رواية هي السبب الفصل السابع 7 بقلم مي الحسيني

رواية هي السبب الجزء السابع

رواية هي السبب البارت السابع

رواية هي السبب الحلقة السابعة

*وما صديقي إلا قمراً انار لي كل عتمة*
حور/طيب اكيد كويسه وعلى خلق علشان كده الشيخ رشحه ليه
خديجة/اه اكيد بس هو قالي برضو أن كان بيفكر أن هو يتقدم ليها من الاول قبل ما يعرف ان هي اللى مرشحه الشيخ يبقى اكيد اعرفها مش راضي يقولى ليه هي مين بقي
حور/يا بنتي خلاص كل حاجه في وقتها حلوه وبعدين خلاص بقي ماتبقيش انتي والحر عليا بقي ريقي نشف والله من الصيام أنا مش حمل رغي كتير هموت منك فى الطريق
خديجة/اه صح النهارده الخميس تصوري نسيت وانسيت اني صايمه من كتر التفكير
حور/اه من كتر الرغي
خديجة/بس يا بنتي انتي ماكنتش صومتي علشان العلاج كفايه عليكي رمضان
حور/يا ربي يا خديجة حور كل اثنين وخميس انتي وماما عليا أنا كويسه والله والدكتور عارف في ايه بقي
خديجة/بنخاف عليكي يا حور هو احنا عندنا كام حور يعني هو الدكتور لسه محددتش معاد العملية
حور/بيقول خلال شهر الجاي هيحدد لما اروح المره اللى جايه والله خايفه جدا يا خديجة
خديجة/متخافيش الدكت قال ان هي حاجه بسيطه وبعدين أنا معاكي مش هسيبك ويوم العملية استأذن أويس وبات معاكي وكمان سيبك مني ومن الدنيا كلها ربنا معاكي أن شاء الله متخافيش
حور/خير يا عمري أن شاء خير
__________
في منزل حور
دخل والد حور غرفة حور ليجدها تجلس على سجادة الصلاة و تقراءة القرآن كما اعدات
محمد الأب/فاضيه شويه يا حور
حور/ايوه يا بابا لو مش فاضيه افضللك
محمد/طيب أنا عاوزك في موضوع
حور/موضوع ايه
محمد/في عريس متقدملك
حور/بس حضرتك عارف أنا رافضة الموضوع ليه
محمد/يا بنتي أنتي كويسه مفكيش حاجه وهتعملي العملية وكل حاجه تخلص
حور/بس يا بابا
محمد/هو شخص كويس وملتزم ودى اهم حاجه
حور/طيب يا بابا اللى تشوفه
محمد/طيب هو بكره هيجي بعد صلاة الظهر ونعمل رؤيه شرعيه
حور/ليه الاستعجال ده يا بابا
محمد/مش استعجال ولا حاجه هى رؤيه لو كان في نصيب الحمد لله لو لا يبقي خالص ليه نخلى الراجل يستنه علشان يشوف حد تاني
حور/تمام يا بابا اللى حضرتك تشوفه
__________
وقت الرؤيه الشرعية
تجلس حور على استحياء ونظرها لم يفارق الارض و بعد أن تركهم والدها لرؤيه ولكن كان يجلس في ماكن قريب ليستطيع رؤيتهم وكان الصمت يعم المكان حتي قاطع صوته الصمت
أويس/احم طيب لو السجاده بتعتكم عجباكي ممكن نجيب ذيها عندنا في البيت
حور وهي ترفع راسها لتأكد من صاحب الصوت/هو حضرتك
أويس/اه أنا طبعا حضرتك عارفه عنى كل حاجه
حور/اه تقريباً
أويس/واكيد خديجة حكيالك اذاي أنا هنا دي خديجة أنا عرفه
حور/ايوه بظبط قالتلي هى قالتلك عنى ايه
أويس/صراحه هي خديجة مش بتتكلم عن تفاصيل حضرتك بس اللى رشحلى حضرتك قالى انك حد مناسب ليه وانك ملتزمة وأنا طبعا مع حضرتك من اول رحلة الالتزام
حور/طيب أنا عاوزه اتكلم مع حضرتك بصراحه ومش هكدب عليك لان اللى مبني على باطل فهو باطل
أويس/وده شئ يسعدني
حور/أنا عندي القلب وهعمل عملية خلال الفترة اللى جاية مش عارفه بقي أن كنت هطلع منها ولا لا يعني أنا مش ضامنه عمري ومش عاوزه حضرتك طربط نفسك بحد زيي مش ضامن عمره
أويس/بصى يا انسه حور كلامك وصراحتك دي تخليني اتمسك بيكي اكتر وأنا خلاص موافق عليكي واتمنى حضرتك كمان توفقي وبجد هفرح لو ده حصل لان ممكن اي حد مكانك ميقولش وحضرتك قولتي انك هتعلي عملية وهتكوني كويسه بأذن الله وعلى فكره والد حضرتك متكلم معايا في الموضوع ده وأنا عارف ده هو حاجه بسيط وحضرتك مكبره الموضوع على الفاضي والله
حور والفرحة تغمر قلبها/مش عارف أدر أقول ايه لحضرتك صراحه
أويس/أنا مش عاوز الرد دلوقتي صلى استخاره وأن شاء الله خير وأنا هنتظر الرد بس أنا عاوز اقولك حاجه حضرتك خايفه تاخدي الخطوه دي علشان مش ضامنة عمرك ذي ما بتقولي أنا عاوز اوصلك فكره ان محدش ضامن عمره اصلا سواء مريض او لا وتخليش الشيطان يدخلك من الناحيه دى أنا واحد الحمد لله صحتي ذي الفل و برضو مش ضامن عمرى أنا ممكن أنا ونازل من عندكم تخبطني حاجه واموت او ممكن حالا دلوقتي ملك الموت يقبوض روحي وملحقش اخرج من عندكم متخليش الفكرة دي في دماغك لا ما فيش حد ضامن عمره
___
وبعد انتهاء الرؤيه الشرعية وذهاب أويس توجهت حور الى غرفتها لتستخير الله فهو اعمل بخير من اي شخص وبعد أن انتهت حور من الصلاه جلست تفكر في هذا الموضوع ليقطع تفكيرها رنين الهاتف ليعلن عن المتصل خديجة
حور/السلام عليكم
خديجة/وعليكم السلام ورحمه الله وبركاته
حور/اتصلت عليكي الصبح كان تلفونك مقفول
خديجة/اه كان فاصل شحن الهم أنا مبسوطه جدا لانك انتي طلعتي العروسه
حور/احم والله أنا ماكنت اعرف
خديجة/ايه يا بنتي ما أنا عارفه أويس قالي بس عرف ينقي اه صحيح انتي رأيك ايه
حور/مش عارفه والله
خديجة/بصى أنا عاوزاكي تنسى أنا أنا أخت أويس لان قبل اي حاجه احنا انتي اختي مش صحبتي
حور/حبيبتي واكتر من أختي والله ده انتي سبب اللى أنا فيه ده دلوقتي وده ميعملوش الاخوات
خديجة/طيب ايه رايك فيه
حور وأحمرت وجنتاها من شدة الخجل/والله مش عارفه بس هو حد كويس وملتزم احسبه على خير
خديجة/بصى دى نصيحة مش اكتر مش علشان هو اخويا والله بس هو فعلاً شخص كويس وعلى خلق أنا اكتر وحده عارفه وأنا ديما بتمنالك شخص ذيه
حور/خير أن شاء الله أنا استخرت واللى فيه الخير يقدمه ربنا
وبعد اسبوع من الرؤيه الشرعية تواصل والد حور مع أويس ليخبره بالموافقة وحدد موعد الخميس القادم لتحديد الخطبه
__________
يوم الخميس
جاء أويس مع والدته واخته ليتم تحديد الخطبه وبعد ترحيب اهل حور بعائلة أويس ترحيب يليق بها يبدأ أويس الحديث
-لو سمحت يا عمى أنا عاوز اطلب من حضرتك طلب
محمد/اتفضل يا ابني
أويس/أنا بقول يعني لو عملنا كتب كتاب بدل الخطوبه هيكون افضل
محمد/ممكن اعرف افضل ليه
أويس/يعني في الخروج والكلام وكده وحور ديما مع خديجة علشان اقدر اكون معاها خطوه بخطوه وأنا كمان عاوز اكون معاها وقت العملية واقدر اتعامل لان حضرتك عارف حتى لو مخطوبين أنا هكون شخص اجنبي عنها برضو