رواية وجدت بك اماني الفصل الأول 1 بقلم فراولة
رواية وجدت بك اماني الجزء الأول
رواية وجدت بك اماني البارت الأول
رواية وجدت بك اماني الحلقة الأولى
# و انت ازاي توافق على دا يا بابا ……. ازاي تربطوا مصيري في التعليم بالجواز و من مين من غيث ؟!!!!
عبدالله : سماء انتي عارفه ان كلمة جدك سيف علينا كلنا …. و هو عنده حق انا اخاف عليكي تقعدي في سكن الطلبة او حتى لوحدك في شقه
سماء بانفعال و بكاء : فتجوزوني يا بابا و تجوزوني لغيث كمان ….. طب لو خايفين عليا ليه هترموني ليه
عبدالله : هنرميكي !!! انتي بتقولي ايه !!! دا ابن عمك و بنقولك تتجوزيه و تسافروا للقاهرة تاخدي الدبلومة بتاعتك
سماء : ايوا طالما لغيث يبقى بترموني يا بابا …. يبقى بتدمروا مستقبلي ….. و ابن عمي مين …. دا مش ابن عمي اللي اتربى معايا و اللي كنت اعرفه دا واحد ضايع واحد الله اعلم ايه الذنوب اللي لسه مرتكبهاش
سالم (الجد ) بزعيق : سمااااء ….. مش معنى اننا مدلعينك يبقى تشطحي فيها …. صوتك و انتي بتتكلمي مع ابوكي ولا ايه نسيتي الادب و الاحترام …….. و بالنسبة لكلمتي فانا مش هتنيها يا تتجوزي غيث و تسافري معاه تكملي العلام اللي عايزة تخلصيه يا كفياكي علام لحد كده و تقعدي تستني عدلك ….. غير كده لا
سماء ببكاء : يا جدو انت لسه بتقول حالا انكم مدلعني …. يرضيك بعد الدلع دا في الاخر اتجوز غيث يا جدي …. دا اسمه ايه رد ……. كلكم عارفين غيث …. انت نفسك كام مرة زعقت معاه و طردته من البيت بسبب الحاجات اللي بيشربها ….. كام مرة لحقتوه قبل ما يعمل مصيبة مع الشلة اللي ملموم عليها ….. كام مرة اتخانقتوا معاه علشان مش بيشتغل …… انتوا عايزين تجيبوا واحد منعرفش حاجه عنه من سنة فاتت و تقولولي اتجوزه يا جدي طب باي عقل … ايه مش خايفين عليا … بقيتوا بتكرهوني يا جدي للدرجة دي و عايزين تخلصوا مني !!!
سالم : بنكرهك !!!! انتي بتقولي ايه يا بت انتي دا المتدلعه بتاعت البيت دا ….. هو احنا نقدر نعيش من غير صوتك في البيت ….. و نخلص منك !!!!! دا احنا بنقولك ابن عمك يا بنتي مش حد غريب
سماء : و علشان هو ابن عمي يبقى عايزين تخلصوا مني ….. غيث محدش يعرف عنه حاجه من سنة فاتت يا جدي …. يعنى محدش يعرف صياعته و ضياعه وصلوا لفين …. فلما تيجوا تقولولي اتجوزه يبقى اه عايزين تخلصوا مني …… لو اتجوزته و سافرت هتبقوا بعيد عني ….. محدش فيكوا هيحس باي حاجه ممكن يعملها … حتى لو قتلني
عبدالله : انتي بتقولي ايه يا بت انتي ….. سماء انتي اتجننتي بعد الشر عليكي …. و كمان دا غيث يا سماء اللي كان بيحميكي من كل حاجه و انتوا صغيرين تعتقدي ممكن يأذيكي !!!
سماء : غيث بتاع و احنا صغيرين مختلف عن غيث دلوقتي يا بابا ….. و بتاع دلوقتي انا معرفهوش بالعكس انا بكرهه
سالم في اللحظه دي لمح ظل حد واقف ورا الباب ظل هو عارفه اتنفض و جري بعد اخر كلمة : اطلعوا كلكم برا و سيبوني مع سماء
عبدالله : بس يا بابا ….
سالم : عبدالله مش هكرر كلامي ….. يلا
سماء : ايه يا جدي هتحاول تقنعني ازاي …… ولا هتجبرني يا جدي
سالم : لا يا سماء مش هجبرك ….. بس متنسيش اني عارف انك بتحبي غيث يا سماء
سماء :كنت يا جدي …. و انت عارف اني بقيت بكرهه لا مش بكرهه بس انا بخاف منه يا جدي …. ازاي عايزني اتجوز و اسافر مع واحد حاول انه ……. لاالاللا يا جدي ارجوك
انا سكت يومها يا جدي و مقولتش لبابا لانك اتصرفت و علشان خفت بابا يعمل فيه حاجه لكن انت اكتر واحد عارف ان على قد كل حب حبيتهوله بقيت بكرهه و مش عايزة اشوف وشه حتى
سالم و هو بيحتضنها : بس بس يا حبيبتي ….. اهدي يا حبيبي علشان خاطري بس خلاص لاجل عيونك اعملك كل اللي عيزاه بس مشوفش دموعك دي يا حبيبي بس بس
ليقاطعهم صوت خبط على الباب : ممكن ادخل يا جدي بعد اذنك
سماء : لا لا لا لا …. مش عايزه اشوفه يا جدي ارجوك
سالم : اسمعيه يا سماء …. انا سمعته و صدقته و انا جنبك مش هسيبك …. مش هيعملك حاجه يا حبيبي ….. ادخله !!!!
سماء و هي بتبت فيه جامد : خليك جنبي ارجوك يا جدي…. متسبنيش لوحدي معاه ارجوك
سالم و هو بيحضنها و يطمنها : متقلقيش يا عيون جدك انا معاكي
ادخل يا ابني
غيث : ااامم جدي انا
سام : اقعد يا غيث … اقعد و خلينا نتكلم
سماء ببكاء : مفيش كلام بينا يا جدي …. مفيش
غيث : سماء انا …. انا اسف
سماء بانفعال و بكاء : متقولش اسمي …. و بتتاسف على ايه هي كلمة اسف دي سهلة بالنسبة ليك اووي كده ….. انت ايه ازاي كل حاجه عندك سهله كده …. انت مين اصلا … انت بني ادم انا معرفهوش
غيث : والله م كان قصدي والله كان غصب عني يا سماء …. انا مكنتش في وعيي والله
سماء : دا انيل …. دا انيل انت مرتكبتش ذنب واحد بس لا دا انت كمان كنت مغيب ….. انت هتروح من ربنا فين قولي ….. ليه عملت كده اديني سبب تدمر حياتي و احلامي ….
غيث ببكاء : والله كان غصب عني …. مش هتفهمي غير لما تعرفي الحقيقهو والله
سماء : متحلفش متحلفش هصدقك بأمارة ايه قولي
سالم : لان انا اتاكدت من كلامه يا سماء ….. و هو صادق …. التفاصيل مفروض هو اللي يحكهالك … لكن اعرفي انه كان حد اللي مستسلط عليه و صدقيني يا سماء …. اللي قدامك دا هو غيث اللي انا ربيته
غيث : انا نظرة الخوف اللي في عينك دي بتقتلني يا سماء …. دا انتي كنتي بتجري عليا تتحامي فيا ….. فكرة اني انا اللي ابقى مسببلك الرعب دا فكرة صعبة بالنسبة ليا يا سماء مش قادر استحملها والله
سالم : غيث عايز فرصة تانيه يا سماء منك …. غيث من سنين و هو قايلي انه بيحبك و انه مستنيكي بس تبقى مستعدة …. بس اللي حصل منه لله اللي كان السبب
سماء : و ايه ضمانك يا جدي … ايه ضمانك انه مش بيكذب …. ايه ضمانك اني هبقى مطمنه و بخير معاه يا جدي
سالم : يا بنتي انا مستحيل ارميكي للنار صدقيني ….. انا بعمل كده علشانكم والله
سماء بعياط شديد : بس انا هفضل خايفه منه يا جدي ….. مش هقدر صدقني مش هقدر
سالم : اطلع برا يا غيث …. اطلع بقولك
غيث بحزن : حاضر يا جدي
سالم : و هو بيتأكد ان محدش موجود ورا الباب : سماء انا عارف انك بتحبيه يا حبيبتي و دا اللي واجعك منه بالشكل دا …. و هو كمان بيحبك … اديله فرصة و صدقيني لو لحظة حسيتي انه مش هتقدري …. هكون عندك بطلقك منه … بس اوثقي فيا يا سماء
سماء : مش هتبقى عيشه يا جدي … مش هتبقى ….انا هفضل مرعوبة منه في كل حركة …. مفيش اي علاقة بتتبني على الخوف يا جدي مفيش
سالم : انا متاكد انه هيعرف ينسيكي خوفك دا يا سماء …. هو نفسه مش عارف يعيش من غيرك و من اللي عمله … دا مقدرش يرفع عينه فيكي يا سماء …. بصي انا هسيبك النهارده و هقولهم محدش يطلعلك … و انتي صلي استخارة و فكري و بكرا هاخد منك رأيك … اتفقنا يا سمسمتي
سماء بتعب من كتر البكا : حاضر يا جدي … حاضر
______________________________________
الصبح
عبدالله : صباح الخير يا حبيبة بابا… ايه. يا حبيبتي جدك امبارح قالنا نسيبك تنامي كل دا نوم يا بت انتي
صفاء : ما هي استغلت الفرصة يا اخويا… جدها قال سيبوها في حالها… و تهرب من الشغل و المطبخ بلا نيلة مش نافعه في حاجه… حتى الجواز طبيعي تبقى رافضة هي بتعرف تعتمد على روحها في حاجه بلا نيله….
عبدالله : في ايه يا ام سماء… مش كده يا ست انتي براحه على البت… و كمان سماء تدلع و تعمل براحتها اللي هي عيزاه
صفاء : خليك يا اخويا كده مدلعها… بقالها سنه ولا بتعمل حاجه ولا بتروح و لا بتيجي و مقاطعه خالتها و عيالهم كلهم
سالم : مقاطعه خالتها و عيالهم ولا مقاطعه ابن اختك اللزج اللي عايزة تجوزيهولها و قالبه عليها علشان مش موافقه
صفاء : و متوافقش ليه يا حج الواد طول بعرض و يقدر يفتح بيت… ولا هو حفيدك احسن منه في ايه يعنى علشان توافق عليه
سماء : من ناحية موافقش ليه يا ماما فلا في كتير بعد اذنك يعنى يا جدي… علشان انا تعبت و لازم نحط لكل حاجه حد… ابن اختك مستحيل اشوفه اصلا علشان اتجوزه و مش علشان الشكل ولا هو علشان مين…. علشان يعرف يفتح بيت من فلوس ابوه يا ماما… مش من فلوسه… هيل طري ميعرفش يعتمد على روحه… و بالنسبة ليا لا انا بعرف اشيل المسؤولية كويس اووي… و حضرتك مربياني و معلماني اعمل كل حاجه… فمش علشان خاطر اختك و بنتها هطلعي فيا القطط الفطسانه دلوقتي… و بالنسبة لابن عمي… ايه مش دا كان حبيبك اللي انتي على طول بتحاميله ولا ايه يا امي… دلوقتي بقى كخه
صفاء : و طالما تعرفي تتحملي المسؤولية ياختي مشوفتكيش يعنى اتجوزتي ليه لحد الان… خلاص كل صحابك اتجوزوا و في اللي معاها عيال على كتفها كمان… و انتي قاعده في البيت ايه ناوية ترهبني يا قلب امك… ولا يكونش مستنية حد
سالم بزعيق : صفااااء… شكلك نسيتي اني واقف.. و شكلك نسيتي سماء دي تربية مين… و بنتك مش مستنية حد بنتك بتحاول تثبت نفسها… بتحاول تبقى مختلفه عن بنات البلد بنتك بتحاول متبقاش زيها زي غيرها يا امها ياللي مفروض تشجعيها… مش
تبصي على البلد و كلام الناس
سماء : و بالنسبة للجواز يا امي فانا هتجوز متقلقيش انا موافقة على ابن عمي يا جدي… على الاقل هيأكلني من جيبه مش جيب ابوه… على الاقل هيقف جنبي علشان اكمل دراستي و حلمي… مش عايزني علشان احشيله حمام و محشي لبطنه بعد الجيم و العضلات…. هتجوز حد يا امي انا شيفاه راجل يحميني… مش ننوس عين مهمته
جدي عيزاك ثواني في المكتب… بعد اذنك
سالم : تعالي يا حبيبتي… تعالي معايا
عبدالله : كان نفسي تبقى حنينة على بنتك يا صفاء… بس هقول… مشيتي ورا كلام الناس و البلد انها بنت و اكسريلها ضلع و القرف دا.. محستيش ان معاكي جوهرة
صفاء : انا كنت عايزة ولد اعرف افرح بيه وسط الناس.. حتى لو كان هيبقى فاشل فاسمه في الاخر وااد
عبدالله : مفيش فايدة يا صفاء مفيش فايدة… هيجي اليوم و اللي هتندمي… بس بنتك هتكون كرهتك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وجدت بك اماني)
