رواية بن أسود الفصل السادس 6 بقلم رويدا القاضي

رواية بن أسود الجزء السادس

رواية بن أسود البارت السادس

رواية بن أسود الحلقة السادسة

“لايمكن إصدار الحكم ع الأشخاص إلا بعد المواقف”
عمتي سكرت رأسها عموضوع قيس انا من الصدمة مش مصدقة وأصلامش عارفة نرد عليها نبكي وبس..
صالحة: حماتي ونحترمك لكن بنتي مستحيل تتزوج الحشاش هذا.
خديجة: الحشاش أخ صغاري .
صالحة: النقاش مش هكي البنت ماتبيش .
خديجة: ومن امتا ناخدوا في رأي البنات احنا وبعدين النقاش مع راجل الحوش .
صالحة: بنتي مستحيل تاخده وهذا موضوع مسكر …
قيس: هيا دادي نروحوا وخلي بنتهم تقعدلهم .
خديجة: ياحيف ياحاتم نحسابك تفعل مش الكلمة عندها انسى انه عندك أخت.
مروى: كل يوم ايزيد كرهي لعمتي وبنتها من الفصول الناقصة للي قعدوا ايديروا فيها روحت هيا وولعت بين بابا وماما ….
وماتمتش المشكلة إلا وأمي طايحة بينا لاحول لها ولاقوة مغمى عليها….
حاتم:اهو للي صار لأمك من تحت عنادك وتسكير دماغك خديتيه وريحتينا.
مروى: كيف تاخد واحد سكار حشاش .
مرام: كأني في كابوس ولا نتفرج ع مقطع من دراما حزينة نستنى امتا تكمل ونفيق منها…
طلع بابا رفع ماما للمستشفى وعطلوا طبعا ولما وصلت للحوش كانت متغيرة هلبا…
صالحة: مرام تعالي نبيك سلم بنتي .
مرام:نعم كيف حالك توا ياماما سامحيني ديما جايبتلك التعب والشقاء .
صالحة: اتصلي بي فاضل واعطيني الهاتف نبيه واطلعي لين نضبح عليك.
مرام: حاضر رغم اني استغربت من طالبها لكن ماقدرتش نسأل علاش ولا كيف اتصلت بيه وقتله ماما تبيك…..
فاضل: الو السلام عليكم كيف حالك ياعمتي صالحة وكيف حال صحتك.
صالحة: الحمدلله بخير فاضل انت قاعد تبي مرام وشاريها.
فاضل: أكيد .
صالحة: جيب أهلك وتعالى اخطب راهو اليوم عمتها جايبتلها واحد يخطب فيها وحكم تعاركنا ع خاطر مرام.
فاضل: اعطيني رقم بوها وتوا نكلمه ونعطيه علم انه غدوا جايين نخطبوا مرام.
صالحة: مرام أمانة في رقبتك يافاضل.
فاضل: بدون ماتوصي مرام في عيوني.
سكرت منها وبديت نرتب في افكاري شن بيصر بعد ايجئ الوقت المحدد كيف بيكون موقفهم نصارحهم ولا نسكت ونصبر زي ماكنت صابرة السنين هاذي كلها …
عمري ماشلت هم حد من صغاري زي ماشايلة هم مرام
الطيبة الحنينة ولكن الوقت ديما عكسها.
مروى القوية للي تعرف تاخد حاجتها من فم حوت لكن بعد للي صار بيني وبين عمتها ربي يستر عليها هيا ومعتصم.
كيان: شن صار معاك ياقيس طمني.
قيس: ماصار شئ امها رفضت الموضوع كله من الاساس.
كيان: وخالي وين من هذا كله كيف رفضت امها .
خديجة: كان عندك خال لكن من اليوم معاش عندكم حد .
كيان: هو كسر كلمتك ماصار شئ حتى بنته الثانية تقعد عنده توا ينفعه للي ايدير فيه.
قيس: وحق كلام كيان انا توا نستأذن بنروح.
معتصم: خليك باش تزيد تعبئ القلوب الكويس شاطر فيها الفتنة انت من يومك.
محمد: احنا خسرنا علي ومعاش نبو نخسروا حد ثاني ياخليك محضر خير يافارقنا بريحة طيبة.
قيس: شكرا بارك الله فيكم وطلعت.
خديجة: تحشم انت وياه شن للي داره خوكم باش تكلموه بالأسلوب اهو.
معتصم: وانتي ضمي فمك.
محمد :خيرك عمرك ماكنتي هكي.
خديجة : انا يردني خوي ع خاطر بنته ومرته مت امتا يدخل في مواضيعنا النسون .
” وانقلب السحر ع الساحر”
معتصم: باهي شئ زايد هذا اليوم كلمني خليفة ولد عمي ويبي ايجئ الاسبوع الجاي هو وامه.
محمد: ع اساس انا مستغرب علاش.
معتصم: يبي يخطب كيان .
خديجة: شن شن بنتي تاخد خليفة الشين هذا.
محمد: خليفة ولد عمنا ونسيبي وهيا مش رح تلقى أحسن منه .
كيان: مستحيل ناخده كان نموت.
معتصم : من امتى ناخدو في رأي البنات احنا هذا مانقص الكلمة كلمة تريس وانا قتله تفضل للي جاي بها ماتمشي الا بها.
خديجة: لكن حتى اختكم من حقها تقول رأيها هيا للي بتعيش معاه .
محمد: توا لما وصل في كيان ولما كان الموضوع يخص مرام ماكانش هكي رايك ياريت يما تكوني عادلة راهو حتى مرام أختنا.
معتصم: وبالنسبة لخليفة جاي وبياخدك وتم قضي الأمر مانرجعش في كلمتي…
“قد تجتمع عواصف الشتاء وحرارة الصيف كلها في فصل الربيع”
كريمة: ليا وقت نشوف وساكتة وانتي كل مرة تتمادي زي العقرب .
مرام: فرحتي بخبر انه فاضل جاي غدوا باش يخطبني تلاشت وتبددت بكلام كريمة.
انتي للي عرفتيني عليه وخليتيه يحبني ونحبه وتوا طلعت عقرب علاش كنتي تبيه يضحك عليا وانصدمتي لما قرر يخطبني .
كريمة: ايه كنت نحسابك شئ عابر يفوت بيه فترة ويمل وينساه .
مرام: علاش وانتي تعرفي شن عشت شن شفت وشن عانيت.
كريمة: انا مانبيش خالي يتزوج وحدة قلبها معلق بغيره.
مرام: من قصدك بغيره علي للي ميت انا لو مازال في قلبي ذرة حب لي علي مستحيل نرتبط بي خالك لكن باهي للي تكلمتي وطلعتي مافي قلبك الصراحة انا مصدومة.
كريمة: مصدومة ولا.فرحانة خالي مش رح تتهني بيه والوقت بينا.
“في لحظة ضعف قد يتخلى عنك من حاربت العالم لأجله”
مروى: شن بنقدموا نوضي اطلعي مع ماما جيبوا للي ناقص كله.
مرام: تصدقي بعد كلام كريمة معاش عندي نية في شئ ومش فرحانة لا بجيته ولا نبي نفكر شن بيصر بعدها.
مروى: اليوم فرحتك ونعرفه انه للي صار بعد جيت عمتي كان صدمة بالنسبة ليك لكن صدقيني مجرد مايكمل فيك فاضل ويخطبك رسمي رح تسامحك وترجعلنا زي قبل مش رح يتغير شئ.
مرام: خلي ايجو وبعده ايصير خير .
صالحة: الحمدلله هاذي مرام للي شاغلتني اليوم بنتهنى عليها .
حاتم:ربي يعطيك طول العمر وتتهني عليهم الثلاثة ويحفظك في حياتنا.
صالحة: اللهم لااعتراض ع حكمك لكن بناتي أمانة في رقبتك تتحاسب عليها قدام ربي وهامرام بالزايد ع مالوقت سحق كبدها ماتجيش انت والوقت عليها.
حاتم:سامحيني ياغالية …..
“تتوالى الخيبات والإنكسارات وكأنها أمطار ديسمبر”
فاضل: الو احنا في الطريق قريب نوصلوا.
مرام: نضت لبست بلوزة بيضاء وسروال أسود وشعري كان قصير لعند اكتافي خليته مفتوح وحطيت شوية مسكارا وعطر وبس .
صالحة: اتفضلوا انستونا وشرفتونا.
ام فاضل: وصلنا …
مروى: سلمي وتعالي باش اضيفيهم مش تقعمزي معاهم.
مرام:😏 ومن قلك بنقعمز معاهم.
سلمت وطلعت وطبعا كان الصمت سيد الموقف لو تكلمت ماما يتكلموا كان هذا يقعدو ساكتين جت معاه امه وأخته للي هيا ام كريمة.
خشيت نضيف فيهم…..
صالحة: هاذي مرام .
ام فاضل: مش حلوة بكل ولدي احلى منها.
مرام: انا من الصدمة قعدت جامدة في مكاني.
صالحة: شن ناقصها الفايدة في العقل والفالحة والبهاوة والباقي كله زايد.
ام كريمة: ايح كل وحدة يعرفوا سوقها راقد وجرتها حرقة يغطوا فيه بالفالحة والبهاوة والله خايفة ع خوي يخطبها يموت يلحق ولد عمتها.
صالحة: مايموت واحد ناقص عمر وكان ع ولد عمتها هذا مكتوبله من يوم انخلق ع الدنيا .
مروى: شن فيه وجهك مقلوب.
مرام:قتلك مش ناويين ع خير بكل واظح عليهم.
مروى: ماتعدليش عليهم انتي بتاخديه هوا ولا بتاخدي اهله.
مرام: انا خايفة ع ماما تضايق بس من كلامهم.
مروى: امي تعرف تتصرف بروحها مادوريش بكل.
صالحة: اتفضلو اشربو قهوتكم اللطف الضيافة كلها قعدت ماخديتوا شئ.
ام كريمة: مانبوش نخسروكم ع الفاضي.
صالحة: حتى كان ماصارش نصيب انتم خير من حقها تخشوا حوشي مادقوش منه حاجة والله مااتجئ.
ام فاضل: من الأخير احنا جايين ع خاطر فاضل وبس اما لو جت عليا نبيله بنت خالته .
صالحة: مدامه هكي هو الكلام ماصار شئ فاضل وقاعد في المربوعة اتصلوا بيه والباب للي خشيتوا منه اطلعوا منه.
مروى: واظح انه امي فقدت اعصابها طول حياتها ماعمرها طردت حد من حوشنا اول مرة اديرها.
فاضل: انتي راضية ع التصرف للي دارته امك كيف تطرد امي وأختي…
مرام: وانت تعرف شن قالولها باش أمي دارت هكي.
فاضل: ع خاطر قالوا راهو حالته متوسطة.
مرام: ههههه بالله شن .
فاضل: ايه .
مرام: شاء القدر انه مروى كانت تسجل في كل شئ صار وهما عندنا .
تعالى غدوا واسمعهم بوذنك شن يقولو.
فاضل:تمام.
صالحة: ماضايقيش روحك لو ربي مش كاتبه ليك لو الدتيا كلها توقف معاكم مش رح تكوني ليه ولو الدنيا كلها اجتمعت تفرقكم وربي كاتبهولك رح ياخدك ياخدك.
مروى: وهذا الكلام الصح خلي نمشي انا نتصل بقدري للي معاش كلمني من يوم روحت امه.
صالحة: راك تحاسبيه ع غلط غيره.
مروى:خشيت لدار وكلمته واحكالي ع كل شى صار من مرواحة عمتي لعند خطوبة كيان وقالي انا مش رح نفرط فيك لو ايصير الدم بينا وبينكم انا نبيك….
“يعشق القلب من يسانده ”
مرام: تفضل اهو صوت امك واختك للي يشكو ويبكوا من أمي .
فاضل: عمري ماتخايلت انه ممكن شخص يمشي لحد في حوشه وفوقها يهزبه ويغلط فيه.
مرام : سمعت الكلام صوتهم ولا مش صوتهم.
واحنا نتكلموا لين خشيت علينا أمي في المربوعة …
حاتم: خيرك ياصالحة وجهك أصفر…
صالحة: نحس في جسمي ثقيل ورجليا معاش حامليين.
فاضل: نرفعك تعايني انا وعمي حاتم.
صالحة: قريب ترفعوني للي خالقني بكل .
مرام: فجأة طاحت بينا أخر كلمة قالتها قبل ماتغيب ع الوعي .
“ردوا بالكم من مرام”
حاتم: صالحة فيقي افتحي عيونك وردي عليا .
فاضل: رفعناها وكيف ماقالت مشت ومعاش رجعت بعدها بكل .
“صالحة بعد ماجابت مرام جاها سرطان وخدت علاج ومشت امورها اسنين لدرجة نست المرض ولما صارت المشاكل رجعلها وماقالتش لحد لعند ماطاحت عليهم”
مروى:امي خيرها يامرام شن فيها .
مرام: ماتخافيش اكيدهبوط في الضغط .
مروى: باهي علاش ماروحتش لعند توا.
مرام: اهو نستنى زيك اكيد عطيناها تغذية باشيتعدل الضغط عندها وانا كنت خايفة قعدا انا ومروى وخوي بروحنا عمري ماننساه اليوم هذاك فاضل بات في سيارته في الشارع قدام الحوش الليل كله وهو يواسي فيا ويطمن فيا انه جنبي مش رح يروح لين ايجئ بابا.
حاتم:ماتخافوش الدكتور طمني يومين بإذن الله وتروح مسألة وقت بس.
مروى: باهي بنمشوا نزورها .
حاتم: لالا. الزيارة ممنوعة .
مرام: علاش ممنوعة.
حاتم: امكم كانت مريضة سرطان عافكم الله وتعرفوا انه صاحب المرض هذا دائما تكون مناعته ضعيفة جدا.
مرام: هيا بترجع صح يابابا .
حاتم: أكيد بإذن الله.
‘جانا محمد ومعتصم وقعدوا معانا ماسيبوناش بكل جت معاهم عمتي للي ولينا نشوفوا فيها السبب الأساسي لمرضة أمي وبنتها كيان ‘
فات اليوم الاول والثاني والثالث كل يوم نستوا امتا ينفتح الباب وتخش علينا امي….
نذكر فيها اللحظات المؤلمة للي عشتها كأنها شريط فليم يمر قدامي راقدة نحلم في حد محطوط في ثابوت الموتى لكن الملامح غير واظحة قربت شديت يده كانت باردة عرفت انه صاحب الجسم فارقته الروح …
المكان المحطوط فيه الثابوت كان دار ماما وع سريرها فقت من النوم مخلوعة لقيت عمتي مقعمزة مع بوي في الصالة.
حاتم: خيرك يامرام شن فيه فايقة توا.
مرام: نبي نرقد فيمكان امي كنت نحلم بيها.
خديجة: هذا مجرد حلم لانك تفكري فيها بإذن الله مافيها كان كل خير.
مرام: مشيت فتحت الدار بعد بابا هز رأسه وعرفت انه موافق ع طلبي ….
مروى: زعمك نخسرها يامعتصم زي ماخسرنا علي انا خايفة.
“رحم الله ميتا مازال في قلبي حيا”
مرام: كلنا مقعمزين الصبح وبالتحديد الساعة تسعة طبعا فاضل مافراقش معتصم ومحمد وبابا بكل لدرجة نسيت حتى انه علي ميت لانه لقيت السند ….
خديجة: هذا حاتم يتصل اكيد بيعطوها خروج اليوم هكي قال الدكتور.
مروى: اخيرا بتروح ماما اخيه الحوش بلاها.
خديجة: الو ياحاتم…
حاتم: الغالية ماتت الحنينة ماتت….
طاح الهاتف من يدها فاضل ومعتصم ومحمد برا في المربوعة .
مرام: شن قلك بابا ياعمتي شن فيه.
خديجة: عيطتت امكم ماتت ماتت وبديت نبكي .
مروى: لالا . مستحيل كذب .
كيان:😭😭.
مرام: بديت نشوف لتعابير كل وجه بروحه بديت نحس فيهم يجاملوا فينا كيف بيحسوا ومش هما للي في النار للي احنا فيها حضنت اختي وخوي وبديت نبكي بحرقة جميع الخسائر تعوض إلا خسارة أمي كانت الشعرة للي قسمت ظهري .
فاضل: ماتبكيش خليك قوية هذا حال الدنيا ادعيلها بالرحمة بس.
مرام:لمن بنحكي من بيحن عليا بعدها لمن بنقول ياماما شن بيصبر أختي وخوي كيف بيفوت يوم بدون مانشوفها .
خديجة: اصبري يابنتي للي خلق الفراق خلق الصبر والنسيان.
مرام: كيف ننسى قداش بنتحمل انا معاش عندي حيل معاش نقدر يارب خودني وريحني .
حاتم: انا امكم وبوكم وكل شئ ماتخافوش ….
مروى: من يابابا بيحضنا حن أمي بروحه مش زي باقي حن الناس.
حاتم: امكم وصتني عليكم قبل ماربي ياخد امانته
ماتبكيش يامرام والله للي ماتبيها ماتصير وبوك حي.
محمد: مرت خالي كانت احنينه مع الكل عندهم حق كيف بيتحملوا فراق امهم هاذي ام مش حبيب يتعوض
ربي يصبرهم ويصبرنا….
معتصم: ماتبكوش اهو توا نبجيبوا الجنازة وتشوفوها
وتتريحوا.
مرام: كيف نتريح وامي بتنحط تحت التراب كيف بنصبر .
جابوا الثابوت ومع زحمة الناس والجيران دخلوها لدراها كأن الحلمة للي شفتها نفسها تحققت لابستني لبس ياسبحان الله .
فتحت شفت وجهها تفكرت علي لما شفته أخر مرة بست جبينها وبكيت نزلت من عيني دمعة ع خدها مسحتها وجت مروى شافتها ….
وكانت اخر مرة نشوفوا فيه وجه أمي انا كيف بديت نجمع في قوتي بعد علي لين الدنيا استكرث تعطيني فاصل نرتاح ونفرح زي الناس باش ليعتني بموت أمي.
مروى:بدت الزحمة يوم ع يوم تخف بدينا نحسوا بقفدناها عمتي قعدت معانا شهر وروحت معتصم يمشي وايجئ هوا ومحمد فاضل وآه من فاضل للي خان الأمانة ثلاثة شهور معاش شفناه مرام تعبت بعد أمي بدت من مستشفى لمستشفى رغم انها نجحت ممتاز من الثانوي ولكن قررت تأجل قراية الجامعة
لين ستجمع قوتها ثاني…..
“فيه أيام علينا عدن نشريهن لو كان يردن”
مرام: كنت زي الشخص للي فايق من غيبوبة مالقيت حد جنبي إلا أهلي وعمتي وأولادها أول حاجة درتها بديت نتعمل كيف نطيب وبعد تعلمت كل شئ وقفت سنة بعد موت أمي باش نقعد رافعة مسؤولية الحوش .
مروى: سبحان الله موت امي خلاك ست بين بإمتياز تعرفي يامرام في السنة هاذي ماحسيناش بغياب أمي لأنها هيا ماتت وانتي انخلقتي كأنك شخص جديد….
تغيرت هلبا أمور منها خطوبة فاضل لبنت خالته كيان رجعت كيان الأولى …
معتصم مازال يستنى امتا بابا يسمحله باش يقرأ فاتحة مروى انا كبرت في عقلي معاش تفكيري سطحي وليت مستعدة في لحظة للخسارة ع كثر ماتعودت…
حاتم: اليوم امك سكرت سنة بعد موتها وانا قررت نتزوج.
مروى: كيف يعني وحدة تاخد مكان أمي.
حاتم: امكم حية في قلوبنا لكن هذا حال الدنيا وانتي يامرام امشي ارجعي لقرايتك وحياتك ماتخلينيش شايل همك حتى انا…..
مرام: تمام ان شاء الله.
ماكنتش موافقة وفي نفس الوقت مانقدرش نرفض ماعندي مانقول غير ان شاء الله اتجينا بنت حلال…