رواية هي ملتزمة هو منحرف الفصل العشرون 20 بقلم عبير شوقي
رواية هي ملتزمة هو منحرف الجزء العشرون
رواية هي ملتزمة هو منحرف البارت العشرون
رواية هي ملتزمة هو منحرف الحلقة العشرون
سُعاد مُداعِبة افنان .. الناس الي خرجت و اتفسحت الله يسهل هاا عملتي اي احكيلي احكيلي
ـ افنان لا رد!
سُعاد.. افناان افناان خبطتها بخفة على كتفهاا افناااان اي يبنتي سرحانة فى ايي
_ افنان.. اي يا امي.. معلش مخدتش بالي من مجيتك
سُعاد بقلق.. يابنتي بقالي فترة بكلمك و انتي فعالم تاني في ايي.. حصلت حاجة فالخروجة ولا اي؟
_لا ابدًا كانت خروجة لطيفة
سُعاد.. اومال مالك يا افنان
_ مفيش حاجه يا ماما
سُعاد قعدت بجانبها و اخذت برأس افنان وضعتها على قدمها بحنية.. على امك يا افنان عيب عليكي قوليلي فيكي اي ياعيوني اي الي شاغل تفكيرك كدة متقلقينش عليكي
_افنان ببعض الحزن.. والله ما عارفة يا امي اقولك اي!
سُعاد.. قولي الي كنتي بتفكري فيه يا افناان انا هسمعك ايان كان الي هتقوليه المهم انتي بالك يكون رايقك و متتعبيش نفسك فالتفكير.. التفكير الزايد بيهلك صاحبه يا بنتي لازم يكون عندنا ولو شخص نشاركه خوفنا و قلقنا و ما يكونش اي شخص لازم يكون بيخاف علينا و انا امك يا حبيبتي و محدش هيخاف عليكي قدي.
كلام سُعاد كان بيطمن قلب افنان و اعطاها حُرية التعبير و عدم الخوف من انها متفهمش مشاعرها او قلقها و الفوضى الي في عقلها
_افنان.. محتارة في امري و في خوف جوة قلبي من ناحية عدنان مبقتش عارفة ان كان هو كويس او لا الي اعرفه عنه غير الي شايفاه منه..
سُعاد.. طيب اي الي مخليكي خايفة كدة
_افنان.. خايفة بعد ما نتزوج ينتكس.. خايفة يكون بيعمل كدة و يسايرني لغاية ما نتزوج و بعدها يرجع ذي الاول.. اسم عدنان كان كل ما يتذكر يرتبط بشبهات لكن انا ماشفتش منها اي حاجة كل الي اعرفه عن عدنان لا ينطبق عليه.. ف انا بقي قدامي شخص انا بجد معرفوش.. مش عارفة يا ماما بس انا حاسة اني تايهة
سُعاد.. هو انتي عندك حق في كل كلمة قولتيهاا.. بس.. و سكتت
_افنان بفضول.. بس اي؟
سُعاد.. طيب ما يمكن عدنان نفسه عايز يتغير
_بجد..!
سُعاد.. مجيت عدنان لمصر و انه يقرر ان يستقر هناا دي نقطة مهمممة
_ ازاي يعني؟
سُعاد.. عبدالرحمن دايمن كان يقول عن عدنان انه مش ناوي ينزل لمصر و انه عايز يستقر في المانيا حتى انه لما مرتاحش في فرنسا و قرر يسافر منها مجاش لهنا راح عطول لألمانيا.. حتى انه كان عايز اما ينزل و يتمم الزواج يرجع يستقر تاني في المانيا
_ و ياخدني معاهه؟
سُعاد.. اكيد يا افنان .. لكن بعدها فجأة كدة قرر انه هينزل مصر و يستقر هناا حتى انه فتح فرع شركته الرئيسي هناا.. عدنان نفسه زهق من عيشة برا.. عدنان مش بيتصنع او بيسايرك هو نفسه عايز يتغير لنسخة افضل منه
_افنان.. يا ليت بجد هكون مبسوطة جدًا
سُعاد.. خطوة التغيير الاولى جت من عند عدنان لكن انتي الي هتكمليها و تاخدي بالك منهاا
عدنان بيحبك بجد لما عرف بالتزامك مغيرش رأيه تجاهك و بالعكس دعم ده لما والدك قاله و فضل متمسك فيكي.. يمكن شايفك بالنسباله طوق نجاة
افنان بزهول _انا يا امي؟
سُعاد بتأكيد على كلامها.. ايوة انتي
_ بتحطوني فمكانة غير بتاعتي
سُعاد.. لا بنحطك في مكانك الصحيح.. خليكي معايا و اسمعيني
_معامي يا ست الكل
سُعاد.. تخيلي معايا شخص ماشي في شارع كله ضلمة و هو نفسة مش شايف ماشي ازاي ولا شكل الطريق عامل ازاي ولا عارف الطريق هتودي لفين..الشخص ده اول ما يشوف نور هيعمل اي؟
_اكيد هيروحله
سُعاد.. ده هيجري عليه جري و لا يمكن يسيبه لغاية ما يوصل لبر الامان.. اهو الشخص ده بقى عدنان و النور ده انتي و بر الامان دي الجنة
اقامت رأسها و هي تقول للمرة الثانية بتعجب.. انااا..!
شدتها لحضنها و هي تقول.. اه انتي يعيوني
ف ماتستغربيش الي فيه عدنان ده شىء طبيعي انسي الي كنتي تعرفيه عن عدنان و ابدأي صفحة جديدة لانه هو قرر يغير من نفسه ف احنا لازم نساعده ..و خليكي فاكرة انك استخرتي ربك و ده اهم شىء
كلام سعاد طمن افنان و خفف من حِدة تفكيرها و اعطا لها الثقة الكافية في انها تثق في عدنان
ــــــــــــــــــــــــــــــــــــــــــــــــــــــــــــــــــــــــــــ
.. في بيت عدنان
_ الحارس.. عبدالرحمن بيه في شخص قدام باب الفيلا طالب يشوفك
عبدالرحمن.. مقالش اسمه
_ لا يا بيه قال انه عايز يشوفك بس
عبدالرحمن.. طيب قوله يتفضل فالجنينة و انا لحظة و جاي
_ طلبت منه يا بيه و مارضيش نهائي قال انه هيستناك هناا
.. طيب انا جاي معاك
خرج عبدالرحمن مع الحارس كي يرى من الذي يريد مقابلته
عبدالرحمن للحارس.. فين الشخص ده
الحارس.. كان هناا.. التفت يساره فوجده
اهو يا بيه الي بيركب عربيته هناك و اشار له بيده
عبدالرحمن.. مراااد؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية هي ملتزمه هو منحرف)
