رواية وأغواهم الشيطان الفصل الرابع 4 بقلم عادل عبدالله
رواية وأغواهم الشيطان الجزء الرابع
رواية وأغواهم الشيطان البارت الرابع
رواية وأغواهم الشيطان الحلقة الرابعة
ايمن : طيب هات اسم العلاج وياسمين تنزل تجيبه .
ناصر : لا انت اللي تنزل تجيبه وخد فهمي معاك .
ايمن بص لناصر وسكت شوية و قاله : حاضر .
ناصر : بس هتجيب العلاج من صيدلية (….) .
ايمن : دي بعيدة اوي يا ناصر .
ناصر : لازم تجيب العلاج من هناك لأن مش هتلاقيه الا فيها .
ايمن : حاضر يا ناصر .
ناصر : انزل معاه يا فهمي علشان تونسوا بعض في الطريق .
نزل ايمن وفهمي و ناصر قفل الباب وبقي هو وياسمين لوحدهم في الشقة !!!!!
ياسمين لما سمعت صوت باب الشقة انفتح وانقفل تاني افتكرت ان ناصر و فهمي نزلوا ، فتحت باب اوضتها وخرجت اتفاجئت بناصر واقف قدامها !!!
ياسمين : ايه ده !! انت لسه هنا ؟
ناصر : ايوه ما انا قدامك اهو .
ياسمين : افتكرتكم نزلتوا لما سمعت صوت الباب .
ناصر : وهو انا اقدر انزل واسيبك يا جميل .
ياسمين : طيب وطي صوتك و امشي علشان ايمن ميسمعش .
ناصر (ضحك اوي ) : ايمن مش هيسمعني علشان نزل .
ياسمين ( باندهاش ) : ايمن نزل ؟؟!!
ناصر : اه نزل ومعاه فهمي كمان وانا وانتي لوحدنا دلوقتي يا قمر .
ياسمين : طيب ارجع ومتقربش كده .
ناصر : مقدرش ابعد وانتي قدام عينيا . ده انا عملت كل ده علشان اللحظة دي .
ياسمين : طيب سيبني بدل ما اصوت والم عليك الناس .
ناصر : متبقيش مجنونة وتضيعي اجمل لحظات بغبائك .
ياسمين : سيبني هصوت بجد .
ناصر : لو صوتتي هتفضحي نفسك انتي وجوزك .
ياسمين : طيب سيبني ونتفاهم .
ناصر : نتفاهم علي ايه ؟
ياسمين : لو مش سيبتني هقول لأيمن لما يرجع .
ناصر : ايمن عارف واهو نزل علشان يروقلنا الجو .
ياسمين : بتقول ايه يا حيوان ؟
ناصر : هو انا بكدب عليكي !! هو نزل اهو واخد فهمي معاه علشان ابقي انا وانتي لوحدنا .
ياسمين : لو مش هتبعد هموتك واموت نفسي .
ناصر : هبقي اسعد حد في الدنيا لو موتت علي ايدك ، انتي مش عارفة انا بحبك ازاي !!! انا بحبك وبموت فيكي اوي .
ناصر حاول معها لكن كانت بتمنعه راح مكتف ايديها ودخلها اوضة النوم وحاول معها لحد ما اغتصبها غصب عنها !!!!!!
ناصر قام ولبس هدومه ونزل وكان ايمن وفهمي لسه مش رجعوا .
بعدها ايمن و فهمي رجعوا لكن اتفاجئوا لما لقوا ناصر نزل .
ايمن قال لفهمي باين ناصر روح انزل انت يلا ونتقابل بكره .
فهمي مشي وايمن فتح باب اوضة نومه لقي ياسمين نايمة علي السرير في الضلمة .
ياسمين : قالتله تعالي يا ايمن شوف صحبك عمل فيا ايه !!!
ايمن فتح النور وكانت ياسمين ملابسها اتقطعت وشعرها اتبعثر !!!
ايمن : ايه اللي عمل فيكي كده ؟؟
ياسمين : يعني انت مش عارف ؟
ايمن : ناصر اللي عمل فيكي كده ؟
ياسمين : مش انت اخدت صحبك ونزلت علشان يعمل كده !!
ايمن : انتي هتستعبطي يا روح امك !! انتي ازاي تسيبيه يعمل كده يا فاجرة !!
ياسمين : انا اللي فاجرة برضو يا اللي سيبت مراتك لصحبك يا سيد الرجالة !!!
ايمن مسكها ضربها جامد وبهدلها وبعد ما اداها علقة جامدة اخدها في حضنه ودموعهم هما الاتنين علي خدودهم .
ايمن قالها : معلش يا حبي لكن وحياتك عندي لأجيبلك حقك .
ياسمين : انت حقيقي كنت نازل وعارف انه هيعمل كده يا ايمن ؟
ايمن : انتي اتجننتي ؟!! لأ طبعا ، ده انا لقيته تعب فجأة وقالي انه مش هيقدر ينزل الا لما ياخد العلاج فنزلت اجيبله العلاج .
ياسمين : واخدت فهمي معاك ليه وسيبته لوحده ؟
ايمن : احنا الاتنين كنا مش عارفين نمشي قولت نتسند علي بعض .
ياسمين : ودلوقتي هتعمل ايه ؟
ايمن : لازم انتقم منه وهخليكي تشوفي ده بعنيكي .
ياسمين : وانت لو عملت كده هتبقي رجلي وسندي وحبيبي بجد .
******
لما فهمي نزل من عند ايمن راح اتصل بناصر علشان يعرف اللي حصل .
فهمي : عملت ايه ياض يا ناصر ؟
ناصر : عملت ايه في ايه ؟
فهمي : مع ياسمين بعد ما نزلنا ؟
ناصر : مش انا قولتلك كلها ايام وهبقي معاها ؟
فهمي : يعني عملت حاجة معها ؟
ناصر : انت بتسأل يا عبيط !! عيب عليك .
فهمي : وهي رضيت ؟
ناصر : في الاول بس كانت مش راضية بس بعد كده رضيت .
فهمي : عملت ايه احكيلي اللي حصل بالتفصيل .
ناصر : وهي الحاجات دي بتتحكي يا اهبل .
فهمي : دي لو قالت لأيمن هتبقي مصيبة .
ناصر : وهو لما نزل معاك مكنش فااهم ؟!!!
فهمي : يعني هو كان عارف ؟!!
ناصر : طبعا كان عارف .
فهمي : طيب انا عاوز انا كمان .
ناصر : لا يا صحبي دي ملاكي .
فهمي : يعني ايه ؟
ناصر : يعني تبعي انا وبس .
فهمي : لا يا صحبي مينفعش كده انا لفيها لأخفيها .
ناصر : انت بتهددني يا فهمي ؟
فهمي : لأ بس انا كمان نفسي فيها .
ناصر : ماشي يا فهمي موافق بس اهدي كده شوية واتقل وانا هخليك تعمل اللي انت عاوزه .
تاني يوم فهمي اتصل بيا علشان يقولي اللي حصل ..
فهمي : شوفت يا واد يا محسن اللي حصل .
: ايه اللي حصل ؟
: الواد ناصر عمل اللي كان في دماغه مع ياسمين .
: بتتكلم جد ؟ ازاي ؟
: كنا قاعدين عندهم وراح مطلع فلوس اداها لايمن علي اساس السلف علشان يكسر عينه وبعدين بعتني انا وايمن نجيبله حاجه واستفرد بيها فوق .
: وايمن رضي ينزل ويسبه معها لوحدهم ؟
: ايوه ماهو عينه اتكسرت خلاص .
: وهي وافقت ؟ بقلم / عادل عبد الله
: ايوه وافقت ، شوفت ياعم !!
: هو ده اللي كنت خايف منه .
: ياعم خايف من ايه ده انت شكلك عبيط يا محسن ولا ايه .
: الموضوع ده مش هيعدي علي خير .
: اهو عدا علي خير وعمل اللي كان نفسه فيه .
: وانت فاكر ان الموضوع خلص كده ؟؟!!
: هيحصل ايه يعني ؟
: بكره تشوف هيحصل ايه وتقول محسن كان عنده حق .
: ولا هيحصل حاجة ، دا انا كمان هعمل زيه .
: اوعي يا فهمي بلاش رجلك تيجي في الموضوع ده خليك بعيد احسن .
: يا عم جمد قلبك متبقاش خفيف مش هيحصل حاجة .
: انا قولتلك وخلاص انت حر بقي .
قعدت افكر في اللي ممكن يحصل بسسب اللي عمله ناصر ده وبعدها اتصلت بناصر ..
: ينفع يا ناصر اللي انت عملته ده ؟
: هو فهمي قالك ؟ بقلم / عادل عبد الله
: ايوه قالي .
: ده عيل اهبل .
: انت كده وقعت نفسك في مشكلة كبيرة .
: مشكلة ايه !! مفيش مشاكل ولا حاجة .
: تفتكر ايمن هيسكت ؟!!
: يا حبيبي ايمن عارف اومال يعني رضي ينزل ليه ويسيبني معها .
: طيب كفاية كده وابعد بقي .
: بص يا محسن انت حر في نفسك وانا حر في نفسي خلي نصايحك ليك لوحدك انا عارف بعمل ايه ومبسوط كده .
: طيب انت حر يا ناصر بس خليك فاكر اني نصحتك وحذرتك .
: ماشي يا عم محسن متشكرين اوي لنصايحك .
في اليوم ده اخر النهار بعد ما خلصنا شغل ناصر اتصل بأيمن علشان عاوز يطلع ….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وأغواهم الشيطان)
