رواية هذه ليلتي الفصل الخامس والعشرون 25 بقلم نجمة براقة

رواية هذه ليلتي الفصل الخامس والعشرون 25 بقلم نجمة براقة

رواية هذه ليلتي الجزء الخامس والعشرون

رواية هذه ليلتي البارت الخامس والعشرون

رواية هذه ليلتي الحلقة الخامسة والعشرون

 يامن وليلي بيوصلو الشاليه وهي بتدخل الاوضه وفي تلك الاثناء يامن بيتصل ب ادم

يامن _ اختك رجعت ولا لسه

ادم _ رجعت،، ليلي فين

يامن _ معايا، هتيجي تاخدها امتي

ادم _ انتو فين

يامن _ في شرم الشيخ

ادم _وليه المشوره دي مكنتش قادر تاخدها في بيتكم الساعتين دول

يامن _ ابوك ايده طويله وهيوصلها

ادم_ وانت عينك بتطول على حآجه غيرك انتو الاتنين واحد. ملكش دعوه ب ايويا واديني العنوان هجيب المأذون واجي

يامن _ انا حبيتها قبل ماعرف ان بينكم حآجه مكنتش قصدي اخونك

ادم _ المهم انك خونتني… بعد ما تطلق مش عاوز اشوفك تانى

يامن _ اللي تشوفه

ادم _ ابعتلي العنوان يلا

بيقفل معاه ويلاقي ليلي واقفه وبتبص عليه وهي زعلانه

يامن _ مبسوطه

ليلى بدموع _ مكنتش قادر تستنا لبكره لدرجة دي تقيله عليك

يامن _ تقيله اووي يا ليلي انا تعبت منك ومن مسؤليتك اللي انا شايلها وانا معرفكش تكوني مين اساسآ

ليلي بدموع _ عندك حق . كويس انك كلمته

يامن _ اكتر حآجه ندمت عليها اني عرفتك ياريتني ما كنت شوفتك

ليلي ببكاء _ حقك تقول اكتر من كده.

يامن بانفعال _ بطلي عياط انا مش ناقصك مش هستحمل نكد تاني .. انا سايب اهلي واخويا العيان علشان اساعدك وانتي معندكش احساس طبعا مانتي تربية صلاح هتجيبي القسوه من بره

ليلي تروح عنده وتمسك ايده وببكاء_ غصب عني مكنتش قصدي اجرحك

يامن يشد ايده منها بغضب _ ابعدي عني روحي الاوضه مش عاوز اشوفك قبل ما يجي ادم

ليلي بدموع _ حاضر وبتدخل جوه وتسيبه

يامن يقعد علي الكرسي ويهز رجليه بانفعال ويحدث نفسه _ محدش خسر غيرك في العبه دي. وهما هيرجعو لبعض ويتجوزو وانا اللي اطلع خاين وبطمع في حآجه غيري… بس في داهيه مش عاوز اعرفهم تاني

في بيت شامي

شامي بيكون قاعد في اوضته وقافل علي نفسه ومش عاوز يكلم حد لغيت ما تليفونه بيرن باسم توقه،

شامي _ ازيك

ناردين بدموع _ تمام وانت

شامي _ مش كويس

ناردين _ ليه

شامي _ سبت الشغل

ناردين بدموع _ هو اية اللى حصل

شامي يقولها اللي حصل ويأنب نفسه انه مقدرش يحميها منهم

ناردين _ عملت اللي عليك انت ملكش ذنب في اللي حصلها

شامي _اصلك مشوفتهاش هي وبتبكي قدامي وانا مقدرتش اعملها حآجه يا توقه

ناردين _ اكيد كانت بتبكي عشان انت هتمشي

شامي _ انا فهمت كده بردو. بس مقدرتش اعملها حآجه ولا اطمنها.. انا السواق ومينفعش اقربلها حتى

ناردين بدموع _ اكيد هي دلوقتي بتموت من غيرك

شامي _ تتعب شويه و بعدين، هتنسا

ناردين بدموع _ انا عاوزة اقولك حآجه مهمه بس مش عاوزاك تزعل منى

شامي _ متقوليش مش عاوز اعرفها

ناردين _ لازم تعرف يا شامي

شامي _ متقوليش مش عاوز اعرف حآجه لو عندك حآجه خليها لنفسك يا توقه

ناردين بدموع _ طيب

شامي _ هستناكي تكلميني كل يوم

ناردين بدموع _ اكيد

شامي_ متشكر المهم طمنيني عليكي عامله ايه

ناردين بدموع_ مش كويسة خالص

شامي _ المفروض وانتى بتكلميني تكوني كويسه دي اهانه للعبد لله

ناردين _ دي الحاجه اللي مفرحاني شويه.. بس هيفيد بأيه وانا مش هقدر اشوفك

شامي بإبتسامة_ طيب وانتي شوفتيني كام مره يعنى عشان تزعلي النهارده..

ناردين_ علي رايك… شامي!

شامي _ نعم

ناردين بدموع _ وحشتني

شامي _ وانتي كمان

فيلا نادر

جيلان بتصحا من النوم متاخر بسبب المنوم وتروح للبلكونه وتوقف عليها وتبص للخارج بشرود لغيت ما بتوصلها رساله من عز..

عز _ ايه الحكاية كل ده نوم

جيلان _ اصحا اعمل ايه

عز _ اي حآجه

جيلان_ لسة دايخه وهنام تاني

عز بقلق _ جيلان هانم انا بدات اقلق عليكى

جيلان _ متقلقش انا تمام

عز _ مش باين انتي مبقتيش زي الاول

جيلان _ صح… متشغلش بالك بيه ركز في شغلك

عز _ انتي شغلي.. انا اسف اني بتخطا حدودي بس انا مش مكمل هنا غير علشانك

جيلان بدموع _ يبقا امشي ياعز

عز _ مش قبل ما تجوزي واطمن انك بخير

جيلان بدموع_ مش هتجوز العريس مش عاوزني وبيدور علي حجه نوقف بيها الجوازه دي

عز بخيبه_ مش مهم انتي اي حد يتمناكي

جيلان بدموع_ مفيش حد بيتمناني وانت عارف

عز بتردد _ فيه بس انتي انك زعلانه مش شايفه كده دلوقتي

جيلان بإبتسامة باهته _ شايفه بس انت أي رأيك ينفع يعوزني ولا يبصلي حتي

عز _ لأ

جيلان_ يبقا مفيش حد عاوزني…. انا هنام

عز _ لسه صاحيه هتنامي تاني ازاي

جيلان _ هنام ياعز مع السلامه

بتقفل معاه وتروح تنام تاني

عز بيتصل بفهد

فهد _ ازيك يا عزوز وحشني عامل ايه

عز_ مش في احسن حلاتي

فهد_ ليه بقا يا فيلسوف عصرك

عز _جيلان يافهد البنت مش مطناني بقالها شويه مش تمام ودايمآ زعلانه

فهد_ لا المفروض متزعلش بعد عملتها المهببه.. المفروض تفرح وتخرج وتعيش حياتها

عز_ انت مش فاهم حآجه هي مدمره وشكلها داخله علي مرحلة اكتئاب. خايف تعمل حآجه في نفسها

فهد_ تبقا عملت جميلة مش هنسهالها

عز _ انت معندكش احساس

فهد _ خليك زيي وبطل رقتك دي بدل ما توديك في داهيه

عز _ كنت بكلمك عشان تقولي اعمل اية وانت بتسودها في وشي

فهد _ علشان خايف عليك ياعز

عز _ متخفش عليه وقولي اعمل ايه

فهد_ مفيش حآجه ينفع تعملها. بس ممكن تسيب الشغل ساعتها هترتاح من كل المشاكل دي

عز _ قولتلك مش همشي غير لما جيلان تجوز

فهد _ براحتك بس ربنا يستر نادر مايحسش بحاجه

عز _ يحس ولا ميحسش انا مش همشي غير لما اطمن عليها

بعد ساعات بيوصل ادم الشاليه ومعاه المأذون

يامن_ اتفضلو

ادم_ ليلى فين

يامن _ جوه

ادم_ اندها خلينا نخلص

يامن _ ماشي

يامن بيدخل اوضة ليلي وهو مضايق

يامن _ ادم جاب المأذون يلا عشان نخلص

ليلى ببكاء_ مش عاوزة اطلق

يامن _ انا عاوز

ليلى ببكاء_ يامن انا….

ادم يفتح الباب فجاه_ كل ده بتندها

يامن _ هي اللي لسه بتحكي معرفش في ايه

ادم_ سيبني معاها لوحدنا

يامن بيطلع ويسيبهم

ادم _ بتبكي ليه

ليلي ببكاء_ مش عاوزة اسيب يامن

ادم _ يعني ايه

ليلي_ يعنى انا بحبه يا آدم

ادم بقهر _ بتحبيه؟ طيب وانا.. انا مش سالتك قبل كده وقولتي انك عاوزاني انا مش هو

ليلي ببكاء _ ابوك هددني اني لو عرفتك اني مش عاوزاك هيقتل يامن

ادم بقهر _ احنا فيكي دلوقتي بطلتي تحبيني وحبتي يامن ليه

ليلي _ معرفش اهو حبيته وخلاص

ادم _ طيب وانا، ادم.. انا حبيتك من صغرنا وانتي عارفه

ليلى بدموع _ غصب عني يا ادم حبيته ومعرفش ازاي وامتي

ادم بوجع _ دي غلطتي انا.. انا اللي سبتك معاه، علي رأيه قالي هتسبها معايا وعاوز ترجع تلاقيها لسه بتحبك طلع عنده حق

   ليلي ببكاء _ انت انسان كويس وهتفضل طول عمرك ادم اكتر حد حنين عليه

ادم بقهر _ هو ده الموضوع انتي حبيتي حنيتي عليكى لو حبتيني مكنتيش فكرتي في غيري

ليلي _ سامحني بس مقدرش اخدعك

ادم بخيبه _ اسامحك علي ايه انتي مش غلطانه .. عن اذنك هاخد المأذون ونمشي وانتي عيشي حياتك مع يامن

ليلي بدموع _ ابوك لو عرف اللي هيحصل هيقتله

ادم بغضب _ مش هو بيعمل كده علشان اتجوز جيلان انا هتجوزها

ليلي _ بس انت مش عاوزها

ادم بخيبه _ ملكيش دعوه انتي ..

بيمشي ويسيبها ويروح عند يامن والمأذون

ادم _ يلا ياشيخ

المأذون _ اصتلحو ولا ايه

ادم بخيبه _ اه للأسف

يامن _ في ايه يا آدم

ادم يمسكه من قفاه وياخده بعيد

يامن _ في اييه

ادم بغيظ _ انا بكررهك عارف نفسي اعمل ايه دلوقتي

يامن بأستغراب _ ايه

آدم _ امسك جركن جاز سريع الاشتعال من اللي بيزيد اشتعاله بالميه ده وادلقه عليك وارمي عليك عود كبريت واجيب فشار واتفرج هيكون احلي من فيلم تيتانيك بنسبالي

يامن _ في ايه يابني مش انا نفذت اتفاقنا اعمل ايه تانى

ادم بغضب_ قالتلي عاوزاك وبتحبك وبطلت تحبني اقولك حآجه هي قالتلي محبتنيش اصلا ربنا ينتقم منك

يامن بفرح_ بتتكلم جد

ادم يضربه بالقلم بغيظ _ وفرحان كمان، ليك عين

يامن بالم _ اااه ياغبي ايدك مرزبه

آدم _ انا هاخدهم وماشي وانت روحلها يااارب ما تتهنا بيها

يامن _ ههههه حبيبي يا ادوم والله دعيت وربنا استجاب

ادم يضربه بوكس في وشه _ وبتعترف

يامن يوقع على الأرض _ الله يخربيتك

ادم يمسك ايده ويرفعه ويمسح هدومه بغيظ_ هي اصلا نكد. متفرحش يلا اتمنالكم السعادة

يامن _ متأكد من موضوع السعادة ده

ادم يحضنه بغيظ_ مش باين عليه ولا ايه

يامن بضحك_ لا باين

ادم بزعيق_ يلا ياشيخ خلينا نخلص

بيمشي ادم والي معاه ويامن بيروح عند ليلي ويفتح الباب برجله ويدخل ويرزعه وراه بغيظ

يامن بزعيق _ تعاااالى هنا

ليلى بخوف _ لا

يامن _ يلاااا تعالى

ليلي تفزع منه وتروح عنده بخوف_ نعم

يامن _ قولتي ليه لادم انه يجي ياخدك بكره مش النهارده .. هتعملي ايه معايا تاني ولا عشان تضيقيني اكتر

ليلي باستغراب _ هو قالك كده

يامن_ ايوه

ليلي _ انا مقولتش كده

يامن _ امال قولتي ايه

ليلي _ مقولتش حآجه

يامن _ امال مروحتيش معاه ليه

ليلي _ عاوزة اتفسح شويه في شرم

يامن _ ومقولتلهوش يفسحك ليه ناقصك انا

ليلي ببرود _ اه هتفسحني واذا كان عاجبك

يامن _ مش عجبني انا أفسحك بتاع ايه انتي مين اصلا

ليلى _ ادخل اجبلك قسيمة الجواز علشان تصدق انك. جوزي

يامن _ مش جوز حد انا .. انتي قولتيها انها لعبة

ليلى ببرود _ وعجبتني العبه هتعترض

يامن _ العبي لوحدك بقا

ليلي _ طيب وسع خليني اطلع اشم هوا شرم الشيخ،، بتتقدم خطوتين وهو يمسكها من دراعها ويرجعها تاني

يامن _ كنتي مستنيه يحصل كده علشان تقولي

ليلي _ ايه

يامن _ انا مش سالتك تلات الف مره عاوزاني ولا لأ وانتي تقولي عاوزة ادم

ليلي _ يعني ادم قالك

يامن _ طلع احسن منك

ليلي _ انا مقولتش عشان كنت خايفه عليك بس لما لقيتها دخلت في الجد مقدرتش اكمل

يامن _ متبقيش تخافي عليه تاني.. ع فكره انا مش طايقك ومحتاج شهر علشان اصفالك

ليلي بإبتسامة _ بتتكلم جد

يامن _ مبهزرش انا مضايق بجد

ليلي تقبله علي خده _ لسه زعلان

يامن _ اوووي

ثم تقبله على الخد الاخر _ اظن كده رضيت

يامن _ الجرح عميق

ليلى _ ههههه خلاص راضي نفسك بنفسك انا طالعه اشم هوا

يامن يشدها ليه ويحاوطها بأيده _ هراضي نفسي حاضر . .. قوليلها

ليلي تهرب من النظر ليه بخجل _ هي ايه

يامن _ انتي عارفه

ليلى _ مش واخده بالي

يامن يضغط عليها _ قوليلها قبل ما اقتلك

ليلي بإبتسامة _ هي ايه مش فاهمة

يامن_ ليلى متستعبطيش

ليلى _ ما انا مش فاهمه حآجه انت عاوزاني اقول ايه وانا اقوله

يامن بزهق_ هضربك

ليلي _ طيب هات شيكولاته الاول

يامن _ اممم شيكولاته نجيب شيكولاته عشان العيلة اللي معايا

ليلي _ دا شرطي

يامن_ طيب يلا هنروح مع بعض

ليلي بإبتسامة _ موااافقه

يامن _ الظاهر اني اتورطت اتورطت يعني

ليلي _ بتقول حآجه

يامن _ متكلمتش

ليلي _ احسب

يامن _ هو مينفعش تقولي وبعدين نجيب الشيكولاتة

ليلي _ افرض قولت ومجبتش الشيكولاتة

يامن _ ماديه اوي،، امشي قدامي

في فيلا صلاح

صلاح _ هي فين

ادم بقهر _ سبتها

صلاح بغضب_ وسبتها ليه ولا رجع في كلامه معاك

ادم _ هي عاوزاه هو مش انا

صلاح بغضب _ عاااوزاه سبتها علشان عاوزاه يا مايع

ادم بزهق_ بابا انت كنت عاوزني اتجوز جيلان وهتجوزها عاوز من ليلي ايه تانى

صلاح بغيظ_ خايب ومعفن وملكش كلمه انا عارفك هتغير رايك تانى

ادم بخنقه_ مش هغير راي انا مقتنع بيها خلاص روح كلم ابوهاعلي معاد الفرح

صلاح_ بتتكلم جد

ادم_ ايوة

صلاح_ برافو عليك

ادم يسيبه ويمشي ويقابل ناردين في وشه

ناردين_ عملت ايه مع ليلي

ادم بخيبه_ قالت عاوزة يامن

ناردين بإبتسامة_ بجد

ادم_ ومالك فرحانه كده

ناردين_ عشان هي بتحبه

آدم _ انتي كنتى عارفه ومقولتليش

ناردين _ عرفت من اول ما رجعت

ادم_ ومقولتليش ليه

ناردين _ مكنتش عايزة ازعلك

آدم بحزن _ وازعل لية دي يدوب حبيبتي وبنتي اللي مربيها.. و قلبي معاها،، بس يلا المهم هي عاوزة مين

ناردين بدموع _ حاسه بيك

ادم يبصلها بحيره _ ايه اللي غيرك يا ناردين انتي مكونتيش كده

ناردين بدموع _ مفيش حآجه بتفضل على حالها مجتش عليه انا

آدم _ شامي ليه دخل

ناردين _ لا

آدم _ امال مين

ناردين _ مفيش حد انا اتغيرت لوحدي ، كرهت كره الناس ليه

ادم _ مش مصدقك انا متأكد ان حد خلاكي تبقي كده

ناردين _ لو في هقولك

ادم _ اتمنا

ناردين محدثه نفسها _ كسبت الرهان يا شامي ومشيت ، كل. كلامك اتحقق واديني بتعذب عشان عاوزة اشوف السواق .. ياريتني ما كنت خرجت يومها او ما كنت سوقت عربيات من الاساس

منزل شامي

شامي محدثه نفسه _ هتعمل ايه دلوقتي يا شامي .. هتقولها انك عارفها وتبعد عنها نهائي ولا تكمل في موضوع توقه وتكون دي حجه لتواصل معاها…. خليني اكلمها واشوف بعد كده هعمل ايه

بيتصل بيها

ناردين _ كنت لسة عاوزة اتصل اطمن عليك

شامي _ اديني سبقتك.. انا كويس وانتي

ناردين _ مفتقداك

شامي _ لا انا بضعف قصاد الكلام الحلو

ناردين بدموع _ مبهزرش

شامي _ مسيرنا نتقابل

ناردين بدموع _ مفتكرش اني ممكن اشوفك تانى

شامي بقلق _ مالك حد مزعلك

ناردين بدموع _ كل حآجه حوليه مزعلاني حتى الظروف عاندت معايا مره واحده

شامي _ انا جنبك وقت ما تحسي انك خلاص تعبتي كلميني

ناردين _ هعمل. كده هو دة الحل الوحيد قدامي دلوقتي

شامي _ هتلاقيني في اي وقت

ناردين بتردد _ اخبار البنت بتاعتك

شامي بإبتسامة _لسة قايلك اخبارها من ساعات

ناردين _ اقصد عامل ايه من غيرها، اكيد ارتحت من دوشتها

شامي _ بالعكس انا شايف الدنيا اسودت قدامي عشان مش هقدر اشوفها، علي قد ما ضايقتني في الأول علي قد ماهي بقت اهم حد في حياتي وياريتها تعرف انا عامل ايه من غيرها دلوقتي…

ناردين _ ايه سبب المشاعر دي كلها هي عملت اية

شامي _ عملت كتير كفايه انها اتغيرت عشاني، علشان السواق

ناردين _ اكيد هي دلوقتي بتتعذب بسبب الموضوع ده … في واحده عاقله تحب السواق

شامي _ حصل بس طبعا هيفضل مكتوب عليها تحبه وخلاص مستحيل هكون ليها ولا هتدخل حياتى

ناردين بدموع _ صح

 شامي _ انا بكره رايح ***** عشان ادور على شغل

ناردين _ الساعه كام

شامي _ الساعة عشرة

ناردين _ ان شاءلله ربنا هيكرمك

شامي _ اتمنا اقابلهاصدفه مره واحده

ناردين بإبتسامة _ اتمنالك تقابلها لو شوفتها سلملي عليها وقولها اني بحقد عليها

شامي بإبتسامه _ هقولها

شاليه شرم الشيخ

يامن _ اهو احنا جبنا كل الشيكولاتة اتكلمي بقا

ليلي _ مش اكلهم الاول

يامن _ أللهم طولك ياروح

ليلى _ ههههه مكولش يعني

يامن _ لا متاكليش وهاتي دول كده، بيشدهم منها ويحطهم على التربيزه ويرجعلها _ ليلي اتكلمي انا اتخانقت بجد

ليلى بإبتسامه _ انتااا عاوز ايه

يامن _ انتي عارفه اخلصي بقا

ليلي بإبتسامه _ بحبك

يامن _ ايه

ليلي_ ولا حآجه

يامن _ لا الله يباركلك قولي تاني بجد مسمعتش

ليلي _ بحبك

يامن ياخد نفسه _ ايوه سمعتها صح مبحلمش

ليلي بإبتسامة _ مبتحلمش.. هات الشيكولاتة بقا

يامن _ شيكولاتة ايه وزفت ايه خليكي معايا

ليلي _ حته صغيره طيب

يامن _ لا

ليلي _ ابوشكلك

يامن يقرب منها ويحضنها _ انتي عارفة اني كنت خلاص فقدت الامل انك تكوني ليه

ليلي _ وانا كمان كنت شايفه انه مستحيل

يامن _ بس انتي طلعتي عيني كنت خلاص كرهتك

ليلى تبعد عنه _ يا سلام

يامن _ اه بجد بس لحقتي نفسك

ليلي بقرف_ وكمان بتعيدها

يامن _ بقولك كنت مكرهتكش لسة

ليلي بنرفزه _ كنت هتكرهني وقدرت تحس الاحساس دة

يامن _ انتي هتتخانقي ولا ايه

ليلي _ واقتلك كمان

يامن _ تقتليني انا … هتقدري

ليلى _اه اقدر

يامن _ انا قدامك اهو لو هتقدري

ليلي _ هو انا قلبي اسود زيك

يامن _ الظاهر اني ادبست فعلاً مش هزار، ليلى ارحميني وبطلي خناق احنا المفروض اننا عرايس

ليلى بنرفزه _ عرايس علي نفسك طالما قولت انك بتكرهني طلقني يا يامن

يامن _ اااطلقك بت انتي اتعدلي لا اعدلك مسمعش الكلمه دي تانى

ليلي ببكاء _ لا بس انت قولت كرهتني

يامن بمحايل _ مقدرش اكرهك انتي روحي في حد يكره روحه

ليلي _ انت اللي قولت مجبتش حآجه من عندي

يامن _ قولت كنت بس مكنش حصل

ليلى ببكاء _ المهم ان فكرة الكره كانت شغلاك

يامن برومانسبه_ محدش كان شاغلني غيرك

ليلى _ مش هصدقك

يامن يمسح دموعها

 ممكن تبطلي عياط كل شويه انتي كبرتي على الكلام ده

ليلى _ مااشي

يامن بإبتسامة _ عاوز انام ممكن

ليلى _ ماشي تصبح على خير

يامن _ رايحه فين

ليلي _ هسيبك تنام

يامن _ لا متسبنيش تعالي

ليلى _ اجي فين

يامن _ هنام مالك قافشه كده

ليلي _ طيب انا هنام علي الكنبه وبكره نبدل

يامن _ ليلى انتي هتشليني

ليلى _ ايييه هو انا جيت نحيتك

يامن _ هنام مع بعض الليله

ليلي_ مبنامش مع حد انا

يامن _ دي هتقولي حد وتلات حبيبتي انا جوزك يعني مش حد

ليلي _ طيب وايه يعني ما انت جوزي بقالك زمان اشمعنا النهارده هنام مع بعض .. عاوز ايه مش مرتحالك

يامن بقرف _ الا عاوز ايه انتي غبيه يابت

ليلى _ لا بقولك ايه هتستغل الموقف هصوت والم عليك الناس

يامن _ طيب صوتي كده وبيمسكها غصب ويقبلها ثم يستلقي بها على السرير وبعد وقت تفتح عينيها لتجد نفسها بين احضانه وتقوم تلطم

ليلى ببكاء _ هوديك في داهيه ياحقير يا زبالة

يامن _ انتي بتستعبطي ولا بتتكلمي جد

ليلي تقعد علي الارض وتداري في نفسها وتبكي _ منك لله ضيعت مستقبلي

يامن بقرف_ ومستقبلك ده هتحافظي عليه لمين تانى ماهو جوزك اللي بيضيعو ياغبيه

ليلى ببكاء _ انت ذئب

يامن _ ههههه ذئب طب عوووووو. وبيشدها ويكمل ما بدائه

 يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية هذه ليلتي)