رواية اعشقك ولكن كبريائي يمنعني الفصل الثالث عشر 13 بقلم لوكا

رواية اعشقك ولكن كبريائي يمنعني الجزء الثالث عشر

رواية اعشقك ولكن كبريائي يمنعني البارت الثالث عشر

رواية اعشقك ولكن كبريائي يمنعني الحلقة الثالثة عشر

سعاد وهى تدخل اوضتها:تعالى يا فرح
فرح:خير يا طنط
سعاد:بصى يا فرح انا عارفه انك انتى وادهم مش مرتاحين مع بعض
فرح:لا طبعا الحمد لله احنا كويسين
سعاد:انا عارفه انك مش هتقولى حاجه بس انا حاسه بكده
فرح:انا مش عارفه اقول لحضرتك ايه احنا فعلا كويسين
سعاد:بصى يا فرح اوعى تفتكرى ان ده ادهم ابنى
اللى انا ربيته ده واحد تانى اتبدل
عمره ما كان كده على طول الضحكه مكنتش بتفارق وشه
وكان احن واحد فى اخواته بس اللى حصل غيره
فرح:حصل ايه؟؟؟
سعاد:ادهم كان خاطب واحده وكان بيحبها اوى كان بيقول انه
ميقدرش يعيش من غيرها
كانوا مبسوطين مع بعض وبعدين فجاه المجموعه اتعرضت لخساره
جامده اوى وكنا هنفلس
وهى بقى فى الوقت ده سابته وقالتله انها كانت مخطوباله علشان
الفلوس بس الفلوس راحت فخلاص مش هينفع يكملوا مع بعض
وبعدها بشهر كانت اتجوزت هو وقتها اتصدم بس اشتغل ليل ونهار هو
واخواته لغايه ما المجموعه عدت الازمه وهو من ساعتها مش بيثق
فى اى واحده وقفل على قلبه ومن يوميها
بقى قاسى كده حتى علينا
فرح :كانت ساكته ومش بتتكلم بس كانت مضايقه مش عارفه ليه
سعاد:انا قولتلك اللى حصل علشان تعزريه وتستحمليه انا متاكده انه
هيحبك بس محتاج شويه وقت
فرح:متخافيش يا ماما احنا الحمد لله كويسين متقلقيش
سعاد:يا رب يا حبيبتى يخليكم لبعض
فرح:يا رب
**************************
فرح اول ما سابت سعاد راحت اوضتها
فرح بتفكر:
*انتى ليه زعلانه كده
*عادى يعنى زعلانه انه عرف بنى ادمه زى دى
* ولا زعلانه انه كان بيحبها
*لا طبعا وهزعل ليه يعنى؟؟
*يمكن علشان بتحبيه
*لا طبعا مش بحبه
*لا بتحبيه بتقاوحى ليه؟؟
*لا مش بحبه ملحقتش احبه
*الحب مش محتاج وقت انتى حبيتيه
* اه حبيته بس مش هينفع هو مبيحبنيش
*ليه لا انتى بتحبيه
*اه بس هو مبيحبنيش
فضلت فرح تفكر لغايه اما نامت
******************************
دخل ادهم وحسام البيت لقوا امل وامه قاعدين
حسام:ازيكوا يا جماعه
امل:الحمد لله
سعاد:عاملين ايه يا ولاد؟؟
ادهم:الحمد لله
حسام:انا هطلع اغير على ما تجهزوا الغدا
امل:هاجى معاك
قامت امل وحسام
ادهم:امال فين مريم
سعاد:جت من الكليه ودخلت تنام
ادهم:ربنا معاها
سعاد:ايه مش هتسال على مراتك؟؟
ادهم بارتباك:اه هى فين؟؟؟
سعاد:طلعت الاوضه من بدرى شكلها نامت
ادهم:طب هطلع انا كمان اغير هدومى
وطلع ادهم واول ما دخل الاوضه شاف فرح نايمه بلبس الخروج
راح يصحيها
ادهم:فرح فرح اصحى
فرح بنوم:ايوه يا ادهم سيبنى انام
ادهم:قومى علشان نتغدا
فرح بتقوم:حاضر
ادهم:مالك انتى كويسه
فرح:اه كويسه ليه؟؟؟
ادهم:اصلك مش بتنامى دلوقتى
فرح بابتسامه سخريه لم يلحظها ادهم :معلش بقى مفيش حاجه
بتفضل على حالها
نزلت فرح وادهم يتغدوا
بعد الغدا فرح كانت سرحانه فى انها ازاى حبت ادهم
وان ده مش من حقها
كانوا كلهم قاعدين بيتكلموا ولاحظوا ان فرح سرحانه
ادهم:فرح فرح وزعق فرح
فرح:نعم
امل:لا انتى مش هنا خالص ايه يا بنتى بنكلمك من الصبح
فرح:معلش مخدتش بالى
مريم:اللى واخد عقلك
حسام:ما اللى واخد عقلها قاعد معانا اهو
فريد:متسكتوا بقى فى ايه سيبوهم يعيشوا
فرح اتكسفت من كلامهم جدا
ادهم حس بيها:انتم مالكوا احنا حرين
وراح خادها وقالهم:بالعند فيكم احنا هنخرج دلوقتى
مريم:خدونى معاكم مليش دعوه
ادهم:ممنوع اصطحاب الاطفال
حسام:سيبيهم يعيشلهم يومين
فريد:امشى يا بنى دول مش هيسكتوا
وطلع ادهم غير هو وفرح ونزلوا علشان يخرجوا وفى العربيه
ادهم:مالك بجد النهارده شكلك مش مظبوط
فرح:لا ابدا بفكر فى الشغل
ادهم:فى مشكله ولا حاجه؟؟
فرح:لا ابدا بس معروض عليا شغل تانى
ادهم:فين؟؟؟
فرح:فى الجامعه الامريكيه
ادهم:وهتوافقى؟؟؟؟؟؟
فرح:بفكر بس احتمال كبير موافقش
ادهم:شوفى اللى ترتاحى فيه واعمليه
فرح:ان شاء الله
ادهم:هوديكى على الكونيش شويه
فرح:ماشى
ادهم:انتى متاكده ان موضوع الشغل وبس
فرح: اه متاكده ……………وسكتت شويه
على فكره مامتك شاكه فى حاجه
ادهم:فى ايه؟؟
فرح:اننا يعنى مش كويسين مع بعض
ادهم:وانتى قولتلها ايه؟؟
فرح:قولتلها اننا كويسين اوى
ادهم:انا كنت حاسس بكده بعد كده نحاول نتصرف
فرح:ازاى؟؟؟
ادهم:هشوف حسام بيعمل ايه مع امل وهعمل زيه
فرح:هتبقى اوفر حسام بيحب امل جدا
ادهم:امال اعمل ايه؟؟
فرح:نتعامل عادى بس نحاول نبان قدامهم مبسوطين
ادهم:انا بقول كل يوم ننزل شويه باليل على اساس اننا بنتفسح يعنى
فرح:ربنا يسهل
وساد الصمت الموقف لحد اما وصلوا على النيل قعدوا شويه وروحوا
*********************************
اما عند اسر وجاسر
اسر:جاسر كنت عاوز اخد رايك فى موضوع
جاسر باهتمام:خير؟؟؟
اسر:اصل انا معجب بواحده
جاسر:ياااه يا عبد الصمد لسه فاكر تقول
اسر:انت كنت تعرف
جاسر:يا بنى انا تؤامك اكتر واحد احس بيك
اسر:طب انت ايه رايك؟؟
جاسر:والله البنت كويسه اوى وخصوصا انها صحبت فرح وانا بقول
اخلص واخطبها قبل ما تطير من ايديك
اسر:هكلم فرح بكره الصبح واقولها
جاسر:ربنا يتمملك بخير
اسر:محسسنى انها وافقت خلاص
جاسر:طبعا هتوافق هى هتلاقى زيك
اسر:ربنا يخليك ليا
***************************
اول ما فرح روحت نامت علطول او بمعنى اصح عملت نفسها نايمه
وقررت انها تقلل كلامها مع ادهم علشان متتعلقش بيه اكتر من كده
ادهم بقى كان مستغرب الاحساس اللى كان حاسه مع فرح وخصوصا
اما كانوا قاعدين على النيل وعنيهم جت فى عيون بعض حس
باحساس معرفش يفسره هل هو دفء ولا حب ولا احتياج
بس كان مبسوط اوى