رواية هذه ليلتي الفصل العشرون 20 بقلم نجمة براقة
رواية هذه ليلتي الجزء العشرون
رواية هذه ليلتي البارت العشرون
رواية هذه ليلتي الحلقة العشرون
تاني يوم
نادر بانفعال _ فهد فين
عز_ عنده ظروف خاصة سعادتك وقالي اقول لحضرتك انه مش هيقدر يجي اليومين دول
نادر بعصبيه _ الله دا احنا في مدرسه هنا، ما يخليه في ظروفه علي طول، بلغو انه هيتحاسب علي عملته دي
عز_ حاضر نادر باشا
نادر _ جبت الفلوس من البنك؟
عز_ ايوه ياباشا خمسه مليون كاملين
نادر _ تعاله ورايا
بيروحو عند نور
نادر _ قومي
نور بخوف_ في ايه
نادر _ عاوزة تمشي ولا عجبتك القعدة
نور_ ايوة عاوزة امشي
نادر _ خدي الشنطة دي وعلى بيتكم علي طول
نور بفرحه _ حاضر، و بتمشي علي طول نحية الباب
نادر _ قولتلك خدي الشنطة
نور _ ايه الشنطة دي
نادر _ ملكيش دعوه، ..عز وصلها لغيت البيت
زياد بيرن ويقطع حديثه
نادر _ عملت اللى قولت عليه والبنت ماشيه ومعاها الفلوس ، فين جيلان بقا
زياد _ برافو ندوره، سيبها تمشي لوحدها بقا ومتخليش حد يوصلها
نادر بانفعال _ ماشي بنتي هترجع امتي بقا
زياد_ لما اطمن ان نور رجعت البيت بسلام واخد الفلوس، وخلي بالك اي تصرف بعد كده هنزل صور بنتك ملط علي الانترنت
نادر بانفعال _ وحياات امك ما هسيبك تتهنا يوم واحد ، جيلان ترجع بس
زياد _ خلقك يا ندوره كده غلط علي سنك،، يلا خلي نور تمشي .. اه معلش هتقل عليك بس اديها اي تليفون تمشي بيه واديها رقم المحروسه بنتك علشان اطمن عليها
نادر _ ماشي مااشي حقك، انت هات تليفونك
عز _ اتفضل
نادر _ خدي التليفون ده، وكلمي الصايع ابن خالتك لما توصلي
عز محدث نفسه _ وانا مال امي واخد تليفوني ليه
نادر _ عز تعاله عاوزك
عز _ افندم
نادر بياخده علي جمب
نادر _ تخليك وراها من غير ما تاخد بالها وبمجرد ما زياد يقابلها تمشي وراه وتعرف هو فين بظبط،
عز_ امرك نادر باشا
نادر _ يلا وصلها لبرا
عز _ قدامي
عز بيوصلها برا
عز _ خلي بالك من تليفوني اوعي تقلبي فيه ماشي
نور _ ماشي
عز _ وحاجه تانى
نور _ ايه
عز _ ااول ما الصايع ياخد منك الفلوس تسيبي البيت وتروحي في اي مكان محدش يوصلك فيه .. عشان نادر مش هسيبك
نور _ طيب وخالتي و جوزها
عز_ ملقنهمش الظاهر انه خلاهم يمشو علشان عارف اننا هنفكر نجيبهم
نور بإبتسامة _ شكرا ياعز
عز_ اخلصي هتفضحينا
نور ماشي
بتمشي نور و عز بيمشي وراها من بعيد تنفيذ لكلام نادر
في بيت شامي
شامي قاعد في اوضته وبسمه بتخبط عليه وتدخل وفي ايدها علبه هدايه
شامي _ في ايه يا بسمه
بسمه _ حد جابلك العلبه دي وقالي ادهالك ومشي
شامي _ فيها ايه دي
بسمه _ معرفش خد شوف،
شامي يخدها منها ويفتحها يلاقي تليفون حديث وشكله غالي،
بسمه _ واووو ايه ده يا شامي، دا بتاعي
شامي _ انتي هبله بتاعك ايه، دا أكيد جه بالغلط
بسمه _ بالغلط ازاي دا سأل علي اسمك انت بتحديد
شامي بحيرة _ مقالكش هو مين طيب
بسمه _ لا هو ادهوني ومشي علي طول .. نقول مبروك عليه بقا
شامي _ بسماااه امشي ياحبيبتي هتتاخري علي شغلك
بسمه _ ماااشي مبروك ياعم
شامي _ بسمة حبيبتي انتي متخلفه، وانا عارف ايه حكايته، .. اعرف مين جابه بس وهرجعه
بسمه _ فقري .. امشي بدال ما تفقرني معاك
شامي _ جدعه. امشي يلا
بتمشي بسمة وهو يمسك التليفون ويقلب فيه ويدور في العلبه يمكن يلاقي حآجه تعرفه من مين بس مبيلقيش، وفجاه تليفونه بيرن وبتكون توقه
شامي _ الو
توقه_ نقول مبروك
شامي _ هو انتي اللي جايبه التليفون
توقه _ يارب يكون عجبك
شامي بحيرة _ وجيبالي تليفون ليه، انتي ايه حكايتك معايا
توقه _ مفيش أي حكايه
شامي _ لا فيه ولازم اعرفها.. التليفون جيباه لله بردو
توقه_ مش لله اوي، هقسطلك تمنه 100 جنيه كل شهر
شامي_ نعم
توقه_ في ايه ياشامي ما انا هقسطهولك اهو عاوز ايه تانى
شامي_ عاوز افهم بتعملي معايا كده ليه، ومتقولليش لله
توقه_ ههههه معجبه بيك يا سيدي، شخصيتك عجباني وحابه اساعدك
شامي_ الموضوع مش موضوع شخصيه انتي مين يابنت الناس
توقه_ انا توقه
شامي بزهق_ ماشي تشرفنا، بس انا مش هقبل التليفون ده
توقه_ كده عاوزني ازعل بجد
شامي_ لا تزعلي ايه بقا،، طيب انا هاخده بس هدفع قسط 500 كل شهر
توقه_ اوك زي ما تحب
شامي_ يابنت الناس انتي حكاية ايه
توقه_ ههههه قولتلك معجبه، يلا بقا ورايا شغل مهم، باي
شامي_ بااي ياستي…معجبه؟ لو عندي حآجه كنت قولت طمعانه فيه
فيلا صلاح
ادم _ صباح الخير ياشامي،
شامي_ صباح النور أستاذ ادم
ادم_ مرتاح في الشغل هنا
شامي_ اه الحمدلله زي الفل
ادم_ ربنا معاك، رايحين مكان ولا ايه
شامي_ ناردين هانم عاوزة تخرج
ادم_ اوك، دقيقة استعجلها
شامي_ خليها على راحتها
ناردين بتنزل من فوق وهى جاهزة وعلي غير العاده مش حاطه اكسسورات بطريقه ملفته
شامي يشوفها ويحدث نفسه_ مش لابسة شخاليل النهارده ليه،، يمكن هتموت
ناردين بإبتسامه_ صباح الخير يا ادوم
ادم باستغراب_ يا مين
ناردين_ أدوم بدلعك يا ادم
ادم_ ودا من امتي
ناردين_ خلاص ياسيدي سحبتها مش هدلعك تاني
ادم يبصلها باستغراب ويلاحظ تغيير لبسها وعدم ارتدائها للاكسسسورات _ انتي كويسه يا ناردين
ناردين_ ايوه كويسه، بتسال ليه
ادم_ بطمن بس.. خلاص روحي مشوارك وانا هروح الشغل ولما ارجع لينا قعده مع بعض
ناردين بإبتسامة_ ماشي، يلا باي….يلا بينا
شامي_ يلا يافندم
ادم يبصلها ويحدث نفسه_ مالك يا ناردين، .. ربنا يستر ميطلعش في بلوه من وراها زي عادتها
عند العربيه
شامي بيفتحلها الباب ..ويركب العربيه ويمشي
شامي_ على فين معاليكي
ناردين_ امشي علي طول
شامي بزهق_ حاضر
ناردين_ مامتك عامله اية
شامي_ كويسه
ناردين_ خفت خالص
شامي_ اه
ناردين_ واختك
شامي بقرف_ كويسه
ناردين_ واخوك
شامي_ كويس
ناردين بإبتسامة_ والناس اللي عندكم
شامي _ مبدخلش في حياتهم الحقيقه ف تلاقيني معرفش عنهم حآجه
ناردين_ دا انت بتقولي متدخليش بذوق بقا
شامي_ لماحه اوي معاليكي
ناردين_ اممم طيب شغل السماعه هشغل اغاني علي البلوتوث
شامي يشغل السماعه
وهي تشغّل اغنيه يا واد يا تقيل ودندن معاها
شامي بقرف_ الله يرحمها كانت مدلوقه
ناردين_ ههههه ده حسين فهمي
شامي _ ودي رخصة انها تكون مدلوقه يعنى
ناردين_ انت زعلان ليه ما تدلق ولا تعمل اي حآجه انت مالك
شامي_ ولا مالي ولا حآجه هما حرين ياستي، هنروح فين بقا
ناردين _ استنا افكر
شامي_ دا انتي غاويه تلففيني وخلاص،
ناردين_ مش تحلل الفلوس اللي هتاخدها
شامي_ ومالو
ناردين_ مقولتليش الحوريه بتاعتك عامله ايه معاك.. بتكلمك
شامي_ بتكلمني مبنمش غير على صوتها
ناردين_ بتقولو ايه
شامي_ دي اسرار ملكيش دعوه بيها
ناردين_ باين عليها بنت مدلوقه اوي وفاضيه
شامي بتحذير _ ملكيش دعوه بيها اسمها ميجيش علي لسانك تاني
ناردين بإبتسامة_ اوك
شامي_ اخلصي قولي عاوزة تروحي فين
ناردين _ نزلني عند السوبر ماركت اللي هناك
شامي يروح هناك من غير ما يرد ويوقف وهي بتنزل وتسيبه
شامي محدث نفسه_ بنت مستفزه … وبعد شويه توقا بترن
شامي بإبتسامه_ بنت حلال
توقه_ خيير
شامي_ كنت لسه جايب في سيرتك
توقه_ بالخير ولا بالشر
شامي_ لا ده ولا ده
توقه_ المهم انك افتكرتني،،
شامي بإبتسامه_ دايما فاكرك
توقا_ طيب ينفع اقولك وحشتني ولا هتفهمني غلط
شامي بإبتسامه_ ينفع.. وانتي كمان
توقه_ كنت فكراك هتصدني.
شامي_ كنت هقولك انا الاول بس انتي سبقتيني
توقه_ المره الجايه اسبقني انت بقا… ها بتعمل ايه
شامي_ في الشغل
توقه_ بتشتغل ايه
شامي_ سواق عند واحد بيه كده
توقه_ مبسوط في الشغلانه دي
شامي_ اه الحمدلله شغلانه كويسه
توقه_ صحابها كويسين معاك ولا متفشخرين
شامي _ ههههه لا كويسين اوي اوى
توقه_ تمام. لو زعلوك قولي وانا ابهدلهم
شامي_ الايه اتعكست المفروض انا اقول كده مش انتي
بيتكلمو وقت طويل وبعدين بيلاحظ غياب ناردين ويدخل جوه وهو وبيكلم توقه، ويدور عليها لغيت ما بيلاقيها واقفه بعيد وبتتكلم في التليفون ومبتشفهوش، ويبص عليها ويكمل كلام مع توقه واول ما بيقفل معاها ناردين بتقفل وتبص لتلفون وتضحك
شامي بشك_ بتكلم مين دي
ناردين بتشوفه واقف وبيبص عليها وترتبك وتخبي التليفون في كمها، وتروح عنده _ في ايه
شامي بشك_ بتعملي ايه كل ده
ناردين بارتباك_ ممفيش كنت بشتري حاجات.. ف واحده صحبتي اتصلت بيه.. يلا بينا ؟
شامي _ فين اللي اشترتيه
ناردين_ ااه لا ماهو انا ملقتش اللي بدور عليه،، يلا بينا
شامي يحدث نفسه _ شكلك بتعملي مصيبة
بيركبو العربيه ويطلعو
ناردين_ كنت جاي ورايا ليه
شامي_ علشان اتاخرتي
ناردين_ اه
شامي_اللي كنتي بتكلميه جوه صحبتك بجد ولا.حد تاني
ناردين بارتباك_ حد تاني زي مين
شامي_ معرفش بس شكلك مكنش شكل واحده بتتكلم مع صحبتها
ناردين_ امال ايه
شامي_ معرفش انا بسالك
ناردين_ حآجه تخصني
شامي_ اه طيب
ناردين_ كان مالو شكلي علشان تقول كده
شامي_ مش تعبيرات واحده بتتكلم مع صحبتها
ناردين_ اه… طيب انا عارفه انك مش هتقول لحد بس انا.كنت بكلم واحد
شامي_ ممكن اعرف ايه طبيعة علاقتك بيه ولا ميخصنيش بردو
ناردين بتنهيده_ معرفش
شامي_ ازاي متعرفيش طبيعة علاقتي بالاشخاص اللي بتتعاملي معاهم… ماهو لاما صديق لا حبيب او زميل مثلا
ناردين_ صدقني معرفش.. انا بكلمه ومعرفش بكلمه ليه، مش عارفه احدد هو بنسبالي ايه
شامي محدث نفسه_ لو ملحقتهاش هطير ياحلو ومش هتعرف تخلص منها اللي عملته، انت بقيت تصدها ونسيت هدفك
شامي _ بكره تعرفي اتمنالك السعاده
ناردين بإبتسامة_ بجد
شامي بإبتسامه_ ومش مصدقه كدة ليه
ناردين_ مش عارفه شوف انت
شامي_ علشان اسلوبي الناشف معاكي يعني
ناردين _ ايوه
شامي _ علشان مش عاوزك تخسري الرهان
ناردين _ يااسلام،
شامي_ مستغربه ليه.. انا لو عاملتك بلطف او طريقتي العاديه هتحبيني و وقتها هتخسري كتير
ناردين _ ههههههههه لا متخافش بس انت عاملني بطريقتك العاديه بدال البوز بتاع كل يوم ده
شامي _ خلاص انتي اللي اخترتي انا مش مسؤول عن اللي هيحصل بعد كده
ناردين بإبتسامة _ اوك اتفقنا
شامي _ الهانم تسمحلي اعزمها على حآجه نشربها
ناردين بإبتسامة_ اووكي
فيلا صلاح
صلاح بيكلم ادم في التليفون
صلاح_ النهارده هنروح لنادر علشان نتكلم في التفاصيل
ادم_ اتكلم انت انا مش هتجوز
صلاح _ دا لعب عيال صح
ادم_ انت كنت لاوي دراعي ب ليلي وخلاص اهي اتجوزت ، يعني مفيش سبب يخليني اتجوز بنت شريكك ده
صلاح _ هي بقت كده
ادم_ ايوه
صلاح_ اوك براحتك خالص
ادم_ شكرا، عن اذنك ورايا شغل . وبيقفل معاه ويروح الشركه اللي فيها بسمه
بسمه بتكون قاعده على المكتب وشغاله علي الكومبيوتر
ادم_ صباح الخير
بسمه بدون التفات _ صباح النور يافندم اتفضل
ادم_ فين الاستاذ احمد
بسمه تبصله _ الاستاذ احمد في…. هو انت
ادم_ ايوه انا،، عامله اية
بسمه_ ايه جابك هنا
ادم_ انا صاحب الشركه
بسمه تقوم وتلم حاجاتها جوه الشنطة بانفعال_ انا لو اعرف ان الشركه تبعكم مكنتش جيت، وادي استقالتي فين الزفت القلم
ادم_ طيب اقعدي
بسمه بزعيق _ مش قاعدة
ادم بزهق_ انتي مش بتدي لنفسك فرصه تفكري ليه، دايما كده لسانك سابق عقلك
بسمه بتريقه _ لا وانت حكيم اوي انت و ابوك،.. انتو نسيتو انكم جيتو البيت وبهدلتنو علشان سوء تفاهم
ادم_ واعتذرنا
بسمه_ بعد ما امي كانت هتروح فيها، بقولك ايه ابعد عني وشي لا ادب القلم ده في عينك
ادم _ اوك امشي بس قبل ما تمشي،ايدك علي مليون جنيه
بسمه_ نااعم..
ادم_ انتي شكلك ناسيه الشرط الجزائي اللي مضيتي عليه
بسمه بخيبه_ يانهار اسود عليك، عاملينلي فخ
ادم_ دا العادي عندنا الكل معمول معاه كده، وف حال احنا اللي رفدناه احنا اللي بندفع
بسمه _ اه… اوووكي اوعدك مش هتستحملني اسبوع واحد وهترفدني وساعتها هاخد المليون واخلص من وشك
ادم _ تصدقي اني مش باجي هنا تقريبا بس بعد التحدي ده انا هاجي لمدة اسبوع كامل
بسمه بقرف_ مااشي، وسع بقا وادي ام الشغل مليش مزاج اشتغل
ادم _ طيب اهو ويمسك الورق ويرميه، وبصيغة الامر… لمي الورق ده واعملي حسابك هتسيبي المكتب ده وتبقي السكرتيرة لمدة اسبوع
بسمه _ دا بعينك ومش لامه ورق مكنتش خدامه عندك
ادم_ سيكيوررررتي
الحارس _ نعم ادم باشا
ادم _ كل الموظفين يمشو النهارده اجازة مدفوعه واقفلي الشركه من بره
بسمه بقرف_ احسن يلا عن اذنك .. بتيجي تمشي وهو بيوقفها
ادم_ انتي مش تبعهم
بسمه _ يعني ايه
ادم _ يعني هتباتي هنا تخلصي شويه شغل
بسمه _ يعني ايه بردو
ادم _ يعني هنبات انا وانتي نخلص الشغل مع بعض
بسمه _ يعني ايه
ادم للحارس _ واقف ليه مش بقولك اقفل
الحارس _ امرك ادم باشا
بسمه بترجي _ لا اوعي، خلاص هلم الورق اهو بس متخلهوش يقفل
ادم _ وانتي خايفه ليه انا مديرك والشركه كبيرة يعني مش هنقعد في اوضه لوحدنا
بسمه _ لا لا مينفعش خلاص انا هلم الورق اهو وتبتدي تلم
شوفت اهو لميتهم اتفضل .. تحب اعملك قهوه.. هعملك قهوه .. سكرك ايه، مظبوطه صح
ادم _ صح .. خلاص متقفلش وروح انت
بسمه بانفعال _ خلاص عملت اللي انت عاوزة، امشي يلا
ادم _ انتي بتطرديني من شركتي
بسمه _ بطردك من مكتبي، شايف الاسم ولا مش شايف
ادم _ اوك همشي وهاتيلي القهوة علي مكتب احمد وياريت جمبها واحده شيكولاته ومتنسيش الميه عشان بحب يكون للقهوه طقوس
بسمه بتبتمه _ بالسم الهاري
ادم _ مخصوملك تلات ايام
فيلا منصور
ليلي _ ياامن قوم
يامن بتعب _ سيبيني انام شويه
ليلي_ ابوك عاوزك قوم بقا
يامن _ عاوز ايه دلوقتي.. روحي قوليلوه تعبان
ليلي_ يامن قوم الوقت اتاخر انت عارف الساعه كام دلوقتي
يامن يقوم ويقعد علي الكنبة بدوخه وفجاه الباب يتفتح
رانيا_ عمي بيستعجلك
يامن بغضب_ انا مش قولتلك قبل كده متدخليش من غير ما تخبطي
ليلي بإبتسامة_ اهدا يا روحي متعصبش نفسك علي الصبح
يامن _ مش ممكن.كده، يرضيكي قلت الذوق دي يابيبي
ليلى_ تؤ تؤ، بس احبش اشوفك زعلان كده،
خلاص روحي انتي وانا هفرفشه ونيجي
رانيا بانفعال_واقول لعمي ايه.. هتفرفشه
يامن_ متقوليش حآجه.. امشي يلا
رانيا بغيظ _ مااشي، وبتمشي وتقفل الباب
ليلي بارتباك_ قوم بقا.. وبتيجي تقوم ف يمسك ايدها ويشدها لحضنه
ليلي بارتباك_ ايه ده
يامن يضمها وميردش عليها
ليلي _ يامن في ايه
يبعد عنها ويدخل الحمام من غير كلام
ليلي _ شكله اتجنن
بعد شويه بيطلع ويلبس هدومه ويجهز نفسه
ليلي تحط ايدها في وسطها _ ممكن افهم ايه اللي عملته ده
يامن بأستغراب_ عملت ايه
ليلي_ حضنتني
يامن_ وفيها ايه دي
ليلي_ فيها ايه ازاي بقولك حضنتني
يامن بإبتسامة_ احنا مش صحاب
ليلى_ وهو عادي تحضن صحبتك يعنى
يامن _ اه عادي، انا بحضن صحابي كلهم
ليلى بتحذير_ متبقاش تكررها تانى ماشي
يامن بإبتسامة _ حاضر، وبمدلها ايده علشان تسلم واول ما بتسلم عليه بيشدها تانى
لحضنه
ليلي تشد في نفسها_ انت حصلك ايه ابعد يخربيتك
يامن يضمها اكتر _ صحبتي وبحضنك انتي مالك
ليلى _ طيب ابعد يلا
يامن _ لاء
ليلى تهدا وتخبي نفسها فى حضنه وتغمض عينيها
يامن يحس بيها ويحدث نفسه _ حيرتيني معاكى، مبقتش عارف انتى بتحبيني ولا بتحبي ادم،
رانيا تفتح الباب تانى وتلاقيهم فى الوضع ده
رانيا بغيظ_ مش فضيالكم
ليلي تبعد عنه وتبص بعيد بارتباك وهو يبصلها بإبتسامة
يامن_ انا مش لسه قايل الباب ميتفتحش من غير ما تخبطي
رانيا بغيظ_ عمي بعتني تاني، اخلص مش فضيالكم، وبتطلع وتقفل الباب بغضب
يامن بتردد_ ليلي انا… انا ماشي
ليلي _ طيب
يامن _ مش عاوزة تقولي حآجه
ليلى _ ايوه
يامن بإبتسامة_ طيب قولي
ليلى _ لما تيجي
يامن_ قولي دلوقتي
ليلى _ لما تيجي
يامن_ طيب بخصوص ايه
ليلى _ لما تيجي هقولك
يامن _ وانا كمان عاوز اقولك حآجه مهمه
ليلي بإبتسامة_ قول
يامن_ لما اجى
ليلى _ ههههه ماشي، هستناك
يامن بإبتسامة_ هتوحشيني
ليلي بخجل_ طيب..
يامن _ ههههه ماشي بيمشي خطوتين ويرجع تانى يضمها ويقبل شفتيها بشغف. ثم يتوجه للباب بدون النظر إليها،
وهي تضع يدها على شفتيها بإبتسامة، وتجلس على سريرها
بعد وقت بتيجي رانيا وتخبط عليها
ليلى قاعدة علي السرير وسرحانه
ورانيا تفتح الباب وتبصلها بقرف _ عمك عاوزك
ليلي _ هه.. عمي مين
رانيا_ عمك صلاح،
ليلي بصدمه _ متاكده
رانيا _ اطلعي وشوفيه عن اذنك
ليلي تحط ايدها على قلبها بقلق ـ عاوز مني ايه تاني ياعمي..
في مكان اخر
نور بتتواصل مع زياد على التليفون ويقولها تقابله جمب بيتهم واول ما بتوصل فجأه بيطلع في وشها
نور بفزع_ بسم الله الرحمن الرحيم، حرام عليك ياخي
زياد _ حمدالله علي السلامه،
نور _ زياد ابعد عن وشي كفايه اللي حصلي بسببك
زياد _ مش وقته هاتى الشنطة دي وخدي الفلوس دول وتروحي علي اول قطر لبلدكم انتي فاهمه
نور _ فين خالتى وجوزها
زياد _ سافرو البلد
نور _ طيب انا هروح اخد حاجتي الاول
زياد _ شهلي طيب وانا همشي ابقي كلميني لما تخلصي
نور باستحقار_ تصدق انك واطي غور بقا
زياد _ مش مهم المهم انك تمشي دلوقتي
نور _ طيب هات المفتاح خليني اخد حاجتي واغور
زياد _ اهو
بيمشي ويسيبها وهي تدخل جوه وتليفون عز يرن برقم فهد
نور _ هو انت … الو انت مين يا حيوان ما ترد
فهد _ مش ده تليفون عز
نور بقرف _ لا مش تليفون عز متتصلش هنا تاني يا بارد يامتخلف
فهد _ انتي بنت مش متربيه وديني لا اوصلك
نور _ طلعالك يا ازعر يابتاع البنات
فهد _ بنات؟ دا انتي تعرفيني بقا انتي مين يابت
نور_ ستك نور اللي خدت إفراج منك ومن منظرك اللي يعر
فهد _ قولتيييلي، هو تليفون عز معاكي.. مااشي وحيات امك لا انا جايبك تاني افتحي الباب يلا
نور باستغراب _ باب ايه
فهد _ باب خالتك ياعين خالتك، افتحي لا اكسره على دماغك
نور بصدمه _ الو الو طيب سلام انت دلوقتي
فهد _ افتحي ياغبيه قبل ما حرس نادر يوصلو
نور _ علي اساس انك مش تبعهم يا بارد وربنا ما فاتحه
فهد بانفعال _ هحاسبك علي قلة أدبك دي .. ويبتدي يخبط في الباب بجسده لغيت ما يفتحو ويدخل ويبتدي يدور عليها
نور مستخبيه ورا الكنبه بخوف
فهد _ اطلعي مش وقتك انا جاي اساعدك يا متخلفه… نور اخلصي لو وصلو مش هقدر احوشهم عنك
نور توقف بخوف وهو يشوفها _ انت مبتكدبش صح
فهد يجز على سنانه ويروح يمسكها من قفاها
نور ببكاء _ مش هغلط تاني والله بس سيبني امشي
فهد _ حسابك معايا بعدين امشي قدامي
نور _ حاضر حاضر
في مكان اخر، زياد بيوصل الشقة اللي فيها جيلان وعز وراه واول ما بيدخل عز بيروح وراه ويوقف قدام الباب ويسمع ايه اللي بيحصل جوه
جيلان ببكاء_ خلاص خدت الفلوس فكني بقا
زياد يقرب منها ويحسس علي جسمها _ مش لما ائمن نفسي الاول
جيلان بخوف_ انت عاوز ايه
زياد _ عاوزك.. لحظه واحده وراجعلك
جيلان ببكاء_ مشيني من هنا
زياد يشغل تسجيل الفيديو ويسند التليفون، ويرجعلها تانى ويبتدي يتعدا عليها وهي تصرخ وفجاه تلاقي عز في وشها
جيلان ببكاء _ عز الحقني
عز يقرب منه ويمسكه من قفاه ويسدد ليه ضربات سريعه في وشه وبطنه
زياد بألم_ هقتلك، ويسدد ليه ضربه هو الاخر، ويمسك المطوه ويضربه في بطنه ليقع عز علي الارض
زياد يقرب منه وهو ناوي يكمل عليه
جيلان بصراخ_ لا يا زياد علشان خاطري لاء
زياد_ جاي تتهجم عليه في بيتي، وفجاه رصاصه تخترق صدره
جيلان تشهق بصدمه وعز يقوم بتعب وهو حاطط ايده على الجرح ويفوكها وبعدين يقع علي الارض
جيلان ببكاء_ عز قوم ونبي، علشان خاطري قوم
عز بتعب_ كلمي ابوكي بسرعه
جيلان تجري على التليفون وتوقف التسجيل وتتصل ب نادر وتقوله على الي حصل وتقفل معاه وترجع لعز تاني وتجلس على ركبتيها
جيلان ببكاء _ جايين دلوقتي، متخفش
عز يضحك بالم_ مش خايف. انتي اهدى مش هيحصل حآجه
جيلان ببكاء _ انت بتنزف، لازم نوقف النزيف والا دمك هيتصفا
عز بالم_ مش مشكله بس اهدي انتي
جيلان _ مش مشكله ازاي استني بتقوم وتقلع زياد قميصه وتحطه علي الجرح عشان يوقف نزيف
عز بالم _ متشكر جيلان هانم بس دا مش هيعمل حاجه
جيلان ببكاء _ انا اسفه والله انا اسفه مكنتش اعرف ان ده ممكن يحصل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية هذه ليلتي)
