رواية هو الخائن الفصل الأول 1 بقلم أميرة محمد
رواية هو الخائن البارت الأول
رواية هو الخائن الجزء الأول
رواية هو الخائن الحلقة الأولى
: هديل هديل استني رايحه فين لتنظر تلك المدعوه هديل بأبتسامه لها وهي تقول بغمزه : رايحه اشوف تامر حسني جه ولا لسه
لتنظر الاخري لها بغباء وهي تقول : تامر مين ده ؟ هو تامر حسني جه الجامعه وانا معرفش
لتضرب الاخري جبهتها من غباء تلك الواقفه لتقول بأستعجال : ليان مش وقتك أمير مستني بره وعايزني اديله مفتاح الشقه
لتقف ليان تحاول استيعاب تلك الكلمات وهي تقول بأستغراب : وانتي معاكي مفتاح شقه أمير ليه
لتنظر لها هديل فجاه وهي تقول بتوتر : اصل عمو وطنط نزلوا متاخر النهارده وهو كان نازل بدري وبحكم اننا ولاد عم فسابوا المفتاح معايا
لتومئ لها ليان وهي تقول بسعاده : طب استني هاجي معاكي لتزفر الاخري بملل وهي تقول : طب يلا بسرعه زمانه واقف بره
لتخرج الفتاتان سريعا ليروا ذلك الشاب الذي ينظر لساعه يده وهو يزفر بضيق شديد ليراهم ويسرع تجاههم
أمير بضيق : انتي لو سلحفه مش هتمشي بالبطئ ده في اي يا هديل مش للدرجادي يعني اتاخرت علي شغلي
لتنظر له هديل بضيق لتضربه بغيظ اعلي راسه وهي تقول بمشاكسه : استاذ مايكل جاكسون المعجبين واقفين مستنيين حضرتك في أي اهدي علي نفسك ده انت محدش يعرفك غيري انا وأهلك وبالعافيه
ليرفع الاخر شعره بأنسياب للخلف وهو يغمز لها : عيب عليكي ده انا دنجوان العصر الحديث موتي بقهرك يا صفرا اكمن كله هيموت عليا ومحدش معبرك
لتقلب الاخري عينيها بملل وهي تعطيه المفتاح سريعا ليلمح الاخر ليان تقف وتبتسم له بسعاده ليسحبها وهو يضع راسها اسفل زراعه بمزاح كالمعتاد ليقول : لي لي انتي لسه عايشه قلت متي من اخر مره
ليان بضيق : ابعد يعم دراعك عايز قطعه كل متشوفني تعمل فيا حركه جون سينا انا قربت ازهق منك
ليضحك امير بسعاده وهو يحرك يده علي شعرها ليزيحه بأهمال وهو يقول : طب يلا زقوا عجلكوا انتو الاتنين عشان اتاخرت وعامر هيخنقني
ليبتسم لهم وهو يلوح للاثنين بسعاده فهم أصدقاء طفوله وتربوا الاربعه سويا لتنظر له الفتاتان بسعاده وهم يلوحون له فهو كان دائما مشاكسهم الحنون
لتنظر ليان لهديل وهي تمسك بذراعها وتسحبها خلفها لتقول بسعاده : شوفتي الواد أحمد اللي فسنه تالته اعترف للبت حنين اللي لسه متعينه معيده جديد وشكلها هتولع يا شقيق
لتشهق هديل بصدمه وهي تقول : يبقي كده ضمن انه يقعد سنين الجامعه كلها لغايه لما يعجز عليه العوض ومنه العوض ملقاش غيرها
لتغمز لها ليان وهي تقول بشقاوه : او ضمن امتياز مرتاح عقبالنا يارب ااقعش فواحد مز ومعيد نخبط فبعض وكده ومشهد رومانسي واضربه بالقلم ويحبني ويبقي حب من اول ضربه
لتضحك الاخري بسخريه وهي تقول : او حب من اول طرده كده هتتفصلي يا احلام العصر المتنقله اخلصي عشان انا جعت نجيب حاجه تتاكل يلا
لترفع الاخري كتفيها بلا مبالاه وهي تنظر للاخري بضيق : فصيله هانم والنعمه لعرفك استني يختي هنا تعالي يبت
____________________
يتمشي الاخر بكل سعاده فهو للتو انهي ارتداء ملابسه وبغايه الشياكه فهو مقدم علي اكبر حدث قد يغير حياته ان اجتازه ليمسك بهاتفه وهو ينظر له بتركيز ليرفع راسه وهو يشير لتاكسي ليذهب لعنوان معين
ليصل بعد فتره وهو ينظر لتلك الشركه بسعاده فهو تعين للتو في اهم شركات الاستيراد والتصدير ليزفر بهدوء وهو يحاول التأكد من هيئته وتنظيم أنفاسه الاهثه
ليبتسم وهو يدلف وما كاد يدلف من تلك البوابه حتي شعر بصاروخ يمر بجواره لتطير بقايا الطين من الأرض حوله علي وجهه وثيابه ليشهق الاخر بصدمه
ياسين بصدمه : احيه يا خيبتك يا ياسين يا حوستك المنيله يا ياسين والنعمه مش وقته لالا اكيد بتهزروا
لينظر بحده ناحيه تلك السياره التي دلفت للداخل ليذهب ناحيتها سريعا وهو يطرق علي الباب بعنف وهو يقول بعصبيه : اي ده يا بني آدم انت ، افتح الباب ده وانزل انت اكيد اعمي في حد يسوق زي البهايم كده طبعا وهتشوف ازاي بالازاز الاسمر اللي مالي العربيه ده
ليفتح الباب فجاه ليرتد الاخر للخلف وهو ينتظر بعصبيه لذلك الشخص المهمل الكسول الغير مسئول والغير اد…… ليتصنم الاخر عن تفكيره وكومه الإهانات في عقله وهو يري تلك التي تقف امامه بتلك الهيئه التي سلبت لب عقله
روجدا ببرود : كمل سكت ليه ولا نسيت هتقول اي لينظر الاخر لها من اعلي لاسفل وهو يفتح فمه بصدمه ليقول : ها ليه هو انا كنت بقول اي
لتبتسم روجدا بجانبيه وهي تقول بهدوء وبرود : اني شخص اعمي وبسوق زي البهايم واي تاني
ليقاطعها ياسين سريعا وهو يقول: فشر مين ده اللي زي البهايم اتقي ربنا يا شيخه لما ده خلقه شخص زي البهايم امال اللي بنشوفهم كل يوم دول اي
لتبتسم الاخري وهي تنظر له من اعلي لاسفل لتقول بهدوء وهي تومئ له : معلش كنت مستعجله مشوفتكش ادخل معايا وانا هديلك هدوم تانيه
لينظر لها الاخر لثواني ليضع يديه حول جسده كعلامه حمايه وهو يضيق عينيه بشك ليقول : هدوم تانيه هدوم تانيه اي يا ست انتي فشركه استيراد زي دي انتي عايزه مني اي بالظبط
لترفع الاخري حاجبيها وهي تقول بسخريه : هعوز منك اي يعني مش شايف شكلك بقي زي المهرجين بالطين ده هديلك بدله تانيه غير دي تلبسها ولا حابب تقعد كده
ليضع الاخر أصبعه علي راسه كعلامه شعبيه للادراك وهو يقول : لا يا ناصحه ده انا ذكي اوي قوليلي كده شركه اي اللي هتلاقي فيها بدل زي دي واحنا مش فشركه ازياء دي شركه استيراد وتصدير ها لا ده انا نبيه
لتقلب الاخري عينيها بملل وهي تنظر لساعه يدها لتقول بضيق : طب خلاص خليك كده بقي اي ده يا ربي عن اذنك
لتحاول الاخري المرور ليقف ياسين أمامها سريعا وهو يمنعها من الرحيل ليقول بأستغراب وعصبيه : استني هنا انتي هتعملي الغلطه وتخلعي منها عايزه تسبيني بعد ما عملتي اللي عملتيه فيا
لتنظر روجدا حولها لتجد الجميع ينظر لهم بأستغراب لصوت العالي لتقول وهي تضغط علي أسنانها بغيظ : وطي صوتك يا اسمك اي انت الحق عليا غلط وجيت اصلح الغلط عمال تقاوح يبقي خليك بقي لما يبانلك صحاب
ياسين بغباء : بس صحابي مش هنا هيبانوا ازاي دلوقتي
لتضغط الاخري علي يديها بغيظ وهي تزوم بعصبيه منه لتحاول الرحيل ليذهب ياسين سريعا وهو يحاول اللحاق بها : يا انسه يا انسه استني يا ان…..
ليقطع حديثه بصدمه عندما تعرقل بشئ ما ليمسك بها وهو يسقط وتسقط الاخري بجانبه في الوحل ليحاول الاخر الجلوس وهو يقول بألم : ااااه يا ضهر امي يا غاليه منك لله يا سمر الكلب انا اصطبحت بوشك
لينظر لتلك الجالسه بجانبه بصدمه وهي تتطلع علي جسدها المغطي بالوحل لتحرك راسها ناحيته بهدوء ما قبل العاصفه
ليبتسم الاخر بتوتر وهو يقول : الااااه شكلنا مش هنحتاج بدله وبس هو انتي عامله حسابك هنا صح ولا هتقضي اليوم معايا كده لغايه لما يبانلك صحاب زيي ؟
________________________
عامر بعصبيه : اتاخرت ليه يا نبيه عصرك المدير لو لمحك هيمرجحك ده شايط وجايب اخره منك
امير ببرود : واي الجديد مهو كده علطول بعدين نسيت مفتاح الشقه ورحت اخده لاني نسيت الملف في البيت فطبيعي يعني اروح اجيبه ولا اجي اتهزق تاني
عامر بسخريه : علي اساس كده مش هتتهزق يعني ليغمز الاخر بسخريه : قضي اخف من قضي يعمور
عامر وهو يقلب عينيه بضيق : ميت مره اقولك متقولش زفت انت عارف اني بدايق منه
أمير بلا مبالاه : عادي بقي يا عمور ما كله عارف انك كده وبعدين انت جاي بكره صح
عامر بأستغراب : اجي بكره فين انتو رايحين تاكلوا ومقولتوليش اخص عليكوا عالم ناقصه
أمير بصدمه : يعم هو كل اللي فكرت فيه الاكل انت ناسي ان عيد ميلاد البت ليان بكره و هنحتفل بيها ولا اي
عامر بغباء : اه تصدق نسيت ده انا كاتبه علي ورقه عشان افتكر وبرده نسيت كويس انك عرفتني
اميره بمزاح : ربنا يخليني ليكوا بجد مش عارف من غيري كنتوا هتنيلوا اي والله ليتسمع لصوت يقول بصراخ : امييييييرررررر
لينتفض الاخر برعب وهو ينظر حوله ويضرب وجنته : ينهار اسود يا نهار اسود مكنش يومك يا امير اطردت وانت فعز شبابك يختاي يا وجع القلب واللف اللي هاخده عشان الاقي وظيفه تانيه
عامر بسخريه : اشرب بقي يا حبيبي وعيش حياتك قال مش هنعرف نعيش من غيره قال لينظر له الاخر وهو علي وشك ان ينقض عليه ليهرول عامر سريعا قبل أن ينفجر فيه
____________________
: ليان ليان استني لتستمع الاخري لأسمها بأستغراب وهي تمسك بهديل لتقول فجاه : بت يا هديل مش ده اسمي برده
هديل بأستغراب : ايوه هو والله يبت يا ليان لتكمل ليان الغباء وهي تقول : مين يبت اللي هينده عليا وانا باجي هنا بالصدفه اصلا
هديل بخوف : ليكون هيعمل زي الافلام والمسلسلات وينده عليكي ويخطفنا لتشاركها ليان الغباء وهي تقول بخوف : احيه يا خيبتك يا ليان اجري يبت متبصيش وراكي
ليكمل الاخر وهو يلهث بشده أثر الركض : استني يا ليان اسمعيني بس
لتسحب ليان هديل وهي تهرول سريعا وتقول برعب : اجري يبت يا هديل هيقتلنا يختاااي هيسرق اعضائنا مش كده
هديل برعب: انا مش عايزه اموت دلوقتي انا لسه متجوزتش لتكمل ليان برعب : وانا مش عايزه اموت دلوقتي اشتريت حته كيكه لعيد ميلادي بكره هموت واكلها وماسكه نفسي
لتتوقف هديل عن الهروله وهي تنظر بغباء لليان : أحلفي بالله ومورتيهاش ليا بقي ليه أن شاء الله منا مبقتش مهمه عندك صح
لتنظر ليان لها لتهم بالحديث ولكن يقطعها وصوت ذلك الشخص وهو يلهث بشده ليقول بصوت متقطع : ل ليان حرام عليكي ق قطعتي نفسي مش بنده عليكي من الصبح موقفتيش ليه
ليان وهي تنظر له بأستغراب لتضع الحقيبه أمامها كعنصر دفاع وهي تقول بشك : انت مين انطق وعرفت اسمي منين خطوه واحده وهنفرقع كلنا خلي بالك ده انا مسجله خطر
لينظر لها الاخر بأستغراب وهو يقول : مسجله اي انا سالم اللي معاكي في القسم كنت حابب اقولك كل سنه وانتي طيبه عرفت ان عيد ميلادك بكره
لتتحول ليان فجاه وهي تعتدل في وقفتها وتضع شعرها بترتيب لتبتسم بغباء وهي تنظر له بكسوف : اي ده بجد الله يخليك بس استني انت عرفت منين
لتقرب هديل وجهها وهي تنظر لهم بفضول ليبتسم الاخر وهو يقول : اصلي متابعك من فتره والصراحه حبيت اجي اكلمك واديكي الهديه دي اتفضلي
لتأخذ الاخري تلك الهديه المغلفه وهي تقول بريبه : مش قنابل صح لينظر سالم لها بعدم فهم لتبتسم وهي تبعد وجه هديل التي تكاد تلتصق بها : والله يا اخ سالم تعبت نفسك مكنش ليه داعي وواجب عليا اديك هديه لكرمك ده
سالم سريعا : لالا يكفيني تكوني مبسوطه بس يعني لو مفيش ازعاج ممكن تديني رقم تليفونك بس
لتنظر له ليان بأستغراب وهي تقول : ليه هتصحيني لصلاه الفجر ولا اي جزاك الله خير والله ليبتسم سالم وهو يقول : دمك خفيف والله مكنتش اعرف ده لا انا حابب نبقي صحاب بس
ليان وهي تومئ بأقتناع لتبتسم له : اه ومالو طبعا طبعا وكعربون صداقه بقي خد دي لتضرب تلك الهديه علي راسه ليصرخ الاخر بألم
لتكمل هي بتشفي : اتمني تكون الهديه عجبتك جتك القرف فيك وفأشكالك قال هديه قال بعدين شكلك مسترخص الا ضربتها فنفوخك مشوفتش نقطه دم نتن
لينظر لها سالم بشر وهو يقترب منها لتضحك هديل بشده لتمسك بها ليان وهي تركض لتقول : اجري يبت يا هديل ده بيتحوووول
___________________
يجلس الاخر وهو يبتسم بتوتر لتلك الجالسه امامه وكأنها ستنفجر به بأي لحظه ليتحمحم وهو يقول : والله مكنش ليه داعي تعزميني علي مكتبك يعني وتضيعي وقتك عشاني
لتنظر له الاخري وهي تكاد تشتعل ليكمل الاخر بابتسامه غبيه : وعلي فكره مكتبك حلو اوي ما شاء الله ده زوقك صح
لتنظر له الاخري بصمت ليكمل بعدم رضا: بس تحسيه جدي اوي المفروض تدي احساس انثوي كده ولا هو موجود وانا مش عارف ولا اي
لتضغط الاخري علي يديها بعصبيه ليقترب ياسين منها وهو يقول : اي ده في حاجه علي وشك استني اشيلها بقي
ليقترب وهو يخرج منديل ليمسح به نقطه طين علي خدها لينتهي وهو يبتسم برضا وكأنه فعل المستحيل وليس ان جسدها بالكامل مغطي بالطين : اهو كده بقي شوفتي بقيتي كده تمام ازاي
لتنظر له روجدا بعصبيه وهي تقول بصراخ : اطلع برهههه مش عايزه اشوف وشك تااااني
لينتفض ياسين بخوف وهو يقول : استهدي بالله بس مكنش قصدي وبعدين منتي مدياني حمام طين محترم ومنطقتش اي يا عالم يا ظالمه في اي
لتقترب منه روجدا بهدوء وهي تنحني لمستواه لتقول ببطئ : اسمع اللي عرفته ان ده اول يوم ليك هنا فعشان ميكونش اخر يوم مش عايزه اشوف وشك قدامك دقيقه تاخد الهدوم اللي جبتهالك وتطير من هنا
ياسين بغباء : استني بس انا مش بعرف اطير لتصرخ به الاخري وهي تقول : براااا مش عايزه اشوف وشك
ليمسك ياسين الثياب وهو يركض للخارج برعب لتنظر روجدا في اثره وهي تمسح وجهها من الطين وتنظر لنفسها بتقزز : غبي شكل ايامك هتبقي سوده معايا
___________________
في مساء اليوم التالي
هديل بأبتسامه : بجد يعني انا عسوله النهارده يا ميرو ليضربها الاخر بضيق وهو يقول: عارفه يا هديل لو سمعتك بتقوليلي يا ميرو تاني هعمل فيكي اي
هديل بأبتسامه سمجه : لا والله معرف هعرف منين وانت مقولتليش
ليقترب أمير منها بتحذير وهو يقول : هعلقك علي باب العماره الساعه ١ الضهر لما يبانلك صحاب وابقي قابليني فاهمه
لتومئ الاخري سريعا وهي تقول: فاهمه والله خلاص يا امير يا حبيبي ليقترب منها امير وهو يبتسم ليقول : منا عارف اني حبيبك امال
لتنظر الاخري في الأرض بخجل وهي تقول بضيق مصطنع : بطل رخامه بقي منت عارف اننا ولاد عم اصلا
أمير بتقزز مصطنع : يلا يختي من هنا هو عشان قلنا نجبر خاطرك شويه يبقي بحبك بجد بعدين انا اصلا بحب يلا يختي غوري
ليبعدها من وجهها بضيق لتقول هديل بغيظ : ماشي يا أمير وحياه امي لعرفك
لتأتي ليان وهي تقول بغيظ : انتو قاعدين هنا وسايبين بغل البحر اللي جوه هو الخرتيت هيخلصوا علي اكل البيت
أمير بابتسامه : اي ده كنت متوقع يعملوا كده بس مش بدري للدرجادي ليذهب ناحيه ياسين وعامر ليجدهم يضعون اطباق الطعام أمامهم وياكلون بشراهه
ليضرب ياسين علي راسه بغيظ وهو يقول : اي براحه هتزور بتاكل فأخر زادك
لينظر له ياسين بغيظ وهو يقول بفم ممتلئ : جعان يعم ارحموا من في الأرض يرحمكم من في السماء
عامر بفم ممتلئ : نقوا في اللقمه اللي بنطفحها بقي ده يدوب شويه مقبلات بعدين هفتانين
أمير بصدمه : لما كده مقبلات وهفتانين امال غير كده هتعملوا اي فينا هتاكلونا شخصيا
ليأتي تامر وهو يقول بأبتسامه : تعالوا يا جماعه اتجمعوا هنا عندي خبر حلو بما ان كلنا متجمعين في اليوم الحلو ده
ليان بأبتسامه: اي يا عمو هتتبروا من أمير وتريحونا منه ولا من ياسين اي واحد ميضرش برده
لينظر لها ياسين بغيظ وهو يقول : هتتبروا من ياسين نينينينيني ده بعينك ده انا العيله دي من غيري متنفعش
لتقلب الاخري عينها بضيق ليقول تامر بسعاده : لا يبنتي هو انا هعمل ده بس مش دلوقتي عندي ليكوا خبر تاني
عامر وهو يمسك بقطعه دجاج يتناولها بأستغراب : خبر اي الاااه لتكونوا هتكتبوا البيت بأسمي اكمني خاطب ومش لاقي شقه والله يا عمو ما كان في داعي لكل ده
مني بغيظ : اسكت يخويا خلي الراجل يتكلم كمل يا ابو امير ليغمز لها تامر وهو يقول : متقولي انتي واهو الحلو للحلو يا ام أمير
لتنظر له مني بخجل ليقطع تلك اللحظه ياسين وهو يضع راسه بينهم ليقول بغيظ : اي كل حاجه أمير أمير انتو متبريين مني ولا اي
تامر وهو يبعد وجهه بغيظ : لا يخويا بس مش هو الكبير يبقي خلاص اعتمدنا المهم احنا بمناسبه الجمعه دي حابين نخطب أمير بقي
لينظر الجميع له بأستغراب وترقب لينظر تامر ومني أمامهم للفتاتين الواقفين بجانب بعضهم
ليقول تامر بأبتسامه : والعروسة هنا ومش هنلاقي احسن منها لأمير ابني
لتنظر له الفتاتين بترقب ولامير بعدها ليبتسم الاخر وهو ينظر ناحيه احدهم بسعاده لتغمض عينيها بخوف وترقب من القادم فأختيار احداهم يعني خساره الاخري
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هو الخائن)
