رواية وجع القلب الفصل الثالث والعشرون 23 بقلم شروق مصطفى
رواية وجع القلب الجزء الثالث والعشرون
رواية وجع القلب البارت الثالث والعشرون
رواية وجع القلب الحلقة الثالثةو العشرون
بتحلم حلم جميل وابتسامتها مرسومه وبتكمل الحلم وفجأه حست بهوا سخن علي وشها وهمس حاولت تفتح عنيها واحده واحده والهمس بيقرب منها اكتر
*مش قولتلك الساعه تسعه تيجي تصحيني* ولقت نفسها مش قادره تاخد نفسها وفتحت عينيها مره واحده لاقت الصدمه😳
(لاقت صقر مقرب منها جدا وبيهمس وبيقبلها ف شفايفها قبله طويله) فتحت عينيها مره واحده اتصدمت وهو لسه مقرب منها باعدت عنه وزقته ماتحركش ورافع حاجبه🤨 وهو لسه مقرب منها
بدات تاخد نفسها :ف ف في ايه ابعد ابعد ايه جابك هنا
يا ماماه فين ماما
صقر: دي💋عشان مجتيش تصحيني وباعد عنها ووقف هي بسرعه قامت و بعدت عنه : انت مين سمحلك تدخلي هنا اطلع بره يلا
صقر راح ناحيه الباب !
مايا اطمنت انه حيطلع بره
راح قفل الباب وهوه جوه
مايا اتصدمت: انت يابني اطلع بره بقا هي فين ماما
صقر بيشاور لها وبيقرب منها : انا نبهتك امبارح انا مش بهزر في الشغل صح “وبيقرب منها وهي بتبعد” لحد ما وصلت عند الدولاب
ووقفت وهو قربلها :وبعدين ليكي عقاب تاني كده
مايا :عقاب ايه انا حنادي لمام
قطع كلامها وقبلها فشفايفها قبله وباعد بسرعه :ده عقاب تاخيرك شوفي ساعه كم دلوقتي
وكل تاخير عشر دقايق ليكي عقاب فاهمه
يلا ع حمام اغسلي وشك واللبسي في عشر دقايق فاهمه ولو اتاخرتي عنهم حعاقبك ثالث ورافع حاجبه🤨
مايا نفخت : غلس
صقر رجع تاني :بتقولي ايه سامعيني تاني كده
مايا : مش بقول بقول امشي عشان اعرف اللبس
صقر رجع ومشي بعيد عنها
مايا : ما انت مش لابس اهو حتروح الشركه بالترننج ولا ايه وبتضحك عليه
رجعلها تاني :انا قولت كده برده مفيش فايده فيكي طيب تعالي بقا
(وشالها راسها ع كتفه وماسك رجلها) مايا: انتي فين يا ماما تعالي اللحقيني
نزلني بقا
وطلع بره الاوضه ووداها ع الحمام ونزلها
مايا عدلت نفسها وبتزقه امشي بقا انا حدخل اهه
ودخلت بسرعه وقفلت من جوه
صقر خبط الباب خلصي بسرعه انتي عارفه عقابك وابتسم ورجع استناها بره
مايا دخلت ووضعت ايديها علي قلبها ال مبطلش دق من اول مافتحت عنيها وابتسمت وفجأه خبط باب : يلا اتاخرتي
غسلت وشهاا بسرعه وخلصت وطلعت تجري من غير ماتبص عليه ودخلت الاوضه وقفلت من جوه ولبست ال قدامها وطلعت : انا جاهزه
صقر :اتاخرنا بينا قدامي
مايا : استنا طيب ثواني
ومشت دخلت ل مامتها المطبخ
يا ماما انتي فين مصحتنيش انتي ليه
مديحه :ما انتي غلبتيني الصراحه وصقر كلمني الساعه تسعه قولتله لسه نايمه مش راضيه تصحا قالي انه حيجي يصحيكي بمعرفته يلا امشو بعد كده اصحي زي الشاطره لوحدك
مايا ملاقتش فايده : طيب يلا سلام
ونزلتله تحت وكان بيشاور ع الساعه شايفه 🤨 يلا قدامي ع البيت
مايا كانت ماشيه وقفت اول ما سمعت الكلمه
صقر ضحك : ماما مستنياكي نفطر سوا ومامتك عارفه يلا امشي بقا اخرتيني
مايا اطمنت وابتسمت ووصلو استقبلتها مامته:اهلا حبيبتي تعالي
عامله ايه وعامل فيكي ايه الواد ده
مايا: الحمدلله يا ماما ووشوشتها مايقدرش يعمل حاجه وضحكو
تدخل صقر معندناش وقت يا ماما سيبيها تخلص ال وراها
مايا بصت لها تنقذها
مامته : ماليش دعوه انا حروح المطبخ اجهز فطار بسرعه
صقر : يلا قدامي اول اوضه ع شمالك ادخلي واختاريلي طقم عقبال ما اجيب اوراق من مكتبي يلا بسرعه
دخلت
انبهرت باوضته جدا الالوان اغلبها اسود وستاره اسود مفيش غير السرير الابيض
فتحت الدولاب : ماشي ياصقر وخلصت !
وجايه تطلع بسرعه لاقته قدامها ال اتفاجئ بالاوضه الهدوم مرميه ع الارض والسرير
صقر اندهش من منظر الاوضه : ايه ده مين ال عمل كده
مايا ببراءه : معرفش انا جيت لاقيتهم كده
حتي شوف انا اختارتلك دول وعطيتله طقم كان عجبها اوي
صقر نظر لها نظره ذات مغزي واتقدم مسك الطقم منها : ماشي حعدهالك عشان مفيش وقت
يلا حضريلي الفطار عقبال ما اللبس
وطلعت اتنهدت وراحت لمامته المطبخ كانت جهزت الفطار وعطته ل مايا افطري انتي وصقر انا فطرت من بدري
واخدته وقعدت ع السفره مستنيه صقر
دخل بطلته وقعد علي السفره : يلا افطري ع السريع لاننا متاخرين وححاسبك بعدين
مايا مندهشه : كل ده ولسه حاتحاسبني وبعدين انا مش عاوزه افطر ماليش نفس افطر انت
صقر نظر لها : مش بعييد كلامي كتير يلا افطري
مامته جت :ها عاوزين حاجه يا ولاد
صقر : اه يا ماما صحيح سيبي اوضي محدش يجي جنبها مايا حترجع معايا تاني تروقها
مامته بصت ع مايا : عملتي ايه !
مايا ردت عليها من غير ماترد هزت كتفها *مش عارفه*
خلصو الفطار ونزلو سوا راحو ع الشركه
ووصلو المكتب
صقر :تمام مكتبك وصل اتفضلي
قعدت مايا ع المكتب :تمام حلو بس ليه ميكونش بره جنب السكرتيره
صقر قعدت ومسك شويه اوراق وتصاميم ومركز فيهم : مش عاوز رغي كتير
مايا نفخت: امال انا حعمل ايه طيب
صقر معطهاش رد وبيكمل شغله
مايا زهقت من القعده مش بتعمل حاجه قالت تطلع تستكشف الشركه وقامت ولسه حتفتح الباب وقفها صوته : علي فين ! استاذنتي مين عشان تطلعي ؟
مايا :رايحه البوفيه اجيب حاجه ممكن؟
صقر :لا اقعدي حطلبلك بالتليفون
مايا: لا انا عاوزه اتمشي شويه واجيب بنفسي
اجيبلك معايا حاجه ؟
صقر :انتي مش بتسمعي الكلام ليه من الاول وايه تتمشي دي انتي فاكره جايه تتفسحي هنا !
مايا :انت جايبني هنا ليه ! ومقعدني جنبك فين الشغل ال حعمله ؟
ارجعي يا مايا اقعدي مكانك مش فاضيلك وحطلبلنا حاجه نشربها
مايا اتنهدت ورجعت تاني مكانها
لاقته بيتكلم السكرتيره: كلميلي الارشيف عاوز ملفات اخر خمس سنين وتتصور نسختين جيبهملي ع مكتبي بكره اول ما ادخل تمام
السكرتيره: تمام
مايا : طيب انا حعمل ايه دلوقتي
صقر نظر لها نظره كتمتها
ومسكت تليفونها تلعب به شويه بدل الملل ده
صقر خلص الشغل : انتي بتعملي ايه
مايا: بلعب شويه ف التليفون لحد مانروح
صقر :انتي جايه تلعبي هنا انتي شكلك فهمتي الشغل غلط
مايا : انت ال مقعدني جانبك مش لاقياه حاجه اعملها انا شكلي حستقيل من اولها
صقر : طيب يلا بينا نمشو انا خلصت
وقامت وقفت مصدقت انها حتمشي وقفها صوته استني هنا وقفت لاقته بيقولها: امسكي الشنطه دي
مايا :نعم
صقر :شغلك
مايا :انت فهمتني غلط ع فكره
صقر ضحك بصوت عالي : يلا يا مايا حسابك تقل اوي انهارده يلا عشان حروحك وتتعاقبي🤨
وطلعو سوا بره الشركه
ووصلو البيت
يلا انزلي
مايا : انزل فين ياصقر ده بيتك انت روحني انا الاول
صقر :انتي ناسيه ال عملتيه ف الاوضه
مايا افشت عليه :صقر مش بحب النظام ده ماشي متكرروش تاني لوسمحت
انا مش داخله البيت عندك تاني ومتجيش تصحيني الصبح انا كركبت اوضك غيز فيك علي ال عملته فيا
وروحني بقا البيت دلوقتي يلا
صقر: انتي مساعدتي
مايا: في الشركه بس
صقر كاتم ضحكته: يعني اجيب مساعده تانيه تعملي الحجات دي
مايا :ابقا فكر تعملها بس🤨 حقتلك
صقر: طيب يلا انزلي عشان تروقي اوضي
مايا: انت مفيش فايده يعني انت بتطفشني من الشغل يعني افهم كده
صقر :ليه بتقولي كده
مايا :حاسه
صقر: احساسك غلط خلاص حروحك ياستي متضايقيش بس من بكره ساعه تسعه تيجي تصحيني مش حتنازل عن كده
مايا نفخت : ربنا يسهل وسابته ونزلت
مديحه : قوليلي عملتي ايه انهارده في الشغل ؟
مايا: خنقه مش مبسوطه حساه بيتلكك عشان اسيب الشغل واتنهدت
مديحه بتضحك :ليه بتقولي كده بس
مايا: انتي بتضحكي انتي مش عارفه يعني ال عمله وكمان مقعدني معاه جوه مكتبه ومش بيديني اعمل حاجه فاكرني جايه اتفرج عليه ؟
عارفه يا ماما لو مصحتنيش انتي بكره انا عاوزه قبل تسعه اكون جاهزه
مديحه: مش يمكن عشان لسه في الاول مش عاوز يتعبك وماشي يا ستي ححاول اصحيكي بدري يلا حقوم اريح شويه
في صباح اليوم التالي
مايا صحت من بدري وجهزت وقعده منتظره وصوله ومستعده
التاسعه بالدقيقه وصل صقر وفتحتله : ايه ده انتي جاهزه اهه مجتيش ليه🤨
مايا ربعت ايديها : ومش حاجي
صقر: استعنا ع الشقا ولسه حيدخل لاقاها بتجري قعد يضحك عليها
مايا جرت جوه استخبت ورا مامتها اللحقيني يا ماما منه
مديحه بتضحك عليهم : قط وفار اهدو في ايه يا ولاد
ربنا يهديكو يا ولاد يارب
صقر دخل : خلاص خلاص انا لابس وجاهز اصلا برده اهه بس جيت اشوفك واصبح عليكو يلا حننزل سوا
مايا : بس دي ساعه تسعه ولسه بدري اوي
صقر : حنروح نفطرو سوا
مايا :متاكد ولا
صقر شد ايديها وبيخرج : تعالي يا مايا بعد اذنك يا ماما
ونزلو سوا وذهبو ل كافيه وفطرو سوا وبيتكلمو
صقر : واحشتيني
مايا اتحرجت وسكتت
صقر:ايه ده احنا بنتكسف اهه
مايا :لم نفسك
صقر :ههههه ايوه كده متعود انك تتكلمي
وقعدو شويه طيب يلا بينا عشان عندي اجتماع مهم انهارده
ووصلو الشركه
السكرتيره دخلت ووضعتله الملفات ال طلبها
صقر مسك نسخه:ادي الملفات دي ل مازن يراجعها ويقدملي تقرير بيهم ويجيلي بعد الاجتماع بالتقارير مفهوم
نورا: تمام يافندم
عندي اجتماع كمان نص ساعه حضرتي قاعه الاجتماعات وجهزتي الورق والعقود
نورا :كله تمام يا فندم
صقر :تمام امشي انتي دلوقتي
وقام واخد الملفات وراح علي مكتبها مش عاوزه شغل اما اشوف حتعملي ايه
مايا قعدت علي مكتبها ومتابعه كلامه مع السكرتيره وملفات كتير
ولاقت ال بيوضعهم علي مكتبها مايا اتصدمت من كتر الملفات :ايه كل دول !
صقر : مش بتسالي علي شغل اتفضلي
دي حسابات اخر خمس سنين راجعيهم عاوز اعرف حساب جميع الواردات طول السنين دي وجميع المصروفات ال تم صرفها
وتعمليلي تقارير بيهم
ونظر لساعته واتكلم: قدامك ساعتين عندي اجتماع مهم حخلصه واجي حستلم التقارير ماشي
وسابها ورجع مكانه وكاتم ضحكته وركز ف الورق ال قدامه ال حياخده معاه الاجتماع ولمه ومشي من غير كلام
مايا بصت للورق وبصت عليه وبتكلم نفسها طيب كفايه اخر سنتين ! ماشي يا صقر دانا حبهرك اتقل عليا
( مايا لانها دارسه تجاره واشتغلت عند حسام فتره قدرت تخلص الحسابات في ساعه ونص )ضغطت علي نفسها لحد ما انتهت مايا بألم :اه رقبتي انا حقوم اصور التقارير دي واجيب لي قهوه
وطلعت تسال السكرتيره : لوسمحتي فين مكان التصوير.السكرتيره : الدور ال فوقينا (الثالث)
مايا : شكرا
كان قاعد مستني أ/ صقر قام بعد مامشيت ونظر لها وقام يسال للسكرتيره عنها :مين دي ؟
نورا: دي مساعده أ/صقر الجديده
:الجديده ! بس انا شوفتها قبل كده بس مش فاكر فين؟
نورا: اول مره تشتغل عندنا
: طيب أ/صقر قدامه اد ايه ويخلص الاجتماع
نورا :نص ساعه
:طيب حخلي الملف ده عندك وحرجع قبل النص ساعه تمام
نورا : ا/مازن متتاخرش انت عارف ا/صقر دقيق فمواعيده
مازن: لا لا مش حتاخر
وقام مشي راح وراها
مايا طلعت فوق وبتصور الورق ال معاها حست ان في حد واقف منتظر جانبها : انا خلصت خلاص اتفضل
مازن: انتي جديده هنا انا اول مره اشوفك هنا
مايا: اه اول يوم اشتغل بعد اذنك
مازن: اسف لتطفلي بس انا شوفتك قبل كده انتي مش غرييه عني احنا اتقابلنا قبل كده !
مايا بتنظر له : معتقدش انا اول مره اشوفك
مازن : مش عارف لكن متاكد اني شوفتك قبل كده
مايا : جايز برده !
انا كنت بشتغل فشركات العز جروب عند حسام ممكن تكون جيت هناك
مازن : بااااس افتكرت ايوه صح هو شركه العز احنا حضرنا اجتماع سوا
انتي وأ/صقر ومحامي ومحامي ومحاسب شركه
حسام وحمزه في الصفقه معدات
مايا كانت فاكره اليوم ده بالتفصيل لكن مكنتش مركزه في مين حضر الاجتماع كانت متوتره من عيون الصقر ال قابلته صدفه : ممكن لكن مركزتش حقيقي انا اسفه
مازن: انا مازن محاسب هنا
مايا : اتشرفت بحضرتك ممكن تقولي البوفيه فين
مازن ببشاور علي مكانه : تعالي معايا انا رايح هناك برده
مايا :ماشي شكرا
دخلو الكافتيريا وطلبو قهوه
مازن بص علي ساعته لاقي ان لسه فيه وقت وحس بأعجاب بها وحب يتكلم اكتر : تعالي نقعد نشربها ايه رايك وابتسملها
مايا بتوتر : ها لا شكرا يدوب حنزل عشان متاخرش شكرا
مازن :طيب يلا انا كده كده نازل عندي مقابله مع أ/ صقر
ومشو مع بعض لحد ما وصلو الاسانسير ومنتظرين وصولو وبيكلمها انتي سيبتي الشغل ليه عند حسام !
مايا: يعني ظروف كده
مازن حب يغير الموضوع لما حس انها مش عاوزع تتكلم: كنت عاوز اقولك الشغل فشركات الهواري في بدايته صعب جدا
أ/صقر مابيتهاونش في الشغل ابدا خلي بالك دقيق جدا ومنظم جدا وعصبي شويه
مايا بتكلم نفسها عصبي شويه اه بس اسالني انا و بلعت ريقها لما سمعت كلامه: ربنا يستر
مازن بابتسامه :انا مبسوط جدا بمعرفتي بيكي بجد
مايا بتحاول تقصر فكلامها: شكرا
وركبو الاسانسير
مازن حب يفك الجو ال بينهم حابب يتكلم معاها اكتر مش عارف ليه : مقولتليش اسمك ايه
اسمي مايا
مازن : الله اسمك جميل اوي
مايا بأبتسامه مجامله من غير ماتبص عليه : ميرسي اللحظه دي الباب اتفتح فاتفاجأو ب الواقف وعينيه كلها شرار !
صقر خلص الاجتماع قبل ميعاده بربع ساعه ورجع مكتب السكرتيره بيسال علي: فين مازن ؟ مش قولتلك بلغيه اني عاوزه بعد الاجتماع ويجيب الملفات ال طلبتها منه يعملها
نورا بتوتر : هو هو وصل فعلا وقعد منتظر حضرتك ومشي وقالي حيرجع تاني
صقر : ايه الاستهتار ده يعني ايه جا ومشي احنا بنلعب هنا كلميه شوفيه فين بسرررعه
نورا : حاضر حاضر
ودخل المكتب بص ملاقهاش في مكتبها : طلعت برده راحت فين دي ونفخ ورجع للسكرتيره تاني بيسالها: فين مايا ؟
نورا : طلعت سالتني عن مكان التصوير وقولتلها ع المكان
صقر : من امتي ؟
نورا: من حوالي ثلث ساعه بظبط
صقر سابها ومشي راح ناحيه الاسانسير ولسه الباب بيتفتح لاقاهم واقفين جنب بعض تقريبا كانو بيتكلمو وهي كانت بتضحكله ربع ايديه وبينظرلهم
مازن تتدخل بتوتر : احم احم أ/صقر انا كنت جاي لحضرتك دلوقتي
صقر: علي مكتبي حالا
صقر نظر لها نظره مرعبه ومسك نفسه 😡وسكت
صقر لها: اتفضلي قدامي علي المكتب
ودخلو المكتب وقعد مكانه وشاور لهم بجلوس : اتفضل استاذ مازن اتفضلي استاذه مايا وقعدو
صقر ل مازن: لما ابلغك اني عاوزك وجيت ملاقتنيش تقعد تستناني ماتمشيش مفهوم انت مش اول مره تتعامل معايا
مازن بتوتر اتحرج بوجودها : تمام مفهوم اسف
صقر وهو بينظر لهم : شكلكو اتعرفتو ع بعض ولا ايه ؟
مازن تتدخل : اه يعني
مايا ساكته وكتمه ضحكتها ومبسوطه اوي عينيه كلها غيره
صقر نظر لهم بغموض : تمام سهلتو عليا كتير
فين ال طلبته منك ونظر ل مايا فين ال طلبته منك
وقدمو الملفات له
وقعد ينظر للملفات بيقارنهم ببعض
كان مازن قاعد قصاد مايا ال منزلش عينيه من عليها من اول ما قعد لكن هي مكنتش بتنظر له كان كل تركيزها مع صقر والملفات ال حتثبت كفاءتها فقط فالشغل
صقر بعد صمت تام اكتر من ثلث ساعه بيراجع ملفاتهم وكان بيتابع ردودهم ونظراته هو بالاخص😡
صقر لمازن : تمام تقدر تمشي حساباتك مظبوطه جدا
مازن :تمام حستاذن انا عاوز مني حاجه تاني
صقر : لا
مازن لصقر : وانسه مايا ؟
صقر بيرفع حاجبه مالها !
مازن: لا اقصد مش حتمشي هي كمان و الملفات بتاعتها يعني وكده ؟
صقر وبيتحكم في اعصابه👊🏼: مايخصكش تقدر تمشي وخد الباب وراك
مازن اتحرج وخرج وقفل الباب
لحظه دي مايا واقفت مسألتوش عن الملفات شافته متعصب اوي قامت باعدت شويه عشان تسيبه يهدا شويه قالت حترجع مكتبها وتقعد
صقر بصوت جهوري: رايحه فين ؟ تعالي هنا
مايا اتنفضت من صوته وتوترت اكتر : مش مش رايحه انا انا حرجع مكتبي بس
مايا بتبعد افتكرت كلام مازن انه مش بيتهاون فشغل ابدا وافتكرت انه متعصب عشان ملفات اكيد فيها غلط
مايا من كتر توترها قطعت بالكلام : ال ال الحسابات لو فيها حاجه
ممكن طيب تهدي و و وتفهمني براحه طيب هو هو انا بتوتر في اول يوم ليا اديني يومين بس وحراجعهم واعيدهم تاني ماشي
صقر وبيحاول يتحكم في اعصابه :طلعتي بره المكتب ليه يا مايا ؟ وكنتو بتتكلمو ف ايه انتو الاثنين؟
مايا يعني كل ال بيعمله ده عشان طلعت من مكتب هو جايبني يحبسني هنا اتنهدت وخرجت نفس : طلعت عادي يا صقر يعني بصور التقرير ال عملته وقابلته صدفه كان بيشبه عليا لما اتقابلنا عند حسام يوم الاجتماع بس كده
صقر : وحد طلب منك تصوريه اصلا
مايا : من غير حد ما يطلب مني لما بعمل حاجه لازم اصورها انا اخدت ع كده
صقر عجبته تنظيمها للشغل وللورق فعلا وطريقه تنظيمها وحسابات مظبوطه جدا لكن ماتكلمش فالنقطه دي
سكت عن الملفات
كان كل تركيزه البتاع ال اسمه مازن ونظراته ليها : مش عاوزك تتكلمي مع اسمه مازن ده حسك عينك اشوفك واقفه معاه فاااااهمه
مايا قربت منه وابتسمت له ومسكت كتفه: حبيبي بيغير بقا ولا ايه
صقر مضايق وباعد ايديها : مابغيرش وباعد وشه الناحيه تانيه
مايا مسكت و قربت وشه ليها : لا بتغير بص في عيني
صقر: مابغيرش
مايا : بتغير بتغير بتغير والله بتغير
صقر : اه بغير ارتاحتي
مايا ابتسمت له : جدا
والله يا صقر انا اصلا معرفتوش في الاول هو ال نازل رغي وبعدين مركزتش يوم الاجتماع عشان اعرفه دلوقتي اصلا هو ال بيشبه عليا كان وبعدين بطل تكشيره دي بقا
صقر : وكمان نازل رغي يعني اروح ارفضه ولا اموته واخلص وانتي واقفه تسمعيله طبعا
مايا : يا صقر والله ده كلام كله ف اسانسير مخدش ثواني مش اكتر وترفضه ليه انا ال حرفض نفسي من هنا ونحل الموضوع كله
فك بقا تكشيره دي مش لايقه عليك اصلا
وبعدين انا مش شايفه حد غيرك اصلا
صقر: يا مايا انتي مشوفتهوش كان بيبص لك ازاي 👊🏼 انا كنت حقوم اضربه والله
مايا : انا اخد بالي انك اتعصب انا قولت عشان الملفات غلط وكده والله
ولا اخد بالي منه اصلا انا كان ال في بالي كله معاك انت اصلا واتنهدت ممكن تهدي عشان خاطري
رن جرس مكتب السكرتيره بتبلغ صقر أ/حمزه وصل وعاوز يقابل حضرتك
صقر : دخليه حالا
مايا: اخيرا وصلو وحشتني اوي نيرمين لما اروح حبقا اكلمها
حمزه دخل وصقر رحب به جدا واخده بعض بالاحضان واحشني ياعريس ايه الغيبه دي
حمزه ضحك: عريس بقا ياعم ورجعنا للشغل اهه تاني
ايه ده مايا ازيك
وراح عشان يسلم عليها ولسه حتمد ايديها لحقها صقر ومد ايديه بدلها وسلم
مايا اندهشت واتكسفت من موقفه ونظرت له استغراب
صقر مبتسم له : اصل خطيبتي مش بتسلم علي حد وبص عليها وسلمت هي :اهلا يا حمزه مبروك
حمزه حس بالموقف وعارف صاحبه: الله يبارك فيكي انا ال مفروض اباركلكو
الف مبروك يا صاحبي
صقر : حبيبي
مايا :طيب اسيبكم براحتكم
صقر : رايحه فين ؟
مايا اتنهدت : رايحه مكتبي
حمزه بيبص عليه مش فاهم حاجه ؟
صقر :مايا بتشتغل معايا
حمزه: لا انا فايتني كتييييير كده هههههه
وقعدو شويه يتكلمو كتير
وخلصو يومهم
وفي العربيه بيوصلها وقبل ماتنزل
مايا : صقر انت مضايق مني فحاجه؟
صقر اخد نفس : لا يا مايا مش مضايق منك انا بس بحبك اوي لدرجه اني مش قابل اي حد يبص عليكي نظره واحده ولا يتكلم معاكي ولا يلمس ايديكي حتي
مايا اتنهدت: صقر احنا في الشغل وطبيعي اقابل عملاء وموظفين واكيد حتكلم معاهم لكن فحدود العمل فقط يعني لو انت مش واثق فيهم فلازم تثق فيا انا وابتسمت له
صقر : ححاول حاضر بس ماتسلميش علي حد برده
مايا ضحكت :ههههه والله حرجت حمزه جدا انهارده
صقر : احسن يلا اطلعي بسرعه
مايا : سلام
وعدي اكتر من شهرين عليهم
بين شغلهم وبين تجهيز شقتهم مع بعض مش بيسيبو بعض لحظه
وحبهم وثقتهم زادو اكتر
ومننساش اكيد في خناقات بسيطه في العمل خاصا لما مازن طلب ايد مايا من صقر لانها مساعدته فاكيد عارف عنها اكتر
ياعيني مازن اخد بوكس حلو :دي مراتي يا حيوان واترفض من شغله بعدها
ومايا قعدت من الشغل فورا
وقعد ثلاث ايام مش بيكلم مايا
ومحاولات كتير عشان تكلمه مش بيرد علي تليفوناته يومين
لحد ما رحتله البيت ثالث يوم تغلس عليه وتكعبل اوضه ومش راضي لحد ما اعجب ب ال بتعمله عشان تكلمه بس وقعد يومها كاتم ضحكته بيشوف حتعمل ايه تاني
مايا: يا صقر بقا كلمني انا ذنبي ايه طيب انا من يومها وانا لما بشوفه صدفه بغير اتجاهي ومش برد عليه كلمني بقا انا تعبت بقا وفتحت دولابه ونزلت هدومه كلها وراحت للسراحه بوظت ترتيبها وهو قاعد علي سرير عامل نفسه مش واخد باله
مايا ملقتش فايده فيه يأست واضايقت من نفسها انه مش طايقها اتجهت للباب عشان تمشي(باب كان مفتوح ) :مش حتتكلم يعني عموما دي اخر محاوله ليا براحتك خليك فاكر اني جيتلك وانت مش موافق حتي تكلمني انا ماش****
قام بسرعه لها وقفل الباب وسندها عليه ونظر داخل عيونها :انتي بتعيطي
مايا غمضت عنيها وباعدت وشها
صقر لف وشها له : بصيلي افتحي عينيكي
مستناش تفتح وقبلها قبله عميقه بث فيها شوقه ليها مايا حاولت تبعده مقدرتش لحد ما باعد عشان ياخدو نفسهم
مايا فتحت الباب وطلعت بره
صقر راح وراها وضحكته عاليه: تعالي هنا يابت
مايا : وكمان بتضحك ليك عين
صقر: والله منظرك كان تحفه وانتي بتكلمي نفسك وبتكعبلي الاوضه عارفه لو ماما شافتها حتعمل فيكي ايه هههههه
مخبيش عليكي انا اول يومين انا فعلا كنت مخنوق جدا ومضايق من موقف واسف مرتدش عليكي بجد محبتش اضايقك بكلمه
مايا: ليه ياصقر احنا مش اتفقنا اننا نتكلم لو في حاجه ضايقت التاني
لكن الموقف ده انا عارفه انك اضايقت جدا عشان كده كنا لازم نتكلم سوا مش حينفع تكون مضايق لوحدك امال حكون شريكه حياتك ازاي لازم نكون علي الحلوه والمره سوا
سواء فرحان حنفرح سوا ولو مضايق نكون مع بعض لحد ماتعدي الظرف
وبعدين بتقولي اول يومين طيب انهارده مكلمتنيش ليه!
صقر : عارف والله الكلام ده كله بس ده خلي دماغي اتشقلبت بجد
وضحك انهارده انتي كنتي واحشتيني اوووي واول ماشوفتك وال بتعمليه مقدرتش اكتم ضحكتي اكتر من كده وشوفت دموعك مقدرتش وغمزلها😉
مايا : تصدق انك رخم اوي والله ما حسيبك سايبني اكلم نفسي وانت بتضحك عليا ولفت تدورله علي حاجه تحدفه بيها لاقت دبدوب جنب منها مسكته تعالي هنا
صقر شافها بتدور علي حاجه طلع يجري شاف مامته واقفه في بلكونه بتنشر ماما بقولك
مايا رجعت عن ال كانت حتعمله واستحلفتله : ماشي
كوثر : ايه يا صقر مالك
صقر: ها لا مفيش اه بقولك (وبص علي مايا بتحدي)
اوضي مكركبه اوي
كوثر: ايه مكركبه انا لسه مروقاها زي الفل وده مين ال كركبها ده !
مايا بتوتر : ده ده صقر يا طنط
كوثر: لا بقولك ايه يا صقر انا مش حروق حاجه روقها انت
مايا: صح يا طنط انتي صح انا حمشي بقا عشان حقابل نيرمين حشتري ال ناقصلي في الفرح
وبصت علي صقر وعدت من جانبه وخبطته من كتفه خبطه جامده
صقر: ااايووووه اه والله ما حسيبك يا مايا فاضلك يوم وتكوني ليا ماشي
والموظف بعد محاولات منه انه مايعرفش واعتذرات ومحاولات مايا حرام تقطع عيشه وبعد محاولات كتير رجعه الشغل تاني لكن كل معاملات ال تخص مازن حمزه مسئول فيها بعيد عن صقر تمام
وجا يوم المنتظر يوم الفرح
مايا نايمه ولاقت ال بيتنطط جانبها وبيصحيها: يا ماما عاوزه انام منمتش بليل حلو سيبيني خمسه بس
نيرمين: يلا بقا ياعروسه اتاخرنا اووووي
مايا مغمضه عنيها: ليه ساعه كم وبصت علي ساعه جانبها : هااااه حرام عليكي يا نيرمين فرح ايه الساعه ٨ صبح ده نامي يا حبيبتي نامي جانبي شكل الوحم مبهدلك ميعادنا لسه عند كوافير الساعه ٢ تعالي جانبي وزاحت لها وهي مغمضه وبتتكلم وهي نايمه تعالي تعالي
نيرمين ملاقتش فايده برده فيها فكرت شويه ومسكت بطنها وصوتت: ااااااه بطني اللحقيني مغص اااه اه
قومي بقا بسرعه
مايا اتنفضت مره واحده
في ايه مالك مغص يالهوي بتولدي استني وعماله رايحه جايه مش لاقيه تليفونها
نيرمين خبت تليفونها و كاتمه ضحكتها بولد ايه يا هبله انا لسه فشهرين ومسكت بطنها عشان ماتكشفهاش :اااااه مش قادره يابت مغص ااه
مايا وقفت : اخ طيب فين تليفوني هاتي تليفونك طيب نكلم حمزه ولا حسام
نيرمين بتقطع فكلام : ا ا تليفوني فصل شحن اه مش قادره
مايا طيب طيب استني حلبس اي حاجه وننزل نشوف اي طوارئ دلوقتي.
وجرت علي دولاب مش مركزه فاي حاجه ودخلت الحمام لابست بسرعه
*كانت نيرمين بعتت رساله لصقر مهمتها تمت وخبت موبايلها*
خرجت مايا :يلا يلا بسرعه
نيرمين : اه اه بسرعه يلا.
نزلت مايا ومسكه نيرمين لقت ال بيشدها ونيرمين سابتها وضحكتلها وبتقولها انا مهمتي خلصت اروح انام بقا صحتوني بدري اوي سلام كان حمزه مستنيها بره
مايا تنحت : انتي مش تعبانه وبصت علي صقر انت متفق معاه انت كمان
صقر مكملتش كلامها شالها وحطها فالعربيه وركب وساق بيها
مايا : ايه الجنان ده ياصقر كده تخضني برده
ونيرمين ماشي لتاني مره تعملها فيا
صقر: سلامتك من الخضه ياقلبي عندي ليكي مفاجأه وقولت اخطفك بقا😉
مايا فرحت : الله مفاجأه ايه
صقر :ولو قولتلك حتبقا مفاجأه برده
مايا :طيب رايحين فين
صقر مسك ايديها انتي انهارده حتتكتبي علي اسمي انتي احلي حاجه حصلت فحياتي كلها ومسك ايديها وقبلها وحطها علي قلبه انتي نبض قلبي
كان وصلو المكان مستناش ردها لان شاف كسوفها واحمرار وجهها
وصلنا
قبل ماينزل جاب رباط ولف عنيها
مايا: انا كده مش حشوف حاجه حقع
صقر : حمسكك متخافيش طول ما انتي معايا وقبلها في خدها
انزلي وامسكي في ايدي بس ونزلت ومشت وسابها وباعد عنها
مايا نادت عليه: صقر سبتني ليه انت فين وقلعت الرباط وفتحت عنيها لاقته واقف جنب عربيتها
(ال سابتها لحسام اخر مره) وبيديها مفتاح
مايا فرحت وبعد كده رجعت تاني : ايه ده عربي**وسكتت
بس بس مش بتاعتي دلوقتي ياصقر
صقر: بتاعتك يا حبيبتي من يوميها والله
حسام مالوش ذنب في ال حصل انا ال اتفقت معاه يقولك كده عشان تشتغلي معايا بس والعربيه من يومها معايا
دي الحاجه الوحيده ال مقولتلكيش عليها يوميها
مايا: بس بس ال الاقسا****
صقر قطعها وحط ايديه علي فمها وقرب منها : هشششش ولا كلمه انا وانتي واحد ولا انتي شايفه حاجه غير كده قولي
مايا هزت راسها ب لا : وحضنته اووي وشكرته وباسته علي خده وهو شالها ولف بيها وبتقوله بحبك اووووي اوي
ونزلها يلا سوقي انتي ولا نسيتي السواقه افكرك وغمزها(لان لما كان بيعلمها السواقه كان كل مطب ولا غلطه كان بيزاولها وبيخطف منها قبله سريعه وهي تتكسف وكل ماتركز يشتت تركيزها بكلامه وافعاله)
مايا ضحكت : ههههه لا منسيتش فاكره
صقر ضحكك بصوت عالي : ههههههه طيب يلا بينا نرجع
سوقي وانا جاي وراكي
بس ماتصدمنيش انا عريس انهارده ومحتاج صحتي ههههه
مايا: قليل الادب امشي بقا يلا
ومشت قدامه وساقت براحه وهو ساق ومشي وراها وكل شويه يجي جانبها ويبعتلها بوسه وهي تضحكله وتسوق لحد ما وصلت البيت
ها ايه رايك في سواقتي
صقر: عسل زي صاحبتها
مايا: ربنا يخليك ليا ياحبيبي بجد اشوفك بليل بقا وسابته وطلعت تجري
صقر: ضحك عليها ماشي يا مايا اهربي دلوقتي وانا حخطفك بليل ههههه وركب عربيته ورجع علي بيته بيجهز نفسه
بليل
منتظرها برهو حمزه جانبه وحسام وعماد كان لسه واصل من ساعتين
عماد راح سلم علي والدته ووصلها القاعه تستقبل المعازيم وراح عشان يسلمها لعريسها وواقف مستني تخلص
ومايا جوه جهزت ونيرمين انبهرت : ماشاء الله الله اكبر عليكي طالعه اميره انا متاكده ان صقر حيخطفك وغمزتها زي الصبح
*كانت لابسه فستان اقل ما يكون للأميرات*
نيرمين بعتت رساله لصقر انهم جهزت تقدر تدخلها
عماد قاله سيبني حسلمهالك انا
صقر ابتسم له وشاور له انه يدخل : اتفضل
واقفه مستنياه جوه
دخل و اتفاجأت وفرحت جدا وحضنو بعض كانت حتبكي لولا نيرمين نبهتها امسكي نفسك يا مايا
واحشتني اووي اوووي كده كل ده بعيد عني
عماد: كبرتي يا مايا انا مش مصدق نفسي وحسلمك لعريسك كمان
مايا ودموع في عنيها: كان نفسي بابا يكون معانا اوي
حضنها عماد اوي: هو حاسس بينا وفرحان بيكي كمان
مش عاوزاني اسلمك لعريسك يعني امشي
مايا : لا وحضنته انا مصدقت انك جيت
طيب تعالي امسكي في ايديا ومسكت ف ايديه وطلعو بره والكل زغرط لهم وكانت اجمل عروسه
استلمها صقر منه ومسكت بوكيه الورد منه
وطرحه نازله علي وشها ومشو مع بعض لحد ماركبت العربيه وصقر جانبها وقدام كان حمزه ونيرمين جانبه
صقر :الجميل ساكت ليه
مايا متوتره جدا وساكته
صقر مسك ايديها الاثنين
يطمنها : اهدي يا مايا انا جنبك وكلنا جنبك وراح شالها الطرحه : انا مش حقدر اسكت اكتر من كده احنا نكتب الكتاب ومحدش ليه دعوه بينا وحخطفك بعدها وقبلها من خدها
مايا برقت له وبتبص قدام علي حمزه ونيرمين : صقر عيب كده
صقر :هس انتي
ووصلو القاعه وراحو اتصورو وخلصو وماذون وصل وكتبو الكتاب والكل فرحان لهم و
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وجع القلب)
