رواية حياه صعبه الفصل الثالث 3 بقلم حور طه

رواية حياه صعبه الجزء الثالث

رواية حياه صعبه البارت الثالث

رواية حياه صعبه الحلقة الثالثة

حياه: بحبك
مصطفى :انت قلت ايه؟
حياه تقترب عليه وتداعب شعره: بحبك
مصطفى: واخيرا جيتي في حضني
حياه ابتسامه رقيقه: عمري ما اتمنيت غيرك يلمسني
مصطفى بحب يغرق بحضنها وينسى كل شيء ؟
نرمين تدخل الغرفه فجاه بصدمه: ايه ده يا مصطفى انت لسه نايم ؟
مصطفى بفزع من صوتها :في ايه يا حماره انت في حد صاحي حد كده
نرمين ترفع حاجبها:ومن امتى وانت بتتخض قوي كده لما بصحيك
مصطفى يرجع الى حلمه وبدون وعي : كنت في حضنها يا غبيه
نرمين: مين دي اللي كنت في حضنها؟ ! هو انت الواحد ما يعرفش يسيبك دقيقتين غير ويرجع يلاقي في حضنك واحده ؟؟؟
مصطفى قام عشان يدخل الحمام: ما تخافيش يا اختي ده اخر واحده ممكن تيجي في حضني
نرمين:والله شكلك كده نهايتك هتبقى على ايدي
💫💫💫💫💫💫💫💫💫💫💫
عاكف :انت ايه اللي جابك هنا
خلصت شغلها وسابته ومشيت من غير ما ترد عليها؟
عاكف مسك ايدها عشان يوقفها: انا بقول لك ايه اللي جابك بيتي؟
حياه تسحب ايدها منه بهدوء: شغلي هو اللي جابني بيتك اوعى تكون مفكر ان انا قاتله نفسي علشان اجي عند ناس زيكم
عاكف :ليه ان شاء الله هو احنا مش عاجبينك؟
حياه :لا انا ذوقي انظف من كده بكتير
عاكف لا يعرف اللي مصبره على طوله لسانها: ولما انت مش طيقانه قوي كده ايه اللي جابك عندنا
حياه: هو انت البعيد غبي ولا اطرش قلت لك شغلي
اللي للاسف بيخليني اضطر اجي عند اشكالكم
تخلص كلامها وتسيبه وتمشي !!
عاكف بضحكه ساخره: وكمان طلعنا مش عاجبين تربيه الملاجئ الشمال ؟؟
حياه تقف وتلتفت عليه وتشاور باصبعها بتحذير: احترم نفسك واعرف حدودك كويس قوي في الكلام معايا
تربيه الملاجئ دي انظف منك ومن مليون زيك ولو في حد شمال فيبقى انت والحيوان التاني اللي جالي لحد ما كان شغلي علشان يعزمنا على العشا وهو فايق المره دي مش سكران واترفض برده !
عاكف بعدم تصديق: مصطفى راح لك؟؟
حياه بصيت له من فوق لتحت وسابته ومشيت
💫💫💫💫💫💫💫💫💫💫💫💫💫
عاكف :يلا يا حبيبتي اتمني امنيه وطفي الشمع
ليان تقف بحزن ولا ترغب في اطفاء الشمع من غير مامتها ما تكون معاها
يونس :طفي الشمع علشان تاخدي الهدايا
ليان ما زالت تقف حزينه فهي تتمنى ان تمسك ايد مامتها وينفقوا مع بعض الشمع زي اي طفله
هنا حياه تقف امامها ولكن على الطرف الاخر من الترابيزه وتبدا تداعبها وتعمل في حركات طفوليه لحد ما نجحت ان تخلي وشها يبتسم ويضحك
ليان سابتهم واقفين وراحت لحياه ومسكت ايدها وخليتها تقف جنبها وهي بتطفي الشمع والكل كان مستغرب ليه عملت كده حتي حياه…؟
ليان حضنتها وكانها بتحضن مامتها
حياه بحنان تبوسها: كل سنه وانت طيبه يا قمر
عاكف يفهم الموقف ويناول هديه لحياه عشان تديها لها وبالفعل اخذتها منه واديتها لها وبدا بعد كده الكل يقدم الهدايا ويهني
💫💫💫💫💫💫💫💫
احمد يقف جنب عاكف :هي دي حياه ؟
عاكف بضيق :ايوه هي دي زفته
احمد:اسم الله ما شاء الله تبارك الخلاق فيما خلق
عاكف :ما تروح تقرا عليها وربع احسن ايه يا عم مالك
احمد: البنت طلتها كتير بريئه انت ازاي قادر تشوفها بالوصف البشع اللي انت كنت بتوصفه لي؟
عاكف يبص لها وهي بتشرف على العمال وبتوجههم يعملوا ايه وكانه فقد النطق؟
احمد: البنت اللي انا شايفها دي مستحيل تكون البنت اللي انت كلمتني عنها
عاكف بتريقه :ما هو ده الوش اللي بيخدعوا بيه امثالك من الناس طيبين
💫💫💫💫💫💫💫💫💫
مصطفى: هديكي نص مليون جنيه
حياه بتقزز: انت ايه ما بتفهمش انا مش للبيع فاهم بقي
مصطفى: دلالك ده هو اللي مجنني عليك
حياه: قلت لك ما تلمسنيش انت واحد مريض
مصطفى: صاحبتك مش عنيده كده بس انت لازم سعرك يكون اغلي منها مليون جنيه
حياه: انت بتقول ايه
مصطفى هيمان في جمالها: بقول ليله واحده بمليون جنيه
حياه تخلص نفسها منه :انا ما شفتش اقذر منك انت لو اخر راجل في الدنيا دي برده مش هتلمسني
مصطفى :انت يا حياه اخرك هيبقى في حضني مش هتكوني اعند من نيره ؟
💫💫💫💫💫💫💫💫💫💫💫
عاكف :اللي وداك عند حياه
مصطفى :بنات الليل هم اللي بيجوني مش انا اللي بروح لهم
عاكف بشك: يعني انت ما رحتلهاش وعرضت عليها تخرج معاك
مصطفى بتريقه: دول مش بتاع خروج دول حوارهم بتخلص في اوضه النوم
عاكف يضغط على يده: جاوب على سؤالي رحت لها
مصطفى: يا ابني انا هروح للاشكال دي عشان اخرج معاها انت ايه جننت انا رحت علشان اتفق علي تنظيم حفلة ليان
عاكف شيء بداخله يتعاطف معها: مش عارف ليه حاسس ان البنت دي احنا ظالمينها وانها بنت محترمه
مصطفى يقرر ان يقتل اي احساس بالعطف اتجاه حياه من عاكف: طب انت عارف المحترمه دي تبقى صاحبتها مين هناء
عاكف بصدمه وكانه اتاكد ان حياه بنت ليل وانها مستحيل تكون واحده محترمه
مصطفى: قلت لك انها بنت ليل بس سعرها غالي شويه
عاكف يسيب الحفله ويخرج ولا يرغب في رؤيتها مره ثانيه
💫💫💫💫💫💫💫💫💫
حياه بدموع :والله ما سرقت حاجه صدقيني
نرمين :بلغوا الشرطه يجوا ياخدوا الحراميه دي
حياه بترجي: يا مدام صدقيني والله ما سرقت حاجه
مصطفى: في ايه يا نرمين
نرمين: الطوق الالماظ اللي كنت جايبه هديه لليان الهانم سرقته
حياه بعياط: والله العظيم ما سرقت حاجه انا حضرت عرض تقديم الطوق ولما جيت عشان اجيبه ما لقيتهوش
مصطفى يقف بجانبها :اختار يا حلوه سجن الحكومه ولا حضني
حياه بصدمه: انت اللي خليت المديره تمضيني على مسؤوليه الطوق علشان توصل لهدفك الحقير ده
مصطفى :ما عندكيش وقت للكلام ده الشرطه على وصول
حياه تمسح دموعها وتحاول تبان انها قويه :انا لو هدي عمري كله في السجن انت مش هتطول حتى ضفري
نرمين :خدوا الحراميه دي يا حضره الظابط من هنا
حياه بعياط :حضرتك صدقني والله العظيم انا ما سرقت حاجه الواطي اللي واقف قدامك ده هو اللي عمل كل ده
مصطفى: انت جات لك الجراه انك تتهميني مش عارفه انت بتتكلمي مع مين لو سمحت يا حضره الظابط خد البنت دي من هنا
العساكر يجروها وهي تبكي :صدقوني والله ما سرقت حاجه الحقير ده هو اللي عمل كل ده
مصطفى بزعيق :خدوا الزباله دي من هنا
💫💫💫💫💫💫💫
في اسم الشرطه
حياه :انا ما سرقتش حاجه يا هناءالواطي اللي اسمه مصطفى يونس هو اللي عمل كل ده علشان رفضته
هناء تاخدها في حضنها :اهدي حياه انت مش هتطولي هنا كتير
حياه بخوف :ما تسيبنيش يا هناء انا ما ليش غيرك انت عارفه ان انا مستحيل امد ايدي على حاجه مش بتاعتي
هناء تخونها دموعها وتنزل: ورب العرش ما هسيبك تقعدي هنا كتير والحيوان اللي جابك هنا هخرجك واحطه مكانك