رواية هذه ليلتي الفصل الرابع والثلاثون 34 بقلم نجمة براقة
رواية هذه ليلتي الجزء الرابع والثلاثون
رواية هذه ليلتي البارت الرابع والثلاثون
رواية هذه ليلتي الحلقة الرابعة والثلاثون
تتجول ليلي في مكان مظلم وموحش بدون اضاءه ولا بشر وتسمع انين،
ليلى _ يامن… يامن انت فين
تقترب اكثر من الصوت ثم تجد يامن ملقي على الأرض ويمد إليها يده، ويستنجد بها وهي تقترب منه ثم يختفي فجأه
ليلي بخوف _ يامن انت روحت فين، ارجع انا خايفه هنا لوحدي،،
ثم يأتي احد من الخلف ويضع يده على فمها ويضغط اللي ان كادت تفقد انفاسها، ثم استيقظت وهي تصرخ
ليلي برجفه وخوف _ اعوذ بالله، ايه الحلم ده،، يامن!
بتيجي ناهد علي صوت صرختها وتقعد جمبها
ناهد _ مالك ياليلي
ليلي بخوف_ كابوس يا ماما،
ناهد تحتضنها بحب_ ربنا يبعد عنك كل شر، اهدي مفيش حآجه
ليلي بدموع _ شوفت يامن تعبان ومحبوس في اوضه ضلمه، تفتكري يكون حصله حآجه
ناهد _ متقلقيش هو اكيد كويس
ليلي بدموع _ يارب يارب
ناهد _ طيب ما تتصلي بيه تطمني
ليلي بدموع _ لا
ناهد بحب _ لو مكنش بيحبك مكنش هيهتم يصالحك، اديلوه فرصة تانيه
ليلى بدموع _ مش هقدر حتى لو كنت لسة عاوزاه
ناهد _ مش كل الناس محظوظه زيك وهتلاقي حد ميستخسرش يضحي بنفسه علشان حد ميعرفهوش، زي ماحصل معاكي،،
وزي ما حكتولي هو اتبهدل من اول يوم قابلك فيه وخسر صاحبه علشانك، معقول كل ده ميشفعلهوش عندك
ليلي ببكاء _ ما انا خايفه نعيش في قلق واكرهو، انا بحبه يا ماما بس عدم الثقه تبدل اي حب لكره
ناهد _ ياستي تبقي بعدتي عنه وانتي كرهاه بجد،، مش تبقي بتحلمي بيه وقلقانه عليه طول الوقت، اديلوه فرصه تانيه هو يستاهل
ليلي بدموع _ رأيك كده
ناهد _ اكيد
ليلي تسرح شويه وبعدين ترد _ طيب الصبح هكلمه
ناهد بإبتسامة _ حبيبتي ربنا يسعدكم ويبعد عنكم كل حآجه وحشه
تاني يوم
شامي بيكلم بسمه علشان يعرف منها الاخبار
بسمه _ منك لله ياخي
شامي _ مالك
بسمه _ روحتلها زي ما قولت، بص بهدلتني بجد، اختك اتمسح بكرامتها سراميك ڤيلتهم يا شامي
شامي _ عملت ايه معاكي
بسمه _ كنت متعوده اناديها باسمها وفجاه قالتلي اسمي ناردين هانم وانتي شغاله عندي زي ما اخوكي كان شغال سواق عندي واحنا مش صحاب، وطردتني بطريقة غير مباشرة
شامي _ يبقا معرفتش اني روحتلها المستشفى
بسمه_ هو ده اللى همك بقولك اتبهدلت
شامي_ حقك عليه انا بس انا عارف هى عملت معاكى كده ليه
بسمه _ ليه بقا
شامي _ هقولك بعدين، اسيبك دلوقتي
بسمه _ هتيجي امتي طيب
شامي _ بعد تلات ايام
بسمة _ ترجع بالسلامه
شامي بيقفل معاها وياخد تليفون زميل ليه ويتصل بناردين، اول رنه مبتردش وتاني رنه بترد
ناردين _ مين
شامي _ حمدالله على سلامتك
ناردين بدموع _ متصل تانى ليه
شامي _ بطمن عليكي
ناردين _ متطمنش، واعرف مقامك وانت بتتعامل معايا
شامي _ انا عارف انك زعلانه مني
ناردين _ وازعل من سواق ليه، حتت مكانيكي ولما ربنا كرمه بقا حارس شخصي يعني في النهاية خدام بردو
شامي _ وانا مفتخر بشغلي متفكريش انك بتهنيني، بس انا دلوقتي متصل علشان اطمن عليكي
ناردين ببكاء _ لا فيك الخير، طلعت بتحس اهو وانا اللي كنت فكراك ندل وحقير ومبتحسش..
شامي _ وحشتيني يا ناردين
ناردين بدموع _ مش عاوزة اسمع صوتك تاني انت فاهم. وبتقفل في وشه وتعمل لرقم بلوك
وتقعد مكانها وتبكي
شامي يحدث نفسه_ تبقا معرفتش اني روحتلها، واكيد صدقت كلامي اللي قولتهولها،… اممم سهله اروح بس وانا اقابلها وافهمها
في بيت منصور
علاء _ متقلقش يا بابا اكيد بايت عند حد من صحابه
منصور بقلق _ طيب كان اتصل او رد علي تليفونه، الولد ده مستهتر
علاء _ رن تاني يمكن يرد
منصور _ من الصبح ارن مفيش رد
علاء _ طيب انا هتصل بصحابه كلهم يمكن يكون عند حد منهم
علاء بيتصل عليهم كلهم وبما فيهم ادم
ادم _ ازاي مرجعش من امبارح، هيكون راح فين يعنى
علاء _ منعرفش ده حتى مبيردش علي تليفونه، مكلمكش ولا عدا عليك
ادم _ لا مشوفتهوش خالص
علاء _ طيب لو كلمك او وصلتله باي طريقة كلمني ضروري… وليلي كمان لو كلمها خليها تقولي
ادم _ ان شاءلله هيرجع دلوقتي
علاء _ ان شاءلله
في بيت صلاح
ادم بيكون بجهز شنطته وحاجاته الخاصة ولكن بيوقف لما يكلمه علاء، ويخرج من اوضته يروح ل ليلي يلاقيها بتتصل بحد
ادم _ بتكلمي يامن
ليلي _ مبيردش عليه
ادم _ علاء اخوه كلمني وبيقول مرجعش من امبارح
ليلي ببكاء _ يبقا اكيد حصله حآجه
ادم _ اكيد لأ
ليلى ببكاء _ يامن حصله حآجه انا متاكده، ونبي خلينا نروح ندور عليه او نبلغ
ادم _ هي ليله غابها ممكن يكون بايت عند حد او قاعد في اوتيل
ليلي ببكاء _ لا لا يامن حصله حآجه، صدقني
ادم _ وانتي متاكده كده ليه، حد كلمك
ليلي ببكاء _ لأ، بس خلينا نروح ندور عليه عشان خاطري
ادم _ طيب اهدي وهنروح ندور، ان شاءلله هنلاقيه كويس
بيطلعو مع بعض ويركبو العربيه ويلفو في الشوارع ويسألو في المستشفيات
في منزل فهد
الباب بيخبط وعز بيفتح يلاقيها نانا الحيرانه صحبة فهد
عز بضحك_ فهددد كلم
فهد بيطلع من جوه يلاقيها عند الباب
ادم _ نانا
نانا بمياعه _ ايوه نانا، بقا كده تنسا الناس اللى بتحبك
فهد _ اصلي مشغول بقا. اتفضلي حضرتك، اتفضل ياعز رايح فين
عز بضحك_ رايح اشتري سجاير عن اذنك انا صايم
فهد يروح عنده ويهمسله _ لا ياعز انا صاحبك، متسبنيش لوحدي
عز بهمس _ وانا مالي هي كانت صحبتي ولا صحبتك
فهد بهمس _ كاانت صحبتي دلوقتي نور لو شافتها هتزعل
عز _ والله ماليه دعوة، طلع نفسك بنفسك، يلا هروح اجيب سجاير
فهد _ ماشي يا واطي
عز بضحك_ لا جاهزة شوف حمالة الفستان مش واقفه مكانها الطبيعي،
فهد بغيظ_ طيب غور
بيمشي عز وهو بيوقف بعيد عنها بمترين ويسيب الباب مفتوح
فهد _ اتفضلي في الصالون
نانا تقترب منه بمياعه _ واقف بعيد ليه
فهد _ احم اصلي عنده انفلونزا ومش بعيد تطلع كرونا خايف اعديكي
نانا بمياعه _ اعديني ولا يهمك، انت وحشني اوووي
فهد يرجع للخلف _ مش هينفع والله اخاف عليكي خليكي بعيد
نانا تقترب منه اكثر وتحاوط رقبته بيديها _ تؤتؤ، انا عايزة اتعدي عادى، طالما منك انت
فهد وهو يشيل ايديها _ نانا لو سمحتي كدا غلط، اتفضلي اقعدي
نانا _ ومن امتي بقت علاقتنا غلط، هي اول مره اجيلك البيت اووو… ثم تقترب منه وتقبله في رقبته وفي تلك اللحظة تدخل نور وبيدها طبق كشري، ليقع منها علي الارض
فهد بصدمه _ نور
نانا _ مين دي
فهد _ وسعي بقا،، نور انتي فاهمه غلط
نور بإبتسامة _ انا اسفه كنت عامله كشري وقولت اجبلك طبق، عن اذنكم وبتمشي وتسيبهم
فهد بغيظ_ اطلعي بره يا نانا
نانا _ بتطردني يافهد
فهد _ اه بطردك ومتجيش هنا تاني، اتفضلي
نانا _ ماشي يافهد بس بكره تجيني زاحف وانا مش هعبرك
فهد بغيظ_ جدعه اتفضلي بقا
بتمشي نانا وهو بيروح عند نور ويخبط عليهاوهي تفتح
نور يظهر عليها البكاء ولكنها تخفيه بإبتسامة _ أهلا فهد، كان نفسي اقولك اتفضل بس مش هينفع
فهد _ نور والله انتي فهمتي غلط
نور بإبتسامة_ ولا افهم صح انا مالي، انت حر،. بس روح عشان الناس
فهد _ صدقيني هي اللي قربت منى
نور_ ما تقربلك وانت كمان قربلها عااادي انا ميهمنيش، جاى تبررلي ليه
فهد _ انا عارف انك زعلتي
نور بإبتسامة تصاحبها دموع_ وازعل ليه هو احنا بينا حآجه، روح يافهد ارجعلها لا تزعل وتمشي
فهد _ زعلتي وباين عليكي،صدقيني انا مليش دعوه هي اللي جت وقولت لعز يقعد معانا وهو استندل معايا ومشي
نور بدموع _ انا بجهز شنطتي وهمشي
فهد _ تمشي تروحي فين لا طبعا مش هتمشي
نور ببكاء_ انا حره وهمشي اتفضل بقا علشان اقفل الباب
فهد _ نووور متعصبنيش اناخلقي قد كده كلميني كويس
نور بغيظ_ يابجاحتك ياخي، لقيتها في حضنك وكمان بتبجح في وشي طيب امشي روحلها لا تزعل وتبطل تبوسك في رقبتك
فهد بإبتسامة_ دا انتي ركزتي بقا
نور _ شفت بعيني
فهد_ طيب مصدقاني ولا لأ
نور _ لا وامشي يلا علشان الحق اجهز نفسي
فهد_ طيب وربنا لو ما سكتي لا ازعلك هو عشان انا بسايسك تسوقي فيها
نور _ امشششششي
فهد _ مش همشي غير لما تقولي مصدقاني والا هقعدلك هنا لغيت ما الناس تقول قاعد معاها ليه
نور _ مصدقاك بس روح
فهد_ ابتسمي انتي وبتقوليها
نور_ لأ
فهد_ تبقي مش مصدقاني
نور تبصله وتسكت
فهد _ وحياة نور اللي من اول ما عرفتها ونورتلي حياتي اني ما غلطت في حآجه
نور بدموع_ انا شوفت بعيني متطلعنيش مجنونه وبيتهيألي
فهد_ ماهو بالعقل كده هكون بعمل حآجه وسايب الباب مفتوح
نور _ ايوه صح، خلاص صدقتك
فهد بإبتسامة_ انا بعد ما عرفتك مبقتش ابص لغيرك
نور بخجل_ شكراً
فهد _ العفووو،، بشحتك انا
نور بإبتسامة_ طيب يلا روح مطرح مانت رايح
فهد _ طيب مش هتمشي
نور_ همشي كفايه كده كل ما بتأخر الوضع بيصعب،..
فهد _ خليكي متروحيش تلاقيهم فكرينك ميته وفقدو الأمل انهم يلاقوكي
نور_ مش هيصدقو غير لما يلاقو الجسه
فهد_ يانور اسمعي الكلام وخلينا نتجوز ونسيبنا منهم
نور _ هفضل عايشه طول عمري خايفه
فهد_ طيب انا هروح معاكي لغيت بيتكم يمكن نلاقي حل في السكه
نور _ واقولهم انت مين
فهد_ خطيبك
نور _ ههههه خطيبي
فهد بإبتسامة_ او حبيبي… صحيح انتي مقولتيش لسه انك بتحبيني
نور_ انا مبحبكش علشان اقول
فهد_ امال زعلتي ليه لما شوفتي نانا معايا
نور_ مضايقتش ولا حآجه انت حر
فهد _ مش مصدقك
نور _ متصدقش
فهد_ انتي مستفزه علي فكره، ومش هتمشي غير لما تعترفي
نور بإبتسامة_ لا
فهد_ نور ارغي لا اضربك
نور بإبتسامة_ لا
فهد يذقها لجوه ويمسك السكين ويحطها علي رقبتها _ انطقي
نور بخوف_ ايه ده
فهد يقترب منها والسكين على رقبتها _ مستني
نور بخوف_ فهد الشيطان مخاويها ابعد الله يخليك
فهد_ هعد لعشره لو مقولتيش هطير رقبتك
نور _ حب بالاجبار ده ابعد الله يخليك انا بخاف من السكين
فهد_ 1 2 3 4 5 6 7
نور ببكاء_ امعحبك بس بعد عني
فهد_ امعحبك دي ايه اللهجه دي
نور_ لهجتنا
فهد_ حلو احسن.من بلاش بس بردو قوليها بلهجتنا
نور بلخبطه_ بببحبك، بحبك بس بعد
فهد يبعد السكينة ويحضنها
نور بصراخ_ يخربيتك الحقوني
فهد يحط ايده علي بوقها _ بس بس هتفضحينا
نور تشد منه السكينة بغيظ_ طيب امشي لا ادبها في بطنك
فهد _ طيب خلاص ماشي، بس تكلميني اول ما توصلي وتقوليلي اتقدملك ازاي
نور بإبتسامة_ ماشي بس ربنا يستر ميستلقونيش بالبنادق والزقل ويعقطوني بطوب
فهد يقلد لهجتها _ معيزقلوكيشي، امال انييي روحت فييين
نور بضحك_ عيزقلوك امعاااي
فهد_ كيييف ههههه
نور بإبتسامة_ خلاص امشي خليني اخلص ولو في العمر بقيه هكلمك
فهد _ هتكلميني
نور _ هكلمك
فهد_ توصلي بسلامه
نور _ الله يسلمك
فهد_ هتوحشيني
نور بإبتسامة_ شكرا
فهد بإبتسامة_ امعحبك
نور _ ههههه شكرا.. وامشي بقا لا ادبها في بطنك
فهد_ وه اني ماشي اهه
بيطلع من عندها وهو مبتسم وبينزل تحت وبيشوف تلاته لابسين لبس صعيدي وفي ايدهم سلاح وكبيرهم ماسك شمروخ ( نبوت). بيبص عليهم يلاقيهم طالعين فوق السطح
فهد _ ياحج
ابو نور _ نعم
فهد _ حضراتكم رايحين فين
احدهم ويدعي بدر _ اهو ده ياعمي اللي كان معاها، ايوه هوه
الاب ينزل البندقيه من علي كتفه ويصوبها عليه _ انطق فين بتي
فهد _ بت مين حضرتك، انا مشوفتش بنات
الاب _ امعقولك انطق قبل ما ادبها في عينيك
فهد _ قصدك نور صح
الاب _ ما اديك عارفها امعتكدب ليه نهارك مطين بطين
فهد _ يافندم، دي بنت كانت مخطوفه وانا انقذتها حتي اسألها
الاب _ قدامي وريني هي فييين
فهد _ حاضر، بس لازم تعرف ان بنت حضرتك كانت هتموت وربنا سترها
الاب _ يانهار الرط اللي مش هيخلص قدامي امعقولك
فهد _ اتفضل حضرتك هي فوق محدش بيشوفها وعلى طول في الاوضه ربنا يستر نلاقيها عايشه
الاب بيخبط الباب بالشمروخ ونور بتفتح تلاقيه فى وشها ومعاه اخوها وابن عمها
نور بصدمه _ ابوي
الاب يمسكها من شعرها _ اه يا موطيه رقبتي وسط الخلق، هقتلك واغسل عارك
فهد _ يافندم مش كده بنت حضرتك محدش كان بيشوفها
نور ببكاء _ اسمعني يابوي، والله اني كنت مخطوفه
الاب _ اني عارف انك كنتي مخطوفه، وعشان اكده لازم تموتي،
فهد _ يعني حتي لو مخطوفه غصب تموتوها ليه جاموسه
سمير _ خلص انت لا نرقدك جمبيها
فهد _ مش هخلص اللي هيقربلها هقتله، وبيمسكها من ايدها يرجعها وراه
الاب _ وه قدامنا اكده معملش حساب لتلاته بشنبات وطنقيرهم فوقيهم
سمير _ اقتله يابوي
الاب _ لاه تقتل ايه ، دول يجو عيندينا في البلد ونقتلهم قدام الناس كولها
نور ببكاء _ يابوي والله ده اللي حصل اني اتخطفت والاستاذ ده انقذني مش اكده يا استاذ
فهد بهمس _ انتي بتعوجي في لسانك ليه
نور بهمس _ اخلُص هتجرسنا
الاب يشد نور منه _ قدامي لا اقتلكم انتو الجوز.. قدامي يابو شعر داهنه فازلين انت
فهد _ لا مش فازلين ده كريم فرد
الاب يجز علي سنانه_ قدااامي لا افردك على الارض
عز بيجي يلاقيهم رافعين عليهم السلاح
عز _ مين دول
فهد _ اهلها
الاب _ ومين ده كمان
عز _ انا صاحبه،.. حضرتك واخدهم فين
الاب _ هقتلهم و اغسل عاري
عز _ عار مين حضرتك، شرفك لم يمس ولم يلطخ ببقعة دم
فهد بهمس _ لسه حاضنها جوه
عز يضربه بكوعه _ يافندم والله بنتك كانت ضحيه مأمره دنيئه، هي ذنبها ايه تُقتل هي والشاب اللي زي الورد ده.. ما تجوزهم احسن
الاب _ امعتقول ايه انت، عمال اتخربط في الحديت واني مفهمتش غير تجوزهم. وسع من قدامي لا اخدك امعاهم
عز _ يافندم ليه تلطخ ايدك بدم لما ممكن نصلح الغلطة
الاب_ بيقولك غلطة يابت امحروق انتي عملتي اييه
نور _ غلطت ايه يا محروق انت
فهد _ غلطت ايه يخربيتك هتلبسنا قضية شرف
عز _ اقصد الخطف.. هي ذنبها ايه تتقتل على حآجه ملهاش يد فيها
بدر _ اني مكرهش قد العيال امهات شعور دول ياعمي خلينا نخلص عليهم وناخد بتنا ونرجع
الاب _ ولا انا، زيهم زي الحريم عيندينا، ابعد من قدامي
عز _ تارك مش معاهم، انت الاحسن تخلص علي الراجل اللي كان خاطفها
الاب_ هو مين ده
فهد _ منعرفش هو مين
الاب _ انا لقيت بتي معاكم وحسابي معاكم انتو
نور ببكاء _ دول انقذوني يابوي كيه هتقتلهم هي دي مرؤاة الصعايدة عاوز الناس ياكلوه وشنا
الأب _ وانتي هتتقتلي معاهم، معندناش بنات تتخطف وتقعد بالايام محدش عارف حصل امعاها ايه
فهد _ حضرتك بنتك محدش قربلها
نور ببكاء _ اكده يابوي، يعني انت معرفشي بتك انها تقدر تحافظ علي نفسها وسط ميت راجل
الاب_ ملهوش عازه الكلام ده، احنا اكده انتي جبتيلنا العار ولازم اتموتي
نور _داني بتك يابوي هتقدر تقتلني
الاب _ علي عيني بس ده لازم يحصل والا نطاطو راسنا وسط الناس طول عمرنا
فهد _ وانا مش هسمح بكده، بنتك مغلطتش علشان تموت، دي كانت ضحيه وكله بسبب ابن خالتها الصايع،
الأب _ وهو فين ود خالتها ده ماهو اختفا هو التاني، ومقدمناش غير الحل ده
عز _ أكيد فيه حل
بدر _ وايه هو عاد
عز _ نجوزها لفهد وافتكر ان العمدة كبير وسط ناسه ومحدش يقدر يقوله جوزتها ليه
الأب _ الناس هتقول جوزها علشان يستر عليها محدش هيفهم أكده
عز _ في حل تاني، احنا ممكن نعمل دخله بلدي، انا اعرف ان في الصعيد في دخله كده اكيد فاهم انا اقصد ايه وبكده الكل هيعرف ان بنت حضرتك شريفه ومغلطتش
الأب بتنهيده _ وانا اعرفه منين علشان اجوزه بتي
فهد_ اسأل عني اي حد هيقولولك اني راجل كويس
نور _ ايوه قوي قوي يابوي واني شاهده ده حته من وقت ما شوفته عمره ما بص للبنته
فهد _ شالله يخليكي يا انسه نور، قولت ايه ياحج
الاب _ خلينا نفكر لول
عز _ ياريت حضرتك والبهوات تتفضلو عندنا في الشقه تاخدو واجبكم وتفكرو براحتكم عشان تقررو قبل ما ترجعو البلد
الأب _ ماشي اموافق
ليلى وادم بيرجعو البيت بعد ما بيدورو في كل مكان ومبيلقوش يامن
ادم _ متقلقيش اكيد هو في مكان منعرفهوش
ليلي ببكاء _ يامن حصلتله حآجه يا آدم انا قلبي حاسس بكده
ادم _ متقلقنيش يا ليلي
ليلى _ خايفه مشفهوش تاني
ادم _ هتشوفيه اطمني
ناردين بتنزل من فوق وهى جاهزة للخروج
ادم _ انتي خارجه؟
ناردين _ مالها؟
ادم _ يامن مختفي
ناردين _ وزعلانه ليه… بكره يرجع،
ادم _ مقولتيش رايحه فين وانتي تعبانه لسة
ناردين _ هشوف شغلنا وفلوسنا
ادم _ لسه مُصره علي اللي في دماغك
ناردين _ ايوه، اذنكم
ادم _ نطمن علي يامن وهاخد ماما ونرجع البلد وانتي كملي لوحدك
ناردين _ مع السلامه… وبتمشي
ليلى_ هي مالها زي مايكون رجعت زي الاول
ادم_ معرفش مالها، بس اكيد في سبب مخليها كده
ليلى_ هيكون إيه
ادم_ معرفش
في المكان اللي اتقابلو فيه ناردين وشامي اول مره
ناردين داخل العربيه بتبص للمكان ودموعها نازله علي خدها وتحدث نفسها _ ياريتني اتاخرت شويه وقتها مكنتش قابلته، او ياريته كان ساب الراجل يموتني ولا قربلي خطوه واحده، اللي انت كسرتو فيه هفضل طول عمري اداوي فيه.. اتمنالك تقابل اللي تكسر قلبك وتعيش طول عمرك بتتعذب بسببها.. بجد بكرهك
في المستشفي
سليم بإبتسامة _ كل ده نوم
يامن يبص حولية بصعوبه _ انا فين
سليم _ في المستشفى
يامن _ جيت هنا ازاي
سليم _ عملت حادثة وجبناك هنا، حمدالله علي سلامتك
يامن بتعب_ ليلي فين
سليم _ ليلى مين
يامن بتعب _ محدش سأل عليه
سليم _ اكيد محدش يعرف حآجه، انت مكنش معاك اي ورق يدل علي شخصيتك
يامن _ انت مين
سليم _ انا سليم، وانت اسمك إيه
يامن _ اسمي يامن
سليم _ عاشت الاسامي طيب فين عنوانكم ابلغ اهلك
يامن _ انا مش من هنا
سليم _ طيب اي رقم تليفون نتواصل معاهم بيه
يامن _ مش حافظ ارقام.. فين تليفوني
سليم _ . مكنش معاك
يامن _ طيب
سليم _ اقولك متشلش هم انا. موجود لغيت ما تقوم بسلامه
يامن _ مش حابب اتعبك. معايا
سليم _ اتعبني ولا يهمك
يامن _ متشكر
بيعدي يومين
ليلي قاعده في اوضتها بتتصل علي يامن ويديها مغلق،
ليلي ببكاء _ استر يارب .. يارب طمني عليه
ادم بيدخل عندها يلاقيها بتبكي
ادم _ لسه بتبكي
ليلي ببكاء _ ازاي محدش عارف عنه حآجه كل دة يا آدم، هيكون راح فين ولا ايه حصله، انا هموت من قلقي عليه
ادم _ اهلو بلغو البوليس واكيد هيلاقوه بس انتي اهدي
ليلى بدموع _ خايفه يا آدم
ادم _ متخافيش طول مانا جمبك، يامن هيرجعلك وهتطمني عليه
ليلي بدموع _ متشكره… انا اسفه يا ادم، جرحتك وانت متستاهلش
ادم بتنهيده _ الموضوع انتها بنسبالي مفيش داعي نفتحه تانى
ليلى _ حاضر
تليفون آدم يرن وتطلع بسمه لترسم علي وجهه ابتسامه خفيفه
وياخد التليفون ويطلع برا
ادم _ افندم
بسمه _ اتصلت في وقت مش مناسب؟
ادم بإبتسامة _ اتصلي في وقت
بسمه بإبتسامة _ متشكره .. انا كنت متصله علشااان.. علشااان اطمن علي الانسه ناردين
ادم بإبتسامة _ كويسه، انتي شكلك مروحتيش الشركه تاني والا كنتي شوفتيها
بسمه _ مروحتش ولا هروح
ادم بإبتسامة _ كويس اصلي انا رايح دلوقتي اطمن علي ناردين ومش عاوز اشوفك
بسمه _ مقولتلكش صحيح .. مش انا مروحتش لسه اجيب حاجتي وهروح اخدهم دلوقتى
ادم بضحك _ يااه انا قولت هرتاح من شوفتك
بسمه _ لدرجة دي كاره شوفتي، خلاص مش رايحة
ادم _ ميصحش لازم تروحي
بسمه _ وحضرتك هتروح
آدم بإبتسامة _ ايوه
بسمه _ طيب هو انا ممكن اروح وهو بالمرة اسلم علي حضرتك
ادم بإبتسامة _ وانا كمان اسلم علي حضرتك
بسمه بإبتسامة _ ماشي .. يلا يدوب الحق اروح
ادم_ تحبي اعدي عليكي اخدك في سكته
بسمه_ ماهوو
ادم بإبتسامة_ اجهزي يكون وصلت
بسمه _ ماشي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية هذه ليلتي)
