رواية وإنقلب السحر على الساحر الفصل الثالث 3 بقلم زهرة عصام
رواية وإنقلب السحر على الساحر الجزء الثالث
رواية وإنقلب السحر على الساحر البارت الثالث
رواية وإنقلب السحر على الساحر الحلقة الثالثة
سليم دخل البيت و هو ناوي يدب خناقة مع تاج بسبب كلام أمه لكنه اتصدم لما شاف تاج واقفة بفستان سهرة مجسم عليها و إضاءة البيت اللي عاملة جو رومانسي
سليم بتوهان:- أنتِ مين
تاج بسخرية لكن حاولت متبانش:- مراتك يا حبيبي
سليم : لا انتي مش تاج انتي حورية و قرب منها
تاج بعدت خطوه لورا و قالت أدخل خد دش و تعال اتعشي الأول يا سولي
سليم دخل و هو مغيب و بقي يقول في نفسة: معقولة دي تاج مراتي أكيد في حاجة غلط تاج تطيق العما ولا تطقني بس خلينا وراها الآخر طلعت جامده بنت اللذينة آه لو تفضلي كدا علطول يا تاج
سليم خد دش بسرعة و خرج لقي تاج قاعدة على السفرة و قدمها كوباية عصير فاضية
سليم بصلها كتير فتصنعت الخجل و قالت: معلش يا سليم أصل دخت شوية فشربت العصير انت عارف إني بتعب مع كيان طول اليوم دا غير ولدتك اللي مش رحماني
سليم حط ايدة على بوقها و قال: هششش سيبك من كل حاجه صفي زهنك انتي دلوقتي معايا
تاج هزت رأسها بخجل مصطنع و هي بتقول: طب أقعد كل بقي و قولي اية رأيك في الأكل
سليم قعد ياكل و هو مسلط نظره عليها و بيمني نفسة أنه يقضي وقت رومانسي معاها قبل ما تقلب عليه بسبب جوازة
سليم شرب العصير كله و بصلها جامد و تاج فرحت إن خطتها بدأت تنجح
تاج في نفسها ماشي يا سليم ماشي انت و أمك مش كل طير اللي يتاكل لحمة و أنا لحمي مُر استحملت عشان بنتي بس لحد هنا و استوب بقي
سليم عينه بدأت تزغلغل و يقول: تاج أنا تعبان أوي حاسس إن الدنيا بتلف بيا
تاج : معلش يا حبيبي كلها شوية و تبقي عال العال بقولك يا سولي امضي هنا كدا
سليم مش شايف و مش مركز و بيمضي من غير ما يسال حتي اية دا
تاج بدلع : و هنا كمان يا سولي عشان خاطر تاج
سليم بصلها بابتسامة هبلة و مضي علي كل الورق
تاج بعد ما ضمنت امضت سليم قالت بتشفي: بالشفي يا سليم فاضل أمك و يبقي كدا عال أوي.
سليم : تاج عاوزه أنام
تاج : و ماله يا حبيبي تعال ادخلك على السرير تنام توم الهنا يا سولي
تاج سندت سليم و هي مش قادره تشيلة و قالت: الله يخربيتك خس شوية كتفي ورم رمته على السرير و هو نام بعمق
تاج بصت عليه و خلعت التيشيرت عنه و قالت: عشان تبقي كل حاجه تمام و طرقعت صوبعها و قالت: بالسلامة انت بقي يا سولي و خرجت و قفلت علية الباب
تاج خبت الأوراق في هدوم بنتها و قالت أنا لازم اشيلهم في مكان بعيد عن البيت دا و شالت الأطباء و دخلت نامت في اوضة بنتها
—– اذكروا الله —-
تاني يوم تاج صحيت قبل سليم و روقت الشقة و هي فرحانة باللي وصلت لية و قالت بخبث :- لسة انتي دورك النهارده يا نهلة الكـ’ـلب
دخلت الاوضة و نامت جمب سليم عشان تسبك الدور
تاج بمياعة: سولي يا سليم اصحي بقي
سليم صحي من النوم و بص عليها و حاول يفتكر اللي حصل بس مش قادر
سليم : هو أية اللي حصل
تاج بخجل مصطنع: بقي مش عارف اية اللى حصل يا سولي اخص عليك دا أنت كنت جامد آخر حاجة امبارح
سليم : انا مش فاكر حاجة بس لية حاسس بصداع
تاج بشهقة: حاسس بصداع و أنا موجوده حالا اعملك كوباية شاي بس قبلها تفطر الأول اكيد لانك نمت متأخر امبارح
سليم بص في الساعة لقي لسة قدلمة ساعتين على ما ينزل بص لـ نفسة و لقي التيشيرت مرمي على الأرض لبسة و خرج بره لقي كيان بتلعب أول ما شافته رفعت اديها علشان يشيلها
سليم شالها و قعدها على رجلة و بقي يلعب معاها
تاج بصت عليهم و قالت في سرها : لو نفضل كدا علطول و أمك دي تبعد عن حياتنا كنا هنبقي عيلة سعيده جدا بس أنت اللي سمحتلها تعمل كدا و تتدخل في كل حاجه كدا و ماشي وراها ولاغي عقلك دا
راحت أخدت منه كيان و قالت: الفطار جاهز يا سليم
سليم قام فطر و أخد دش و خرج للشغل
تاج بعد ما سليم خرج بصت للورق و قالت بخبث : دورك يا نهلة يلا استعنا على الشقا بالله و خدت الورق خبته تحت هدومها و شريط الحبوب في جيوبها و نزلت لـ حماتها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وإنقلب السحر على الساحر)
