رواية هو مرادي الفصل الاول 1 بقلم ندى المصري
رواية هو مرادي البارت الاول
رواية هو مرادي الجزء الاول
رواية هو مرادي الحلقة الاولى
اعرفكم بنفسي انا واحدة هبلة جداً اسمي نور وانا اصلا مفجوعة اكل بحب الاكل اوي اوي بس مع كدة مش بتخن عندي جسم متناسق و شعري اسود اوي ويوصل لحد بعد ضهري بشوية وعندي ١٨ سنة وكل اللي في المنطقة يتمنوني هيييح يلا احكيلكم ايه اللي حصل غير حياتي تماما .
سمير (والد نور ) : ايه يا اخر همي بتعملي ايه ؟
نور ببكاء : اسكت يا بابا متعرفش مين اللي جاله كرونا .
سمير : بسم الله الرحمن الرحيم مين يا بنتي .
نور : جونكوك .
سمير : مين .
نور : جونكوك يا بابا جونكوك .
سمير : ويطلع مين سي برقوق ده .
نور : يا بابا ده مغني كوري مز المزز واد كدة نشوفه نقول هو الحلو منين ولا صوته يالهوااااي يا خسارة صوتك يا كوك يا صغير علي البهدلة يا كوك .
سمير : اللهم ما طولك يا روح انزلي يا بت هاتي فينو من تحت نتعشي بلا نيلة .
نور : انت بتتعصب عليا يا حاج طب مش هنزل .
فاطمة ( والدة نور ) : بس يا حاج سيبها عليا ونبي ما حد ضربها غيري .
نور : استهدي بالله بس.
فاطمة وهي ممسكة الشبشب : دا انتي فلقتي دماغي من الصبح كوك مين و زفت مين وماله يا بت فاروق ابن خالك .
نور : فاروق مين يا حاجة دا كعب رجلي اجمل منه ده عنده حتة قرعة الواحد في الفرح بدل ما اقعد علي كرسي اتزحلق كن علي قرعته .
فاطمة: انا هوريكي يا نور الكلب .
نور : لا انا نازلة بكرامتي .
ولم تصل الي الباب لتجد ضربة قوية في ضهرها اثر الشبشب من فاطمة .
نور : ايوووووه يا لهوي دا انتي لو بتلعبي ببجي.مش هتنشني كدة .
وقفلت الباب مسرعة قبل ان تجد الفردة الاخري في وجهها .
و ذهبت نور الي المحل لتشتري ما طلبه والدها .
في مكان اخر .
اسر : مراد انت مش هتريح نفسك يا ابني ده انت هادد نفسك شغل .
مراد ببرود : ملكش دعوة .
اسر : انا غلطان اني بكلم واحد حي…
لم يكمل الكلمة بسبب اللكمة الذي تلقاها من مراد .
اسر بالم : حي يرزق انت اللي عايز تضرب وخلاص .
مراد بلامبالاة: المافيا الروسية عملت ايه في العقد .
اسر : انطونيو عايز نسبة اكبر من الفلوس علشان يورد الاسلحة لينا .
مراد بضحكة شر : اللي مناخدهوش بالزوق يجي بالعافية .
اسر بخوف : انا مش متفائل .
مراد : يلا نروح .
اسر : تمام .
وركبوا السيارة وكانوا متوجهين الي البيت .
……
نور وهيا خارجة من المحل .
نور : اوعي الواد كوك نزل تحديث جديد .
ولم تنتبه الي العربية التي تكاد تصدمها الي ان نظرت الي مكان الصوت وفتحت عينها بصدمة .
ولكن السائق اتجه في الناحية الاخري باعجوبة اما اسر و مراد نزلوا ليروا هذه الواقعة تفتح فمها من الصدمة .
اسر: انت يا انسة يا بنتي يا استاذة هيا فصلت ولا ايه .
مراد اخرج مسدسه من الجانب ووضعه امام عينها اما هي فاقت من صدمتها علي هذا المنظر .
نور : عاااااااا خدو مني كل ما املك خدو موبايلي و العيش الفينو بس سيبوني اعيش .
مراد بملل : لو سمعت صوتك هقتلك .
رفعت نور عينها الي هذا الواقف لتري رجل في شدة الوسامة له بشرة خمرية و فك منحوت و عضلات بارزة من قميصه شديد الطول و يظهر له هيبة شديدة مما اعطاه وسامة فائقة .
نور : عااا وانا اللي كنت عايزة اتجوز كوك لا خلاص البلدي حلو برضو .
مراد و قد هربت الكلمات من فمه عندما دقق النظر ليجد فتاة اية في الجمال نعم سافر الي بلاد العالم المختلفة ولكن لم يري في هذا الجمال والبراءة ولكن نفي هذا الكلام وقطعه عن شروده .
نور : منكم لله الفينو وقع علي الارض دي فاطمة هتعمل مني قرص عجوة .
لينظر مراد الي العيش و ثم ينظر لها و يخرج رزمة من المال و يرميها علي الارض وثم جاء ليتحرك ليتفاجأ بها ترمي النقود في وجهه .
نور : انت فاكرني شحاتة يا جدع انت .
مراد وقد جحظت عينه : ايه اللي انت عملتيه ده .
نور بشجاعة وعدم اكتراث : ايوة انت اللي غلطان وبترمي الفلوس تلاقيك واخدها من ماما قبل ما تنزل ..
ما ان انهت جملتها حتي جذبها من شعرها .
مراد بهمس مخيف: انتي لعبتي مع واحد يتهزله اكبر راجل اتخلق وصدقيني هخليكي علي الحركة دي تندمي طول عمرك .
نور بالم : ضربة في ايدك الهي تنكسر يا رب ابعد .
مراد تركها : هتشوفيني قريب وهتتمني الموت ارحملك .
نور بهمس : كتك نيلة في شكلك شعري وقع بقيت زيك يا فاروق بركاتك يا فاطمة .
سمعها مراد و نظر لها ثم التفت ببرود وساق بهم السائق وطول الطريق وهو يفكر في هذه الفتاة التي حتي لا يعرف اسمها ثم قال بهمس : مش هتأخر عليكي .
نور قامت من مكانها وعدلت ملابسها كان لاشئ حدث و اخذت هاتفها ورجعت المنزل .
نور وهيا تخبط علي الباب : ابطوووووووط ابطوواط اببطة .
فاطمة وهي تفتح : يا رتني كنت جبت معزة علي الاقل كان لها نفع فين العيش يا بت .
نور : اسكتي مش الفون وقع علي الارض لسة هجيبه لقيت كلب سرق العيش مني وجري .
فاطمة : وحيات امك طب انقلعي من قدامي بدل ما انتي عارفة .
نور : وعلي ايه مع السلامة يا بطة و ذهب الي غرفتها تاركة فاطمة تخبط كف علي كف .
ودخلت ثم غيرت ملابسها فهي محجبة ولبست قميص للنوم يصل الي ركبتها و بنصف كم ويبرز تفاصيل جسدها و نامت في نوم عميق ولكن هي من النوع ذات النوم الخفيف وتستيقظ من اقل صوت .
وفي اثناء نومها استمعت الي صوت ياتي من النافذة و نظرت الي النافذة وفتحت فمها من الصدمة لان ما رأتها كان ……….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هو مرادي)
