رواية هي الحياة الفصل الأول 1 بقلم جواهر جمال
رواية هي الحياة الجزء الأول
رواية هي الحياة البارت الأول
رواية هي الحياة الحلقة الأولى
-مش شايفه ان هيئتك متنفعش معانا
= لا ماعتقدش اهم حاجه الشغل
-طب انتي مش شايفه شكل البنات اللي بره ولبسهم ولبسك لان في اجانب بيجوا هنا
= هما الحقيقه البنات كلهم قمرات لان مافيش بنت مش حلوه بس موضوع الاجانب دا اقدر اقولك ان لبسي وشكلي مش مشكله بالنسبه للأجانب هيشوفوا بنت مصريه بسيطه محجبه مش بنت بشعرهاا ولابسه مفتوح زيهاا زيهم يعني الاجانب بيحبوا يحافظوا علي شكلهم وعاداتهم و تقاليدهم عمرهم ما حاولوا يقلدونا والاهم من دا كله لو الهيئه فانا شكلي حلوه ولبسي الوانه منظمه وحلو و كمان الاهم شغلي
-طيب اتفضلي و ردنا هيوصل لحضرتك
=شكرا
مشيت وكان في حد في الاوضه غير HR بيسمع كلامها
يونس، ماتعملش انترڤيو مع الباقي خلاص هي دي
عمر، ازاي هي محجبه وماتنفعش في منصب اسكرتيرة خاصه خالص ليك ي يونس
يونس، مش مهم شكلهاا مهم شغلهاا وسابه ومشي
في بيت داليا
داليا قاعده قدام التلفزين وبتاكل تفاحه تلفونها رن
داليا، الو
– احنا من شركة سي أر
داليا، ايوه اتفضل
– انا ببلغ حضرتك انك اتقبلتي وهتبدأي من بكره وهبعت لحضرتك جدول المواعيد بتاع مستر يونس وهبتعلك اللوكشن بتاع بيته عشان تروحيله الصبح الساعه سته
داليا، نعم وانا اروحله بيته ليه
-الموظف ببرود، علي ما اعتقد حضرتك السكرتيرة الشخصيه وقفل في وشهاا
داليا، دا اي اقلة الذوق دي يلا اما اقوم اللحق انام
(داليا عندها 24سنه بنت عايشه لوحدها عندها اخت واخين ومتجوزين ومامتها وبابها متوفين خريجه ادارة اعمال)
(يونس عنده30سنه عايش لوحده مهندس وعنده شركات عاليمه بيشتغل في كل حاجه لانه درس ادارة اعمال بعد الهندسه)
تاني يوم
داليا واقفه قدام الڤيلا بتاعت يونس
بترن الجرس في ست في اواخر الخمسينات بتفتح لها الباب
داليا، ممكن تقولي لمستر يونس ان الاسكرتيرة وصلت
هناء، طب اتفضلي اطلعيله فوق في الاوضه
داليا وهي بتدخل الرسبشن سمعت الست الكبيرة هناء بتقوله الاوضه وقفت وقالت اطلع فين لا اكيد حضرتك بس معلش قوليلوه اني مستنياه تحت
هناء، طب تعالي اقعدي هنا وهو زمانه نازل انا والدته
داليا، بجد فرصه سعيده بس اللي اعرفه انه عايش لوحده
مامته، ايوه بس جيت اقعد معاه شويه
داليا بأبتسامه، ااه تمام ربنا يخليكوا لبعض
يونس وهو نازل علي السلم، انتي ماطلعتيش ليا ليه
داليا بتوتر، م مكنتش حابه اطلع ادايق حضرتك
يونس بعدم اهتمام، تمام
خرجوا من الڤيلا وركبت معاه العربيه
داليا، هو احنا رايحين فين
………………؟……..
داليا، انا بكلم حضرتك هو احنا رايحين فين
………………..
داليا، و حضرتك مش بترد علياا ليه
يونس، تعرفي تسكتي شويه هاا
داليا سكتت من خوفهاا من طريقة كلامه
بعد نص ساعه وصلوا قدام شركه UsB
داليا، هو احنا جينا الشركه دي ليه
يونس، عشان مستر احمد الكومي عاوزني
داليا، هو مش دا يبقا والدك
يونس بصله بصه ان معناها تسكت وسابها وهي مشيت وراه
يونس دخل المكتب بتاع والده
والده، اهلا كان لسه بدري
يونس، ياريت تكون جايبني في الشغل عشان مش فاضي للتفاهات
والده بحده، فوق ي يونس واعرف انت بتكلم مين تافهات اي والدتك مش تفاهات
داليا اتصدمت
يونس بص لداليا، اطلعي استنيني بره
اول ما طلعت يونس، ملكش دعوه بيا ولا تدخل ما بين علاقتي بأمي
والده بتهديد، وعزة وجلاله الله لو اسلوبك ماتعدلش مع امك هتزعل مني اووي ي يونس الكومي
يونس سابه ونزل من الشركه وماكنش شايف قدامه من الغضب والعصبيه ودالياا عماله تنادي عليه وتجري وراه وقبل ما يركب العربيه بصالهاا وزعق وقالها عاوزه اي
دالياخافت منه بس حبت ماتبينش، ماتزعلقيش انا مش عابده عندك انا بشتغل اه عندك بس ليا احترامي
وسابته وركبت العربيه
يونس فتح الباب من ناحيتهاا يونس، انزلي
داليا بعند، لا
يونس بزعيق، قولت انزلي
داليا، وانا قولت لأ مش انا الاسكرتيرة بتاعتك الخاصه اللي المفروض زي ضلك مش نازله
يونس بضيق، مش هينفع تيجي معايا
داليا بعند وتحدي، لا هاجي
يونس رزع الباب العربيه ولف ركب وساق بسرعه جنونيه وهي مافتحتش بقهاا وفجأة وقف قدام مبني غريب الشكل وطالع منه اصوات عاليه ونزل ونزلت داليا
داليا، دا كبارية
يونس بسخريه، اي خوفتي ولا اي مش انتي اللي قولتي عاوزه تيجي معايا
داليا، اه بس دا حرام وماينفعش
يونس، ماليش فيه انا داخل هتخشي ولا خوفتي
داليابعند، لأ هخش
دخلوا مع بعض كان المنظر مقزز اووي ناس قالعه وبيرقصوا ورقاصه بترقص وبيشربوا كانت ماشيه عاوزه تعيط ومرعوبه لقت يونس سابها وقعد علي تربيزه راحت جري قعدت جنبه فجأه جت بنت من الناحيه التانيه لبسه او فينا نقول مش لابسه اصلا وبتلمسه بطريقه مش كويسه وهنا داليا مقدرتش تستحمل
داليا ليونس، انا عاوزه اروح
يونس بعدم اهتمام، روحي
داليا بخنقه من العياط، انا عاوزه اروح
يونس بزهق وحده، ماقولتلك روحي
داليا قامت من جنبه وجايه تخرج واحد سكران مسكهاا
الراجل، راحه فين ي حلوه
داليا بعياط، ابعد عني
الراجل بيقرب اكتر وبيحاول يبوسها……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية هي الحياة)
