مش زعلانه مني بجد
مايا : اكيد لا الشغل مفيهوش زعل
و كل واحد بياخد نصيبه
بس في حاجه كده (وطلعت من جيبها مفاتيح العربيه وسابتها علي المكتب):
خليها معاك وقت ما اكون مستعده حخدها منك تاني
بعد اذنك ومشت طلعت بره الشركه كلها وصقر راح وراها وبينادي عليها استني يا مايا تعالي اركبي معايا
وركبت جانبه وساكته مش عاوزه تتكلم
( رن تليفون صقر كان حسام
رد عليه صقر ومكنش مبين انه حسام ال بيتكلمه)
شوفت مش قولتلك حتزعل مني واهي سابت العربيه كلها كمان اتصرف يا صقر لوسمحت انت السبب فكل ده انا مكنتش موافق من الاول
صقر:حاضر حاضر حتصرف سلام دلوقتي
صقر اخد نفس وخرجه
صقر : مالك يا مايا ساكته ليه اتكلمي
مايا متزعليش من حسام اكيد كان مضطر يعمل كده مش بمزاجه وانا يا ستي محتاجك معايا فعلا في الشركه
ولو تحبي من دلوقتي كمان انتي بقيتي مساعدتي الخاصه خلاص
مايا اتنهدت: شكرا ياصقر بجد لكن مش محتاجه اشتغل في الفتره الحاليه خلاص وسكتت
صقر مصمم برده انها تحكي له كل شئ وماتخبيش عليه حاجه :انتي ليه سيبتيله مفاتيح العربيه منه وقولتيي مش محتجاها خلاص في ايه مايا
اتكلمي يا مايا
مايا اتنهدت :
مايا : مش زعلانه من حسام بجد والله ياصقر عادي كل واحد بياخد نصيبه
لكن ليه استني لما اروح ويقولي ما كان قالي لما جالي من يومين او ف تليفون حتي بدل الاحراج ده كله
(وحكيتله علي موضوع دين ال عليها لحسام )وانا اول ما اكون مستعده حخدها منه تاني عادي يعني الموضوع خلص
صقر : ومحكتليش ليه يومها عن الدين ده لما كلمتك
مايا : مش عارفه مكنتش حابه ادخلك في حجات تافهه زي دي وسكتت
مايا (وحبت تغير الموضوع)ها حتفسحني فين انهارده
صقر حس انها بتتحرج فعلا من كلام ده وبتغير فالموضوع : ال تامر به اميرتي وانا تحت امرها
مايا : بس انت عندك شغل اكيد مش فاضيلي
صقر : حلغي كل مواعيدي استني كده (وعمل مكالمه للسكرتاريه يلغي كل مواعيده انهارده)
ها مبسوطه كده تحبي نروح فين
مايا : الملاهي بقا.
صقر : بس كده عيوني
مايا :قعدت تقول ياس ياس و تصفق👏🏻
صقر استغرب تغير حالها بس مبسوط جدا انها كلمته وقالتله ال جواها وحيعمل لها مفاجأه قريبا جدا وقعدت يضحك عليها
مايا قررت انها متزعلش ولا تضايق خلاص ملهاش نصيب الحمدلله علي كل شئ
ويوم ماتكون مستعده حتكلمه وتستلمها منه اي وقت
وقررت تنبسط مع حبيبها وبس
وصلو الملاهي وكانت مايا فرحانه اوي ركبو جميع الالعاب و
ركبت لعبه سباق السيارات هي وصقر وكل شويه تروح وتيجي تخبطه ويضحك عليه
كل ما يحاول يبعد عنها عشان ماتصطدموش تيجي وراه وتصدمه وتطلعله لسانها 😛 استحلفلها قام طلع يجري وراها ومره واحده صدمها اتهزت جامد بصت لاقيته هو قعدت تضحك ولسه حترد الضربه وقف السباق نزلت متغازه منه كده يعني
صقر ضحك عليها : هههههه ما انتي ماسبتنيش من اول ما ركبنا انا صدمتك مره واحده بس يا مفتريه
راحت عشان تركب لعبه تانيه لكن صعبه جدا
صقر قالها بلاش دي يا مايا حدوخي وصعبه عليكي اوي
مايا مسمعتش كلامه : مفيش حاجه صعبه عليا ( وقالت عشان تغيزه) ولا خايف !
صقر : خايف ! طيب يلا وحنشوف مين ال حيصوت ويخاف 🤨
وطلعو وياريتهم ما طلعو😂
اللعبه عباره عن صاروخ عااالي جدا بيطلع ببطئ لحد فوق وبيقلبهم راسهم تحت ورجلهم فوق ويعدلهم تاني وينزل بيهم تحت ويطلع بسرعه ويلفهم ويدور بيهم بسرعه جدا
ركبو جنب بعض
ها مستعده
مايا : اكيد
وجا واحد يتمم علي اربطه الاحزمه ويشدها بيشوفها تمام
وجا عند مايا صقر مرضاش هو يربط لها قام صقر ولابسها وتمم عليها هو وقعد
والراجل اتاكد من كلهم تمام
وشغل اللعبه
اول ما اللعبه اشتغلت صقر وضع ايده علي ايديها بيطمنها
وطلعو لفوق وبدا الصويت العالي ومايا مغمضه عنيها جامد
وصقر كل مدي ما بيضغط علي ايديها خايف عليها اوي واول ما طلعو فوق واتشقلبو صوتو جامد بدات مايا تفقد اعصابها وتصرخ جامد مع اصوات الاخري صوتها مش باين اصلا
(مكنتش فكراها كده كانت فكراها بتطلع فوق وتنزل فقط)
واتعدلت وبدات تنزل تحت بسرعه وتطلع فوق بسرعه وتدور جامد
مايا من كتر الصريخ واللف الكتير داخت معندهاش طاقه اكتر نفذت طاقتها(وكمان مكنتش فطرت)
كل ده ماسابش ايديها مسكها لكن حس ان ايديها ثلجت بص عليها لاقاها رجعت راسها لقدام ومش بتنطق اتجنن عليها
ولحسن حظهم كانت اللعبه خلصت
ونزلو لتحت قعد يزعق في الراجل عشان حد يفكو بسرعه عشان يلحقها
وراجل جاله وفكه وقام بسرعه اتزن نفسه شويه وراح فككها وبيضرب علي وشها مايا خلاص نزلنا فوقي يلا ويضربها يمين شمال مفيش فايده قام شالها وجري بها لحد
العربيه وجاب مياه وحاول يفوقها وجاب برفن حاول يفوقها لحد ما فاقت مسكت دماغها : اه مش قادره
صقر :مايا انتي كويسه ! قولتلك بلاش انتي ال صممتي عجبك حالك دلوقتي
مايا ابتسمت له وبصوت مبحوح: انا كويسه خلاص ممكن تروحني
صقر: متاكده انك كويسه
مايا : اه كويسه بس انا عاوزه انام (وغمضت عنيها ونامت)
صقر قلقان عليها
قعد يفوق فيها ونفخ ومشي بالعربيه لحد ما وصل سوبر ماركت ونزل اشتري عصير و حلويات كتير ورجعلها تاني فتح ازازه العصير ومسكها قربها عليه وحضنها وحاول يشربها شويه من العصير ويفوقها : مايا مايا
شربها شويه كمان لحد ما فتحت عنيها لقت نفسها قريبه منه جدا تاهت في عينيه شويه وحاولت تبعد
صقر :الحمدلله فوقتي وعدلها تاني مكانها وعطالها باقي العصير : يلا اشربي ده كله
مايا بتبعد العصير : لا مش عاوزه مليش نفس
صقر : وبعدين معاكي بقا اسمعي الكلام يا مايا بدل ما حشربك بمعرفتي انا وغمزلها😉
مايا سمعت كده : ها لا لا هات واخدت العصير منه وقعدت تشربه لحد ما خلصته كله : اتفضل اهه
صقر : انتي فطرتي !
مايا : الصراحه لا
نزلت علي طول ملحقتش افطر كنت حطلب حاجه من البوفيه وحصل ال حصل ومشيت ونسيت بعد كده
صقر قرب لها كيس الحلويات كله : ماشي طيب امسكي كلي دول
مايا 😯: ايه كل ده بص انا شربت العصير بالعافيه مش عاوزه اكل بجد لو جعت حاكل اوك وابتسمتله
(وفتحت الشباك لقت الجو بدا يمطر فرحت اوي)
صقر : ماشي براحتك بس اقفلي الشباك ال جانبك عشان الجو قلب ويلا بينا نروح انتي شكلك تعبان
مايا : لا لا لا والله بقيت كويسه خالص ولو عاوزني اكل اهه (وفتحت شوكلاته واكلتها قدامه) : بص شوفت
بس استني شويه كمان عشان خاطري ماتمشيش انا بحب الشتا اوي انا وعاوزه انزل بليز
صقر ضحك عليها : طفله والله حتنزلي فين يامجنونه الدنيا بتمطر لا طبعا ولسه بيمد ايده يقفل لوك العرييه
مايا كانت فتحت الباب : انا بحب الجو ده اووي وفتحت العربيه ونزلت جري
صقر :مجنونه البت دي والله
ونزل وراها عشان يلحقها
مايا اول ما نزلت داخت شويه ولحقها قبل ماتقع
صقر : شوفتي لسه تعبانه يلا يلا اركبي
مايا : لا لا استني بس وسابته وفرحانه اوي المكان تحفه (المعموره)
وقعدت تلف وتدور وفرده ايديها والدنيا بتنزل نقط مياه مكنش في حد كتير وقتها فشارع
وهي بتلف راح صقر اخدها فحضنه وشالها ولف بيها وقعدو يضحكو هما الاثنين
مايا خافت في الاول تقع ومسكت في رقبته وقعدت تضحك وهو يضحك : مجنونتي بحبك
لما بدات تشتي جامد جري بها لحد العربيه وركبها ولف ركب وهما بيضحكو: عجبك كده اتغرقنا
مايا : ههههه مبسوطه اوي اوي اوي
صقر : وانا مبسوط معاكي اوي اوي اوي و كفايا عليا اشوف ضحكتك دي بس
مايا : انت جميل اوي يا صقر (ونزلت عينيها تحت وقالت بكسوف وصوت واطي)وبحبك قوي
صقر : يااااااه امتي بقا يجي اليوم ال اخطفك فيه بعيد عن الناس دي كلها ونكون مع بعض
مايا اتكسفت اوي وساكته
صقر : هانت كلها ثلاث شهور
مايا بدات ترتعش لان ملابسها اتبلت ولفتت نظر صقر فاتحرك بالعربيه بسرعه
صقر : انا خايف عليكي انتي كويسه
مايا بصوت مرتعش : أ أ اه بس عاوزه اروح
صقر : ماشي حروحك شوفتي اخره جنانك ايه
مايا ابتسمت له وساكتت
وصلو البيت وطلعها لحد فوق
اول ما مديحه فتحت الباب : هي شتت عليكو ادخلو ادخلو بسرعه قبل ماتمرضو
صقر: لا دي بنتك المجنونه اول ما بدات تمطر نزلت جري فشارع ولحقتها بالعافيه
مديحه : ادخلي غيري بسرعه
مايا:حاضر ولسه حتدخل رجعت !
مديحه : وانت كمان يلا ادخل غير هدومك حجبلك هدوم من حجات عماد يلا
صقر : لا لا انا حمشي
مايا كانت لسه حتدخل الاوضه رجعت لما سمعته وبيقول لا حمشي رجعت تاني ليهم : لا خليك قاعد معانا انهارده
مديحه: حتزعلني منك كده وتزعلها
صقر: لا مقدرش طبعا علي زعلكو
خلاص حقعد بس يلا ادخلي غيري بسرعه
مايا ابتسمت ودخلت بسرعه
مديحه:تعالي اوريلك اوضه عماد وغير هدومك بسرعه
مايا غيرت هدومها وحست انها بتترعش جامد وسقعانه دخلت جوه بطانيه تدفي مديحه لاقتها اتاخرت وصقر خلص ومستنيها بره
مديحه :حدخل اشوفها واجي
دخلت لاقتها نايمه
مديحه: انتي يابت سايبه الرجل بره ونايمي قومي اقعدي معاه انا بجهز الاكل
مايا: مش قادره بجد يا ماما انا سقعانه اووي
مديحه جست علي دماغها : امممم انتي سخنه اوي
استني اقوم اجيبلك حاجه اعملك كمادات بيها في حد يعمل ال تعمليه ده
مايا :همممم اممممم
طلعت بره لصقر شوفت قلبي كان حاسس والله سخنه مش قادره تقوم حروح اعملها كمادات
صقر : طيب ممكن ادخل اشوفها
مديحه: ادخل وانا حجيبلها مياه وجايلكو
صقر اول مره يدخل اوضتها جميله ومرتبه
دخل لاقاهمه بتترعش تحت بطانيه جاب كرسي وقعد جانبها
وقعد يحسس علي جبينها وشعرها ويقولها شوفتي جنانك وصلك لأيه عجبك كده حالتك اتنهد ولقي مديحه دخلت بمياه عشان تعملها كمادات
صقر :عنك انتي هاتي حعملها انا
مديحه : خليك انت مش عاوزه اتعبك يابني
صقر بينظر ل مايا بحب :هي تعبي وراحتي فنفس الوقت انا بحب اعملها كل حاجه وبكون مبسوط
مديحه قلبها اطمن من جواها : ربنا يسعدكو يارب
اتفضل يابني (وعطيتله طبق فيه فوطه صغيره ومياه) حروح اعملها شوربه واجهز الغدا
مسك منها وبدا يداويها 🤕🤒 ويقيس لها الحراره
ومايا بتخضرف فالكلام
ص ق ر محتجاج جانبي ماتمشيش انا بحبك اوي
بطمن وانت جانبي ومعايا
حسام ليه كده ليه الموقف ده
صقر خليك جانبي ياريت قابلتك من زمان
صقر اضايق من نفسه اوي علي الموقف ال حصل بخصوص شغلها وعربيه حس بندم اوي وقعد يكلمها وهو بيغيرلها كمادات لتخفيض الحراره : انا اسف حبيبتي انا ال خليت حسام يقولك كده عشان تسيبي الشغل وتيجي عندي مش عاوز تكوني تحت اماره اي حد
عاوزك تكوني انتي ال تأمري مش حد يامرك اسف صدقيني ده ال كنت عاوز اعمله والله وقتها
حس ان الحراره مش بتنزل قام وقبلها في جبينها وهمس لها بحبك والله بحبك
وطلع بره لمديحه
طمني يابني الحراره نزلت
صقر :للاسف جسمها سخن اوي وبتزيد
مديحه : وبعدين حنعمل ايه طيب يابني حتعبك معايا تاني ممكن تجيبها وندخلها تحت المياه بارده خمس دقايق بس
صقر : حاضر حضري انتي المياه وحروح اجيبها
ودخل صقر شالها فحضنه وضمها اوي وراح لحد الحمام كانت مديحه جهزتلها المياه داخل البانيو
مديحه : نزلها يابني معلش تعبناك انهارده
صقر ابتسم لها ونزل نفسه شويه وهي بحضنه وقريبه منه واول ما نزل جزء منها داخل البانيو مسكت فرقبته جامد مش عاوزه تسيبه وهو جسمه مايل وسند ركبته في الارض ونزلها جوه البانيو وماسكه فرقبته مش راضيه تسيبه وبترتعش جامد فتحت عنيها ثانيه ونطقت اسمه (صقر) وغفلت تاني وجسمها بيتنفض من المياه البارده همس لها : استحملي استحملي عشان خاطري وسابها جوه المياه خمس دقايق
مديحه جست عليها :كفايه عليها كده جسمها حرارته نزلت
صقر : حاضر يا امي
مديحه جابت فوطه كبيره وصقر اخدها ولفها بيها وشالها ودخلها الاوضه
ونايمها ع السرير وفك ايديها براحه وفردها علي السرير
مديحه قالتله: اتبليت تاني شوفت ادخل بقا غير وانا حغيرلها بسرعه
صقر :حاضر
مايا كانت فاقت شويه وغيرت هدومها ومديحه ساعدتها وسابتها نايمه وطلعت تحضرلها الشوربه وتاكل لقت صقر غير هدومه
مديحه : تعالي اكلها عشان حتغلبني في الاكل هي فاقت
صقر ابتسم لها وقالها:حاضر
ودخلها الاوضه تاني لكن المره دي لاقاها فاقت
صقر: حمدلله علي السلامه
مايا: الله يسلمك
صقر : كده خضتينا عليكي
مايا: ليه ايه حصل ؟
صقر : محستيش باي حاجه خالص
مايا: لا محستش بحاجه لكن خيلت بيك شايلني وبتوقعني فمياه ساقعه اوي
صقر ابتسم لها :دوختيني
مايا:انا اسفه بجد تعبتك معايا
صقر: مفيش تعب ولا شئ انتي حبيبتي بس ايه الكلام الحلو ال قولتيه ده
مايا :قولت ايه مش فكراه
صقر : كلام كتير خليك جانبي وبحبك ونفسي ابوسك اوي (وضحك)
مايا: كداب اوي والله
صقر: ده عقلك باطن اكيد نفسك ف كده
مايا: لا مقولتش كده انت كداب وانا زعلانه منك
مديحه دخلت بالشوربه يلا ياصقر اكلها الطبق ده كله
مايا: لا ياماما مش عاوزه مليش نفس
صقر :هاتي يا طنط الطبق
ناولته الطبق وطلعت تجيب لها الدوا وتجهز الاكل
مايا: صقر مش عاوزه بجد
صقر: حتفتحي بقك ولا احققلك ال نفسك فيه وغمز لها وقرب منها اوي وخطف قبله من شفايفها ورجع قعد تاني
يلا يلا حتفتحي بقك اكلك ولا اكررها تاني وانا عندي استعداد هاااا !!!!
مايا اتصدمت من فعلته وجهه احمر واتكسفت اوي وخبت وشها بايديها🙈:وساكته اتحرجت
صقر :شكلك حدوخيني مابدهاش بقا !
عمل نفسه حيقوم تاني
مايا: لا لا لا خلاص اهه وفتحت فمها واكلها
صقر ابتسم لها: ايوه كده شطوره
وكرر تاني واكلها وكل ما ياكلها يبتسم لها بحنيه
مايا: خلاص بجد شبعت مش قادره
صقر : اخر واحده عشان خاطري
مايا: حاضر
وساب الطبق وعطي لها العلاج
صقر :نامي والصبح حعدي اطمن عليكي ماشي
مايا :حاضر شكرا علي كل حاجه.
صقر: مفيش شكر بينا انا وانتي واحد وقبلها علي جبينها تصبحي علي خير حبيبتي.
مايا: تلاقي الخير
صقر : الصبح حجيلك بدري اول ماتفتحي عيونك
وخرج وقفلها الباب وسلم علي مديحه ورجع البيت
رجع البيت اخيرا تعب جدا انهارده وزعل من نفسه جدا انه سبب في زعلها
حتي ولو مابينتش زعلها وقعد يفكر شويه حيعملها ايه ؟ لحد ماغلبه النوم
بمرور ثلاث ايام
مايا تعافت تماما ومليت من القعده فالبيت فقررت تعمل حاجه ! راحت تكلم صقر
مايا بتتكلم صقر في تليفون
مايا : انت فين مكلمتنيش ليه انهارده
صقر: والله عندي شغل كتير في الشركه قولت حخلص واكلمك علي طول واعدي عليكي بليل اخرجك شويه بقالك كتير مخرجتيش
مايا فكرت فحاجه وقالتله :اممممم يعني حتقعد فالشركه كل الوقت ده
صقر اتنهد: ايوه يا مايا في مشكله حقفل ولما حخلص حكلمك ماشي يلا سلام
مايا : سلام
وقامت ولبست وجهزت حالها ونزلت
راحت له الشركه قالت تعمله مفاجأه وفي موضوع كده تكلمه فيه !
ودخلت للسكرتاريه
ممكن اقابل أ/صقر
السكرتيره نظرت لها : في ميعاد سابق
مايا: لا
سكرتيره: مش موجود ممكن احدد لك ميعاد تيجي فيه
مايا رفعت حاجبها مش موجود وميعاد🤨 : لا انا حدخل اقابله ودلوقتي كمان وسابتها وراحت لباب مكتبه ولسه حتفتحه ورميه نفسها ع الباب لحقتها السكرتيره ممنوع ال بتعمليه ده يافندم
مايا مهمهاش :ابعدي انتي بس قال ممنوع قال حدخله برده و****!
صقر جوه وسامع دوشه ناحيه الباب ومش مركز في الورق ال قدامه نفخ وقام فتح الباب مره واحده لاقي ال اترمت فحضنه مسكها واتصدم انها مايا
والسكرتيره بتقوله والله يافندم منعتها لكن مصممه انا اسفه تعالي معايا لوسمحتي ولسه حتشد ايديها صقر نظر لها نظره مرعبه منعها تلمسها : سيبيها وامشي انتي ومدخليش حد تاني
سكرتيره :حاضر
السكرتيره طلعت مش فاهمه حاجه وقفلت عليهم الباب :مين دي انا مالي
وراحت قعدت فمكتبها تتابع عملها
صقر كل ده وهي فحضنه لفلها وقعد ينظر باستغراب من حضورها المفاجئ وحاصرها فضلت ترجع لورا وهو يقرب يقرب لحد ما لقت حائط وراها مسكها وثبت ايديها الاثنين ومسكهم
:طيب اعمل فيكي ايه انا دلوقتي ها
مايا نظرت في عينيه وتاهت فيه من قربه الزياده ليها : ها
صقر قرب اكتر وهمس لها : مش قولتلك ورايا شغل كتير وحعدي عليكي بليل صح (كل ده وبينظر لعيونها وهي بتنظر لعيونه وهيمان في لون عنيها)
مايا ماتكلمتش؛: هزت راسها فقط بمعني اه
صقر: وبعدين حتفضلي ساكته كده كتير وقرب منها وخطف قبله فشفايفها ونظر لها بعشق
مايا غمضت عنيها لحظه وادركت نفسها بسرعه وحاولت تبعد عنه لكن كان محاصرها مش عارفه تتحرك : انت قليل الادب علي فكره ماتكلمنيش بقا وابعد عني
صقر قعد يضحك بصوت عالي :هاها هاها
مايا: ماتضحكش عليا ابعد
صقر: دخول الحمام مش زي خروجه ورفع حاجبه 🤨طيب ايه جابك هنا
وانا لسه كنت قافل معاكي التليفون من شويه ومقولتيش انك جايه!
مايا :زهقت من القعده في البيت بجد
صقر :منا قولتلك حنخرج بليل
مايا: مش قصدي علي كده انا
صقر نظر لها واستنتج حتقول ايه : اممممم طيب فهميني
مايا :طيب سيبني وانا حقولك
صقر: لا انا مبسوط كده اتكلمي وانا سامعك
مايا ملاقتش منه مفر واتكلمت بالعافيه من قربه اوي : انا انا اقصد يعني انت انت كنت قايل اني اشتغل معاك صح فانا جيت عشان اقولك انا موافقه اشتغل معاك
صقر وهو بينظر داخل عنيها وابتسم لها وترك ايديها وبعد شويه : وانا موافق طبعا
مايا فرحت اوي مصدقتش انه حيوافق لاقت نفسها حضنته جامد وباسته ف خده ميرسي ميرسي وانتبهت علي ال عملته بعدت بسرعه واتحرجت جدا: انا انا اسفه مش قصدي يعني من فرحتي بس
صقر : ايه ال عملتيه ده تعالي هنا
مايا زعلت من نفسها ازاي عملت كده : انا اسفه بجد مش حتتكرر تاني انا ماشيه ولسه حتمشي راح شد ايديها : تعالي هنا مش قولتلك دخول الحمام مش زي خروجه
مايا :ها
صقر : ايوه عيدي تاني كده عشان مخدش بالي اول مره وفي الاعاده افاده وضحك
مايا فكرت انه اضايق منها اتنهدت : طيب ابعد بقا وقولي حتشغلني ايه عندك
صقر امممم: مساعدتي الخاصه
مايا: يعني حتمشي السكرتيره ال بره دي
صقر: مين قال انها حتمشي انا بقولك حتبقي مساعدتي انا يعني حتكوني معايا طول الوقت ومكتبك حيكون هنا معايا
وحتمشي وقت مامشي
الساعه تسعه بالدقيقه الصبح تيجي تصحيني وتحضريلي الفطار وتقوليلي علي برنامج اليومي وتجهزيلي هدوم ال حروح بيها الشغل ونروح سوا الشركه المهم نكون هنا في المكتب الساعه عشره بالدقيقه ومعنديش هزار ودلع فالشغل طبعا
بس كده شوفني سهل ازاي
مايا 🤨:بس كده مفيش حاجه كمان نسيها
صقر كتم ضحكته: لا لو افتكرت حاجه حقولهالك اكيد
مايا : كل ده انت بتهزر صح
صقر :لا انا الشغل عندي شغل مبحبش الهزار في الشغل ولو مجتيش الصبح تصحيني وتعملي ال قولت عليه ليكي عقاب مفهوم !
ويلا حتبداي الشغل من دلوقتي وحكلمهم يحضرولك مكتب جانبي هنا
واقعدي دلوقتي علي الكنبه ال هناك دي لو احتاجت حاجه حقولك وسابها وراح قعد علي مكتب وعمل مكالمه بلغ السكرتاريه تشوفله مكتب صغير ويكون موجود عنده ممن بكره وقفل
مايا مستغربه مش مصدقه
ايه بيقولو ده مين حيعمله ده وكتمت ضحكتها وقعدت وبتبرطم : اما اشوف اخرتها ايه معاك
صقر :بتقولي حاجه سامعك
مايا: لا بقول ايه الشغل السهل ده
وقعدت ع الكنبه اكتر من ساعه لحد ما خلص الاوراق ال قدامه
صقر: زهقتي
مايا: لا خالص
صقر: تمام يلا بينا
مايا: يلا
وطلعو سوا وركبو العربيه
وراحو اتغدو سوا واتكلمو كتير
وهزو وضحكو شويه
صقر:نامي بدري انهارده عشان عندك يوم طويل بكره
مايا ردت :حاضر
مايا فكراه بيهزر لسه: عشره بظبط حكون عندك وقبل عشره كمان انا منتظمه فمواعيدي جدا
صقر :انا مقولتش عشره يا مايا قولت تسعه تكوني عندي فالبيت وحنروح سوا
مايا: طالما عاوز نروح سوا يبقا عدي عليا وانا حكون جاهزه متزعلش
صقر: مايا كلامي واضح صح
(مايا كلمت نفسها شكلنا حنتعب مع بعض في الشغل ده قال اروح له قال)
اسمعي انتي الكلام بس
يلا اروحك عشان تنامي بدري
مايا :يلا
رجعو البيت وطلع معاها قعد شويه
مايا : حدخل اغير وارجعلك تاني
صقر: ماشي
انتهز الفرصه وكلم مديحه
مايا حتشتغل معايا من اول بكره
مديحه :بجد طيب دي معندهاش وقت خلاص فاضل علي فرحكم شهرين وكم يوم يدوب بتجهزو شقتكو وحجاتها
صقر ضحك : منا قولت حزهقها في الاول لحد ماتقولي كفاااايه فطلبت منها كذا حاجه تعملها و*****(حكالها ال حتعمله)ومتقلقيش ماما وبابا بيكونو موجودين وحفهم امي كمان اول ماتيجي تقابلها
مديحه: انا و كوثر حبايب اصلا وبنتكلم كل يوم بقينا صحاب خلاص حنتفق انا وهي وضحكت ومتقلقش انا واثقه فيك وسكتو
مايا جت تاني تقعد معاهم :سكتو اول ماجيت فيه حاجه؟
مديحه : مفيش حاجه انا حقوم اعملكو حاجه تشربوها
صقروقام : لا انا حقوم خلاص يدوب ارجع البيت عشان فيه صحيان بدري (وبينظر علي مايا ) :اخده بالك 🤨
مديحه ضحكت : ربنا يعينك
مايا: عارفه الساعه عشره بالدقيقه حتلاقيني فمكتبي سلام
صقر كتم الضحكه:حنشوف سلام يا طنط
ونزل رجع البيت
ماشي يا مايا ديما مغلباني معاكي.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وجع القلب)
